तपाइँकालो चियाकत्तिको पिउनुहुन्छ ? कतिपयलाई त दुध नराखेको चिया मनै पर्दैन । कतिले भने दुध राखेको जियाले पेट खराबगर्ने भन्दै कालो चियाखाने गर्नुभएको छ होला । के तपाइँलाई कालो चियाले गर्ने फाइदाको बारेमाथाहा छ ? छैन भनेपनिचिन्तानगर्नुहोस् तपाइँले पिउने कालो चियाले तपाइँलाई थाहानभएपनितपाइँको मुटु तथा रगतलाई निकै फाइदा पूराइरहेको हुन्छ । एक नयाँअध्ययनकाअनुसार कालो चियामापाइने एक प्रकारको तत्व फ्लेवनाइडले रक्तनलीहरुलाई क्षति हुनुबाट बचाउँछ र मुटु तथा रक्तनली सम्बन्धि रोगको खतरा घटाउँछ ।
फ्लेभिन्वाइड तत्वले एन्टी अक्सिडेन्टको कामगर्ने र रक्तधमनीहरुको अक्सीकरणसाथै यसले सरीरमा भिटामिन सी को प्रभावलाई बढाउने र रक्तनलीको आसपासका संयोजीतन्तुको पनि रक्षागर्ने शोधकर्ताहरु बताउँछन् ।
युनिभर्सिटी अफ वेस्टर्न अस्टेलियाको स्कुलअफ मेडिसिनका शोधकर्ताहरुले मुसामा गरेको अनुसन्धानले कालो चियामाहुने तत्वले रक्तनलीको सुरक्षागर्ने तथ्यपत्तालागेको हो । कालो चियाले रक्तनलीको सुरक्षातथा रक्तरोगको जोखिमकमगर्नुका साथै उच्च रक्तचापको समस्यापनिकम गर्छ ।
कालो चियामाहुने फ्लेभिन्वाइड तत्वले रक्तनलीमा पूराउने फाइदाको विषयमा प्रमाण फेला परेपछि अबभविष्यमा रक्तरोगको उपचारमा यो तत्वको प्रयोग बढाउन सकिनुका साथै यो तत्वप्रचुर मात्रामापाइने अन्यखानेकुरा वाखाद्यश्रोतको बारेमापनिखोजीहुने विश्वास सोधकर्ताहरुकेा छ ।

तपाइँ रातमा सुत्दा लुगा फुकाल्ने गर्नुहुन्छ की हुन्न ? सायद बाहिरी कपडा फुकालेपनि भित्री लुगा चाहीँ फुकाल्नुहुन्न होला । अझ अहिलेको जाडो याममा त बाहिरी लुगा समेत फुकाल्न धौ धौ हुन्छ होला ।

बाहिरी लुगा समेत नफुकालीकन सुत्दाखेरी सुत्न अप्ठेरो हुने र निद्रा नपर्ने भएकाले भित्री लुगा वा नाइट डेस लगाएर सुत्ने चलन हुन्छ । तर विज्ञहरुले भने सुत्दाखेरी भित्री वस्त्र समेत खोलेर निर्वस्त्र सुत्ने गरेमा त्यो स्वास्थ्यका लागि निकै फाइदाजनक हुने बताउँछन् ।

विज्ञहरुका अनुसार निर्वस्त्र भएर सुत्नाले व्यक्तिको स्वास्थ्यमा धेरै फाइदा पुग्छ । निर्वस्त्र सुताई व्यक्तिको शारीरिक मात्र नभएर मानसिक स्वास्थ्यका लागि समेत उपयोगी हुने बताइन्छ । विज्ञहरुका अनुसार महिलामा यौन रोगको जोखिम कम गर्न निर्वस्त्र सुताइ निकै फलदायी हुन्छ । खासगरी गुप्तांगमा हुने विभिन्न खालका संक्रमणको खतरा कम गर्न र गुप्तांग स्वस्थ राख्नका लागि निर्वस्त्र रुपमा सुत्नु आवश्यक हुने विज्ञहरुको ठम्याइ रहेको छ । निर्वस्त्र रुपमा सुत्दा महिलाको गुप्तांग हुने ढुसी तथा ब्याक्टेरियाको संक्रमण नियन्त्रण हुन्छ ।

निर्वस्त्र सुत्नुको अर्को फाइदा भने मिठो निद्रा पर्नु हो । निर्वस्त्र सुताइले तपाइँलाई निद्राका बेला सितलता प्रदान गर्छ जसका कारण तपाइँलाई अझ गहिरो र मीठो निद्रा पर्छ ।

रातमा सुत्दा लुगा लगाएर सुत्ने बानीले व्यक्तिको सुन्दरतामा समेत असर पूराउँछ । विज्ञहरुका अनुसार सुत्दाखेरी लुगा लगाउने वा बढि न्यानो भएर सुत्दा मानिसको सरीरबाट मेलाटोनिन र ग्रोथ हर्मोनको उत्पादन कम हुन्छ । यस्तो हर्मोनको उत्पादन कम हुनु भनेको व्यक्तिमा छिटै बुढयौलीका लक्षण देखिनु हो । निर्वस्त्र सुत्नाले व्यक्तिको सरीरबाट यस्ता हर्मोनको उत्पादन बढि हुन्छ, जसका कारण बुढयौलीका लक्षणमा न्यूनिकरण मात्र होइन छाला र कपालको सुन्दरतामा पनि वृद्धि हुन्छ ।

निर्वस्त्र भएर सुत्नुको अर्को फाइदा पनि छ । त्यो के भने मोटोपन घटाउनका लागि समेत निर्वस्त्र सुताइ कामयावी हुन्छ । राम्रो निद्रा नपर्दा कोर्टिसोल हर्मोनको उत्पादन बढि हुने र यो हर्मोनका कारण व्यक्तिलाई बढि भोक लाग्ने भएकाले धेरै खाने र सोही कारण मोटोपन बढ्छ । तर निर्वस्त्र सुत्दा पर्ने मीठो निद्राका कारण यो हर्मोनको मात्रा घट्न गई भोकमा सन्तुलन वा नियन्त्रण आउँछ जसका कारण मोटोपन नियन्त्रणमा समेत सघाउ पुग्छ ।

निर्वस्त्र सुत्ने बानीले व्यक्तिमा आत्मविश्वासको लेभलमा पनि वृद्धि गर्ने विज्ञहरु बताउँछन् ।

निर्वस्त्र सुत्ने मानिसले लुगा लगाएर सुत्नेले भन्दा बढि यौनसुख प्राप्त गर्छन् र उनीहरुको यौन जिवन पनि सफल बन्छ । जब दम्पतीहरु निर्वस्त्र रुपमा ओछ्यानमा सुत्छन् तब दुबैको नांगो छालाको स्पर्शले दुबैमा लभ हर्मोन भनिने अक्जीटोसिनको उत्पादन बढाउँछ । यसले व्यक्तिलाई सम्भोगका लागि सक्रिय बनाउँछ र इच्छा जागृत गर्छ अनि एक अर्कामा आकर्षण बढाउने काम गर्छ । निर्वस्त्र सुताइले मानिसमा सम्भोगका बेला चरम आनन्द प्राप्तिको दर पनि बढाउने बताइन्छ ।

