काठमाडौ, मंसिर २४ - नयाँ खेलाडी सोमपाल कामीलाई सामेल गर्दै वान-डे विश्वकप छनोटका लागि नेपाल क्रिकेट संघ (क्यान) ले आइतबार १५ सदस्यीय राष्ट्रिय टिमको घोषणा गरेको छ । पारस खड्काको नेतृत्वमा रहेको टिममा युवा मिडियम पेस बलर सोमपाल पहिलोपल्ट पर्न सफल भए भने चोटका कारण यूएईमा भएको ट्वान्टी-ट्वान्टी विश्वकप छनोटमा टिममा पर्न असफल पृथु बाँस्कोटाले कमब्याक गरेका छन् ।
यूएई भ्रमण गरेका स्पिनर राहुलकुमार विश्वकर्मा र मिडियम पेस बलर अमृत भट्टराई भने टिमबाट बाहिरिए । अमृतको स्थानमा सोमपाल आए भने राहुलको स्थानमा पृथुलाई ल्याइएको हो । यस्तै, प्रशिक्षक पुबुदु दसानायकेले जर्नी टु वल्र्डकप प्रतियोगिताका अन्तिम दुई खेलमा हेर्न बोलाएका भेट्रान स्पिनर राजकुमार प्रधान टिममा पर्न असफल रहे ।
ट्वान्टी-ट्वान्टी विश्वकप छनोट खेलेका पन्ध्र खेलाडीबाट दुई जनालाई परिवर्तन गरिएको हो । उपकप्तानमा ज्ञानेन्द्र मल्ललाई नै निरन्तरता दिइएको टिममा शरद भेषवाकर, शक्ति गौचन, वसन्त रेग्मी, अनिल मण्डल, विनोद भण्डारी, प्रदीप ऐरी, सागर पुन, जितेन्द्र मुखिया, महेश क्षेत्री, सुवास खकुरेल र अविनाश कर्ण छन् । यस्तै, वैकल्पिक खेलाडीमा नरेशबहादुर बुढाऐर, रामनरेश गिरी, अमृत र राहुल छन् । वान-डे विश्वकप छनोट जनवरी १३ देखि फेब्रुअरी १ सम्म न्युजिल्यान्डमा हुँदैछ ।
'मिहिनेत गरेको थिएँ’
टिममा कमब्याक गर्न सफल अलराउन्डर पृथुले त्यसका लागि धेरै मिहिनेत गरेको कान्तिपुरसँग बताए । उनले भने,'चोटका कारण मैले यूएईमा खेल्न पाइनँ । एक महिनासम्म मैले दैनिक खुट्टाको उपचारमै बिताएँ,' उनले भने,'त्यसपछि मैले दैनिक ५ घन्टा अभ्यास गरिरहें । मिहिनेत गरे फेरि टिममा पर्न सकिन्छ भन्ने मलाई पूर्ण विश्वास थियो ।' उनले एउटा विश्वकपमा नेपाललाई पुर्याउँदा नभए पनि वान-डे विश्वकपमा पुर्याउन आफूले महत्त्वपूर्ण भूमिका खेल्ने बताए । उनले जर्नी टु वल्र्डकपमा ब्याट, बलसँगै फिल्डिङमा राम्रो गरेर प्रशिक्षक पुबुदुको मन जितेका थिए । टिमले न्युजिल्यान्डमा राम्रो गर्न सक्ने पूर्ण विश्वास रहेको प्रशिक्षक पुबुदुले बताए । प्रतियोगिता महत्त्वपूर्ण रहेको र त्यसमा विश्वकप छनोटसँगै वान-डे मान्यता पाउन नेपाली टिमलाई मौका रहेको उनले बताए । उनले धेरै ठाउँमा सुधार गर्नुपर्ने पनि जानकारी दिए ।
source:- ekantipur
काठमाडौ, मंसिर २४ - भनिन्छ, क्षमता र प्रतिभा भए व्यक्तिलाई अघि बढ्न कसैले छेक्न सक्दैन । आइतबार राष्ट्रिय क्रिकेट टिममा पर्न सफल युवा बलर सोमपाल कामीले यही पुष्टि गरे ।
मिडियम पेस बलर सोमपाल काठमाडौं टेकेको चार महिनामै अन्तर्राष्ट्रिय क्रिकेट प्रतियोगिता खेल्न मुलुकका तर्फबाट छनोट भएका हुन् । न्युजिल्यान्डमा जनवरी १३ देखि फेब्रुअरी १ सम्म हुने वान-डे विश्वकप छनोट खेल्न नेपाल क्रिकेट संघ (क्यान) ले घोषणा गरेको पन्ध्र सदस्यीय टिममा उनी पनि छानिएका हुन् । 'छोटो अवधिमै कुशल प्रदर्शन गरेर राष्ट्रिय टिममा पर्ने' १८ वर्षे सोमपाल सम्भवतः पहिलो नेपाली खेलाडी हुन् ।
पुख्र्यौली घर गुल्मी भएका सोमपाल तीन वर्षको उमेरमा परिवारसँगै भारतको पञ्जाबस्थित पटियाला पुगेका थिए । क्रिकेटको देश र क्रिकेटरलाई भगवान्को दर्जामा राखिने ठाउँ पुगेका उनलाई पनि बल फ्याँल्ने र ब्याट घुमाउने जोस चल्यो । 'सानोमा केही समय क्रिकेट हेरेरै बिताएँ,' सोमपालले कान्तिपुरसँग भने, 'बलिङ गर्दा सुरुमा मेरो हात पूरै घुम्दैनथ्यो । त्यसपछि मैले केही समय इँटा लिएर हात घुमाउन थालें र बलिङ गर्न सिकें ।'
उनले पटियाको मल्टिप्रपोज स्कुलमा पढ्दा क्रिकेट खेल्न सिके । मानविकी विषयमा १२ पूरा गरेका सोमपालले भने, 'त्यहाँको इन्डियन पि्रमियर कर्पोरेट लिग खेलें ।' उनका बाबु रामबहादुर पटियालाको विद्युत् कार्यालयमा काम गर्छन् । काका भारतीय आर्मी छन् । रामबहादुर छोरालाई पनि भाइजस्तै आर्मी बनाउन चाहन्थे । 'तर मलाई क्रिकेट मन पर्ने, त्यसैले काकाको जस्तो आर्मीमा जाने सोच बनाइनँ,' उनले सुनाए ।
फेसबुक मित्र काठमाडौंका अर्जुन अधिकारीले उनलाई एक दिन फेसबुकमा सोधे, 'नेपाली नागरिकता छ ?' सोमपाले जवाफ फर्काए, 'मेरो छैन, बुवाको छ ।' लगत्तै गएको भदौमा पहिलोपल्ट उनले काठमाडौं टेके । 'यहाँ आएपछि मिहिनेत गरेर पनि खेल्न थालें र नागरिकता पनि लिएँ,' उनले सुनाए ।
सोमपाल काठमाडौं आएपछि सुरुमा नेपाली क्रिकेट फ्यान क्लबबाट खेल्न थाले । उनको बलिङले सबैलाई चकित पार्यो । तुरुन्तै उनी काठमाडौं जिल्लाको टिममा परे । काठमाडौं क्षेत्र नम्बर-३ बाट सिनियर राष्ट्रिय प्रतियोगिता खेले । तीन साताअघि सकिएको राष्ट्रिय यू-१९ क्रिकेटमा १७ विकेट लिए । यसै साता यू-१९ एसिया कपका लागि पनि उनी नेपाली टिममा पर्न सफल भए ।
उनी अहिले नेपाली मिडियम पेस बलरहरूमध्ये बढी गति फ्याँल्ने खेलाडी हुन् । 'मेरो बलको गति करिब १ सय ३४ किलोमिटर पर-आवर छ,' सोमपालले भने । शनिबार काठमाडौंमा सकिएको जर्नी टु वल्र्ड प्रतियोगिता सोमपालका लागि राष्ट्रिय टिममा अटाउने 'टर्निङ-प्वाइन्ट' रह्यो । उनले चार खेलमा १० विकेट लिए र कीर्तिपुर मैदानमा प्रशिक्षक पुबुदु, कप्तान पारस र सबै नेपाली दर्शकको मन जिते । 'उनको बलिङ न्युजिल्यान्डका घाँसे पिच भएको ठाउँमा राम्रो हुनेछ,' पुबुदुले भने, 'तर उनले अझ धेरै सुधार गर्नुपर्ने छ । एकमहिने प्रशिक्षणमा धेरै सिक्ने छन् ।'
अचानक भारतबाट चार महिनाअघि काठमाडौं आएको आफू नेपाली टिममा पर्न सफल हुनुलाई उनले 'सपना पूरा भएको' बताए । 'मैले अघि बढ्न अझै धेरै मिहिनेत गर्नुपर्छ,' उनले नेपालीपनले मन छोएको खुलाए, 'उता हुँदा मेरो भन्ने थियो, यहाँ आएपछि हाम्रो भन्ने भएको छ । सबैले पे्ररणा दिएका छन् । सबैको आशालाई सफलतामा बदल्न चाहन्छु ।' source:- ekantipur
हालै मात्र शरीरबाट ३ वटा स्टोन झिकेपछि टेलिभिजन स्टार च्यानेली हाइजले केही सन्चो महशुश गरेकी थिइन् । शरीरमा अस्वभाविक रुपमा बढेको तौलका कारण पनि उनी पिडित बन्दै आएकी छिन् ।hot-1२६ बर्षको उमेरमा रमाउँदै गरेकी हाइज हालै मात्र विकिनी लगाएर मस्ती गर्दै गरेको अवस्थमा भेटिइन् । १ बर्ष अघि मात्र बच्चालाई जन्म दिएपछि उनले आफ्नो शरीरलाई अस्वभाविक महशुश गर्दै आएकी थिइन् । शरीरमा कपडा लगाउन गाह्रो हुने गरेको गुनासो उनको थियो । तर पनि हालै मात्र विकिनी लगाएर मस्ती गर्दै गर्दा उनी निक्कै खुलेकी थिइन् ।
