४ चैत, अबुधाबी । वैदेशिक रोजगारीको सिलसिलामा दुबई पुगेका नेपालीहरुसमुद्रमा हाम्फालेर आत्महत्या गर्ने क्रम बढेको छ । तीन वर्षयता दुबईमा आत्महत्या र दुर्घटनामा परी ज्यान गुमाउने नेपालीहरुको संख्या २ सय २५ पुगेको छ । यो अवधिमा २९ नेपालीले आत्महत्या गरेका छन् । राम्रो कमाइ गर्ने र परिवारमा सुख सम्वृद्धि ल्याउने उद्देश्यले दुबई आएका नेपालीहरुले सोचेअनुरुप कमाउन नसकेपछि निराश भई आत्महत्या गर्ने क्रम कहालीलाग्दो बनेको दुतावासका कर्मचारीहरु बताउँछन् ।गएको ३ बर्षमा यता २९ नेपालीले आत्महत्या गरेको तथ्य बाहिर आएको छ । यहाँस्थित नेपाली दुतावासले सन् २०१० यता २ सय २५ जनाले ज्यान गुमाएको बताएको छ । यसमध्ये झण्डै दुर्यदर्जनले विरक्तिएर समुद्रमा हामफालेर आत्महत्या गरेका छन् भने केहीले झुण्डिएर त केहीले आफैलाइ छुरा प्रहार गरेर आत्महत्या गरेको जनाइएको छ ।

आत्महत्या गर्नेमध्ये सबैजसोले परदेश आएपछि समस्या समाधान हुनुको सट्टा झन बढ्दै गएपछि आत्महत्या गर्ने गरेको दुतावासका प्रथम सचिव लोकबहादुर क्षेत्री बताउनुहुन्छ ।मृत्यु भएकाहरुको शव नेपाल पठाउने कार्यमा विगत ४ बर्षदेखि खटिरहनुभएका क्षेत्रीका अनुसार आत्महत्याको कारण आर्थिक विाष्यसँगै बढी जोडिने गरेको छ । नेपालमा मेनपावरले भनेबमोजिम विदेशमा तलब नपाएको, सोचेअनुरुप काम नभएको र नेपालमा रहेका आफन्त एवं श्रीमतीले धोका दिएकै कारण अधिकांशले आत्महत्या गर्ने गरेको उहाँ बताउनुहुन्छ ।

दुतावासको तथ्याड्क अनुसार सन् २०१० मा मात्रै १२ जनाले आत्महत्या गरेका छन् । सन् २०१० मा दुबईमा ८८ जना नेपालीले ज्यान गुमाएका थिए । यसैगरी सन् २०११ मा ११ जना र २०१२ मा ५ जना नेपालीले आत्महत्या गरेका छन् ।हजारौ खर्च गरेर र साहुसँग ऋण गरेर विदेश आएकाहरुले कमाइको सट्टा ऋणको ब्याज नै तिर्न मुस्किल परेपछि आत्महत्या गर्ने गरेको राजदुत धनञ्जय झाले बताउनृभयो । राजदूत झाकाअनुसार दुबईमा आत्महत्या गर्ने विदेशीहरु मध्ये नेपाली तेस्रोमा पर्छन् । दुबईमा भारतीय, फिलीपीनी, पाकिस्तानी र बंगलादेशी कामदार धेरै भए पनि र एउटै प्रकृतिको काम गरिरहेको भए पनि नेपालीहरु नै आत्महत्या गर्न बढी उक्सिने गरेको उहाँ बताउनुहुन्छ ।

• स्याउमा प्रसस्त मात्रामा आइरन तत्व पाइन्छ । स्याउको नियमित सेवनले रक्तअल्पता हुनबाट बचाउँछ ।
• स्याउले क्यान्सरको खतरा कम गर्छ । स्याउमा हुने एक विशेष तत्व क्वरसिटिनले सरीरका कोषिकाहरुलाई नष्ट हुनबाट जोगाउँछ ।
• स्याउमा पाइने पेक्टिन तत्वले सरीरमा ग्लाक्ट्रोनिक एसिडको अभाव पूर्र्ति गर्छ । यसबाट इन्सुलिनको मात्रा सन्तुलित हुन्छ र मधुमेहको जोखिम कम हुन्छ ।
• स्याउले पाचन प्रक्रियामा हुने गडबडीलाई पनि हटाउँछ । बोक्रैसित स्याउ खाएमा कब्जियत जस्ता समस्या हल हुन्छन् ।
• स्याउमा घुलनशील फाइबार पाइन्छ जसले रगतको कोलेस्टेरोललाई कम गर्छ ।
• स्याउ नियमित खानाले मोटोपन पनि कम हुन्छ ।
• स्याउमा पाइने एन्टिअक्सिडेन्टका कारण सरीरमा रोग प्रतिरोधी क्षमता मजबुत हुन्छ ।
• स्याउले सरीरका विषाक्त पदार्थहरु निस्कासन गर्न तथा कलेजो लगायतका अंगलाई स्वस्थ राख्न मद्धत गर्छ ।
• स्याउमा इन्टीभाइरल प्रोपेर्टियस तत्व पाइन्छ, यसले ब्याक्टेरिया तथा भाइरस नियन्त्रण गर्न मद्धत गर्छ । यसमा मुखमा थुकको मात्रा पनि बढाउँछ । साथै दाँतलाई पनि स्वस्थ बनाउन मद्धत गर्छ ।
• स्याउले मुगौला तथा मुत्रथैलीको पत्थरी बाट बचाउन पनि सहयोग गर्छ ।
• हड्डीलाई बलियो तथा मजबुत बनाउन पनि स्याउको नियमित सेवन सहयोगी हुने बताइएको छ ।

३ चैत, एजेन्सी । भारतको मध्य प्रदेशको दतीयाँमा ३९ वर्षीय विदेशी महिलाको सामूहिक बलात्कार गरिएको छ । स्विजरल्याण्ड ती महिला आफ्नै पतिसँग रहेका बेला बलात्कारको शिकार भएकी हुन् ।