७ बर्षपछि बोले इजलासमा न्यायाधीशअदालतमा चर्को बहस हुँदा पनि न्यायाधीश चुपचाप बस्नु र कुनै सबाल-जवाफ नगर्नु प्रायः असम्भव नै मानिन्छ । तर, अमेरिकी सर्वोच्च अदालतका न्यायाधीश क्लेरेन्स थोमस पछिल्लो ७ वर्षदेखि अदालती शुनुवाईका क्रममा एक शब्द पनि बोलेका छैनन् ।

चलचित्र ‘मैना’ निर्माण भएपछि नेपालमा बास्तवीक घटनामा आधारित सिनेमाको निर्माण हुनेत्र क्रम बढेको निर्देशक पाठकको दाबी छ । पाठकले भने, ‘बिषय उठान गर्ने काम चलचित्रकर्मीको हो, त्यसलाई कार्यन्वयन गर्ने काम राज्यको हो ।’ चलचित्रमा रामेशको संगीत, नयनराज पाण्डेको लेखन छ ।

४ माघ, काठमाण्डौ । युद्ध अपराधको अभियोगमा लण्डनमा पक्राउ परेका नेपाली सेनाका कर्णेल कुमार लामालाई छुटाउन नेपाल सरकारले सवैखाले उपाय अपनाउने भएको छ ।

बन्दूक बोकेर बिचल्ली भएकाहरुको व्यथा

गाउँठाउँका बेरोजगार र आर्थिक अवस्था कमजोर भएका युवाहरुलाई सपना देखाउने गतिलो ठाउँ थियो विगतमा माओवादी जनयुद्ध । कलिलो दिमागमा नयाँ नेपाल र उज्वल भविष्यको सपना देखाएर माओवादीले नेताले धेरै युवाहरुलाई आफूतिर आकषिर्त गरे । राज्यले दमन गरेर आफ्ना मान्छे मारेका कारणले पनि कतिपय मानिसहरु बाध्य बनेर जंगल पसे । यसक्रममा धेरैले अल्पआयूमै ज्यान गुमाए । शान्ति प्रकृयामा आएपछि कतिपय नेताहरु राम्रो ठाउँमा पनि पुगेका छन् भने जनयुद्धमा लागेका धेरै युवा अहिले न यता, न उता अलपत्र अवस्थामा छन् । यीमध्ये केही युवालाई अनलाइनखबरले यस्तो अवस्थामा भेट्टायो :
अधिकार माग्दा दुबै खुट्टा भाँचियो
प्युठान नारीकोटकी २१ वर्षीय इच्छा जिसी यतिबेला हिँड्न नसक्ने गरी ओछ्यानमा थला पर्नुभएको छ । जनयुद्धको क्रममा सेना र प्रहरीसँग भिड्दा केही नभएकी जिसीले शान्ति प्रकृयामा आएपछि प्रहरीको लौरो खानुपर्यो । त्यो पनि अन्त होइन, आफ्नै पार्टी एकीकृत माओवादीको मुख्यालय बाहिर । ‘आफ्नो हक, अधिकार माग्दै धर्ना दिने क्रममा प्रहरीले हस्तक्षेप गरेर मेरो यो हालत भयो’ आफ्नो भाँचिएका दुईटा खुट्टा देखाउँदै उहाँले भन्नुभयो ।
अयोग्य घोषणा गरिएको बिरोधमा बहिगर्मित जनसेनाले आफ्नै नेताहरुको मुख्यालयमा धर्ना दिने क्रममा इच्छाको यो अवस्था भएको हो । ‘ऊबेला पार्टीले आक्रमणमा खटायो, बन्दूक बोकेर दुश्मनसिन लड्न पनि हिँडियो’ बिगत सम्झँदै इच्छाले भन्नुभयो-’ऊबेला योग्य, अहिले अयोग्य कसरी ?’ आफूलाई अयोग्य घोषणा गरिएकोमा उहाँलाई पटक्कै चित्त बुझेको छैन ।
काका खिमबहादुरलाई तत्कालीन शाही सेनाले हत्या गरेपछि इच्छा त्यसको बदला लिन जनयुद्धमा होमिनुभयो । ८ कक्षा पढ्दापढ्दै युद्धमा लागेकी उहाँले अहिले ११ कक्षा त पास गर्नुभयो । तर, आफ्नो जीवन बर्बाद भयो भनेर उहाँलाई बेलाबेला विगतले झस्काउने गरेको छ । ‘न जनयुद्धमा लागेर भनेजस्तो भयो, न राम्रोसँग पढ्न पाइयो’ उहाँले भन्नुभयो-’पार्टी नेताहरुले हामीजस्ता युवालाई ठूलो घात गरे ।’
जीन्दगी नै तहसनहस भयो
सल्यान हेमल्चाका २४ वर्षीय अर्जुन बुढाथोकीको पारिवारिक अवस्था दयनीय छ । आर्थिक अवस्था कमजोर भएका कारण राम्रोसँग पढ्न पनि पाउनुभएन । पारिवारिक अवस्थाले उहाँलाई सानै उमेरमा निराशा र अभाव महसुस हुँदै गयो । ‘कोही धनी, कोही गरीब किन ?’ कलिलो दिमागमा उहाँलाई यो प्रश्नले झक्झकायो । अन्याय, अत्याचार र समानताको लागि लड्नुपर्छ भन्ने भावनाले उहाँलाई माओवादी जनयुद्धमा डोर्‍यायो ।
तेह्र वर्षकै उमेरमा बन्दूक बोकेर हिँडेका अर्जुनले सेक्सन कमाण्डरको जिम्मेवारी सम्हालिसक्नुभएको छ । पाल्पा, सल्यान, दाङ लगायतका ठाउँमा भएका आक्रमणमा उहाँ अग्रमोर्चामा हुनुहुन्थ्यो । भिडन्तका क्रममा उहाँ घाइतेसमेत हुनुभयो । शरीरमा अहिले पनि छर्राहरु बाँकी छन् । ‘खुट्टामा अझै पनि गोली छ’-अर्जुनले खुट्टातिर हेर्दै भन्नुभयो- ‘पार्टीले आश्वास दियो, लडियो, अहिले अयोग्य रे ।’ आफूहरुलाई अयोग्य घोषणा गरेर पार्टी नेतृत्वले अलपत्र पारेको उहाँको गुनासो छ ।
जनयुद्धमै लागेका कारण पारिवारिक अवस्था र आफ्नो जिन्दगी तहस-नहस भयो भनेर उहाँलाई निकै पछुतो लागेको छ । ‘आफ्नो यही अवस्थाले श्रीमतीसँग पनि सम्बन्ध विच्छेद भयो’ अर्जुनले भन्नुभयो-’पार्टी नेतृत्वले हाम्रो जिन्दगीमाथि खेलबाड गरेको छ ।’
नेतालाई नचाहिएपछि अयोग्य भएँ
सिन्धुपाल्चोक टेकानपुरकी २० वर्षीया बिन्दा महतका साथीहरु कोही कलेज पढ्दैछन्, कोही काममा पनि लागिसके । उहाँ भने हक, अधिकार खोज्दै नेताहरुको दैलोदैलो चाहार्दै हुनुहुन्छ । ‘ऊबेला हक अधिकारका लागि भन्दै राज्यसँग लडियो, अहिले पार्टी नेतृत्वसँग लड्न परेको छ ।’
लाउँलाउँ र खाउँखाऊँकै उमेरमा बिन्दा जनयुद्धमा होमिनुभयो । बन्दूक बोकेर ‘दुश्मन’ खोज्दै आक्रमणमा लाग्नुभयो । ‘उबेला आक्रमणको मोर्चामा म योग्य थिएँ, नेताहरुलाई नचाहिएपछि अहिले अयोग्य भएँ’ आक्रोश पोख्दै उहाँले भन्नुभयो-’सानोबेला हामीलाई किन लगेर अहिले अलपत्र बनाएको ? यसको जवाफ नेतृत्वले दिनपर्छ ।’
जनयुद्धमा लागेर पढाइ-लेखाइ र परिवारको माया ममता नै बिर्सिन लागेको भन्दै उहाँ पछुतो मान्नुहुन्छ । ‘ऊबेला जनयुद्धमा लागेर गल्ती गरिएछ जस्तो लाग्छ’ महतले भन्नुभयो-’पार्टीले हामीलाई प्रयोग मात्रै गरेर छोड्यो ।’
पछुतो मात्रै लाग्छ
सँगैका साथीहरु कोही सेनाको तालिम लिइरहेका छन् । कोही पढाइ सकेर जागिरे भैसके । तर, दाङ शान्तिनगरका २३ वर्षीय ठाकुर बिक पार्टी मुख्यालय पेरिसडाँडामा भौंतारिएरै दिन कटाइरहनुभएको छ । ‘ऊबेला पार्टीले सपना र आश्वासन बाँड्यो’ बिकले भन्नुभयो-’अहिले त्यही पार्टीले आक्रोश र निराशाबाहेक केही दिएको छैन ।’
आफूलाई अयोग्य घोषणा गर्नुमा पनि पार्टी नेतृत्वको हात रहेको उहाँको गुनासो छ । ‘संकटको बेला पार्टीलाई हामी नभई भएन, अहिले उनीहरु ठाउँमा पुगेपछि बिर्सिए’ बिकले भन्नुभयो ।आठ कक्षा पढ्दै गरेको अवस्थामा ०६१ सालदेखि विक जनयुद्धमा होमिनुभएको हो । विद्यार्थी संगठनदेखि सेनाको सेक्सन कमाण्डरसम्मको जिम्मेवारी सम्हाल्नुभयो ।
‘पारिवारिक अवस्था पनि दयनीय छ, यता लागेर पढाइ पनि बिगि्रयो’ बिकले भन्नुभयो-’पार्टी नेतृत्वले हाम्रो भविश्यमाथि खेलवाड गर्यो, जीवन बर्बाद भयो, किन लागेछु भनेर अहिले पछुतो मात्रै लाग्छ ।’
विकल्प खोज्दै
माओवादी जनयुद्धको बेला आफ्ना निर्दोष बा आमालाई सेनाले समाएर लगेपछि १४ वर्षीय अन्तराम चौधरीलाई निकै बिझ्यो । भित्रैबाट बदलाको भावना जन्मियो । अनि पढाईलेखाई छोडेर चौधरी मुक्ति खोज्दै युद्धमा होमिनुभयो । ‘प्लाटुन सह-कमाण्डर भएर धेरै ठाउँको आक्रमणमा सहभागी भएँ, अहिले बेहाल भइयो’ बर्दिया मानपुर तपराहका चौधरीले भन्नुभयो-’१० वर्ष पार्टीमा लागेर गरेको योगदान नेताहरुले भुले ।’
सत्ता र स्वार्थमा लागेर नेताहरुले आफूजस्ता युवाहरुको भविष्य बिगारेको उहाँको आरोप छ । ‘जनयुद्धमा लागेर जीन्दगी बर्बाद भयो, पारिवारिक अवस्था पनि लथालिंग भयो’ चौधरीले भन्नुभयो-’पार्टीमा लागेर केही भएन, अब जीवन गुजाराको लागि बैकल्पिक काम खोज्दैछु ।’तर समयमा पढ्न पनि नपाएको र अरु काम पनि नजानेकोले के पो गर्ने हो भन्ने पिरलो उहाँलाई छ ।