लामो समयदेखि मृगौलासंबन्धि रोगबाट पीडित फिल्म निर्देशक शिव रेग्मीको ४९ वर्षको उमेरमा काठमाडौंमा निधन भएको छ ।
लामो समयदेखि मृगौलाको रोगबाट पीडित रेग्मीको २४ मंसीर बिहान पौने ६ बजे
काठमाडौंको बल्खुस्थित बयोधा हस्पिटलमा उपचारका क्रममा निधन भएको हो ।
फिल्म ‘प्रेमपूजा’ बाट लेखन यात्रा थालेका रेग्मीले ‘आफन्त’ बाट फिल्म
निर्देशन शुरु गरेका थिए । उनले निर्देशन गरेका ‘सुखःदुख’, ‘आफ्नो मान्छे’,
‘आफन्त’, ‘हामी तीन भाई’, ‘ए मेरो हजुर’, ‘उपहार’, ‘कहाँ भेटिएला’ लगायतका
चलचित्र दर्शकहरुले निकै रुचाएका थिए ।
उनका ‘पराई’ र ‘मनले मनलाई छुन्छ’ फिल्म रिलिजको तयारीमा छन् ।
२०२१ सालमा चितवनमा जन्मिएका रेग्मी चलचित्र निर्देशनदेखि गीत र स्क्रिप्ट लेखनमा पनि पोख्त थिए ।
रेग्मीको शवलाई आजै गृहजिल्ला चितवनमा अन्त्येष्टि गरिने उनका आफन्तले जनाएका छन् ।
काठमाडौँ - संविधान सभा अदालतले काठमाडौँ क्षेत्र नं ४ का विजयी उम्मेदवार गगन थापा र दोलखा–१ का पार्वत गुरुङलाई १० दिनभित्र संविधान संविधानसभा अदालतमा उपस्थित हुन आदेश जारी गरेको छ।
उक्त अदालतका अध्यक्ष कल्याण श्रेष्ठ तथा सदस्यद्वय गिरीशचन्द्र लाल र सुशीला कार्कीको इजलासले काठमाडौँ–४ का थापा र दोलखा–१ का गुरुङका साथै निर्वाचन आयोग, सम्बन्धित क्षेत्रका निर्वाचन अधिकृत लगायतलाई आवश्यक कागजातसहित १० दिनभित्र उपस्थित हुन भनेको हो।
निर्वाचनमा पराजित दोलखा–१ का एनेकपा(माओवादी)का पराजित उम्मेदवार नेता विशाल खड्काले नेकपा एमालेबाट विजयी पार्वत गुरुङविरुद्ध आज संविधानसभा अदालतमा उजुरी दर्ता गराएका थिए।
यसअघि नेपाली काँग्रेसका उम्मेदवार जीपछिरिङ लामाले पनि विपक्षी गुरुङविरुद्ध संविधानसभा निर्वाचनमा धाकधम्कीसहित गुण्डागर्दी गरेर मतदान केन्द्र कब्जामा लिने काम भएको आरोप लगाउँदै पुनः निर्वाचन गराउन पर्ने माग सहित उजुरी गरेका थिए।
उजुरीमा निर्वाचन आयोग, सम्बन्धित क्षेत्रका निर्वाचन अधिकृतलगायतलाई विपक्षी बनाइएको छ।
-रासस
नेपाली
चलचित्रमा फरक धारकी नायिका खोज्नुपर्दा दिया मास्केको नाम पहिलो नम्बरमा
आउँछ। हिमालपारिको कथा बोकेको 'कागबेनी' होस् कि यौनमनोविज्ञानमा आधारित
चलचित्र 'साँघुरो', दियाले परिष्कृत काम गरिन्। दिया अभिनीत 'सुनगाभा'लाई
नेपाली जुरीले ओस्कारमा पठाउन योग्य नेपाली चलचित्रका रूपमा मनोनीत गरेको
छ। नाटकमा अब्बल दिया कत्थक तथा भारत नाट्यममा पनि पारंगत छिन्। अहिले
चलचित्र उद्योगमा निकै आशा गरिएको अनुप बराल निर्देशित चलचित्र 'फिटकिरी'
सबैको प्रतीक्षामा छ। 'फिटकिरी' मा ग्लामरस नायिकाका रूपमा प्रस्तुत हुन
लागेकी दियासँग कुराकानी।
तपाईं आफूलाई कस्ती नायिका मान्नुहुन्छ ?
म त नायिका नै होइन, कलाकार मात्र हुँ। मलाई नायिका भनेर सम्बोधन गर्दा कस्तो-कस्तो लाग्छ।
मन परे पनि नपरे पनि तपाईं नेपाली चलचित्रकी नायिका नै हो, के भन्नुहुन्छ ?
हो, कलाकार शब्दले अलि फराकिलो अर्थ दिन्छ। नायिकाहरू ग्ल्यामरस हुन्छन्,
उनीहरूमा तडकभडक हुन्छ, कलाकारमा सबैथोक हुन्छ। म कलाकार हुनुअघिसम्म पनि
एक्टर हुन्छु भन्ने सोच्दिनथें। किनभने मेरो विचारमा युवतीहरू कलाकार हुनु
भनेको नायिका हुनु नै थियो। मलाई त्यो कुरा खासै जच्दैनथ्यो।
नायिकाप्रति नै किन नकारात्मक भाव ?
सम्भवतः अचेतन मनमा नायिकाप्रति मेरो खासै राम्रो भाव थिएन। नेपाली
चलचित्रले नायिकालाई ग्लामरस आइटमभन्दा बढी महत्व दिएको छैन भन्ने
लाग्थ्यो। जब काम गर्न थालें, मैले राम्रा मानिसहरूको साथ पाएँ। अभिनयमा
एकैपटक फराकिलो क्षेत्रमा पाइला हाल्ने अवसर पाएँ।
अहिले पनि हिरोइनलाई नराम्रो मान्नुहुन्छ ?
अहिले मान्दिनँ। हिरोइनको अर्थ मैले मुख्य कलाकारको अभिनयको कुरा गरेकी
हुँ। त्यस किसिमको अभिनय मबाट हुन्छ भन्ने लाग्दैनथ्यो। म अभिनय गर्न सक्छु
भन्ने लाग्दैनथ्यो। अहिले सम्झदा लाग्छ, सम्भवतः म यो विषयमा नेगेटिभ
थिएँ कि ?
त्यही भएर सधैं उमेरभन्दा बढी उमेरको भूमिका निर्वाह गर्नुभएको हो ?
मैले चाहेर गरेकी होइन, निर्देशकहरूले त्यस्तो भूमिका दियालाई ठिक हुन्छ
भनेर दिनु भएको हो। नभन्दै त्यस्ता अभिनयले निकै प्रशंसा पनि पाए।
तपाईं अभिनय गर्न चाहनुहुन्नथ्यो भने यो क्षेत्रमा किन प्रवेश गर्नुभयो ?
म कलाकारभन्दा पनि राम्रो डान्सर हुँ। मैले इलाहावाद नाट्य संगीत
विश्वविद्यालयबाट कत्थक नृत्यमा स्नातकोत्तर गरेकी छु। सानो छँदा निर्देशक
तुलसी घिमिरेको 'दुई थोपा आँसु'मा बालकलाकारका रूपमा नृत्य गरेकी थिएँ, जून
त लग्यो ताराले.. मा। सानैमा गरेको उक्त अभिनयले नै मलाई यो क्षेत्रमा
तान्दै लगेको रहेछ।
यो क्षेत्रमा आउनुको जस कसलाई दिनुहुन्छ ?
सानैमा मलाई नृत्यमा पारंगत बनाउने अमर शिशु स्कुल तथा अभिनयमा ल्याउने निर्देशक अनुप बराल।
तपाईं काठमाडौंकी केटी, पहिलो पटक दलनमा अभिनय गर्न पश्चिम नेपाल जाँदाको अनुभव कस्तो थियो ?
त्यो दलितका विषयमा निर्माण गरिएको टेलिश्रृंखला थियो। मैले जातभातको कुरा
सुनेकी थिएँ तर फिल्डमा त्यस्तो दृश्य देखेकी थिइनँ। पर्वत जिल्लाको खोला
गाउँमा ३ महिना बस्दा नेपालको फरक रूप देख्न पाएँ। दलितको समस्या, भाषाको
फरकपन सबै अनुभव गर्न पाएँ।
तपाईंले दलनमा पाकी महिलाका रूपमा काम गर्नुभएको छ, तपाईं नराम्री पनि देखिनुभएको छ, चित्त दुखेन ?
२०-२२ वर्षीया युवतीले त्यसरी पाकी महिलाका रूपमा अभिनय गर्न पाउँदा त
खुसी लाग्यो, तर सधैं यस्तै भूमिका पाइने हो कि भन्ने चिन्ता पनि थियो।
कागबेनीदेखि साँघुरोसम्म आइपुग्दा पनि तपाईं यस्तै चरित्रमा देखिनुभयो, किन ?
निर्देशकहरूको आँखामा म यस्तैमा राम्री देखिन्छु भन्ने पर्यो कि ? जबकि म
बोल्ड क्यारेक्टरमा पनि उत्तिकै फिट छु भन्ने लाग्छ। वास्तवमा मेरो कला आम
दर्शकले हेर्नै पाउनुभएको छैन।
अभिनयमा तपाईंको क्षमता कति उपयोग भएको होला ?
सम्भवतः १५ प्रतिशत।
नृत्यमा नि ?
म कत्थक र भरत नाट्यममा पोख्त छु। म नृत्यकै लागि जन्मिएकी हुँ ।
सुनगाभामा मेरो नृत्यप्रतिभाको केही अंश देखाउने अवसर पाएकी छु। अहिलेसम्म
दर्शकले मेरो नृत्यको ५ प्रतिशतजति मात्र प्रतिभा हेर्न पाउनुभएको छ। म
नृत्य र अभिनयमा धेरै राम्रो गर्न सक्छु।
कुन अभिनयमा पारंगत छु भन्ने लाग्छ ?
मेरो स्टयान्डवाई कमेडी निकै राम्रो छ। म बोल्ड युवतीको भूमिकामा युवकहरूलाई गलाउन सक्छु।
त्यही भएर फिटकिरीमा बोल्ड र आधुनिक युवतीको भूमिकामा देखिनुभएको हो ?