बलात्कार गर्नेहरूले उनका श्रीमानलाई कुटपिट गरी उनको बलात्कार गरेको बताइएको छ । शुक्रबार राती आधा दर्जनको संख्यामा रहेका व्यक्तिहरुले विदेशी महिलालाई पतिकै सामुन्ने बलात्कार गरेका थिए । यी दुई दम्पत्ती साइकलबाटै भारत भ्रमण गर्ने उदेश्यले निस्केको बताइएको छ ।

साइकल यात्राका क्रममा उनीहरू राती सेवडा गाऊँ नजिकै टेन्ट लगाएर बसेको थिए । त्यहीबेला आएको ७-८ जनाको समूहले पतिलाई कुटपिट गरी बाँधेर महिलाको बलात्कार गरेका थिए । बलात्कार पछी उनीहरुको साथमा रहेको १० हजार रूपैयाँ र मोबाइल समेत लुटेर भागेका थिए ।

ती महिलालाई ग्वालिएरको कमला राजे अस्पतालमा भर्ना गरिएको छ । प्रहरीले ती महिलासँग बयान समेत लिएको बताइएको छ । प्रहरीले यस्तो काम गर्ने त्यही नजिकैका गाऊँका मानिसहरू रहेको हुन सक्ने बताएका छन् ।

३ चैत, इटहरी, । सुनसरी जिल्लाको सोनापुर–४ छातावेलीमा रुखबाट पानी निस्किएको छ। यसरि पानी निस्कन थालेपछि सो रुख हेर्न अहिले सर्वसाधारणको घुइँचो लाग्न थालेको छ ।

थारु आदिवासीको बाहुल्य रहेको सो बस्तीमा गएको शिवरात्रिका दिनदेखि रुखबाट पानी चुहिन थालेको बताइएको छ। बाटोको छेउमा पूर्वतर्फ रोपिएको काप्रो (स्थानीय भाषामा काब्रा) जातको रुखबाट राति १२ बजेदेखि बिहान ८ बजेसम्म पानी चुहिने गरेको संरक्षणकर्ता शिवनरायण चौधरीले बताए । शिवरात्रिका दिन बिहान रुखमा गाई बाँध्न जाँदा रुखको फेदबाट तपतप पानी चुहिरहेको देखेपछि शिवनारायणले गाउँलेलाई डाकेर जानकारी गराएका थिए ।

गाउँलेहरू भेला हुँदाहँुदै ८ बजिसकेकाले पानी रोकिएको थियो । गाउँलेले पहिले सो कुरा नपत्याएको चौधरीले बताए । अर्को दिन पुनः सोही स्थानबाट पानी चुहिन थालेपछि गाउँलेसमेत छक्क परेका थिए ।

गाउँलेले यो अनौठो कुरा थाहा पाएपछि सो स्थानमा घेराबेरा गरी दिनहुँ पूजापाठ गर्न थालिएको छ । शिवनारायणको नातिनीको दुखिरहेको कानमा सो पानी हालेपछि केहीबेरमा नै कान ठीक भएको उनले बताए । त्यस्तै घुँडा दुखेको र पेटको समस्यामा समेत सो पानी सेवन गर्दा केहीबेरमा नै बिसेक भएपछि स्थानीयवासी चकित परेका छन् । पानी अत्यन्त चिसो र चाख्दा टर्रो लाग्ने स्थानीयवासीले बताएका छन् ।
दैवी चमत्कार भन्दै त्यस आसपासका मानिस बिहानै दर्शन गर्न आउन थालेको स्थानीय सामाजिक कार्यकर्ता तथा नेपाली काँग्रेस खनार गाउँ कमिटीका अध्यक्ष श्याम आचार्यले बताए ।

यसैबीच रुख तथा अन्य बोटविरुवाबाट पानी आउनु समान्य कारणमात्र भएको वनस्पतिशास्त्री सुरेन्द्र यादवले बताएका छन् । यादवले रुखले (ट्रस्पेसन) बढी पानी फ्याक्ने वास्पीकरण गरेको हुनसक्ने बताए । रुखले जराबाट लिएको पानीमध्ये बढी भएको पानी पातबाट फ्याक्ने गरेको उनको भनाइ रहेको छ ।

कुनै रुखले एकै स्थानबाटसमेत पानीको वास्पीकरण गर्नसक्ने सम्भावना रहेको यादवको भनाइ छ । दैवीशक्तिको अस्तित्वलाई पूरै अस्वीकार गर्न नसकिने भएकाले सुनसरीको सोनापुरमा भएको सो घटनाबारे वैज्ञानिक परीक्षण गरे राम्रो हुने यादवले बताए ।

परिवर्तित मौसमसंगै हाम्रो छालाको पनि हेरचाह त्यही अनुरुप गर्नुपर्छ । यदी छालाको स्याहारसुसार सही रुपमा गरिएन भने छालामा रोग तथा समस्याहरु उत्पन्न हुन सक्छ । अहिले भित्रिएको यो गर्मी मौसममा पनि छालाको विशेष हेरचाह गर्नुपर्छ । होइन भने टैनिंग, घामले पोल्नु, डंडिफोर, रैशेज र पसिनाको दुर्गन्ध जस्ता समस्याले सताउँन सक्छ । त्यसैले यी समस्याहरुबाट छुट्कारा पाउनका लागि यी पाचँ उपायहरु अपनाउनु पर्ने हुन्छः

1. गर्मीका कारण छालामा एलर्जी र रैशेज जस्ता समस्याहरु आउन सक्छ त्यसैले ध्युकुमारीको जेल पनि लगाउन सकिन्छ, या नुहाउने पानीमा थोरै बेकिंग सोडा मिलाएर नुहाएमा पनि गर्मिका कारण हुने एलर्जीबाट छुट्कारा पाउन सकिन्छ ।
2. डंडिफोरबाट बच्नका लागि एक चम्चा कागतीको रसमा बदामको तेल मिसाएर अनुहारमा लगाउन सकिन्छ, या पुदीनाको रसलाई अनुहारलाई लगाएर आधा घण्टापछि धुने गरेमा पनि डंडिफोरबाट छुट्कारा पाउन सकिन्छ भने गर्मीबाट पनि आराम मिल्नेछ ।
3. यदी घामबाट छालालाई असर परेको छ भने भिजाएको एक कपडा या बर्फबाट छालालाई सेक्न सकिन्छ, आलुलाई मिक्सरमा पिसेर यसको रसलाई घामले पालेको ठाउँमा लगाउनाले पनि आराम मिल्नेछ ।
4. गर्मिमा पसिनाको दुर्गन्धबाट बच्नका लागि सकेसम्म धेरै मात्रामा पानी पिउने, नुहाउने पानीमा एक चम्चा व्हाइट वेनेगर मिसाएर नुहाउने या नुहाउने पानीमा गुलाबजल हालेर नुहाउदा पनि पसिनाको दुर्गन्धबाट बच्न सकिन्छ ।
5. घामबाट छाला टैन हुने गर्छ त्यसैले कागतीको रस, गुलाबजलको रस मिलाएर छालामा लगाउदा पनि हुन्छ ।

