श्रीप्रसाद पण्डित, पूर्वरजिष्टार (सर्वोच्च अदालत)

पुण्यप्रसाद भट्टराई

१३ माघ, काठमाडौं । क्रान्तिकारी पत्रकार दीपेन्द्र रोकायाले एमाओवादी अध्यक्ष प्रचण्डका चारवटा ‘सम्भावित अवसान’ बारे चर्चा गर्नुभएको छ । प्रचण्ड भिक्षु बन्न सक्ने, जनताबाट मारिन सक्ने वा आफैं आत्महत्या गर्न सक्नेसमेत सम्भावना बताइएको छ ।

माओवादी जनयुद्धमा प्रत्यक्ष सहभागी हुनुभएका र हाल नयाँ जनदिशा दैनिकका सम्पादक रहनुभएका रोकायाको भर्खरै प्रकाशित ‘नाफाको जिन्दगी’ नामक पुस्तकको ३२९ पृष्ठमा भनिएको छ-’प्रचण्डका चार विकल्प छन् जस्तो लाग्छ । एक, उनी संसदीय नेतामात्र हुन्छन् । दुई, हेग पुर्‍याइने डरले बौद्ध भिक्षु बन्न सक्छन् । तीन, आफ्नो काममा आत्मग्लानि भएर स्वयं आत्महत्या गर्न सक्छन् । चार, क्रान्तिकारी कार्यकर्ता वा जनताको हातबाट मारिन सक्छन् ।’

जनयुद्धकालीन महत्वपूर्ण सूचना समेटिएको रोकायाको पुस्तकमा प्रचण्डको पाँचौं विकल्पचाहिँ अवसानसँग नभई ‘उत्थान’सँग सम्बन्धित छ । उहाँको पाँचौं विकल्पबारे भनिएको छ- ‘पुनः रुपान्तरण भई हिम्मतिलो निर्णय लिई पार्टी र क्रान्तिकारीलाई अघि बढाउन सक्छन् ।’

पत्रकार रोकायाको ३४० पृष्ठ बाक्लो पुस्तकमा एमाओवादी अध्यक्ष प्रचण्डका सम्बन्धमा केही रोचक ऐतिहासिक तथ्यहरुको समेत रहस्योद्घाटन गरिएको छ ।

प्रचण्डबारे पुस्तकका केही प्रशंग :

· जनयुद्धका बेला अध्यक्ष प्रचण्ड रहस्यमय पात्र हुनुहुन्थ्यो । युद्धमा सहभागी नहुनेका लागिमात्र होइन, स्वयं युद्ध लडिरहेका कार्यकर्ताका लागि पनि उहाँ निकै रहस्यमय हुनुहुन्थ्यो । त्योबेला शहर बजारमा भेटिएका माओवादी नेता कार्यकर्ता भन्थे, उहाँ रोल्पा रुकुममा हुनुहुन्छ । तर, रोल्पा रुकुम पुगेकाले पनि कहिल्यै उहाँलाई त्यो क्षेत्रमा भेट्न पाएनन् । जनयुद्धक्रममा केही समयमात्र उहाँ रोल्पाका विभिन्न ठाउँमा बस्नुभएको थियो । उहाँले युद्धको अधिकांश समय भारतमा बिताउनुभएको थियो ।

· भारतमा बस्नलाई पनि भारतीय विस्तारवादी शासकहरुसँग साँठगाँठ थियो भन्नेहरु पनि छन् । ०५७ को हिउँदमा पञ्जावमा सम्पन्न दोस्रो राष्ट्रिय सम्मेलनमा सहभागी पत्रकार कुमार शाहका अनुसार त्यतिबेला स्थानीय प्रहरीले घेरा हाल्दा मञ्चबाट आत्तिँदै ‘कुरो गरेरै आएको थिएँ, के भयो यो ?’ भन्दै भारतीय सुरक्षा अधिकारीसँग प्रचण्ड आफैंले फोन गर्नुभएको थियो । त्यसपछि सहजताका साथ कार्यक्रम सम्पन्न भएको थियो । यसरी हेर्दा उहाँले भारतमा बस्नका लागि भारतीय शासकहरुबाट केही स्पेस पाएको देखिन्छ ।