हो, यो चलचित्रपछि मेरो जवानी देख्न पाइनेछ। नेपाली चलचित्रका लागि म बल्ल
तरुनी भएँ। मेरो नृत्य प्रतिभालाई पनि फिटकीरीमा राम्रैसँग प्रस्तुत गरेकी
छु।
यति बोल्ड चरित्र निर्वाह गर्दै हुनुहुन्छ। दर्शकको नजरमा भने तपाईं अझै ननग्ल्यामर हिरोइन हुनुहुन्छ, कसरी पत्याउलान् र ?
म बोल्ड र ग्लामरस छु। अब कसरी छु, त्यो त चलचित्रको प्रदर्शनपछि नै थाहा
हुन्छ, जहाँसम्म मेरो क्षमताको कुरा छ, मलाई त्यसको प्रचार गर्न आउँदैन।
आफ्नो मार्केटिङ गर्ने कुरामा म झुर छु। संसारभरका नायिकाहरू स्पेसल फोटो
सुट गर्छन्, यहाँ पनि गरिन्छ। मैले भने अहिलेसम्म त्यस्तो फोटो सुट नै
गराएकी छैन।
तपाईंले काम गरेका धेरैजसो चलचित्रमा अन्तरंग दृश्यहरू छन्, अविवाहित युवतीले यस्ता दृश्य गर्नुपर्दा के सोच्नुहुन्छ ?
त्यसलाई म केवल कामका रूपमा हेर्छु। अविवाहित युवतीलाई सुटिङ स्पटमा
त्यस्ता दृश्य दर्जनौं व्यक्तिका अघि गर्नुपर्दा सहज लाग्न सक्दैन। तैपनि म
भाग्यमानी छु, किनभने मैले असल निर्देशकहरू पाएँ। उहाँहरूले त्यस्ता
दृश्यमा काम गराउँदा एकदमै सहज वातावरण बनाइदिनुहुन्छ।
तपाईं केही समयदेखि एक जना निर्देशकको प्रेममा हुनुहुन्छ भन्ने बजार हल्ला छ, के भन्नुहुन्छ ?
बजार हल्ला कहाँ सत्य हुन्छ र ?
त्यसो भए प्रेममा हुनुहुन्न ?
मैले कहाँ त्यसो भने र ? म सानैदेखि आमा-बुवाको प्रेममा छु, साथीभाइको प्रेममा छु। प्रेमबिना को बाँच्न सक्छ र ?
तरुनी युवतीले आफ्नो श्रीमान् छान्ने खालको प्रेमको कुरा गरेको।
हुन सक्छ, तरुनी युवतीले आफ्नो प्रेमी खोज्नु कुन ठूलो कुरा भयो र ?
यो त कूटनीतिक उत्तर भयो। स्पष्ट शब्दमा भन्न मिल्दैन ?
के भन्नु ?
प्रेममा हुनुहुन्छ कि हुनुहुन्न ?
छु।
विवाह कहिले गर्ने ?
प्रेम हामीले गर्यौं। विवाह गर्नु उपयुक्त छ कि छैन भनेर सोच्ने जिम्मा
भने परिवारलाई दिएका छौं। परिवारले स्वीकृति दियो भने विवाह गर्छौ।
मार्केट भ्यालु घटेको भन्दै 'एउटा साथी टिम'बाट सुमिना घिमिरेलाई हटाई अनु
शाहलाई अनुबन्ध गरिएको छ । लक्ष्मण सुवेदीको उक्त डेब्यू फिल्ममा यस अघि
सुमिना सिनियर हिरोईनको रुपमा खेल्ने बताईएको
थियो । दुई महिना अघिको प्रेस मिटमा पनि सुमिना फिल्म खेल्ने भन्दै
देखापरेकी थिईन् तर अचानक तीन दिन अघि एउटा साथी टिमले सुमिनालाई छुट्याएको
भाग खोसेर अनु शाहलाई दिएको हो ।
वर्कसपको चरणमा रहेको एउटा साथी
शोभित बस्नेतको प्रोडक्सन हाउस सलोन फिल्मस मार्फत बन्न लागेको हो । यस
फिल्ममा शोभितका छोरा सलोन, रिश्ता बस्नेत, करिश्मा श्रेष्ठ लगायतका कलाकार
अनुबन्ध भईसकेका छन् । बुझिए अनुसार जर्नलिष्ट बिजय आवाज संगको कन्टोभर्सी
पश्चात डाउन भएको सुमिनाको मार्केट लभ फरेभर र स्टार फिल्मबाट समेत उकालो
चढ्न नसेकपछि निर्देशक सुवेदीले सुमिनालाई हटाउदै अनुलाई लिने निर्णय गरेका
हुन । यो बिषयमा बुझन् खोज्दा निर्देशक सुवेदीले सुमिनालाई हटाउनुको कारण
बारे स्पष्ट हुनेगरी बोलेनन् । उनले भने– 'सुमिनाको ठाँउमा अनु फाईनल भएकी
छिन् बस यति बुझ्नु ।'
काठमाडौं, मंसिर २३ - आइसिसी विश्वकप क्रिकेटको छनौट चरणका लागि नेपाल क्रिकेट संघ क्यानले नेपाली टिमको घोषणा गरेको छ ।
युएईमा
भएको ट्वान्टी–ट्वान्टी विश्वकप छनौट प्रतियोगितामा तेश्रो हुँदै
विश्वकपमा छानिएको टोलीमा २ परिवर्तन गर्दै क्यानले ५० ओभरको विश्वकप
छनौटका लागि टोलीको घोषणा गरेको हो ।
काठमाडौंमा भएको
जर्नी टु वर्ल्ड कप क्रिकेटमा उत्कृष्ट प्रदर्शन गरेको बलर सोमपाल कामी
टोलीमा परेका छन् । यस्तै चोटका कारण ट्वान्टी–ट्वान्टी छनौट नखेलेको पृथु
बास्कोटाले पनि टिममा स्थान बनाएका छन् ।
ट्वान्टी–ट्वान्टी
टोलीमा रहेका राहुल बिक र अमृत भट्टराई भने यो पटक बैकल्पिकमा परेका छन् ।
आइसिसीको आयोजनामा न्यूजिल्याण्डमा जनवरी १३ देखि फ्रेबु्रअरी १ सम्म
विश्वकप छनौट हुँदै छ ।
छनौट भएका खेलाडीहरुः
१. पारस खड्का – कप्तान २. ज्ञानेन्द्र मल्ल –उप–कप्तान ३. शरद भेषावकर
४. सोमपाल कामी ५. शक्ति गौचन ६. वसन्त रेग्मी
७. प्रिथु बा“स्कोटा ८. विनोद भण्डारी ९. प्रदीप ऐरी
१०. अनिल मण्डल ११. सागर पुन १२. जितेन्द्र मुखिया
१३. महेश क्षेत्री १४. सुवास खकुरेल १५. अभिनाश कर्ण
बैकल्पिक खेलाडीहरुः
नरेश बहादुर बुढाऐर रामनरेश गिरी अमृत भट्टराई राहुल वि.क.
टी–ट्वान्टी विश्वकपमा पुगेको राष्ट्रिय क्रिकेट टीमका खेलाडीलाई नगर परिक्रमा गरिएको छ । नेपाललाई विश्वकपमा पुर्याएको खेलाडीको सम्मानमा १९ मंसीरमा नगर परिक्रमा गरिएको हो ।
नेपाल क्रिकेट संघ (क्यान)ले आयोजना गरेको नगर परिक्रमा मध्यान्ह १२ बजे नक्सालको होटल क्राउन प्लाजाबाट शुरु भएको थियो । होटल क्राउनबाट शुरु भएको परिक्रमा दरबारमार्ग, बागबजार, पुतलीसडक, भृकुटीमण्डप, भद्रकाली, सहिदगेट हुँदै राष्ट्रिय खेलकुद परिषद् त्रिपुरेश्वरमा पुगेर सकिएको थियो ।
खेलाडीको सम्मानमा क्रिकेट समर्थकको बाक्लो उपस्थिती थियो ।
युएईमा छनोट खेलमा सहभागी खेलाडी १६ मंसीरमा स्वदेश फर्किएका थिए । आईसीसी ट्वान्टी–२० विश्वकप छनोटमा १२ मंसीरमा हङकङलाई हराउँदै नेपाल ट्वान्टी– २० विश्वकपमा पुगेको छ । प्रतियोगितामा नेपालले तेस्रो स्थान हात पार्यो । अबुधावीमा १५ मंसीरमा आयोजक युएईलाई ५ विकेटले हराउँदै नेपाल तेस्रो भएको हो ।
नेपालले२९ पुषदेखि न्यूजिल्याण्डमा एक दिवसीय विश्वकप छनोट खेल्दैछ । त्यसलगत्तै २ चैतदेखि बंगलादेशमा हुने ट्वान्टी– २० विश्वकप क्रिकेटमा नेपाली क्रिकेट टीम सहभागी हुँदैछ ।
भारतविरुद्धको तीनवटा एक दिवसिय क्रिकेट श्रृङखलाको पहिलो खेलमा दक्षिण अफ्रिकाले सानदार जीत दर्ता गरेको छ ।जोहानेसवर्गका विहिबार राति सम्पन्न खेलमा घरेलु टोली दक्षिण अफ्रिकाले भारतलाई १ सय ४१ रनको फराकिलो अन्तरले पराजीत गरेको हो । दक्षिण अफ्रिकाले प्रस्तुत गरेको ३ सय ५९ रनको लक्ष्य पछ्याउने क्रममा भारतले ४१ ओभरमा आफ्ना सबै विकेट गुमाउदै केवल २ सय १७ रन मात्र जोड्न सक्यो । भारतका लागि कप्तान महेन्द्रसिंह धोनीले सर्वाधिक ६५ रन जोड्दा विराट कोहलीले ३१ रनको योगदान गरेका थिए । भारतको इनिङ धराशायी बनाउन दक्षिण अफ्रिकी बलरद्धय डेल स्टेन र ¥यान माईकलारेनले समान ३–३ विकेट हात पारे । यस अघि टस हारेर पहिले ब्याटिङ गरेको दक्षिण अफ्रिकाले सानदार ब्याटिङको नमुना प्रस्तत गरेको थियो । दक्षिण अफ्रिकाले निर्धारित ५० ओभरमा ४ विकेट गुमाउदै ३ सय ५८ रन जोडेको थियो । क्विन्टन डि ककले दक्षिण अफ्रिकाका लागि १ सय ३५ रनको योगदान गर्दा एवी डि भिलियर्सले केवल ४७ बलको सामना गर्दै ७७ रन जोडेका थिए । त्यस्तै ओपनर हसिम अमलाले ६६ रनमा आउट हुदा जेपी डुमिनी ५९ रनमा नटआउट रहे । डुमिनीले केवल २९ बलको समाना गरेका थिए । भारतीय बलर मोहमद सामीले सर्वाधिक तीन विकेट हात पारे भने १० ओभरमा ८२ रन खर्चेका मोहित शर्मा सर्वाधिक महंगा सावित भए । यस जितसंगै दक्षिण अफ्रिकाले श्रृङखलामा १–० को अग्रता लिएको छ । यी दुई टोलीबीचको दोस्रो एक दिवसिय आइतबार हुनेछ ।
काठमाडौं– एकदिवसीय विश्वकप २०१५ छनोटअन्तर्गत अन्तिम चरणमा अर्को महिना न्युजिल्यान्डमा नेपाली राष्ट्रिय क्रिकेट टोलीले क्यानाडा, स्कटल्यान्ड, हङकङ र युएईलाई प्रतिद्वन्द्वीमा पाएको छ।