माथिका यी उपायहरु अपनाउनु होस् यो गर्मी मौसबाट उत्पन्न हुने समस्याबाट छुट्कारा पाउन सकिन्छ भने तपाईको छाला पनि सुन्दर हुन्छ ।

मियामी, चैत्र २, शरीरका पांच वटा अंगहरू प्रत्यारोपण गरेपश्चात पनि अमेरिकामा एक महिलाले बच्चा लाइ जन्म दिएकी छन् ।

डाक्टरहरूका अनुसार यो संसारकै एक फरक प्रकारको मामला हो, जब कुनै महिलाको शरीरका बिभिन्न अंगहरू प्रत्यरोयण पछि पनि आमा बन्न सफल भएकी छन् ।

कतरमा बस्ने फातिमा अली अन्सारी नामकी यी महिलाको ठुलो आन्द्रामा रगत जमेपछि अमेरिकाको ज्याक्सन मेमोरियल अस्पतालमा सन २००७ मा गरिएको थियो । यस आप्रेशनमा उनका शरीरमा लिवर, पाचन ग्रन्थि बाहेक सानो तथा ठुलो आन्द्राको पनि प्रत्यारोपण गरिएको थियो ।


पांच वर्ष पछि उनले एक छोरीलाइ जन्म दिएकी छन् । यद्दपी फातिमाको गर्भावस्थाका क्रममा उनले निकै कष्ट सहनु परेको थियो । डक्टरहरूले उनी अझै पनि अन्य बच्चाहरूलाइ जन्म दिन सक्षम रहेको बताएका छन् ।

चैत्र–२, सुत्केरी महिलाको ज्यान जोगाउनका लागि खोटाङमा १ लाख ३० हजारमा हेलिकोप्टर चार्टर गरिएको छ । सुत्केरी व्याथा लागेर बुधवार जिल्ला अस्पताल दिक्तेलमा ल्याइएकी छितापोखरी–६ की २६ वर्षीया बिष्णु श्रेष्ठ (कार्की)को ज्यान बचाउनका लागि महंगो भाडामा हेलिकोप्टर चार्टर गर्नुपरेको हो ।



जिल्ला अस्पताल दिक्तेलमा उपचार हुन नसकेपछि कार्कीलाई शुक्रवार हेलिकोप्टर चार्टर गरेर काठमाण्डौको थापाथलीस्थित प्रसुती गृह लगिएको छ । दुई दिनअघि सामान्य अवस्थामा अस्पताल ल्याइएकी कार्कीको पेटमा रहेको बच्चाको मृत भएको र आवश्यक प्रविधि नभएका कारण उपचार गराउन नसकिने भन्दै अस्पतालले रेफर गरेपछि तत्काल हेलीकोप्टर चार्टर गरी काठमाण्डौं लगिएको बिष्णुका श्रीमान बाबुराम कार्कीले बताउनुभयो ।

जिल्ला अस्पतालले तत्काल अन्यत्र नपु¥याए सुत्केरीको ज्यान खतरामा पर्ने बताएपछि सुत्केरीलाई तत्काल हेलिकोप्टरमार्फत लानु परेको बिष्णुका आफन्त सुर्यबहादुर राईको भनाइ छ ।

फुटबल स्टार क्रिस्टियानो रोनाल्डोकी प्रेमीका इरिना सायक नांगिएकी छिन् । ख्यातिप्राप्त फेसन डिजाइनर मार्क ज्याकोब्सका लागि इरिना नांगिएकी हुन् । ज्याकोब्सका लागि काम गरेपछि आफू रोमाञ्चित भएको पनि इरिनाले बताएकी छिन् । द स्किन यु आर इन प्रचारका लागि ज्याकोब्सले तयार पारेको टिसर्टमा २५ वर्षिया रुसी मोडल इरिनाको नांगो तस्बिर छापिएको छ । तर, ती टिसर्टमा उनको पछाडि भाग मात्रै नग्न देखाइएको छ, जसमा उनको लामो कामुक खुट्टालाई बढी महत्त्व दिइएको छ । २००८ देखि न्युयोर्क विश्वविद्यालय क्यान्सर इन्स्टिच्युटका लागि कार्य गर्दै आएका ज्याकोब्सले आफ्ना पहिरनमा असंख्य मोडललाई छापिसकेका छन् । उनको पहिरनमा केटी प्राइस र लरेन पोपले समेत काम गरिसकेका छन् । सो च्यारिटीका लागि ज्योकब्सको पहिरनमा डिटा भोन टिज, भिक्टोरिया बेकह्याम तथा मारिसा मिलरले पनि आफ्नो नग्न शरीर देखाएर सहयोग गरिसकेका छन् । गत फेब्रुअरीमा स्पोट्र्स इलुस्ट्रेटेडको कभरमा छापिएकी पाँच फिट १० इन्च अग्ली मोडलको सो अभियानलाई भने गोप्य राखिएको थियो । गत वर्षको सुरुवातदेखि इरिना रोनाल्डोसँग घुम्दै छिन् । २६ वर्षिय फुटबल स्टार रोनाल्डो फेरी(फेरी मोडलहरू घुमाउन माहिर भए पनि उनले इरिनासँगै बिहे गर्ने घोषणा गरिसकेका छन् । हालै मात्र इरिनाले आफ्नो छरितो शरीर प्रदर्शनका क्रममा आफूले कहिल्यै डायटिङ नगर्ने बताएकी थिइन् भिडियो तल  बक्समा हेर्नुहोस