त्योबेला पैसा र हतियार, अहिले केही न केही
०५४ सालतिरको कुरा हो, त्यतिबेला गाउँठाउँमा माओवादी जनयुद्धको जगजगी थियो । रामेछाप लखनपुरका टंक गौतम स्थानीय विद्यालयमा कक्षा ८ मा पढ्नुहुन्थ्यो । पढाइसँगै उहाँ अखिल क्रान्तिकारीको स्कूल कमिटीमा काम गर्नुहुन्थ्यो । स्कूल कमिटीमा उहाँले देखाएको सकृयताले माओवादी जिल्ला नेतृत्वलाई प्रभावित बनायो । त्यसपछि उहाँलाई पढाइ छाडेर युद्धमा होमिने ‘अफर’ आयो ।
०५४ सालदेखि ०६३ साल बैशाखसम्मै उहाँले जिल्ला एरिया कमिटी सदस्य भएर काम गर्नुभयो । त्यतिबेला कामका लागि उहाँलाई खोजी हिँड्ने पार्टी नेताहरुले हिजोआज वास्ता गर्दैनन् । ‘जनयुद्धको बेला काँधभरि पैसाको बोरा र हतियार बोकेर हिँडियो, अहिले केही न केही’ गौतमले अनलाइनखबरसित भन्नुभयो । जनयुद्धमा लागेकै कारण गौतमको घरपरिवार लथालिंग र भताभुंग भयो । उहाँको घरमा कोही छैनन् । सँगै जिउने, सँगै मर्ने कसम खाएकी श्रीमतीले पनि छोडेर हिँडिन् । ‘जनयुद्धमा लागेपछि पढ्न सकिएन, कमाइ पनि भएन, मेरो यही आर्थिक अवस्था देखेर उनले पनि छोडेर हिँडिन्’ गौतमले भन्नुभयो ।
गौतमकी श्रीमती सरिता छोरो सहित काठमाडौंमा छुट्टै बस्नुहुन्छ । गौतम चाहिँ रामेछापमा बसेर पत्रिका विक्री गर्ने र विज्ञापन उठाउने काम गर्नुहुन्छ । यसैबाट उहाँ विस्तारै पत्रकारितातिर तानिन थाल्नुभएको छ । ‘महिनामा हजार रुपैंया कमाइ हुन्छ, जेनतेन खान र कोठा भाडा तिर्न पुग्छ’ गौतमले भन्नुभयो-’गम्भीर बिरामी भएमा उपचार गर्ने खर्च छैन ।’ जनयुद्धमा लाग्दा छुटेको पढाइ पनि गौतम अहिले कलेजसम्म पुर्‍याउनुभएको छ । जनयुद्धमा लागेकै कारण आफ्नो यो हालत भए पनि रामेछापका टंक गौतमलाई भने कुनै पछुतो चाँहि छैन । ‘मैले बेइमानी गरेको भए धनी हुन्थें, तर इमान्दार भएर काम गर्दा हालत यो भयो’ गौतमले भन्नुभयो-’जनयुद्धमा लागेर यस्तो भयो भनेर मलाई कुनै दुःख छैन ।’