अन्तर्राष्ट्रिय क्रिकेट परिषद्ले बुधबार सार्वजनिक गरेको एकदिवसीय विश्वकप छनोट 'ड्र' को समूह 'ए' मा नेपालले परिचित प्रतिद्वन्द्वी पाउँदा अर्को समूहमा नेदरल्यान्डस, केन्या, पपुवा न्युगिनी, नामिबिया र युगान्डा परेका छन्।
दुई वर्षपछि अस्ट्रेलिया र न्युजिल्यान्डले संयुक्त रूपमा गर्ने विश्वकपको अन्तिम चरणको छनोट प्रतियोगिता पुस २९ देखि माघ १८ सम्म (जनवरी १३ देखि फेब्रुअरी १) सम्म न्युजिल्यान्डको क्राइसचर्चमा हुनेछ। प्रतियोगिताले २०१५ को फेब्रुअरी १४ देखि मार्च १५ सम्म हुने विश्वकपका बाँकी दुई स्थानलाई टोली छनोट गर्नेछ।
नेपालले जनवरी १३ मा युएईसँग खेलेर प्रतियोगिताको सुरुआत गर्नेछ। नेपाल र युएई भर्खरै बंगलादेशमा मार्चमा हुने आइसिसी ट्वान्टी–२० विश्वकपमा छानिएका राष्ट्र हुन्। समूह चरणका बाँकी खेलमा नेपालले जनवरी १६ मा स्कटल्यान्ड, १९ मा हङकङ तथा २१ मा क्यानाडासँग प्रतिस्पर्धा गर्नेछ।
दुवै समूहका शीर्ष तीन टोली सुपर सिक्स प्लेअफमा छानिने छन्। त्यसबाट शीर्ष दुई टोलीले विश्वकपको टिकट काट्ने छन् भने तेस्रो र चौथो हुने टोलीले चार वर्षका लागि एकदिवसीय मान्यता पाउने छन्।
आइसिसीका अध्यक्ष एलान इसाकले न्युजिल्यान्डमा एसोसिएट र एफिलिएटेड देशबीच राम्रो प्रतिस्पर्धा हुने अपेक्षा गरे। 'मेरो विचारमा न्युजिल्यान्डमा केही सनसनीपूर्ण खेल हुनेछन्,' उनलाई उद्धृत गर्दै अन्तर्राष्ट्रिय समाचारहरूमा जनाइएको छ। आइसिसीको एसोसिएट तथा एफिलिएटेड सदस्य राष्ट्रबाट अफगानिस्तान र आयरल्यान्ड एकदिवसीय विश्वकपमा छनोट भइसकेका छन्।
नेपालले छनोट चरणमा प्रतिस्पर्धा गर्नुअघि दुई वार्मअप म्याच खेल्नेछ। पुस २६ मा नामिबिया र पुस २७ मा केन्यासँग क्राइसचर्चमा खेल्नेछ।
पछिल्लो समयमा नेपाली चलचित्र क्षेत्रकी अभिनेत्री तथा निर्मात्रीका रूपमा चिनिने उमा बेबी कलाकारिताको सफलतामा मोडलिङको महत्वपूर्ण भूमिका हुने बताउँछिन् । भारतको सिक्किममा सन् १९८४ मा जन्मिएकीउमा १४ वर्षको उमेर देखिकै मोडलिङमा लागेकी थिइन् । उनले सन् १९९७ देखि मोडलिङ सुरुवात गरेकी थिइन् ।
सिक्किममा कल्चरल डान्सबाट आफूले मोडलिङमा पाइला राखेको अभिनेत्री उमा बेबीले बताइन् । सिक्किममा आफूले एल्बमको म्युजिक भिडियो हँदै, विभिन्न विज्ञापनमा मोडलिङ गरेको बताइन् । सिक्किममै बसेर उमाले करिब २ दर्जन म्युजिक भिडियो पनि गरेको बताइन्् । उनले भनिन्, ‘मोडलिङ गर्दागर्दै सिक्किममै आफूले धेरै चलचित्रहरुमा अभिनय पनि गरेकी थिएँ । सायद मोडलिङबाट नआएको भए चलचित्रमा सफलता पाउन सक्दिनँ थिएँ होला ।’
नेपाली चलचित्र क्षेत्रमा आफूलाई वरिष्ठ चलचित्र निर्देशक तुलसी घिमिरेले ल्याएको बताइन् । मोडलिङमै सक्रिय हुँदाहुँदै आफूलाई नेपाली चलचित्र क्षेत्रमा भित्र्याएको अभिनेत्री तथा निर्मात्री उमाले बताइन् । चलचित्र ‘लहना’को अडिसनमा आफू जाँदा निर्देशक तुलसी घिमिरेसंग भेट भएको उमाले बताइन् । अडिसनमा जाँदा सानै उमेर भएकाले तुलसी घिमिरेले फोन नम्बर लगेर करिब ५–६ वर्षपछि फोन गरेर नेपाली मोडलिङ क्षेत्रमा भित्र्याएको बताइन् । नेपालमा आएर पहिलो चोटी आफूले निर्देशक तुलसीसँग टेलिसिरियल झझल्को गरेको बताइन् । सो टेलिसिरियलमा आफू नै मूख्य पात्र भएको पनि उमाले बताइन् । नेपाली चलचित्रमा चाहिँ अभिनेत्री उमाले निर्देशक तुलसीकै चलचित्र जुनेलीबाट डेब्यु गरेकी थिइन् ।
नेपाली चलचित्र क्षेत्रका मनपर्ने कलाकारमा अभिनेत्री करिष्मा मानन्धर र अभिनेतामा भुपेन चन्द रहेको बताइन् । भनिन्, ‘करिष्मा दिदीको अभिनय हेरेर म आफूलाई पनि केही नयाँ गर्ने कोशिस गरेरहेकी छु । र, भुपेनको कलाकारिता धेरै राम्रो छ । उहाँबाट पनि मैले धरै कुरा सिकेकी छु,’ अभिनेत्री उमाले बताइन् ।
सौर्यसँगको कुराकानीकै क्रममा फरक प्रसंगको कुराको क्रममा प्रेमका बारेमा अभिनेत्री उमाले केही भावुक भएर बताइन् । संसार प्रेमविना अधुरो रहेको बताउँदै अभिनेत्री उमा बेबीले प्रेम नै जीवन रहेको प्रस्ट्याइन् । सेक्सको बारेमा धारणा पोख्दै उनले उमेर पुग्ने बित्तिकै सेक्स गर्न नमिल्ने बताइन् । १६–१७ वर्ष पुगेपछि उमेर पुग्यो भनेर विवाहबन्धन नजोडी सेक्स गर्न नमिल्ने धारणा अभिनेत्री बेबीले राखिन् । भनिन्, ‘मैले १० कक्षा पढ्दापढ्दै विवाह गरेँ । विवाह गर्नुभन्दा अगाडि मैले कुनै पनि पुरुषसँग सेक्ससम्बन्ध राखिन । विवाहपछि त राख्न परिहाल्यो नि † र, समाजलाई पनि सो सम्बन्ध स्वीकार्य हुन्छ ।’
काठमाडौं - राजधानीमा जारी सगरमाथा जर्नी टू विश्वकप क्रिकेट प्रतियोगिताको आजको खेलमा नेपाली टोलीले सिंगापुरको राष्ट्रिय टोलीलाई २ सय २७ रनले पराजित गरेको छ। ४५ ओभरको खेलमा टस हारेर व्याटिङका लागि सिंगापुरले निम्त्याएपछि नेपालले ५ विकेट गुमाउँदै ३ सय १३ रनको बलियो योगफल तयार पारेको थियो।
प्रत्युत्तरमा ३ सय १४ रनको लक्ष्य लिएर आएको सिंगापुरले १७.१ ओभरमा अल आउट भयो। सिंगापुर ८६ रनमै अल आउट हुन पुग्यो। नेपालका लागि शरद भेषावकरले ९१ रन बनाए। त्यस्तै सुवास खकुरेलले ७५ रन, अनिल मणडलले ५८ तथा ज्ञानेन्द्र मल्लले ४८ रन बनाए।
कलाको अर्थ दिन दुई गुना रात चौगुना बदलिँदै गएको छ । आर्ट परफर्मेन्सको नाममा आजकल विभिन्न प्रयोग हुने गरेका छन् । एक पार्ट टाइम कलाकार यस्तै कामले चर्चा र विवादमा आएका छन् ।
३६ वर्षीय नेट हिल एक स्वघोषित परफर्मेन्स कलाकार हुन् । न्यूयोर्कमा बस्ने नेटले आफ्नो कलालाई ‘ट्रफी स्काटर्स’ नाम दिएका छन् । मिश्रति जातिको रिलेशनशिप देखाउने उनको कलाले समाजिक सञ्जाल प्रयोगकर्ताहरुको ध्यान मात्र तालेको छैन, चर्को विरोध पनि भएको छ । उनले विभिन्न पोजमा नग्न युवती बोकेका छन् ।
उनको इस्टाग्राममा ७ हजार ५ सय फलोअर छन् । तर, आफ्नै श्रीमतीलाई भने उनले ब्लक गरेका छन् । आफ्नो कामबारे थाहा नहोस् भनेर श्रीमतीलाई ब्लक गरेको उनले एक अन्तर्वार्तामा बताएका छन् । मेडिकल ल्याबमा काम गर्ने उनको कला पार्टटाइम शौख हो ।
आज मिति २०७० मंसिर २१ गते बिहीबार । राजधानीबाट प्रकाशित आजका दैनिक पत्रिकाले नेपालका सबै वायु सेवा युरोपको कालोसूचीमा परेको र नेपालमा चिनियाँ जहाज भित्र्याएपछि इयुले प्रतिबन्ध लगाएको खबरलाई प्राथमिकताका साथ छापेका छन् ।
नागरिक दैनिकले नाडी छाम्दै कांग्रेस र एमाले शीर्षकको खबरलाई मुख्य बनाएको छ भने कखरा सिक्दै गरेको बालक आमासँगै जेलमा बस्नुपरेको खबरलाई कान्तिपुर दैनिकले मुख्य खबर बनाएको छ ।
राष्ट्रपति नयाँ सदनले चुन्नुपर्ने भएकाले निर्णय भएको नयाँ पत्रिकामा खबर छ भने चुनाव धाँधली आधारहीन भनेर सेनाले भनेको राजधानी दैनिकमा मुख्य खबर छ ।
बलिउड नायिका सोनाक्षी सिन्हाले नायक शाहरुख खानसँग रोमान्सको इच्छा देखाएकी छिन् ।
सन् २०१० मा दबंगमार्फत् भारतीय सिने उद्योगमा डेब्यु गरेकी सोनाक्षीलाई सलमान खानले यो उद्योगीमा पहिचान दिलाएका थिए । त्यसयता उनले अक्षयकुमारदेखि रणवीर सिंहसम्मका नायकसँग अनस्क्रिन रोमान्स गर्न भ्याइसकेकी छिन् ।
हालै एक भारतीय संचारमाध्यमसँगको अन्र्तवार्तामा उनले शाहरुख खानसँग रोमान्स गर्ने आफ्नो धोको बाँकी नै रहेको खुलासा गरिन् । ‘शाहरुखसँग खेल्नका लागि जुनसुकै फिल्मको अफर आए पनि मैले तुरुन्तै ओके गरिदिन्छु’ सोनाक्षीले भनिन् ।
सलमान र शाहरुखको दुस्मनी बुझ्नेहरुका लागि भने सोनाक्षीको यो चाहना आश्चर्यचकित पार्ने खालको छ । के सोनाक्षी गडफादर सलमानलाई दुःखी तुल्याउँदै सलमानको अंगालोमा बाँधिएलिन त ?