पुरुष चालकको तुलनामा महिला चालकले गाडि चलाइरहेका बेला गालिगलौजको भाषा धेरै बोल्ने गरेको एक अध्ययनले देखाएको छ ।
अध्ययन अनुसार ४८ प्रतिशत महिला चालकले आफ्नो गाडि गुडाइको दौरान अर्को गाडिको चालक, यात्रु वा बटुवालाई सराप्छन् । जबकी यसरी अरुलाई सराप्ने पुरुष चालक सयमा ४० जनामात्र हुन्छन् ।

बेलायतको कार बिमा कम्पनी डाइरेक्ट लाइनले गरेको सर्भेक्षणका अनुसार समग्रमा रुखो बोली बोल्ने चालक सयमा ४३ जना हुन्छन् ।

न्युयोर्क, चैत २ (एजेन्सी) - प्रविधि क्षेत्रमा लामो समयदेखि प्रतीक्षामा रहेको सामसुङको नयाँ स्मार्टफोन ग्यालेक्सी एस ४ बिहीबार राति न्युयोर्कमा सार्वजनिक गरिएको छ। सामसुङको यो नयाँ स्मार्टफोन झट्ट हेर्दा भने पुरानो मोडल अर्थात् एस ३ भन्दा खासै फरक देखिँदैन। तर यसमा सुविधाहरु थपिएका छन् र आकारप्रकारमा पनि सामान्य परिवर्तन गरिएको छ।
के छ नयाँ?
एस ४ मा पाँच इन्चको १०८० पिक्सेलको सुपर अमोलेड स्क्रिन छ। स्मार्टफोनमा यस्तो सुविधा दिने एस ४ पहिलो हो। पुरानो मोडलभन्दा यो अलि अग्लो भए पनि पातलो र हलुका छ। यसको बाहिरी संरचना प्लास्टिकबाट बनेको छ।
एक्जिनोस ५ वा क्वालकम स्न्यापड्रागन एस ४ प्रो प्रोसेसरसहितको यो स्मार्टफोनमा २ जीबीको र्यारम हुनेछ। १६,३२ वा ६४ जीबीको स्टोरेज मोडलमध्ये छान्न पाइनेछ। साथमा एस सिरिजका मोबाइलमा अघि नभएको माइक्रो एसडी कार्ड स्लट पनि यसमा हुनेछ।
फोटोमा नयाँ सुविधा
स्मार्टफोनमा धेरै प्रयोग हुने एउटा सुविधा क्यामेरा हो। यसैलाई ध्यानमा राख्दै एस४ ले फोटोमा नयाँ सुविधाहरु दिएको छ। उदाहरणका लागि इरेजर मोडले धेरै वटा फोटो खिच्ने, त्यसपछि आफै ब्याकग्राउन्ड मोसन बुझेर हटाइदिने काम गर्छ। डुअलसटले एकै पटक अगाडि र पछाडिका क्यामेराले फोटो खिच्न सक्छ। ड्रामासटले फोटोको शृङ्खला खिची त्यसलाई एउटैमा ओभरल्याप गर्न मिल्छ। उदाहरणका लागि कुनै मान्छे उफ्रँदै गर्दाको विभिन्न चालका फोटो एउटै फोटोमा देख्न सकिनेछ। त्यसैगरी सिनेमा फोटो पनि रमाइलो छ। यसमा शृङ्खलावद्ध फोटो खिची फोटोको एउटा भागलाई चल्ने बनाउने र बाँकी जस्ताको तस्तै अडिने बनाउन मिल्छ। उदाहरणका लागि असनको भिडमा एक युवती हिँड्दै गरेको, बाँकी सब अडिरहेको गर्न मिल्छ।


छुनै पर्दैन
ग्यालेक्सी एस ४ मा एन्ड्रोइड ४.२.२ सफ्टवेयर राखिएको छ। गुगलको मोबाइल अपरेटिङ सिस्टमको यो सबैभन्दा पछिल्लो संस्करण हो। सन्देश र इमेल निश्चित भाषाबाट निश्चित भाषामा अनुवाद गर्ने सुविधा यसमा छ। अहिलेलाई नेपालीमा अनुवाद गर्ने सुविधा भने छैन।
त्यसैगरी यसमा एयर जेस्चर्सको नयाँ सुविधा थपिएको छ। फोनलाई नछोइकनै फोनमाथिबाट औँलाले दिएको इशारा फोनले बुझ्नेछ। मानौँ तपाईँ मोबाइलमा कुनै पेज हेरिरहनुभएको छ र त्यसलाई पल्टाउन चाहनुहुन्छ भने नछोइकनै इशाराकै भरमा गर्न सक्नुहुन्छ।
त्यस्तै स्मार्ट पज र स्मार्ट स्क्रोलको पनि सुविधा छ। मोबाइलमा कुनै भिडियो हेरिरहनुभएको छ र बीचमा तपाईँको आँखा मोबाइलमा नभई अर्कै ठाउँतिर भयो भने तपाईँले अर्कोतिर हेर्दा भिडियो रोकिनेछ र फेरि मोबाइलमा हेरेपछि सुचारु। अहिलेलाई यो सुविधा परीक्षणका रुपमा यसमा राखिएको छ।
तपाईँको स्वास्थ्य निगरानी
२४ सै घण्टा तपाईँको साथमा रहने मोबाइललाई स्वास्थ्य निगरानी उपकरणका रुपमा समेत उपयोग गर्न सकिन्छ कि भन्दै एस ४ ले महत्त्वाकांक्षी सुविधा थपेको छ। एस हेल्थ नाममा यसले विभिन्न थप उपकरणसमेतको सहयोगमा तपाईँको वरपरको वातावरण, तपाईँको एक्सरसाइज, तापक्रम आदि निगरानी गर्नेछ।
रिमोटका रुपमा मोबाइल
सामसुङको वाच अन एपसँग पेयर गरेपछि मोबाइललाई तपाईँ रिमोटका रुपमा समेत प्रयोग गर्न सक्नुहुनेछ। ग्रुप प्लेका रुपमा एउटा अर्को सुविधा पनि रमाइलो छ। ब्लुटुथ वा वायरलेस एक्सेस प्वाइन्टबिना नै एस ४ मोबाइलहरुमा एउटै गीत सुन्न सकिन्छ। त्यसैगरी ग्रुप गेम पनि खेल्न सकिन्छ।
१५५ देशमा यो मोबाइल आउँदो अप्रिल महिनादेखि बजारमा किन्न पाइनेछ।
भिडियो हेर्नुस्-