यौन सम्पर्क राख्न लागेका वा राखरी रहेका कसलाई चाहना नहोला चरम आनन्दमा यौन सम्पर्कको मजा लिने । तर तरिका र प्रक्रिया थाहा पाएर यौन सम्पर्कलाई क्षणीक सन्तुष्टि लिइराख्नु भएको छ भने खुसीको खवर छ । यौन सम्पर्क गर्नु केही मिनेट अगाडी शरिरमा परफ्युम राखेर यौन सम्पर्क गर्नुभयो भने तपाईले नयां सन्तुष्टि पाउनुहुने छ । उचित वातावरण, व्यक्ति, आसनबाट यौन सम्पर्क गर्दा मज्जा लिन सकिने नयांनयां खवरका विच बैज्ञानिकहरुको यो नयां अनुसन्धानले यौन सम्पर्कमा रमाउन चाहनेहरुलाई नयां उर्जा दिनेछ । तर यौन सम्पर्क गर्दा परफ्युम भने गुणस्तरीय र यौन सम्पर्क गर्ने दुवै जोडिलाई मनपर्ने भने हुनुपर्छ । हालै भएको एक सर्भेक्षणले स्तरीय परफयुम हालेर यौन सम्पर्क गर्दा चरम सन्तुष्टि प्राप्त हुने पत्तालगाएको छ ।
बेलायतको राजधानी लन्डनका तीन हजारभन्दा बढी युवायुवतीबीच गरिएको यस्तो सर्भेक्षणले परफयुमको प्रयोगले यौन सम्पर्कलाई अझ अविस्मरणीय र आनन्ददायी बनाउने निष्कर्ष निकालेको हो ।

/div>

चिनकी एक महिलाले एप्पलको आइफोन ५ खरीदगर्ने पैसा जुटाउन आफ्नो अँगालो बेचेकी छिन् ।जियामेन क्षेत्रकीतीमहिलाले सडकमा तन्नेरीहरुसँग अँगालो मार्ने र त्यसबापत पैसा लिएर आइफोनकालागि रकमको जोहो गर्ने सोँचबनाएकीहुन् । व्यस्त सडकमा एक प्लेकार्ड लिएर उभिने गरेकीती सुन्दर महिलाले बोकेको प्लेकार्डमा लेखिएको छ, एकपटक अँगालो मारेको १० युआन, आइफोन खरीदगर्नकालागि पैसा जुटाउन ।
समाचार अनुसार उनी सडकमा प्लेकार्ड लिएर उभिएको १० मिनेटभित्रै ३ जनातन्नेरीले उनलाई अँगालो मारिहाले । त्यसमध्ये एक तन्नेरीले त लजाइलजाई फोटो पनिखिचे ।
आइफोनकालागिअँगालो बेच्ने तीयुवतीअहिले चिनिया सामाजिक संजालविबो प्रयोगकर्ताबीचनिकै चर्चाको विषयबनिरहेकी छिन् । कतिपयले उनलाई सुखकालागिआफुलाई समेत बेच्ने भौतिकवादी केटीको संज्ञा दिएका छन् ।

• संलग्न हवल्दारसँग २ करोड ४१ लाख धरौटी

एसएसपीले गोप्य रूपमा प्रयोग गर्ने ९८१७९५४७४३ नम्बरमा विशेषगरी अवैध मुद्राको कारोबारमा संलग्न प्रहरी कर्मचारीहरू हवल्दार कार्की, असई हीराकाजी कुमाललगायतसँग सम्पर्क भएको देखिन्छ, त्यस्तै हुन्डीमार्फत विदेशी मुद्राको कारोबार गर्ने राजेश अग्रवाल, सत्यनारायण कुकरा, विमल पोद्दारलगायत व्यक्तिसँग सम्बन्ध स्थापित गर्न प्रयोग भएको देखिन्छ - छानबिन प्रतिवेदन काठमाडौ, माघ ३ - अवैध मुद्रा तस्करीको अभियोगमा प्रहरी हवल्दार शोभित कार्कीलाई जिल्ला अदालतले २ करोड ४१ लाख रुपैयाँ धरौटी माग गरेको छ । न्यायाधीश नारायणप्रसाद पोख्रेलको इजलासले एसएसपी रविराज श्रेष्ठका सवारी चालक कार्कीलाई बिगोबमोजिमको धरौटी माग गरेको हो ।
धरौटी बुझाउन नसकेपछि उनलाई केन्द्रीय कारागार पठाइएको छ ।  गत असोज १९ गते फ्लाई दुबईबाट दुबई जान लागेका यात्रु विनोदकुमार सोनीबाट डेढ करोड मूल्य बराबरका विभिन्न ९ मुलुकका अवैध मुद्रा बरामद भएको थियो । उक्त घटनापछि कार्की फरार थिए । केन्द्रीय अनुसन्धान ब्युरोले ५ दिनअघि विराटनगरबाट पक्राउ गरेको थियो । कार्कीले ब्युरोसमक्ष बयान दिँदा एसएसपी श्रेष्ठकै निर्देशनमा आफूले मुद्रा तस्करीमा सहयोग गरेको बताएका थिए । उनले मंगलबार अदालतसमक्ष पनि त्यही बयान दोहोर्‍याएका थिए । मुद्रा तस्करीमा आफ्ना चालक प्रयोग गरेको खुलेपछि एसएसपी श्रेष्ठमाथि पनि कारबाही चल्ने भएको छ ।
श्रेष्ठको विपक्षमा हवल्दार कार्कीको बयान र अन्य प्रमाण देखिए राजस्व अनुसन्धान विभागले पूरक जाहेरी दर्ता गर्ने महानिर्देशक जन्मजय रेग्मीले बताए । विभागले भारतीय नागरिक सोनी र कार्कीविरुद्ध मुद्दा दायर गरिसकेको छ । मुद्रा तस्करीमा प्रत्यक्ष संलग्नता देखिएका सोनीले हवल्दार कार्कीबाट रकम लिएको बयान दिएपछि विभागले दुई विरुद्ध मात्र मुद्दा दायर गरेको थियो । कार्कीको बयान र अन्य अनुसन्धानको मिसिल ब्युरोले विभागलाई बुझाएपछि श्रेष्ठविरुद्ध पूरक जाहेरी दर्ता गर्ने रेग्मीले जानकारी दिए । 'ब्युरोले कार्कीको बयानसहित अन्य कागज पठाएपछि अध्ययन गरेर एसएसपी रविराजविरुद्ध पूरक जाहेरी दिने छौं,' रेग्मीले भने । रेग्मीले मुद्रा तस्करीमा श्रेष्ठको संलग्नता रहेको विभिन्न छानबिनहरूले किटान गरेपछि एसएसपीलाई विभागसमक्ष उपस्थित गराइदिन प्रहरी मुख्यालयलाई पत्राचार गरेको समेत बताए । 'प्रधान कार्यालयले आन्तरिक छानबिन भइरहेको भन्दै उपस्थित गराएन,' उनले भने, 'अब कारबाही अघि बढाउँछौं ।'
बयानमा कार्कीले उक्त रकम न्युरोडको पाकोमा मोबाइल पसल चलाएर बस्ने राजेश अग्रवालको भएको बताएका छन् । यस्तै उनले मुद्रा तस्करी कार्यमा आफ्ना उपल्ला अधिकारीको ओदश मात्र पालना गरेको बताएका छन् । प्रहरी संगठन चेन अफ कमान्डमा चल्ने भएकाले उपल्ला अधिकारीको आदेश तल्ला कर्मचारीले पालना नगर्ने कमै मात्र हुन्छ ।  घटनालगत्तै प्रहरी प्रधान कार्यालयले गठन गरेको उच्चस्तरीय छानबिन प्रतिवेदनले समेत श्रेष्ठको संलग्नता किटान गरी प्रतिवेदन पेस गरेको छ । 'एसएसपी श्रेष्ठले गोप्य रूपमा प्रयोग गर्ने ९८१७९५४७४३ नम्बर विशेषगरी अवैध मुद्राको कारोबारमा संलग्न प्रहरी कर्मचारीहरू हवल्दार कार्की, असई हीराकाजी कुमाललगायतसँग सम्पर्क भएको देखिन्छ,' ३३ पृष्ठ लामो 'गोप्य' प्रतिवेदनमा उल्लेख छ, 'उक्त मोबाइल हुन्डीमार्फत विदेशी मुद्राको कारोबार गर्ने राजेश अग्रवाल, सत्यनारायण कुकरा, विमल पोद्दारलगायत व्यक्तिसँग सम्बन्ध स्थापित गर्न प्रयोग भएको देखिन्छ ।' तर अवैध विदेशी मुद्रा बरामद भई छानबिन समितिहरू बन्न थालेपछि एसएसपीले आफ्नोलगायत असई कुमाल र झापा जिल्लामा कार्यररत एक महिला प्रहरीले प्रयोग गर्ने नम्बरसमेत बन्द गराएको प्रतिवेदनमा उल्लेख छ । एसएसपी श्रेष्ठको उक्त एनसेलको नम्बर तिनै महिला प्रहरीको नामबाट निकालिएको थियो ।
'उक्त दिन विमानस्थलमा बरामद भएको अवैध विदेशी मुद्रालगायत अन्य त्यस्तै प्रकृतिका घटनामा समेत श्रेष्ठको प्रत्यक्ष संलग्नता देखिन्छ,' प्रतिवेदनमा भनिएको छ, 'विभिन्न स्रोतबाट प्राप्त सूचना, बुझिएका व्यक्तिहरूको भनाइ तथा प्राविधिक अनुसन्धानबाट एसएसपी श्रेष्ठले विदेशी मुद्रा बरामद भएको घटनाबाहेक अन्य अवैध कारोबार गराएकाले प्रचलित कानुनअनुसार कारबाही गर्नुपर्ने देखिन्छ ।' समितिले सोनीले प्रयोग गरेको हवाई टिकट दरबारमार्गमा सुबिसु सुन ँचाँदी पसलका मालिक मुरारीलाल गोयल जमालियाले खरिद गरेको जनाएको छ । विदेशी मुद्रा बरामद हुनुअघि र पछि सोनी र गोयलबीच पटकपटक कुरा भएको देखिएकाले संलग्न रहेको उल्लेख छ । एसएसपी रविराज श्रेष्ठका सवारी चालक रहेका हवल्दार शोभित कार्कीले आफ्ना उपल्ला अधिकारीले दिएको आदेशको पालना गरेको बताएका छन् ।