भीम निरौलाले गाएको ‘सण्डे मर्निङ लभ यु’लाई युट्युवमा दश लाख दर्शकले हेरेका छन् । अक्टोवर १२ मा युट्युवमा अपलोड भएको निरौलाको अफिसियल भिडियो डेढ महिनाको अबधिमा यति धेरै दर्शकले हेरिसकेका छन् ।
जहाँ करिव १२ हजारले यो गीतलाई लाइक गरेका छन भने झण्डै ६ हजारले गीतमाथि प्रतिक्रिया जनाएका छन् । नेपाली गायकको गीत ग्लोबल अडियन्समाझ यति छिटो भाइरल भएको सायद यो पहिलो घटना हो ।
हाल बेलायतमा बसोबास गरिरहेका निरौलाले करिव २० बर्षअघि नेपाली लोकगीतहरु गाउँदै आएका थिए । तर, सण्डे मर्निङ लभ युले उनलाई गीतसँगीतको क्षेत्रमा बिश्वब्यापी पहिचान दिलायो । यही गीतकै माध्यमबाट उनी संसारभर छरिएर रहेका नेपालीमाझ चिनिन पनि पाए ।
गीत चर्चित भएसँगै अहिले निरौला बिभिन्न सामुदायिक स्टेज कार्यक्रमहरु ब्यस्त हुन थालेका छन् ।
काठमाडौं– ट्वान्टी–२० विश्वकपमा पुगेको नेपाली क्रिकेट टोलीलाई सशस्त्र प्रहरी बलले नगदसहित सम्मान गरेको छ। बिहीबार आयोजित कार्यक्रममा सशस्त्र प्रहरीले नेपाली टोलीलाई नगद ४ लाख दिएर सम्मान गरेको हो।
सशस्त्रका प्रहरी महानिरिक्षक कोषराज वन्तले कप्तान पारस खड्कालाई ४ लाखको चेक हस्तान्तरण गरे। युएईमा यसै हप्ता सम्पन्न आइसिसी विश्व ट्वान्टी–२० छनोटमा तेस्रो स्थान हात पार्दै नेपाल अर्को वर्ष बंगलादेशमा हुने विश्व ट्वान्टी–२० लाई छनोट भएको थियो।
ट्वान्टी–२० विश्वकपमा छनोट भएको १५ सदस्य नेपाली टोलीमा सशस्त्र प्रहरीको नेपाल एपिएफ क्लबका कप्तान पारससहित उपकप्तान ज्ञानेन्द्र मल्ल, सुवास खकुरेल, शरद भेषावकर, शक्ति गौचन, वसन्त रेग्मी, अमृत भट्टराई र प्रदीप ऐरी गरी ८ खेलाडी थिए। सुवासले नेपालबाट सर्वाधिक २ सय ३४ रन र वसन्तले सर्वाधिक १४ विकेट लिए। पारसले २ सय ३२ रनका साथै ११ विकेट लिए। ज्ञानेन्द्रले २ सय १० रन बनाए भने नेपालले दोस्रो ब्याटिङ गरेर ५ खेल जित्दा ४ मा विजयी रन बटुलेका शरदले १ सय झन्डै १ सय ३० को स्ट्राइक रेटमा १ सय ४० रन बनाए।
सशस्त्रकै दुई खेलाडी पृथु बाँस्कोटा र सञ्जम रेग्मी चोटका कारण नेपाली टोलीमा थिएनन्। विभागीय क्रिकेट बनाउने सशस्त्र नेपालको पहिलो टोली हो
काठमाडौं-दक्षिण अफ्रीकाका पूर्व राष्ट्रपति नेल्सन मण्डेलाको निधन भएको छ। उनको ९५ बर्षको उमेरमा निधन भएको हो। सेप्टेम्बरमा अस्पतालबाट डिस्चार्ज भए पछी उनको घरमानै उपचार भैरहेको थियो।
मण्डेलाको निधन पछी दक्षिण अफ्रिकाका राष्ट्रपति जेबक जूमाले भने 'साथिहरु हो हाम्रा प्यारा नेता नेल्सन मण्डेला, हाम्रो लोकतान्त्रिक राष्ट्रका संस्थापक राष्ट्रपति हामीलाई छोडेर जानु भएको छ।' उनले देशका पिताको निधनले अपुर्णिय क्षति भएको बताएका छन्।
१९९३ मा नोवेल शान्ति पुरस्कार विजेता मण्डेला रंगवभेदी आन्दोलनका नायक थिए। आन्दोलनका दौरान उनले २७ बर्ष जेल जीबन विताएका थिए। उनले २००४ देखी सार्वजनिक जीवन देखी बिदा लिएका थिए। मण्डेलाको जन्म १९१८ मा इर्स्टन केप अफ साउथ अफ्रीकाको सानो गाउँमा भएको थियो।
काठमाडौ, मंसिर ५ – ‘भण्डारीको छक्का मैले अहिलेसम्म देखेको उत्कृष्ट सट मध्येको एक हो’ अन्तर्राष्ट्रिय क्रिकेट परिषद् (आइसिसी) का ग्लोवल डेभलपमेन्ट म्यानेजर टिम एण्डेरसनले युएईको अंग्रेजी दैनिक पत्रिका दि नेशनलसँग भनेका छन् ‘यो साहसिक सट थियो ।’
पपुवा न्यूगिनी विरुद्धको खेलमा नेपाललाई जिताउन निर्णायक भूमिका खेलेका विनोद भण्डारीले प्रहार गरेको अन्तिम छक्का अहिले निकै चर्चामा छ र त्यो छक्का क्रिकेटको दुनियाँमा उत्कृष्ट छक्कामा दरिन पुगेको छ ।
हरेक खेलमा फरक फरक नेपाली खेलाडीले उत्कृष्ट प्रदर्शन गरेपछि अहिले नेपाली टिम र खेलाडिको प्रतिभाका विषयमा सकारात्मक बहस पनि चलिरहेको छ । पारस खड्का र शरद भेषावकरको विषयमा राम्रो स्टोरी लेखेको युएईको अंग्रेजी दैनिक दि नेशनलले विनोद भण्डारीको छक्का र उनको प्रतिभाका विषयमा पनि कलम चलाएको छ । के लेख्यो त यूएईको अंग्रेजी दैनिक दि नेशनलले विनोद भण्डारीका बारेमा ?