१ चैत पाल्पा । अन्तरिम चुनावी सरकारका प्रमुख खिलराज रेग्मीले सिंहदरबारमा पदभार ग्रहण गरेकै दिन उहाँको आफ्नै गृह जिल्ला पाल्पामा विद्यार्थीहरुले पुत्ला दहन गरेका छन् ।
राष्ट्रिय जनमोर्चासमर्थित अखिल छैठौं पाल्पाले तानसेन बजारमा रेग्मीको पुत्ला दशन गरेको हो । पुत्ला दहनको नेतृत्व अखिल छैठौंका केन्द्रीय सदस्य रेशम कँडेलले गरेका थिए । विहीबार छैठौंले रेग्मीको विरोधमा देशैभरि कार्यक्रम गरेको महासचिव घनश्याम न्यौपानेले अनलाइनखबरलाई बताए ।
रेग्मीको पुत्लामा चारदलका प्रमुख नेताहरुको समेत तस्वीर जोडेर पाँचवटा टाउका बनाइएको थियो ।
पत्लादहनका दृश्य

मान्छे अरुभन्दा केही अलग र नयाँ कुरा गरेर देखाउन इच्छुक हुन्छ । इच्छुक नहोस् पनि किन । नयाँ कुरा गरेपछि ऊ चर्चाको केन्द्र बन्छ । तर सबैले नयाँ कुरा गर्न कहाँ सक्छन् र ? तर चीनको एक जुत्ता कम्पनीले भने साँच्चीकै नयाँ र अनौठो काम गरेको छ ।
यो जुत्ता कम्पनीले विश्वमा सबैभन्दा बलियो जुत्ता उत्पादन गरेर नयाँ काम गरे की भन्ने सोँच्नुहोला । तर होइन, मजबुत जुत्ताका कारण नभई अनौठो जुत्ता बनाएका कारण यो कम्पनीले चर्चा पाएको हो ।

वास्तवमा यो कम्पनीले जुत्तामै इलेक्टि्रक कार बनाइदिएको छ । जो सबैका लागि नौलो कुरा हो । यो जुत्तारुपी इलेक्टि्रक कार एक भयानक जुत्ताकै आकारमा छ, छालाको जुत्ता जस्तै । यो जुत्ता कारमा दुइ जना मान्छे चढ्न सक्छन् । यो प्रतिघण्टा २० किलोमिटर सम्म कुँद्न सक्छ । यो कारमा एउटा ब्याट्री हुन्छ, जसको उर्जाबाट कार चल्छ । ब्याटी चालकको सिटको ठ्याक्कै मुन्तिर राखिएको छ । यो कारको बडी सबै छालाबाट बनाइएको छ र जुत्ता आकारभित्रै सबै अरु मेसिन फिट गरिएको छ ।
यो अनौठो कार जुत्ता निर्माण गर्ने कम्पनी केंग शू का अनुसार यो कारजुत्ता बनाउन ६ महिना लागेको हो । जसको निर्माणका लागि झण्डै ५ लाख रुपैयाँ लागेको छ । यो दश फिट लामो र ३ फिट उचाइको छ । शू नुमा कार नाम दिइएको उक्त कारलाई कम्पनीको प्रबर्धनका लागि बनाइएको हो ।

'स्वतन्त्र भएर काम गर्न सक्दैनन्'

नायिका कटि्रना कैफले नायक ऋतिक रोशनसँग चलचित्र ‘वैंग वैंग’ मा चुम्बन गर्ने बताइएको छ । चलचित्रमा यि दुई कलाकारको लिप किस समावेश हुने समाचार बाहिरिएको थियो ।तर अब कटि्रनाले ऋतिकसँग चुम्बन नगर्ने बताएर निर्माणपक्षलाई हैरानीमा पारेकी छिन् । चलचित्र ‘जब तक हे जान’ मा नायक साहरुख सानसँग कटि्रनाले चुम्बन गरेपछि सलमान आक्रोशित भएका थिए । यसैले पनि कटि्रनाले ऋषिकसँग चुम्बन नगर्ने निर्णय गरेको बताइएको छ ।
आफ्नो पूर्वप्रमिकाले कुनै नायकसँग चलचित्रमा चुम्बन गरेको नायक सलमान खान रुचाउँदैनन् । यसैले पनि सलमानको चित्त नदुखाउन कटि्रनाले यो निर्णय गरेको भारतिय संचारमाध्यमले जनाएका छन् । कटि्रना र ऋतिकले यसअघि चलचित्र ‘जिन्दगी ना मिलिंगे दोबारा’ मा लिप किस गरेका थिए ।

चैत १ - गुल्मी सदरमुकाम तम्घासबाट नेटादर्लिङतर्फ जाँदै गरेको लु १ ज ३०२४ नम्बरको जीप मंगलबार राति दुर्घटना हुँदा दुई जनाको मृत्यु भएको छ। दश जना घाइते भएका छन्। घाइते मध्ये केहीको अवस्था गम्भीर रहेको प्रहरीले जनाएको छ। नेटादर्लिङ गाविस­५ स्थित म्यालचौरमा दुर्घटना भएको हो। मृत्यु हुनेमा नेटा गाविस­५ का ८२ वर्षीया दिलमती श्रीस र सोही गाविस ­९ का ५५ वर्षीय नरबहादुर भण्डारी रहेको प्रहरी नायव उपरिक्षक गुरूबिष्णु काफ्लेले बताए। उनीहरुको घटना स्थलमै मृत्यु भएको थियो। घटनास्थल सदरमुकाम तम्घास देखि ९ कोष टाढा पर्छ। कफ्लेका अनुसार जिप चालक सम्पर्क बाहिर छन्। दुर्घटनाको कारण खुल्न सकेको छैन। राति करिब ८ बजे दुर्घटना भएको थियो। घाइते भएकाहरुलाई जिल्ला अस्पताल तम्घास र पाल्पा स्थित मिसन अस्पताल तर्फ लगिएको छ।