· अध्यक्ष प्रचण्ड बस्ने घरलाई हेडक्वार्टर भनिन्थ्यो । उहाँको व्यवस्थापनमा रहेका मध्ये एक पत्रकार चेतन कुँवर पनि हुनुहन्थ्यो । उहाँले प्रचण्ड बस्ने घरलाई दुलही झैं सिँगारपटार गरिने गरेको जानकारी दिनुभयो । घरको सबै कोठा सजाइन्थ्यो, वरिपरि चारैतिर सफासुग्घर आधुनिक रिसोर्टजस्तै बनाइन्थ्यो । सबै कोठाका भित्ता, सिलिङ र भूँई सबै सेतो कपडाले सजाइन्थ्यो । त्यसमाथि हुन्थे शहरबाट मगाइएका महंगा कपडा । राङ्सी डाँडागाउँमा प्रचण्ड तीन महिना बस्नुभएको थियो । त्यसबेला दैनिक ५/६ माना दूध पुर्‍याउनुहुँदोरहेछ सन्तोषी घर्तीले ।

· राङसीकै संवेग मगर भन्दै हुनुहुन्थ्यो, प्रचण्ड, सीता र प्रकाशलाई हामीले सुरक्षा दिन्थ्यौं । बारी वरिपरि बंकर खनेका थियौं । दुईवटा घोडाहरु थिए, दिउँसो ओखरको रुखमुनि बसेर चेस खुल्नुहुन्थ्यो । दिउँसो लेख्ने, पढ्ने इण्डियन टीभी च्यानल हुर्नुहुन्थ्यो, मेसका साथीहरुले खाना बनाएर कोठामै पुर्‍याउनुहुन्थ्यो । यही घरलाई ०६२ फागुन ५ गते सेनाले हेलीकोप्टरमा आएर बम गोला बर्साएको थियो । यो घर छाडेर दुईघण्टा पर गएको भोलिपल्ट आक्रमण भयो । रोल्पाली नेता चूडामणि वली आदर्शले भन्नुभयो, अब रोल्पाले धोकेबाज प्रचण्डको नाम सुन्न चाहेका छैनन् ।

· फौजीरुपमा पहिलोपटक मोर्चामा पुग्नुभएका जनमुक्ति सेनाका सर्वोच्च कमान्डर प्रचण्डकै कारण रुकुमको खारा मोर्चा सफल भएन भनने तत्कालीन कमान्डरहरु नै छन् । तत्कालीन सैन्य कमान्डरहरुको विचारमा जनयुद्धलाई यु टर्न गर्न अध्यक्ष प्रचण्डले खारामा मुख्य भूमिका खेल्नुभयो ।

· उहाँ (प्रचण्ड) ०६३ असार ३ गते साँझ पार्टी, जनता र जनमुक्ति सेनालाई थाहा नदिई एकाएक बालुवाटारमा सार्वजनिक हुनुभयो । त्यसको भोलिपल्ट गृहमन्त्री कृष्णप्रसाद सिटौलाको हेलीकोप्टरमा डोटीको वीपीनगर पुग्नुभयो । सेती महाकाली, भेरी कर्णाली थारुवान ब्यूरोको सामुहिक प्रशिक्षण भयो । सबैले हेडक्वार्टरको साहसको बढाइचढाइ गरे । गृहमन्त्री (सिटौला) लाई शुरुमै गार्ड बनाएको चर्चा गरे । त्यतिबेला मैले सबैलाई यो विषयमा नहौसिन आग्रह गरेको थिएँ । त्यो बेला जनमुक्ति सेनाका पश्चिम कमान्डर जनार्दन शर्मा प्रभाकर स्पष्टीकरण दिँदैमा हैरान हुनुभएको थियो । उहाँले कपिलवस्तु र पिली मोर्चा पार्टी अध्यक्षलाई कुनै जानकारी नदिई लडाएको भन्ने थियो ।

· प्रधानमन्त्रीबाट राजीनामा दिएपछि राष्ट्रिय स्वाधीनताको आन्दोलन अघि बढ्यो । अनिश्चितकालीन आम हड्ताल ६ दिनसम्म चल्यो । जनयुद्धमा कब्जा गर्न बाँकी रहेको काठमाडौं युवाहरुले चक्रपथ हाते साङ्लो लगाएर नियन्त्रणमा लिइसकेका थिए । मूल नेतृत्वको तयारी नहुनुले ऐतिहासिक पहल गुम्यो । आशा निराशामा बदलियो । माओवादीकै जिम्मेवार नेताहरुको दाबीअनुसार अध्यक्ष प्रचण्ड डराएकाले नै आन्दोलन सफलतामा पुग्न सकेन ।

