खेलकुद, समाचार » नेपाल पाकिस्तानसँग ९ विकेटले पराजित, एसिसी इमर्जिङ टिम्स कपकोसमूह चरणबाटै बाहिरियो

५ भदौ, काठमाडौं । नेपाल सिंगापुरमा जारी इमर्जिङ टिम्स कप क्रिकेटको समूह चरणवाटै बाहिरिएको छ । समूह चरणको खेलमा बुधवार पाकिस्तानको २३ वर्ष मूनिको टोलीसंग ९ विकेटले पराजित भएपछि नेपाल अंकतालिकामा खाता नै नखोलि समूहचरणवाटै बाहिरिएको हो । नेपालले दिएको १ सय ५७ रनको विजयी लक्ष्य पाकिस्तानले ३३ दशमलब १ ओभरमा १ विकेटको क्षतिमा भट्टाएको हो । पाकिस्तानका लागि बबर अजामले नट आउट एक सय तथा हम्मद अजामले नट आउट ४१ रनको योगदान दिए । अजिम गुम्मानले भने १५ रनको योगदान दिए । यसअघि टस हारेर पहिले व्याटिङ गरेको नेपालले निर्धारित ५० ओभरमा सबै विकेट गुमाउँदै १ सय ५६ रन बनाएको थियो । नेपालका लागि ओप्नर ब्याट्सम्यान सुवास खकुरेलले सर्वाधिक ७८ रनको योगदान दिए । यस्तै विनोद भण्डारीले १६, बसन्त रेग्मीले नटआउट १६ रन जोड्दा उपकप्तान ज्ञानेन्द्र मल्ल १० रनमा पभेलियन फर्किए । यस्तै सरद भेष्वाकरले ८, सागर पुन र अनिल मण्डलले समान ५-५ रन जोडे भने शक्ति गौचनले मात्र २ रन जोडे । यस्तै कप्तान पारस खड्का र चन्द्र साउन समान १-१ रन जोडे । अविनाश कर्ण भने खाता नै नखोलि पभेलियन फर्किएका थिए । यसअघि नेपाल पहिलो खेलमा अफगानिस्तानसँग ३ रनले तथा दोस्रो खेलमा भारतसंग ८४ रनले पराजित भएको थियो ।

0 comments

Write Down Your Responses