१. दिन दिनै बिहान अफिस जांदा चुम्बन गर्ने जोडी सरदार ५ बर्ष बढी बाच्छन |
२. प्रत्येक एक मिनेटको चुम्बनले २-३ क्यालोरी खर्च हुन्छ र पाचन शाक्ति पनि दुइ गुणाले बढोत्तरी हुन्छ | तौल घटाउनको लागि द… िनको तीन चुम्बन (कम्तिमा २० सेकेन्ड लामो)गर्दा झन्डै आधा किलो वजन घट्न सक्ने बताइन्छ |
३. चुम्बनले मानिसमा स्वाभिमान बढाउछ र मस्तिष्क चुस्त राख्न मद्दत गर्दछ|
४. चुम्बनले तनाब कम गर्न सहयोग गर्छ | आत्मीय चुम्बनले नकारात्मक सोचाई कम गर्ने, सुखी जिबनको अनुभूति दिने, र तनाब हर्मोनलाइ घटाउने काम गर्छ |
५. चुम्बन गर्दा मुहारका ३० वटा मांसपेशीहरु ले काम गर्छन | यसले मुहारका मांशपेशीहरुको व्यायाम भई बुढेशकालसम्म यिनीहरुको कडापन रहिरहन्छ र चाउरी कम गर्न सहयोग पुग्छ| छाला मुलायम र रक्तसंचारमा पनि यसले सहयोग गर्छ |
६. चुम्बन मुटुको लागि पनि सहयोगी हुने पत्ता लागेको छ | चुम्बन गर्दा यसले सरिरमा एड्रनालिन भन्ने रसायन उत्पादन गरेर मुटुलाई बढी रगत संचार गर्न सहोयोग गर्छ | बेला बेलामा गरिने चुम्बनले मुटु सम्बन्धि रोगहरुलाई कम गर्न पनि सहयोग गर्नुका साथै ब्लड प्रेसर कम गर्ने र कोलेस्टोर पनि कम गर्न सक्छ |
७. बेला बेलामा गरिने चुम्बन गरि राख्ने मानिसमा पेट, पिसाब थैली र रगतको इन्फेक्सन कम हुन्छ |
८. चुम्बन गर्दा थुकमा निस्कने प्राकृतिक अन्तिबायोटिक ले किटाणु हरुसंग लड्न सहयोग गर्दर्छ | चुम्बन गर्दा थुकसंग निस्कने प्राकृतिक एनेस्थेटिकले दुखाइ पनि कम गर्छ |
९. चुम्बनले मानिसलाई शान्त हुन सहयोग गर्दछ | यसले अक्सिटोसिन नामको रसायन उत्पादन गरेर आत्तिएको मानिसलाई शान्त पार्न सहयोग गर्छ |
१०. चुम्बन गर्दा निस्कने अतिरिक्त थुकले मुखमा हुने किटाणुहरुलाई पखालेर दात स्वस्थ हुन सहयोग गर्छ ।

नायक राजेश हमालले आफ्नो प्रेमिका भएको बताएपनि सार्वजनिक भने गरेका थिएनन् । तर गत शुक्रबार साप्ताहिकले स्केच सहित मधुको अन्र्तवार्ता सार्वजनिक गरेको थियो । तर हमालले विगत ७ बर्षदेखि लुकाएर राखेकी मधुको वास्तविक तस्बिर भने सार्वजनिक भएको छ ।

विराटनगर निवासी मधुले विभिन्न खालका व्युटी प्याजेन्टमा भाग लिएकी छिन् । उनले सन् २००२ मा आयोजना गरिएको ‘मेघा मोडल कन्टेष्ट’ र सन् २००४ मा आयोजना गरिएको ‘लक्स व्युटी स्टार’ मा भाग लिएका थिइन् ।
कसरी भयो मधु र हमालको भेट ?
विराटनगरकी मधु भट्टराई र नायक राजेश हमालको भेट ‘लक्स व्युटी स्टार’ मा भएको थियो । सन् २००४ मा आयोजना गरिएको यो कन्टेष्टमा हमाल प्रमुख निर्णायकको रुपमा पुगेका थिए । मधुले विभिन्न चरणमा देखाएको प्रस्तुतीले हमाल प्रभावित थिए । तर अन्तिम ५ मा पुगेकी मधुले हमालको प्रश्नको जवाफ भने सहि तरिकाले दिन सकिनन् । हमालको अगाडी मधु नर्भस भएको बताइन्छ ।

यसैले उनले यो प्रतियोगितामा फस्ट रनरअपको ताज जितेकी थिइन् । कार्यक्रम सकिएपछि हमाल र मधुको भेट भएको थियो । जहाँ हमालले मधुलाई आफ्नो भिजिटिङ कार्ड दिएका थिए । यसपछि मधु र हमालको इमेलमा कुरा हुन थाल्यो । यसको डेढ बर्षपछि मधुले हमाललाई प्रेम प्रस्ताव राखेको श्रोत बताउँछ । तर मधुले राखेको प्रेम प्रस्तावलाई हमालले तत्काल स्विकार गरेनन् । तर इमेलमा यि दुइको वार्तालाप भने चल्दै थियो । मधुको प्रेम प्रस्ताव पश्चात हमालले उनलाई बारम्बार भेट पनि गरेका थिए । मधुले प्रेम प्रस्ताव राखेको करिब ६ महिना पछि हमालले उनको प्रेमलाई स्विकार गरेका थिए । हमाल र मधुको प्रेमसम्बन्ध चलेको करिब ६ बर्ष भएको बताइएको छ ।
को हुन् मधु ?
५ फिट ६ इन्च अग्ली मधु विराटनगर निवासी हुन् । धनु राशी भएको मधुको एक दिदी छिन् । मधुको वुवाको २ बर्ष अघि निधन भैसकेको छ । हाल स्नातकको पढाइ सकेर बसेकी मधु लाजिम्पाटमा बस्ने बुझिएको छ । नायक हमालले उनलाई फ्ल्याटमा राखेका छन् । मधु हाल कुनै पनि काममा आवद्ध छैनन् ।मधुले बनाएको केकको फ्यान हमाल
नायक राजेश हमाल मधुले बनाएको चकलेटी केकको फ्यान हुन् । हमालको जन्मदिनमा सधै नै मधुले बनाएको केक काटिन्छ । मधुको परिवार पनि हमालसँग बिहेका लागि राजी भैसकेका छन् । यसैले पनि यि दुइको चाडै बिहे हुने बुझिएको छ । हमाल मधुसँग नजिक र आकषिर्त हुनुको मुख्य कारण नै उनको बोलीचाली र सोचाइ हो । ‘मधु आम केटी भन्दा फरक छिन्, उनको सोचाई धेरै माथीको छ’, यसैले पनि हमाल आकषिर्त छन्, श्रोतले भन्यो ।