पढ्नुस् त्यसको नेपाली अनुवाद —
हुनत अन्तराष्ट्रिय क्रिकेट काउन्सिलले यस विश्व टी—२० छनौट प्रतियोगिताको उत्कृष्ट सटका लगि कुनै पुरस्कारको ब्यवस्था गरेको छैन । यदि गरेको भए, विनोद भन्डारीले घर लैजानका लागि त्यो ट्रफी आफनो झोलामा हालिसकेका हुने थिए ।
श्रीलंकाली ब्याटसम्यान तिलकरत्ने दिलसानले विकास गरेको सट ‘दिलस्कुप’ भन्दा कुनै उत्कृष्ट सट कसैले खेलेको छ भने त्यो यी नेपाली ब्याट्सम्यानले पपुवा न्युगिनी विरुद्दको मंगलवारको खेलमा लक्ष्य पछ्याउने क्रमका प्रहार गरेको अन्तिम छक्का थियो, जसले यूट्यूवमा १० लाख दर्शक सजिलै पाउन सक्छ ।
आफ्नो शारीरिक सुरक्षाको पनि वास्तानै नगरी उनले पपुवा न्युगिनीका तिब्र गतिका वलर विली गाभेरको बाउन्सर बललाई विकेट किपर माथि वाट ३० यार्ड पछाडिको बाउन्ड्री माथिको बाटो देखाउँदै शानदार विजयी छक्का प्रहार गरेका थिए ।
शारजाँह क्रिकेट स्टेडियममा उपस्थित केही भाग्यमानी दर्शकले विनोदको यो छक्कालाई आफुले क्रिकेट दर्शकका रुपमा देखेको अहिलेसम्मकै उत्कृष्ट सट भएको खुशी—खुशी स्वीकार गरेका थिए । यो छक्कासंगै नेपालले खेलेको अहिलेसम्मका ४ वटा ग्रुप म्याचमा तेश्रो जित दर्ता गराउन सफल भएको छ ।
‘विनोद हाम्रो टिमको सबैभन्दा प्रतिभाशाली टी— २० ब्याटसम्यान हो’ नेपाली टिमका क्याप्टेन पारस खड्काले विनोदको प्रशंसा गर्दै भने । विनोदले आफ्नो ५१ रनको उत्कृष्ट पारीमा ६ छक्का प्रहार गर्दै आफनो टिमलाई ७ विकेटको महत्वपूर्ण जित दिलाए ।
‘टिमका रुपमा हम्रा सवै खेलाडी बलिङ, ब्याटिङ तथा फिल्डिङ सवै क्षेत्रमा आफनो प्रतिभा प्रर्दशन गर्न स्वतन्त्र छन्’ लामो समयको निरन्तर अभ्यासपछि आफ्ना खेलाडीले प्रतिभा प्रर्दशन गर्न शुरु गरेको नेपाली प्रशिक्षक पुवुदु दासानायकेले भने 'यसले हाम्रो टिमको सामर्थ्य जनाउँछ । हाम्रो सामर्थ्यको परीक्षा यो हदसम्म कहिल्यै भएको थिएन, खेलाडीको बढ्दो आत्मविश्वास देखेर म खुशी छु । खासगरी पारसमा आएको परिपक्वता र जस्तोसुकै परिस्थितिलाईलाई ह्याण्डल गर्ने क्षमताले मलाई आनन्दित तुल्याउँछ । हाम्रो टिममा ठूला सट खेल्न सक्षम खेलाडी छन्, जसले खेलको दिशा कुनैपनि समय परिर्वतन गर्न सक्छन् । उनीहरु यो स्तरको खेलमा अभ्यस्त हुनु मात्र जरुरी छ ।’
पपुवा न्युगिनी विरुद्वको यो सफलता नेपालका लागि विश्वकप छनौटका लागि महत्वपुर्ण त छदैँछ यो स्तरको जित टिमका लागि आफैमा ठूलो उपलब्धि हो । यिनीहरुले देखाएको खेलको लेभलले यी मध्ये कुनै पनि टिमले बंगलादेशमा हुने आगामी टी—२० विश्वकपमा पाहुनाका रुपमा स्वागत पाउन सक्नेछन् । पपुवा न्युगिनीका ब्याटसम्यानहरुले पनि रामै ब्याटिङ गरेका थिए । इङ्ल्याण्डको राष्ट्रिय टिमबाट खेलिसकेका गेरिएन्ट जोन्सले पपुवा न्युगिनीका लागि उत्कृष्ट ५५ रनको योगदान गरेका थिए ।
‘भण्डारीको छक्का मैले अहिलेसम्म देखेको उत्कृष्ट सट मध्येको एक हो’ आईसीसीका ग्लोवल डेभलेपमेन्ट म्यानेजर टीम एण्डेरसनले भने ‘यो साहसिक सट थियो र आजको क्रिकेट खेल उत्कृष्ट थियो । पपुवा न्युगिनी यो प्रतियोगिताको राम्रो टिम मध्येको एक हो । मलाई विश्वास छ ,प्रतियोगितको अन्त्यसम्म यी टिम छानिने मध्येको एक हुनेछ ।’
यतिबेला नायिका सुमिना घिमिरेको चर्चा अभिनयले भन्दा पनि ग्ल्यामर छविका कारण धेरै छ । पछिल्ला समयमा उनले अभिनय गरेका अधिकांश चलचित्र एडल्ट सर्टिफिकेटले सिंगारिएका छन् । यसैले पनि सुमिना एडल्ट नायिकाको रुपमा परिचित हुँदै गएकी छिन् ।उनै सुमिनालाई स्टार बनाएर तयार पारिएको चलचित्र ‘स्टार’ यतिबेला देशभरका हलमा चलिरहेको छ । देशका केही स्थानमा भने यो चलचित्र कात्तिक ८ गतेबाट चल्नेछ । संचारकर्मी लक्ष्मण सुवेदी कार्यकारी निर्माता रहेको यो चलचित्रलाई महेन्द्र बुढाथोकीले निर्देशन गरेका हुन् । वुढाथोकी चलचित्रका निर्माता समेत रहेका छन् ।
चलचित्रमा सुमिनाका अलवा निरज बराल, श्याम घिमिरे, गणेश उप्रेती लगायतका कलाकारले अभिनय गरेका छन् । यतिबेला बजारका भित्ताहरुमा सुमिनाको ढाडमा ‘झकास छ ब्रो’ लेखिएको पोष्टर छ्याप्तछ्याप्ती छ । चलचित्रको व्यापारका बारेमा निर्माता सुवेदी एब्रेज भन्छन् । अर्थात उनको भनाइमा सिनेमाले औषत व्यापार गरेको छ ।
नेपाली सिनेमाको भित्री कथालाई देखाइएको यो चलचित्रमा सुमिना घिमिरे मझैले खुलेकी छिन् । ग्ल्यामर दृश्य मात्र नभई उनका केही संवादले दर्शकलाई जिब्रो टोक्न वाध्य बनाउछ ।
बुधबार नेपाल, भारत लगायतका देशमा कृष्णजन्माष्टमी मनाइरहदा बलिउड नायिका शर्लिन चोपडाले भने अनौठो तबरले पुजा गरिन् । १६ सय गोपिनीका एक्ला प्रेमि मानिएका श्रीकृष्णलाई खुशी पार्न सेक्सी गर्ल शर्लिनले आफूलाई न्यूड बनाइन् । उनले ट्विटरमा आफ्नो तस्बिर ट्विट गर्दै लेखिन्, ‘आफ्नो दिनको सुरुवात गर्नु पहिला म सम्पुर्ण फ्यानहरुलाई जन्मदिनको शुभकामना दिन चाहन्छु ।’उनले शरीरमा कुनै पनि पहिरन लगाएकी थिइनन् । उसो त शर्लिन यतिबेला ‘कामसुत्र थ्रीडी’ नामक चलचित्रमा काम गरिरहेकी छिन् । यो चलचित्रमा शर्लिनले थुप्रै न्यूड दृश्य दिएकी छिन् । यसैले पनि उनलाई नाङ्गीन कुनै धक लाग्दैन । कृष्णको पूजा गर्दै आफ्ना फ्यानहरुलाई शुभकामना दिने शर्लिनको यो तरिकालाई पनि मान्नैपर्छ ।
काठमाण्डौ - आगामी शनिबारदेखि राजधानीमा सुरु हने साफ च्याम्पियनसिप फुटबलका लागि नेपाली टोलीको अन्तिम छनोट गरिएको छ ।
नेपालका मुख्य प्रशिक्षक ज्याक स्टोफानोस्कीले बुधबार राजधानीमा पत्रकार सम्मेलन गरी सागर थापाको नेतृत्वमा २० सदस्यीय नेपाली टोलीको घोषणा गरेको हो ।
घोषित टोलीमा अनिल गुरुङ्ग, भरत खवास, जुमनु राई, सन्तोष साहुखल र बिमल घर्ती मगर फरवार्डमा छानिएका छन । त्यस्तै मिडफिल्डमा भोला सिलवाल, राजु तामाङ, जगजित श्रेष्ठ, बिक्रम लामा, टंक बस्नेत र प्रकाश बुढाथोकी छन् ।
रक्षकमा सागर थापा, रविन श्रेष्ठ, रोहित चन्द, सन्दीप राई, बिराज महर्जन र सविन्द्र श्रेष्ठ छन् । गोलरक्षकमा किरण चेम्जोङ, रितेश थापा र विशाल श्रेष्ठ रहेका छन् ।
नेपाली टोलीमा रहेका बिजय गुरुङ, निराजन खड्का, अनन्त तामाङ, टेकबहादुर बुढाथोकी र बिजय धिमाल अन्तिम छनोटमा अटाएनन् ।
शनिबार नेपालले बंगलादेशसँग पहिलो खेल खेल्दै प्रतियोगिताको सुरुआत गर्ने भएको छ।
तस्विर सौजन्य : गोल नेपाल डटकम
काठमाण्डौ - नेपाल क्रिकेट संघ क्यानले विश्वकप छनोट तयारीका लागि ब्याटिङ विशेषज्ञ अस्ट्रेलियन प्रशिक्षक ल्याउने भएको छ। अस्ट्रेलियाका क्रि ह्यारिस विश्वकप तयारीका लागि प्रशिक्षणमा सहयोग गर्न नेपाल आउन लागेको आजको अन्नपूर्णमा खबर छ।
ह्यारिस हाल अस्ट्रेलियाको घरेलु क्लब भिक्टोरीयाका प्रशिक्षक हुन्।नेपालको टिट्वान्टी र एक दिवसीय विश्वकप दुबैको तयारीलाई लक्षित गरी अस्ट्रेलियका प्रशिक्षक ल्याउन लागिएको हो।