योनाको हृयाट्रिक
३ माघ, काठमाडौं । सहिद स्मारक ए डिभिजन लिग फुटबलमा सरस्वतीले रानीपोखरी कर्नर टिम आरसीटीलाई पराजित गरेको छ । लिगमा सनसनीपूर्ण नजिता निकाल्दै आएको सरस्वतीले बुधबार भएको प्रतिस्पर्धात्मक खेलमा योना इलियासको हृयाटि्रकको मदतमा आरसीटीलाई ४-३ गोल अन्तरले पराजित गरेको हो ।

आरसीटीको हारको प्रत्यक्ष फाइदा लिग लिडर थ्रीस्टारलाई भएको छ । थ्रीस्टार १३ खेलबाट २९ अंकका साथ शीर्ष स्थानमा छ भने एक खेल बढी खेलेको आरसीटी २६ अंकका साथ दोस्रो स्थानमा छ । २३ अंक जोडेको सरस्वती छैटौं स्थानमा उक्लिएको छ ।

त्रिपुरेश्वरस्थित दशरथ रंगशालामा भएको रोमान्चक खेलमा अग्रता सरसवतीले नै लिएको थियो । राजेन्द्र तामाङले डि बक्स बाहिरबाट हानेको बलले जाली चुमेपछि सरस्वतीले अग्रता लियो ।

२१ औं मिनेटमा योनाले अग्रता दोब्बर पारे । पहिलो हापको अन्त्यमा आरसीटीका खेलाडीको प्रहार रोक्ने क्रममा जिओफ्ररीले आत्मघाती गोल गरेपछि सरस्वतीको अग्रता २-१ मा झार्‍यो । दोस्रो हापको सुरुमा योनाले व्यक्तिगत दोस्रो गोल गर्दै सरस्वतीलाई ३-१ को अग्रता दिलाए । तर, ५७ औं मिनेटमा आरसीटीका प्रदिप मल्लले गोल गरे भने ६४ औं मिनेटमा भीम दर्लामीले आरसीटीलाई बराबरीमा पुर्‍याए ।

प्रतिस्पर्धात्मक खेलको ७५ औं मिनेटमा योनाले हृयाट्रिक पुरा गरे र सरस्वतीलाई ४-३ को महत्वपूर्ण जित दिलाए । लिगको एकै खेलमा दोहोरो हृयाट्रिक गरिसकेका योनाको गोलसंख्या १६ अंक पुगेको छ ।

एनआरटीले एपीएफलाई हरायो

अर्को खेलमा न्युरोड टिम एनआरटीले सशस्त्र प्रहरीको एपीएफ क्लबलाई २-१ ले पराजित गरेको छ । खेलको ४१ औँ मिनेटमा एकिनले गोल गर्दै एनआरटीलाई अग्रता दिलाए । ४७ औँ मिनेटमा एपीएफका गणेश लावतीले गोल गर्दै खेल बरावरीमा ल्याए । तर ५२ औँ मिनेटमा लक्ष्मण रुचालले गोल गर्दै एनआरटीलाई २-१ को अग्रता दिलाए ।

जितसंगै एनआरटी २५ अंकका साथ लिग तालिकाको पाँचौ स्थानमा यथावत छ । १५ अंक जोडेको एपीएफ रेलिगेशनको खतरामुक्त हुन सकेको छैन ।

तामरा एक्लेस्टोनले हालै मात्र बिकिनी पोजमा सेक्सी फोटोसुट गराकी छिन् । आफ्नी गर्भवती दिदी पेट्रासँग केही समय बिताएपछि तामराले सेक्सी फोटोसुट गरेकी हुन् । फोटोसुटको क्रममा तामरा खुबै खुलेकी थिईन् । २८ बषिर्य यि सुन्दरीको बिकिनी शरिरले धेरैलाई आकषिर्त गर्ने पक्का छ ।

 