एजेन्सी। पेरुको राजधानी लीमाको लस मर्सिडिज अस्पतालमा एक अचम्को घटना घटेको छ। उक्त अस्पतालमा ३ वर्षीया एक बालकको पेटको शल्यक्रिया गर्दा उसको पेटमा अर्को बच्चा भेटिएको चिकित्सकहरुले बताएका छन्। उक्त बालक गर्भवती भएको नभएर पेटमा भएको बच्चा उसको जुम्ल्याहा भाइ भएको शल्यक्रियामा संलग्न चिकित्सक कार्लोस एस्टोकोन्डरले बताएका छन्। यसका साथै उक्त बालकको पेटबाट निकालिएको जुम्ल्याहा भाइको तौल ७ सय ग्राम तथा लम्बाइ २५ सेन्टिमिटर रहेको चिकित्सहरुले बताएका छन्। आमाको पाठेघरमा भ्रुणको विकाश हुँदा जुम्ल्याहा छुट्टा छुट्टै हुने भए पनि कहिलेकाहीँ शरीरका अंग जोडिएका हुने र चरम अवस्थामा एउटाको शरीरभित्र अर्कोको शरीर विकशित हुन सक्ने चिकित्सकहरुले जानकारी दिएका छन्।

गोरखा,१४ फागुन– गोरखा सदरमुकाम नजिकै एउटा बाख्राले २ वटा टाउँको र चारवटा आँखा भएको पाठो जन्माएको छ । गोरखा नगरपालीका वडा नम्वर ५ रोहटेपानीका बाख्राले दुईवटा टाउको चार वटा आँखा भएको पाठो जन्माएको छ । स्थानीय श्यामप्रसाद श्रेष्ठको बाख्र्र्राले हिजो शरीर एउटा तथा टाउको दुईवटा भएको पाठो जन्माएको हो । दुई टाउको भएको पाठो जन्मदैमा मृत जन्मेको र सँगै जन्मेको अर्की पाठीको भने अबस्था समान्य रहेको पशु सेवा कार्यालय गोरखाले जनाएको छ

मुम्बइ, फागुन २८ (एजेन्सी) - अमेरिकामा क्यान्सरको उपचार गरेर आराम गरिरहेकी बलिउड अभिनेत्री मनिषा कोइराला चाँडै नै घर मुम्बइ आउने तरखरमा छिन् । क्यान्सर पूर्ण रुपमा बिसेक हुन अझै केही महिना लाग्ने भएपनि जुनमा घर फर्किने उनले बताएकी छिन् । पुरै सन्चो भएपछि फिल्म क्षेत्रमा सक्रिय हुने पनि उनले बताएकी छिन् । बलिउडहङ्गामा डटकमका अनुसार कोइराला घर फर्केपछि सबैभन्दा पहिले दिप्ती नवलद्वारा निर्देशित र उनैले बनाएकी फिल्म 'दो पैसेकी धुप चार आनेकी वारिश' रिलिज गर्ने तयारी गरिरहेकी छिन् ।फिल्मको मुख्य तीन पात्र मध्येका रजित कपुरले भनेका छन्, 'हामीले फिल्म धेरै पहिला सकेका थियौँ । तर खै निर्देशकले किन फिल्म रिलिज गरेनन् । मैले पहिला सोधेको थिएँ । अब त सोध्नै छाडिदिसकेँ ।' तर निर्देशक नवलले भने मनिषा स्वस्थ भएर घर फर्केपछि फिल्म रिलिज गर्ने बताएकी छिन् । कोइराला केही समय अघि क्यान्सर अप्रेसन गरेर अमेरिकामा आराम गरिबसेकी छिन् । नेपाली राजनीतिका शिखर पुरुष विश्वेस्वरप्रसाद कोइरालाकी नातिनी मनिषामात्र होइन उनको पूरै परिवार क्यान्सर पीडित थियो। कृष्णप्रसादकी तेस्री तथा कान्छी श्रीमती दिव्याको कोखबाट जन्मिएका बिपी, केशव र तारणीप्रसाद तीनै जनाको क्यान्सरबाट मृत्यु भएको थियो। पूर्व प्रधानमन्त्री गिरजाप्रसाद कोइरालाको पनि क्यान्सरकै कारण मृत्यु भएको हो। तारिणीकी छोरी कल्पनाको पनि क्यान्सरबाट मृत्यु भएको थियो ।