नेपालले टिट्वान्टी विश्वकप आगामी नोभेन्बरमा यूएईमा खेल्दैछ।एक दिवसीय विश्वकप छनोट भने सन् २०१४को सुरुमा न्यूजिल्यान्डमा खेल्ने छ।दुबै प्रतियोगिता नेपाली क्रिकेटको हालसम्मकै सबैभन्दा महत्वपूर्ण प्रतियोगिता हुन्।
योगेश रावल कैलाली, भदौ १२ - कैलालीका १० जना क्रिकेट खेलाडीले निःशुल्क अध्ययनका साथै राष्ट्रिय स्तरको प्रशिक्षणसमेत पाउने भएका छन्। काठमाण्डौको हिमालयन ह्वाइट हाउस कलेजले उनीहरुलाई निशुल्क शिक्षाका साथै राष्ट्रिय क्रिकेट एकेडेमीबाट प्रशिक्षणको व्यवस्था गर्ने भएको छ।
कलेजले देशका पाँच वटै विकास क्षेत्रबाट ४० जना क्रिकेट खेलाडीलाई यो अवसर जुराएको हो। जसमध्ये कैलालीबाट १० जना खेलाडी छनोटमा परेका छन्।
कैलालीका ४० जना क्रिकेट खेलाडीमध्येबाट आज भएको छनोटमा १० जना छानिएको धनगढी क्रिकेट एकेडेमीका अध्यक्ष सुभाश शाहीले जानकारी दिएका छन्।
उनले क्रिकेट खेलाडी न्युरिन अन्सारी, ललीत बम, सौरब बम, सन्जय पन्त र बिराट मल्ल छनोट भएको जानकारी दिएका छन्।
त्यस्तै रोमन बम, प्रकास सिंह, कुवेर शाह, बल्लभ दाहाल र बिरेन्द्र शाहीले समेत यो अवसर प्राप्त गरेको शाहीले बताए।
छनोटमा परेका खेलाडीहरुको अध्ययनमा लाग्ने सबै खर्च कलेजले निशुल्क गर्नुका साथै राष्ट्रिय क्रिकेट एकेडेमीबाट प्रशिक्षण समेत प्रदान गर्ने कलेजका अध्यक्ष युवराज शर्माले जानकारी दिएका छन्।
खेलाडी छनोटका क्रममा धनगढी पुगेका शर्माले खेलाडीहरुले खाने बस्ने व्यवस्था भने आफै गर्नुपर्ने बताए। उनले आर्थिक अवस्था निकै कमजोर रहेको खेलाडीका हकमा भने खानेबस्ने व्यवस्था समेत गर्न सकिने बताए।
'हाम्रो अभियानमा खाने बस्ने व्यवस्था गर्ने भन्ने छैन' उनले भने–'तर राम्रो खेल्छ तर उसको परिवारले काठमाण्डौंमा राख्न सक्ने अवस्था छैन भने त्यो बारेमा सोच्न सकिन्छ।'
उनले पारस खड्का, विनोद दास लगायतका क्रिकेट खेलाडीलाई समेत कलेजले यसअघि छात्रवृत्ति प्रदान गरेको बताए।
'शिक्षाका साथसाथै खेलकुदलाई पनि सँगै लैजानु पर्छ भनेर सानो सहयोग गर्ने प्रयास गरेका हौं' अध्यक्ष शर्माले भने–'अन्य खेलका खेलाडीलाई समेत निशुल्क शिक्षाको बारेमा सोच बनाईरहेका छौं।'
सो अवसरमा कलेजका खेल प्रशिक्षक तथा किर्तिमानी खेलाडी दीपक बिष्टले स्थानीय स्तरका शैक्षिक संस्थाले पनि खेलाडीलाई निशुल्क अध्ययनको बन्दोबस्त गर्नुपर्ने बताए।
उनले खेलकुदमा राम्रो गर्न सक्यो भने पढ्न पनि पाईन्छ भन्ने विश्वास भयो भने धेरै व्यक्ति खेलकुदको क्षेत्रमा प्रवेश गर्ने बताए।
'खेलकदुमा लागेर पनि केही पाईन्छ भन्ने वातावरण बन्यो भने अनि धेरै व्यक्ति खेलकुदमा आउने छन्' उनले भने–'तब मात्रै स्तरीय खेलाडी जन्मिनेछन्।'
उनले अवसर पाए क्षमता भएको खेलाडीले राम्रो प्रदर्शन गर्न सक्ने भन्दै छनौट भएका खेलाडीले नेपालको राष्ट्रिय क्रिकेट टीमको नेतृत्व गर्नेमा आफू आशावादी रहेको बताए।
'म पनि यही धनगढी नजिकैको गाउँबाट यहाँसम्म पुगेको छुँ। सबै अवसर प्राप्त भएर सम्भव भएको हो' उनले भने–'अवसर नपाएर थुप्रै खेलाडी गुमनाम भएका छन्।'
हालै नेपाल क्रिकेट संघको क्षेत्र नम्बर ६ बाट विभाजन भएर क्षेत्र नम्बर ९ भएको धनगढीमा आशलाग्दा क्रिकेट खेलाडी रहेका छन्। क्षेत्र नम्बर ९ मा कैलाली, कञ्चनपुर, डोटी र अछाम जिल्ला रहेका छन्।
हालको क्षेत्र नम्बर ९ बाट भुवन कार्की, प्रदिप ऐरी, नरेश बुढाऐर, विनोद भण्डारी र चन्द्र साउँद राष्ट्रिय क्रिकेट टीममा सहभागी छन्। महिला क्रिकेट तर्फ पनि सोनु खड्का लगायत महिला राष्ट्रिय टीममा रहेका छन्।
काठमाण्डौ - अखिल नेपाल फुटबल सँघ का अध्क्षय गणेश थापा ले फेरी एक पटक नेपाली क्रिकेट को बारेमा मुख खोलेका छन् । तर यस पटक भने उनले क्रिकेट को खुलेरै तारिफ गरेका छन् । आज साझ एक निजि टेलिभिजन लाई अन्तरवार्ता दिदै गणेश थापा ले भने " म पनि एक नेपाली भएको ले क्रिकेट ले गरेको प्रगति बाट एकदमै खुसी छु " । साथै उनले नेपाली क्रिकेट को सफलता देखी कहिल्यै पनि रिस नउठेको र आफु अधक्ष्य भएको बेलामा फुटबल लाई उपाधि दिलाउन नसकेको मा दुखी भएको पनि भन्न भ्याए ।
स्मरण रहोस् नेपाली क्रिकेट टिम ले डिभिजन थ्री जित्नु खासै ठुलो उपलब्धि नभएको भन्ने अभिब्यक्ति दिए पछि गणेश थापा बिबाद मा आएका थिए ।
जनावरले मान्छेको बच्चा जन्माएको र मान्छेले जनावरको बच्चा जन्माएको खबर नयाँ होइन । केही साताअघि मात्र महिलाले घोडाको बच्चा जन्माएकी थिइन् । त्यस्तै हालै एक महिलाले बाख्रा आधारको शिशु जन्मएकी छन्।
रुवान्डाको रुबाबुमा एक महिलाले जन्माएको बच्चा मानिस हो वा जनावर पहिचान गर्नै कठिन भएको छ । मुकेशिमाना एलिजाबेथ नामकी महिलाले जन्माएको बच्चा देखेर सिंगै गाउँमा हल्लीखल्ली मच्चिएको छ । आइजीआइएचइ डट कमका अनुसार मुकेशिमाना नौ महिने गर्भवती थिइन् । अचानक एक रात पेटमा तिब्र दुखाई महशुस भयो । घरमा सबै जना खुस थिए । अब घरमा सानो पाहुना आउनेमा सबै खुसियाली मनाउने तयारीमा थिए । तर, अचम्मको शारीरिक संरचना भएको बच्चा जन्मियो सबै आश्चर्यचकित भए । बच्चाको शरीर केही हदसम्म बाख्रासँग मिल्छ । तर, यो न जनावर हो न मान्छे छुट्याउन गाह्रो भएको छ ।
अचम्मको कुरा त मुकेशिमाना गर्भावस्थाका क्रममा नियमित रुपमा चिकित्सकीय जाँच गराएकी थिइन् । तर डाक्टरहरुले कहिल्यै यसप्रकारको आशंकासमेत गरेका थिइएनन् । एजेन्सी
काठमाडौं - अवैध सम्पत्ति मुद्दामा विशेष अदतलतले मागेको धरौटी बुझाउन नसक्दा राजीव गुरुङ (दीपक मनाङे) लाई विशेष अदालतले मंगलबार डिल्लीबजार कारागार पठाएको छ। आपराधिक गतिविधिबाट १४ करोड सम्पत्ति आर्जन गरेको अभियोग लागेका मनाङेसँग अदालतले २ करोड ९० लाख रुपैयाँ धरौटी मागेको थियो।
थुनछेक बहस सकिएपछि मंगलबार विशेष अदालतका अध्यक्ष केदारप्रसाद चालिसे र सदस्यद्वय मोहनरमण भट्टराई र भुपेन्द्रप्रसाद राईको इजलासले गुरुङसँग धरौटी लिएर छाड्न आदेश दिएको थियो। धरौटी रकम जम्मा गर्न नसकेपछि उनलाई मंगलबार नै कारागार पठाइयो। मनाङेले धरौटी नबुझाएपछि कारागार पठाएको अदालतका उपसचिव केशवप्रसाद घिमिरेले बताए।
उनकी जेठी श्रीमती पासाङ डोेमा गुरुङ भने धरौटी बुझाएर रिहा भइन्। उनीसँग अदालतले २ लाख ५० हजार धरौटी मागेको थियो। उनले नगदै बुझाएकी थिइन्। मनाङेलाई डिल्लीबजार कारागारमा राखिएको छ। कुनै समय मनाङेका 'चेला' रहेका गणेश लामा पनि एक महिनादेखि सोही कारागारमा छन्।
उनी पनि मनाङेझैँ आपराधिक गतिविधिबाट सम्पत्ति आर्जन गरेको अभियोगमा विशेषले मागेको धरौटी नबुझाएपछि कारागार पठाइएका हुन्।
आपराधिक गतिविधिबाट २७ करोड रकम जोडेको अभियोग लागेका लामासँग विशेषले साउन ३ मा ३ करोड धरौटी मागेको थियो।