बर्दिवास, माघ ३- महोत्तरी जिल्लामा बलात्कारका घटनामा वृद्धि भएको पाइएको छ। चालु आर्थिक वर्षको बितेको अर्धवार्षिक अवधि (२०६९ साउनदेखि पुस मसान्तसम्म) मा छ वटा बलात्कारको घटना दर्ता भएका जिल्ला प्रहरी कार्यालय महोत्तरीले जनाएको छ। जिल्ला प्रहरी कार्यालयका प्रमुख प्रहरी उपरीक्षक पवनप्रसाद खरेल इन्टरनेट र अश्लिल सामग्री प्रदर्शनले बलात्कार घटना बढाउन सहयोग गरेको बताउँछन्।
त्यसअघि २०६८ माघदेखि २०६९ असारमसान्तसम्म सातवटा बलात्कारको घटना प्रहरी कार्यालयमा दर्ता भएको जिप्रका महोत्तरीले जनाएको छ। यसअघि २०६७ माघदेखि २०६८ पुस मसान्तसम्म एक वर्षको अवधिमा आठवटा बलात्कार घटना प्रहरीमा दर्ता भएका थिए।
पछिल्लो एक वर्ष (२०६८ माघदेखि २०६९ पुस मसान्तसम्म)मा बलात्कारको घटनामा अवोध बालिकासमेत परेका प्रनि खड्काले बताए। एक वर्षका १३ वटा घटनामध्ये १० वटा घटनाका आरोपीहरु फरार रहेका र तीनवटा घटनाका आरोपी पक्राउपछि कारबाहीको क्रममा रहेका प्रहरीले जनाएको छ। पछिल्लोपटक भारतको दिल्लीमा सामुहिक बलात्कारको घटना भएसँगै मुलुकका विभिन्न ठाउँमा भएका यस्ता जघन्य अपराधविरुद्ध लगातार कडा कारबाहीको मागगर्दै आन्दोलन भइरहेकैबीच जिल्लामा तीनवटा बलात्कारका घटना भएका प्रहरीले पुष्टि गरेको छ।
बलात्कारी पक्राउ परेर कारबाहीकै क्रममा रहेका बेलामा समेत लगातार यस्ता घटना वृद्धि भइरहनुले घटनाको सुक्ष्म विश्लेषण र मनोवैज्ञानिक अनुसन्धानको आवश्यकता देखिएको समाजशास्त्रीको धारणा छ। बलात्कारविरुद्ध कानुनी कारबाही नहुनु र राजनीतिक भनसुनका आधारमा प्रहरीले सजिलै आरोपीलाई छाडिदिने गरेकाले यस्ता जघन्य अपराध नियन्त्रण हुन नसकेका जिल्लाकै भङ्गाहा-१ का बासिन्दा एवम् समाजशास्त्री शिवराज दाहालले बताए।
बलात्कारीले चाँडै उन्मुक्ति पाउनुसँगै पछिल्लो पुस्ता इन्टरनेटलगायत वैज्ञानिक प्रविधिबाट अश्लिल सामग्री हेर्न, चलाउन अभ्यस्त हुँदै गएपछि बलात्कारका घटना नियन्त्रणमा चुनौति थपिएको समाजका प्रवुद्धजनको भनाइ छ। जिल्ला प्रहरीसमेत समाजका पाका व्यक्तिहरुको यो धारणासँग सहमत देखिएका छन्।
समाजमा गम्भीर चुनौतिको रुपमा देखिएको यो समस्या नियन्त्रण गर्न प्रहरी र राजनीतिक दलहरुसँग दरिलो इच्छाशक्ति हुनुपर्ने बुद्धिजीवीले औंल्याएका छन्। रासस

काठमाडौँ माघ ३ (एजेन्सी)- मंगलबार राति क्यालिफोर्नियाको मेन्लो पार्कमा आयोजित समारोहमा फेसबुकका सिइओ मार्क जुकरबर्गले नयाँ खालको सर्च सेवा सुरु गर्ने घोषणा गरेका छन्।

फेसबुकको सर्च इन्जिन गुगलको जस्तो वेब सर्च नभएर ग्राफ सर्च हो। फेसबुकमा एक अर्बभन्दा बढी जोडिसकेको भएर त्यसैभित्र सर्च गर्न उसले नयाँ ग्राफ सर्च बनाएको हो।

ग्राफ सर्च र वेब सर्च फरक हुन्। वेबसर्चले विभिन्न शब्दबाट त्यो शब्दसँग मिल्ने रिजल्टहरुको लिंक तपाइँलाई देखाउँछ। ग्राफ सर्चले भने वाक्यबाटै खोज्छ। जस्तै तपाइँले न्युयोर्कमा बस्ने मेरा साथीहरु भनेर खोज्न सक्नुहुन्छ। पोखरामा रहेका साथीहरुको फोटो भनेर खोज्न सक्नुहुन्छ। अमेरिकामा बस्ने साथीहरु कुन कुन रेस्टुरेन्टमा जान्छन् भनी खोज्न सक्नुहुन्छ। मेरो परिवारले घुमेका सहरहरु भनी खोज्न सक्नुहुन्छ। अरुको मात्र किन, तपाइँ आफ्नै बारे पनि खोज्न सक्नुहुन्छ। सन् २०१० अघिका मेरा फोटोहरु भनेर खोज्नुभयो भने पुरानो फोटा तपाइँ सामु देखा पर्छ। मैले लाइक गरेका फोटोहरु भनी खोज्नुभयो भने तपाइँलाई मन परेका फोटोहरु देखापर्नेछन्।

गुगलमा जस्तो यसले भएभरका वेबसाइट खोजेर परिणाम तपाइँ सामु ल्याउने हैन। यसले त तपाइँको नेटवर्कभित्रका साथी र परिवारको मात्रै खोज्ने काम गर्छ।

अहिलेलाई चार सेटमा मात्रै यसले काम गर्नेछ। मान्छे, फोटो, ठाउँ र रुचि। मंगलबारको कार्यक्रममा यसबारे जानकारी दिइए पनि सबैका लागि यो बेटा संस्करण खुला गरिएको छैन। अहिलेलाई तपाइँले प्रतीक्षा सूचिमा दर्ता गराउनसम्म सक्नुहुन्छ।

