बराबरीपछि आयरल्यान्ड आइसिसी विश्व क्रिकेट लिग च्याम्पियनसिपको शीर्ष स्थानमा रहँदै छनोट भएको हो। दुई वर्षपछि अस्ट्रेलिया र न्युजिल्यान्डमा हुने विश्व क्रिकेटको सबैभन्दा ठूलो प्रतियोगितालाई आयरल्यान्ड छानिएको यो लगातार तेस्रोपल्ट हो। मंगलबारको नजितापछि आयरल्यान्ड १२ खेलमा ९ जितसहित २० अंक जोड्न सफल भएको थियो।
प्रतियोगिताबाट बाँकी चार टोली स्कटल्यान्ड, नेदरल्यान्ड्स, अफगानिस्तान र संयुक्त अरब इमिरेट्स (युएई) मध्ये एकले दोस्रो टोलीमा विश्वकपको स्थान पक्का गर्नेछ।
आइसिसी विश्व क्रिकेट लिग च्याम्पियनसिपबाट दुई शीर्ष टोली सोझै विश्वकपलाई छानिन्छन् भने छनोट हुन असफल ६ टोलीले दोस्रो अवसर पाउने छन्। जसमा नेपालसहित हङकङ, पपुवा न्युगिनी र युगान्डा सहभागी हुनेछन्। सहभागी १० टोलीमध्ये दुईले विश्वकपको टिकट काट्ने छन्।
मंगलबार इडिन जोएसले ९६, नेल ओ'ब्रायनले ५० तथा पाउल स्टर्लिङले ४९ रन बनाएपछि आयरल्यान्डले निर्धारित ५० ओभरमा ५ विकेट गुमाउँदै २ सय ६८ रन जोडेको थियो। जवाफमा नेदरल्यान्ड्सले पूरा ओभर खेल्दै ९ विकेट क्षतिमा २ सय ६८ रन बनायो।