छ वर्षअघिसम्म गणेश रात्रिकालीन व्यापारमा मनाङेका सहयोगी थिए। रक्तचन्दन तस्करीबाट अकुत सम्पत्ति जोडेपछि उनी मनाङेसँग छुट्टिएर काभ्रेली समूहका नाइके भएका थिए।
डिल्लीबजार कारागार मनाङेको रोजाइको हो। आपराधिक अभियोगमा कारागार चलान हुँदा उनी सधैं डिल्लीबजार नै रोज्छन्। अदालतले पनि उनलाई रोजाइकै कारागार पठाउँदै आएको छ।
१४ करोड ७३ लाख ३१ हजार रुपैयाँ बराबर सम्पत्तिको स्रोत नखुलेको दाबी गर्दै सम्पत्ति शुद्धीकरण विभागले जेठमा मनाङेविरुद्ध विशेष अदालतमा मुद्दा दायर गरेको थियो।
अनुसन्धानमा उनको नाममा देखिएको सम्पत्तिको वैध स्रोत नदेखिएको भन्दै केन्द्रीय अनुसन्धान ब्युरोले सम्पत्ति शुद्धीकरण विभागमा बुझाएको प्रतिवेदनका आधारमा मनाङेविरुद्ध सम्पत्ति शुद्धीकरणको मुद्दा दर्ता भएको थियो।
जेठमा मुद्दा दायर भएर अदालतले उनलाई पटकपटक उपस्थित हुन जारी गरेको म्याद गुजारेपछि ब्युरोकै टोलीले शुक्रबार कमलपोखरीको सिटी सेन्टरमा पक्राउ गरी आइतबार अदालतमा बुझाएको थियो। मनाङेलाई अदालतमा बुझाएपछि उनकी श्रीमती आफैं हाजिर भएकी थिइन्।
आइतबार उनको नाममा देखिएको काठमाडौंको १८ आना, नुवाकोट ककनीमा ७७ रोपनी जग्गा, वेस्ट पोइन्ट ढुंगा रोडा, इच्छामाई ढुंगा रोडा, गोसाइँकुण्ड क्रसर रोडा, ढुंगा, गोगो बार, क्लब डाइजेस्टी, त्रिलोक प्लाजा, अक्टोपस ट्रेकिङ, ओमश्री ओम मल्टिपर्पोज कम्पनी, मनाङ इन्टरनेसनल ट्रेडर्समा भएको ७४ लाख लगानी लगायतको सम्पत्ति स्रोतबारे बयान लिइएको थियो।
अदालतमा बयानका क्रममा उनले जेठी पत्नी गुरुङ २०५८ मै आफूसँग सम्पत्ति लिएर छुट्टै बस्ने गरेको, र हाल कान्छी श्रीमती दिछेन लामा गुरुङसँग बस्ने गरेको बताउँदै आफ्नो सम्पत्तिको स्रोत वैध भएको र आफूले आपराधिक गतिविधिमा लागेर सम्पत्ति नजोडेको दाबी गरेका थिए।
आफू विभिन्न व्यापारमा संलग्न रहेको, विदेशमा गएर काम गरेर पैसा कमाएको, कवाडीको कारोबार गर्ने गरेको र वैदेशिक रोजगारीका लागि युवालाई कोरिया पठाएर केही रकम जोडेको भए पनि आफूसँग अहिले त्यसको प्रमाण नभएको उनले अदालतलाई बयान दिएका छन्।
मनाङले बयानमा पासाङसँग विवाह गर्दा ससुरालीबाट ४ लाख पाएको, युवाहरु लिएर हङकङ, बंगलादेश गएर सामान ल्याउने गरेको, कोरियामा कामदार पठाउने गरेको, भारतको नागाल्यान्डमा गार्मेन्ट चलाएको पनि बताएका छन्।
बयानअनुसार स्रोत खुल्ने प्रमाण पुष्टि हुन नसकेपछि सरकारी वकिलले उनलाई पुर्पक्षका लागि थुनामा राख्ने माग गरे पनि विशेषले धरौटी मागेको थियो।
विशेषले मनाङेझैं आपराधिक गतिविधिबाट सम्पत्ति कमाएको दाबीसहित आएका मुद्दाका अभियुक्तसँग धरौटी नै माग्ने गरेको छ।
ययअघि, विशेषले पर्शुराम बस्नेत र चक्रे मिलन र गणेश लामासँग धरौटी मागेको थियो। बस्नेत धरौटी तिरेर रिहा भए। चक्रे अर्को अभियोगमा कारागारमै रहेकाले उनले धरौटी बुझाएनन्। सम्पत्तिको अनुसन्धान क्रममा अभिषेक गिरी र उनकी श्रीमती अनिशा गिरी भने म्याद गुजारेर बसेका छन्।
- See more at: http://www.nagariknews.com/feature-article/story/6135#sthash.vTeLnjOf.dpuf
५ भदौ, काठमाडौं । नेपाल सिंगापुरमा जारी इमर्जिङ टिम्स कप क्रिकेटको समूह चरणवाटै बाहिरिएको छ । समूह चरणको खेलमा बुधवार पाकिस्तानको २३ वर्ष मूनिको टोलीसंग ९ विकेटले पराजित भएपछि नेपाल अंकतालिकामा खाता नै नखोलि समूहचरणवाटै बाहिरिएको हो ।
नेपालले दिएको १ सय ५७ रनको विजयी लक्ष्य पाकिस्तानले ३३ दशमलब १ ओभरमा १ विकेटको क्षतिमा भट्टाएको हो । पाकिस्तानका लागि बबर अजामले नट आउट एक सय तथा हम्मद अजामले नट आउट ४१ रनको योगदान दिए । अजिम गुम्मानले भने १५ रनको योगदान दिए ।
यसअघि टस हारेर पहिले व्याटिङ गरेको नेपालले निर्धारित ५० ओभरमा सबै विकेट गुमाउँदै १ सय ५६ रन बनाएको थियो । नेपालका लागि ओप्नर ब्याट्सम्यान सुवास खकुरेलले सर्वाधिक ७८ रनको योगदान दिए । यस्तै विनोद भण्डारीले १६, बसन्त रेग्मीले नटआउट १६ रन जोड्दा उपकप्तान ज्ञानेन्द्र मल्ल १० रनमा पभेलियन फर्किए । यस्तै सरद भेष्वाकरले ८, सागर पुन र अनिल मण्डलले समान ५-५ रन जोडे भने शक्ति गौचनले मात्र २ रन जोडे ।
यस्तै कप्तान पारस खड्का र चन्द्र साउन समान १-१ रन जोडे । अविनाश कर्ण भने खाता नै नखोलि पभेलियन फर्किएका थिए । यसअघि नेपाल पहिलो खेलमा अफगानिस्तानसँग ३ रनले तथा दोस्रो खेलमा भारतसंग ८४ रनले पराजित भएको थियो ।
बलिउडमा निकै फेशनेवल नायीकाको रुपमा छवी बनाएकी नायीका सोनम कपुर केही दिन एउटा कार्यक्रमा अफ्ट्यारोमा परिन् ।स्टारडस्ट पत्रिकाको कभर ल लञ्चिङमा पुगेकी निकै रिभीलिङ ड्रेस लगाएकी थिइन्। उनका साथमा नायक इमरान खान समेत थिए।सोनमले लगाएको ड्रेस निकै राम्रो भएपनि सार्वजनिक कार्यक्रम भएकाले वारड्रोव मालफंसन हुने संभावना पनि निकै थियो।कार्यक्रममा भयो पनि त्यस्तै, बस्न खोज्दा उनको ड्रेस तल झर्न थाल्यो तर ठुलो घट्नाबाट भने बचिन्। उनेल लगाएको लुगा पाखूराबाट तल आएको थियो। उनले निकै मुश्किलले आफ्नो लुगा मिलाउन सफल भएकी थिइन् ।नायीका सोनम चर्चित नायक अनिल कपुरकी छोरी हुन। उनले सन २००७ मा चलचित्र सावरियाबाट बलिउडमा पाइला टेकेकी थिइन्।
मुम्बई । सन् २००७ मा फिल्म ‘ओम शान्ति ओम’बाट आफ्नो फिल्मी करियर शुरु गरेकी नायिका दीपिका पादुकोणले सुरुवाती दिनदेखिनै सफलता हात पारेकी छन् ।
पछिल्लो समय दीपिकाको ‘रेस–२’, ‘ये जवानी है दीवानी’ र हाल आएर ‘चेन्नई एक्सप्रेस’ले बक्स आफिसमा सबै रेकर्ड ब्रेक गरेको भारतीय सञ्चारमाध्यमहरुले जनाएका छन् ।
बलीउड नायिकामा दीपिकालाई पनि स्टार नायिकाका रुपमा लिन थालिएको छ ।
‘अहिले यो मेरो समय हो,’ एक प्रश्नको जवाफ दिँदै दीपिकाले भनिन्, ‘सबैलाई अहिले मेरो समय आएको लाग्छ भने त्यो कुरा सहि हो ।’
दीपिकाले आफ्नो दिन चम्केर आएको आफूलाई पनि लाग्ने गरेको बताईन् । नायिका दीपिकाले आफ्नो काम ज्यादा लगनका साथ गर्ने गरेको बताईन् ।
‘मलाई थाहा छ,’ दीपिकाले भनिन्, ‘मेरो निजी र पारिवारिक सहयोगका कारण पनि म सफल भएकी हुँ ।’ उनले आफ्ना लागि परिवारले धेरै बलिदान गरेको बताईन् ।
राम्रो काम गरे पछि अन्त्यमा राम्रो परिणाम आउँछ भने त्यसलाई अन्यथा लिन नहुँने उनको भनाई छ ।
दीपिकाले हालै प्रदर्शनमा रहेको फिल्म ‘चेन्नई एक्सप्रेस’मा नायक शाहरुख खानसँग खेलेकी छन् । शाहरुखसँगै दीपिकाले ‘ओम शान्ति ओम’मा काम गरेकी थिईन् ।
‘जति सफल भईन्छ । त्यसलाई बचाउन त्यति नै मुस्किल हुन्छ,’ दीपिकाले भनेकी छन् ।
दीपिका सीमित सफल नायिकामा पर्छिन् । जो मोडलिङबाट फिल्म क्षेत्रमा प्रवेश गर्छन् ।
‘चेन्नई एक्सप्रेस’मा नायिका बनाएकोमा शाहरुखलाई दीपिकाले धन्यावाद दिएकी छन् । अहिले पनि शाहरुखले पहिला जस्तै ख्याल राख्ने गरेको दीपिकाको भनाई छ ।