गीत गाउने सिलसिलामा कति देश पुग्नु भयो ?
अँ म लगभग १५ वटा देशमा पुगे । धेरै नेपाली स्रोताले माया गर्नुहुन्छ । विदेशमा जाँदा आफ्नै परिवारलाई भेटे जस्तो हुन्छ ।
अव कुन कुन देश जाँदै हुनुहन्छ ?
अव म तिहार ताका साउदी अरेविया इजरायल र दक्षिण कोरिया जाने योजनामा छु ।
तपाईलाई जीन्दगी के हो जस्तो लाग्छ ?
-जीन्दगी भनेको मिठो फल हो गिफ्ट हो हामीलाई प्रभुले दिएको । त्यसैले यसलाई अनादार गर्न मन लाग्दैन । जे हुन्छ जीन्दगीमा राम्रोको लागि हुन्छ । जस्तो अस्ति भर्खर भुईंचालो गयो म स्टुडियोमा गीत रेकर्डिङ्ग गर्दै थिए । म चुकुल लाएर स्टुडियो भित्रै बसें । घरै हल्लियो तर मलाई डर लागेन । अरु चप्पलै नलाई भागे म भने प्रभुको प्रार्थना गरेर बसे ।
प्रभुको नाम धेरै लिनुभयो  तपाई कुन धर्म मान्नुहुन्छ ?
अँ क्रिश्चियन धर्ममा मेरो सानै देखिको लगाव हो । जहाँ शान्ति मिल्छ त्यही धर्म मान्ने हो । धर्म त सवै त्यस्तै हो । तर सवै भन्दा श्रेष्ठ येशु नै हो । तर कतिपय मेरो यो कुराले रिसाउनुहुन्छ होला । अरुको देशको धर्म मान्ने रैछ नभन्नु होला । शान्तिको लागि येशुको प्रार्थना गर्छु म ।
तपाईलाई पूराना कलाकार र उनीहरुका गीत कस्ता मन पर्छ कुन गीत गुन गुनाइ रहनुहुन्छ ?
"पोहोर साल खुशी फाट्दा जतन गरि मनले टाँले त्यही साल माया फाट्यो त्यसलाई पनि मनले टुले यसपाली त मनै फाट्यो केले सिउँने केले टाल्ने हो ।" यस्ता गीत मन पर्छ । यो अरुणा लामाको गीत हो है ।
तपाईले गाएका प्रायः गीतमा माया प्रेम र बिरहका कुरा धेरै हुन्छन् । हिजोआज माया प्रेममा सेक्सको कुरा पनि निक्कै जोडिएर आउँछ । तपाईको बिचारमा सेक्स के हो ?
यो मायाको रुप पनि हो । अहिले त बिकृति धेरै छ । कतिले नराम्रो पनि गरेका छन् । मलाई चाहिं यो प्रभुले दिनु भएको धेरै ठूलो चिज हो भन्ने लाग्छ । यो त आफ्नो मन पर्ने मायालुलाई सुम्पिने चिज हो र सृष्टि चलाउने अनी मायालाई मजबुत राख्ने सम्बन्ध हो ।

खगोलविद्हरुले ब्रम्हाण्डको सबैभन्दा पूरानो तारा पत्ता लगाएका छन् । एच डी १४०२८३ नामको उक्त तारा ब्रम्हाण्डमा अहिलेसम्म पत्ता लागेका ताराहरु मध्ये सबैभन्दा बुढो रहेको र यसको उत्पत्ति १३ अर्ब २० करोड वर्ष पहिले भएको खगोलविद्हरुको भनाई छ ।
यो तारा झण्डै एक सताब्दी अघि पत्ता लागेको भएपनि ब्रम्हाण्डको सबैभन्दा पूरानो तारा भएको तथ्य भने बल्लमात्र पत्ता लागेको हो । यो तारा पृथ्वीभन्दा १८६ प्रकाश वर्ष टाढा छ ।
अमेरिकी खगोलिय समाजका खगोलविद् होवार्ड बोन्डका अनुसार यो ताराको उत्पत्ति १३.२ बिलियन वर्ष अघि भएको हो जुन अहिलेसम्म पत्ता लागेका ताराहरु मध्ये सबैभन्दा पहिलो हो । यो तारा ब्रम्हाण्डमा रहेका दोश्रो पुस्ताको तारा भएको खगोलविद्हरु बताउँछन् । पहिलो पुस्ताका ताराहरुको विलयसँगै दोश्रो पुस्ताका ताराहरुको जन्म भएको थियो । यो तारामा गह्रौँ तत्वहरु प्रसस्त मात्रामा रहेकाले यो दोश्रो पुस्ताको तारा रहेको खगोलविद्हरुको भनाइ छ । स्मरण रहोस् यसअघि मेथुसेलाह २ नामक तारलाई ब्रम्हाण्डको सबैभन्दा बुढो ताराको रुपमा लिइँदै आएको थियो ।

युवा गजलकार प्रदिप चापागाईको एकल गजल एल्बम ‘गुमनाम’ मा समावेश एक गीतको म्युजिक भिडियो तयार भएको छ । गायक शिव परियारले आवाज भरेको ‘तिमी यति सुन्दरी छ्यौ’ बोलको गीतको भिडियोलाई सौरभ मानन्धरले निर्देशन गरेका हुन् रमेश शर्माको सम्पादन रहेको भिडियोमा दीपा श्रेष्ठ र अस्बिन बस्यालको अभिनय छ ।सुरेश गैरेले संगीत भरेको गीतको भिडियोको छायांकन सिड्नीका कायमा, राइड, ब्राइटन बिच लगायतका स्थानमा गरिएको हो । भिडियोमा उशा बारीयाले नृत्य निर्देशन गरेकी छिन्

बादल पनि कमजोर, गजुरेलको चर्को आलोचना

३ माघ, काठमाडौं । आन्दोलनको रणनीति तयार पार्न नेपाली कांग्रेसको पदाधिकारी बैठक बस्न लागिरहेको छ । तर, पार्टीभित्रै आन्दोलनमा जाने कि सहमतिबाट समस्या समाधान गर्ने भन्नेमा द्विविधा बढ्दै गएको छ ।

सुसील कोइरालालाई प्रधानमन्त्री बनाउने मागमा आन्दोलन गर्ने कुरामा कांग्रेसभित्र एकमत छैन । गिरिजापुत्री सुजाता कोइरालाले त बाबुराम सरकारमै गृहमन्त्रालय लिएर भए पनि कांग्रेस चुनावमा जानुपर्ने बताइसक्नुभएको छ । तर, सुजाताको यो भनाइबाट सभापति सुशील कोइराला र उनका पक्षधरहरु रुष्ट देखिएका छन् ।

सुजाताले जसरी खुलेर बोल्न कांग्रेसभित्र अन्य नेताले आँट गर्दैनन् । सुजाताले सुसीलको नाम फिर्ता लिन माग गर्दा सभापति आक्रोशित भए पनि धेरैले सुजातालाई भित्रभित्रै साथ दिन थालेका छन् । स्रोत भन्छ, ‘रामचन्द्र पौडेल पनि सुजाताको नजिक हुनुहन्छ ।’

बाबुरामलाई भेट्दा कारवाहीको धम्की

उता कांग्रेस सभापति सुशील कोइरालाले कांग्रेसका युवा नेता गगन थापा, चन्द्र भण्डारी र एनपी साउद लगायतलाई बालुवाटार गएर बाुबरामसित भेट गरेकोमा कारवाहीको धम्की दिएको घटना कांग्रेसभित्र अर्को चर्चाको विषय बनिरहेको छ । तर, सुजाताले गगन थापालाई बालुवाटार पठाएको आरोप सुशीलले लगाएको स्रोत बताउँछ ।

नेपाली कांग्रेसमा सुजाता यही सरकारको मातहतमा चुनावमा जानुपर्छ भन्ने लाइनमा छन् भने गगन थापालगायतका नेताहरु सुशीलको विकल्प अघि सानुपर्ने पक्षमा छन् । शेरबहादुर देउवा र रामचन्द्र पौडेल भित्रीरुपमा संविधानसभाको पुनस्र्थापना होस् भन्ने चाहन्छन् ।