विश्वमा नै प्रजनन् उमेरका महिलाका लागि गर्भनिरोधक साधनको अभाव बढ्दै गएको हालै गरिएको एक सर्वेक्षणले देखाएको छ ।
फ्रान्सको राजधानी पेरिसमा मङ्गलबार सार्वजनिक सो सर्वेक्षणले आगामी सन् २०१५ सम्ममा विश्वका विभिन्न विकासशील एवम् सब सहारान अफ्रिकी देशका महिलामा यो अभाव हुने देखाएको छ ।
सो सर्वेक्षणले सन् २०१५ सम्ममा विश्वका २३ करोडभन्दा बढी प्रजनन् उमेरका महिलामा गर्भनिरोधक सामानको अभाव हुने भएको देखाएको छ ।
प्रजनन् उमेर भन्नाले १५ देखि ४९ वर्षसम्मको उमेरका महिलालाई जनाउँछ । यो उमेरका महिलामा बच्चा जन्माउन सक्ने क्षमता बढीमात्रामा हुने भएकोले विश्वकै महिलाको सो उमेरलाई प्रजनन् उमेर भनिएको हो ।
यो अभाव बर्सेनि बढ्दै गएको पाइएको छ । सन् २०१० मा यो उमेर समूहका करिब २२ करोड मात्र महिलामा यस्ता साधनको अभाव रहेकोमा सो सङ्ख्या यो वर्ष र आगामी सन् २०१५ सम्मको अवस्थामा हेर्दा बढ्ने पाइएको हो ।
विश्वका विकासशील देशका करिब ८० प्रतिशत नै महिलामा यी साधनको अप्राप्य चाहना रहेको छ । अथवा यी देशका प्रजनन् उमेरका त्यति धेरै महिलाले गर्भनिरोध साधनको प्रयोग गर्न चाहेर पनि पाएका छैनन् ।
विशेषगरी सब सहारान अफ्रिकी देशहरुमा यो अवस्था बढी मात्रामा रहेको छ । पछिल्लो सर्वेक्षणले विश्वमा गर्भनिरोधक सामानहरुको चाहना भए पनि प्रयोगको पहूँच नपाएका महिलाको सङ्ख्या बढ्दै गएको देखाएको छ ।
साथै विश्वका विभिन्न देशमा गरिएको सो सर्वेक्षणले प्रतिवर्ष गर्भनिरोधका आधुनिक साधनको प्रयोगमा महिलाको सङ्ख्या भने बढ्दै गएको पाइएको छ ।
यो अवस्थाले जन्मदर नियन्त्रणका लागि विश्वमा अघि सारिएका पहलहरु पनि पर्याप्त छैनन् र यसबाट महिलाको पहूँच प्रतिदिन टाढा बन्दैछ भन्ने देखाएको विश्लेषकहरुको भनाई छ ।
सन् २०१० मा मात्र पनि विश्वका प्रजनन् उमेरका १२.३ प्रतिशत महिलाले यस्ता साधनको प्रयोगमा पहूँच पाउन सकेनन् । यो सङ्ख्या सन् १९९० मा भने १५.४ प्रतिशत थियो ।
यो अवस्था हेर्दा विगतका दशकहरुको तुलनामा हालैका वर्षहरुमा महिलामा गर्भनिरोधक साधनहरुको प्रयोगको पहूँच केही मात्रामा बढ्दै गएको भने देखिन्छ ।
तरपनि साधन प्रयोग गर्ने महिलाको सङ्ख्या बढ्दै जाँदा अप्राप्य चाहना (अनमिट निड) पनि बढ्दै गएको छ । यो पछिल्लो सर्वेक्षणले पनि सन् २०१० को तुलनामा अबको अवस्था झनै नाजुक हुने देखिन्छ ।
संयुक्त राष्ट्रसङ्घीय जनसङ्ख्या कोषको आर्थिक सहयोगमा सिंगापुरको नेसनल युनिभर्सिटी अफ सिंगापुरले हालै सो सर्वेक्षण गरेको हो ।
सन् २०१५ सम्म पूरा हुनुपर्ने सहस्राब्दी विकास लक्ष (एमडिजी) का अनुसार सो वर्षसम्ममा विश्वका सबै महिलामा यस्ता साधनहरुको प्रयोग सर्वसुलभ गराउनु पर्ने भनिएको छ ।
तर यस अवस्थामा भने सो विकास लक्ष्य हासिल हुन सक्ने अवस्था देखिँदैन । जनसङ्ख्या विदहरुका अनुसार महिलामा यस्ता साधनहरुको सर्वसुलभताका कारण बाल स्वास्थ्य, शिक्षा एवम् अन्य मानव विकासमा पनि सहयोग पुग्दछ ।
साथै विस्फोटक रुपमा बढ्दै गएको जनसङ्ख्याको नियन्त्रणका लागि पनि प्रजनन् उमेरका महिलामा गर्भ निरोधक साधनको उपलब्धता र सर्वसुलभता आवश्यक छ ।
साथै गर्भनिरोधक साधन कण्डमले एचआईभी एड्सलगायतका विविध यौन रोगको नियन्त्रणमा पनि सघाउने हुनाले जनस्वास्थ्यका लागि पनि यी साधनको उपलब्धता आवश्यक नै छ ।
यस तथ्याङ्क बाहेक पनि यदि विश्वका थप १२ करोड महिलाले आगामी सन् २०२० सम्ममा यस्ता साधनको प्रयोगमा पहूँच पाएभने कम्तीमा पनि तीस लाख शिशुहरु असुरक्षित गर्भकाका कारण हुनसक्ने स्वास्थ्य जोखिमबाट बच्न सक्नेछन्– सो सर्वेक्षणमा भनिएको छ ।

नेपालगन्ज, फाल्गुन २९ - घर जानलाई यातायातका साधन  खोज्दै नेपालगन्ज स्थित  बसपार्क पुगीकी एक युवतीलाई दुई जना युवाले  रोकिराखेको बस भित्र लगेर  बलात्कार गरेका छन् ।
नेपाल बन्दका बेला फाल्गुन २४ गते राति १० बजे तिर बस खोज्दै  वसपार्क पुगेकी  धनगढीकी २५ वरर्षीया युवतीलाई बलात्कार गर्ने दुई जनालाई प्रहरीले पक्राउ गरेको जनाएको छ ।
ना ४ ख ५३४ नंम्बरको वस भित्र लगरेर ज्यान लिने धम्की दिई सामुहिक बलात्कार गरेका थिए । बलात्कारपछि फरार  सुर्खेत मालारानी- ९ का रमेश भन्ने २२ वर्षीय रुपलाल डि.सी. र बाँके खासकुसुम- २ वस्ने १८ वर्षीय  तिलक आचार्यलाई तीन दिन अघि पक्राउ गरेको प्रहरीले जनाएको छ । अभियुक्तहरुलाई मुलुकी ऐन जबरजस्ती करणी महल अनुसार कारबाही  सुरु गरिएको प्रहरीले जनाएको छ   ।

मोडल तथा डिजाइनर क्यापरिस वाउरेटले विकिनीमा फोटोसुट गराएकी छिन् । आफैले तयार पारेको पहिरनमा उनले फोटोसुट गराएकी हुन् ।२००६ देखि उनले डिजाइनको कम्पनी खोलेकी थिइन् । क्यालिफोर्नियाकी यि मोडलले गरेको फोटोसुटले धेरैको ध्यान खिच्ने विश्वास गरिएको छ ।