आन्दोलन चुनौतीपूर्ण

सुशीललाई प्रधानमन्त्री बनाउने नारालाई परिमार्जन नगरेका कारण विपक्षी दलको आन्दोलनमा उपेन्द्र यादव लगायतका दलहरु सहभागी भएका छैनन् । यो अवस्थामा ९ दलले आन्दालने गर्ने भने पनि सूर्यबहादुर थापा, पशुपतिसमशेर जबरा र जनाधार नभएका साना कम्युनिष्ट पार्टीलाई मात्रै लिएर गरिने कांग्रेस, एमालेको आन्दोलन उसै पनि कमजोर हुने देखिन्छ, त्यसमा पनि आन्दोलनबारे कांग्रेसकै नेतामा मतान्तर देखिए पनि विपक्षीका लागि आगामी दिन निकै चुनौतीपूर्ण देखिन्छ ।

यस्तो अवस्थामा बस्न लागेको कांग्रेसको पदाधिकारी बैठकले नयाँ रणनीति बनाउने अपेक्षा गरिएको छ ।

अहिलेसम्म सबैतिरबाट पीडित कामदारहरूले केवल आश्वासन मात्र पाएका छन । केहि पीडित कामदारहरूले चरम निराशामा पिल्सिदै “आत्मह्त्या” सम्मको मनस्थिती बनाएको सुन्दा बुझ्दा साह्रै चिन्ता लाग्छ तर पनि….। बलिदान फिल्ममा “गाउं गाउंबाट उठ” गितमा भनिए झैं “हातमा कलम हुनेहरू कलम लिएर उठ” भने झैं आंफूं कलमजिबी नै भएकोले समस्यालार्इ जोडतोडका साथ उठाउनु जरूरी छ ।  यस्तो बेलामा कानूनी दायित्व नरहेता पनि अलिकति पनि सेवाभावना हुने म्यानपावर ब्यवसायी (कम्पनी)हरूले पनि आफ्नो नैतिक, ब्यवसायिक र सामाजिक दायित्व सम्झिदै, उद्धारका लागि केही पहल, केही भूमिका निभाउनुपर्ने हो । लिबियामा नेपाली कामदारहरूको उद्धार गरिरहंदा एसओएसको पनि खाली कानूनी दायित्व मात्र थिएन । तर साउदीमा यो पनि बिडम्बना नै भनौं कि १० जना मात्र पीडित कामदारहरूको टिकट काट्दा खर्च हुने ८-१० हजार साउदी रियालले यहां १० वटा सामाजिक संस्थालाई १-१ हजार चन्दा दिएर दशौं बर्षसम्म खुशी पार्न सकिन्छ र समाजसेवीका १०औं प्रमाणपत्रहरू पनि बटुल्न (किन्न) सकिन्छ । चरम नाफाको यस्तो सूत्र फेला पारेपछि खासै प्रचार नहुने पीडितको उद्धार र सेवा कसले किन पो गर्थ्ये र

३ माघ, काठमाण्डौ । नेपालका मिडिया टाइकुनहरु आवरणमा प्रेस स्वतन्त्रता र प्रजातन्त्रको कुरा गरे पनि मिडियाकै दुरुपयोग गर्दै गोरखधन्दा चलाउने गरेको तथ्य सार्वजनिक हुँदै गएका छन् ।
हालै केवल अपरेटरहरुले इमेज च्यानलसहित सरकारी टेलिभिजनहरुको प्रसारण बन्द गरिदिएपछि त्यसभित्रका खेलहरु बाहिर आउन थालेका छन् । संचारमाध्यमको दुरुपयोग गर्दै सरकारमाथि दबाब सिर्जना गर्ने र त्यसैको त्रासमा करोडौंका महत्वपूर्ण लाइसेन्स हात पार्ने दुई मिडिया टाइकुनको चलखेलको परिणाम अहिले सवै च्यानलहरु केवलबाट बन्द हुने अबस्थामा पुग्दैछन् ।
प्रसंङ्ग हो- कान्तिपुर र इमेज च्यानलका संचालकहरुको घुसखोरी काण्डको । प्रसारण नियमावलीको संसोधन गराउँदै हालै उनीहरुले सुटुक्क मल्टिपल सर्भिस अपरेटरको लाइसेन्स लिएका छन् । यो यस्तो लाइसेन्स हो जसले अहिलेसम्म संचालित सवै केवल अपरेटरलाई डिजिटलाइजेसनका नाममा आफ्नो नियन्त्रणमा राख्न पाउँछ र हरेक च्यानलबाट बाषिर्क १ करोड २५ लाख रुपैयाँसम्म रोयल्टी लिन पाउँछ ।
यो लाइसेन्स लिएका छन- इमेज टेलिभिजनका संचालक आरके मानन्धरले । जसको सवै प्रबन्ध मिलाउने काम गरेका थिए कान्तिपुर पब्लिकेसनका कैलाश सिरोहियाले । सिरोहिया र मानन्धर मिलेर सवै केवल अपरेटरको घाँटी अठ्याउने लाइसेन्स लिएको कुरा केही समयसम्म गोप्य रहे पनि धेरै दिन छिप्न सकेन् । हाल डाइरेक्ट टु होम (डीटीएच) प्रबिधिबाट च्यानल बेचिरहेको डिस होम मिडियाका समेत अध्यक्ष रहेका कैलासले सुटुक्क अर्को लाइसेन्स लिएको कुरा बोर्ड बैठकमा सार्वजनिक भयो । दुई जना मात्र मिलेर अर्को कम्पनी खोलेको र त्यसमा पनि डिसहोमकै चिनियाँ साझेदारलाई राख्ने तानाबाना बुनिएको थाहा पाएपछि अन्य संचालक कैलास र मानन्धरमाथि खनिए ।
सिरोहियाले भने संचार मन्त्रायलयका अधिकारीलाई ५ करोड खुवाएर लाइसेन्स लिएको जानकारी दिंदै डिस होम र एमएसओ कम्पनी मिलेर जान सके कुस्त नाफा कमाउन सकिने बि्रफिङ गरेको बुधबार प्रकाशित जनआस्था साप्ताहिकले छापेको छ ।
५ करोड खुवाएको कुरा सुनेपछि चिनियाँ पक्षले सो कम्पनीमा बस्न त्यति रुची नदेखाएको र कम्पनीका अन्य साझेदारले पनि कम्पनीलाई धोका दिएर अर्कै कम्पनी खोलेको भन्दै आक्रोश देखाएको बताइएको छ । साना लगानीकर्ताले कैलासलाई अध्यक्षबाट हटाउने प्रस्ताव गरेको भएपनि तत्कालका लागि डिसहोमको बिज्ञापन कान्तिपुर टीभी र पत्रिकामार्फत प्रकाशन/प्रसारण गर्नेगरि थामथुम गरिएको थियो ।
करोडौं कमाउने लाइन मिलाउन प्रसारण नियमावली संसोधन गराइ साना ब्यबसायीलाई उठिबास लगाउन खोजेको भन्दै केवलवालाहरु इमेज र कान्तिपुरविरुद्ध खनिए । तर, कान्तिपुर र इमेजले यो प्रकरणलाई राजनीतिक रंग दिंदै सरकारको दबाबमा इमेज बन्द गरिएको प्रचार गराउन थालेका छन् । तर केवल संचालकहरुले भने चरणबद्ध आन्दोलनका क्रममा मंगलबारदेखि नेपाल टेलिभिजन र एनटीभी प्लस पनि बन्द गराएका छन् ।