· उहाँको छोरा प्रकाश दहालले आफ्नै पार्टीभित्रका क्रान्तिकारी नेता शंकर अधिकारीको श्रीमती बीना मगरलाई भगाउनुभयो । मैले सुने अनुसार छोरीहरुको घरमा पनि उतारचढाव आएको छ । रुखो श्रीमती र यस्तो परिवारको साथ पाइने आनन्द कमै हुन्छ । अर्को कुरा उहाँका बारेमा बजारमा नानाथरिका हल्ला चलेका छन्, उनीहरुका अनुसार काठमाडौंको भाटभटेनीहरुमा उहाँले लगानी गर्नुभएको छ । कांग्रेस नेता सुशील कोइरालाको शब्दमा प्रायः ठूला मिडियामा लगानी गर्नुभएको छ । कोही भन्दैछन्, नेपाल-युरोप गर्ने जहाज किन्दै हुनुहन्छ ।

· उहाँलाई महानायक ठानेको तन र मनमा खिन्नता आउन थाल्यो । पारिवारिक र गुटको घेराबन्दी बढ्दै गयो । उहाँको व्यवहार हेर्दा जता पनि ठिक्क हुने ‘वेश्या-रुप’ देखिन थाल्यो । हिजो आज जता जाँदा पनि प्रचण्डको आलोचना भएको सुन्नुपर्छ ।

जीन्दगीलाई सुखी र सम्पन्न बनाउने योजना बनाएर चार महिना अगाडि मात्रै मलेसिया आएका दोलखा जिल्ला च्यामा गाविस- ४ का गणेशवहादुर फुयाँल क्षेत्री अहिले दुबै खुट्टा छिनेको अवस्थामा मलेसिायस्थित एक अस्पतालको शैय्यामा पल्टेर आफ्नो कहालीलाग्दो बाँकी जीवनबारे सोचिरहेका छन् ।

पुत्राजया अस्पतालको बेड न २२ मा दुबै खुट्टा गुमाएर ओछ्यान परेका गणेशले भने- ‘के गर्नु, उसले पनि जानेर गरेको हैन, मेरो कर्म त्यस्तै रै’छ कसलाई के दोष दिनु ?’ आफ्ना दुबै खुट्टा गुमाएर पनि कसैलाई दोष नदिने विचित्रको अवस्थामा छन् गणेश यतिबेला ।

आठ कक्षामा पढ्दा बुबा बितेपछि परिवारको जिम्मेवारी सम्हाल्न पुगेका गणेश परिवारलाई सम्पन्न बनाउने सपना साँचेर केही वर्ष अगाडि मलेसियाको पेनाङमा आएका हुन् । शुरुमा उनको काम राम्रै थियो । मलेसियामा कमाएको पैसाले उनले गाउँमै खुद्रा पसल पनि थापे, उद्यमी बन्नु पर्छ भनेर कुखुरा फार्म पनि खोले ।

नेपालको परिस्थितिले उनलाई उद्यमी बनिरहन दिएन । दिनदिनै भइरहने आन्दोलन र बन्दले गर्दा उनले पालेका कुखुरा दानासमेत खान नपाएर मर्न थाले । लाखौं रुपैयाँ घाटा भएपछि उनी उद्यमी बन्ने सपना बीचैमा त्यागेर विदेशतिर हानिने निश्कर्षमा पुगे ।

मनमा जोश र जाँगर भएर पनि आर्थिक अवस्था कमजोर भएकाले जति नै संघर्ष गर्दा पनि सफलता भन्ने चिज उनको पोल्टामा कहिल्यै परेन । फलस्वरुप उनी चार महिना अगाडि मात्रै काठमाण्डौमा रहेको डिस्टिनेशन मेनपावरलाई एक लाख १० हजार रुपैयाँ बुझाएर मलेसिया आई पुचोङमा रहेको बसका पार्टपूर्जा निर्माण गर्ने कम्पनीमा काम गर्न थाले । नेपालमा मेन पावरले भनेजस्तो त कहाँ हुन्थ्यो र ? तै पनि उनले सन्तोष मानेर काम गरिरहे ।

तर, डिसेम्बर १० तारिखका दिन उनको जीवनमा ठूलो बज्रपात भयो । करिव १० बजेतिर उनका बंगालादेशी साथी फोकलिपमा सामान राखेर कतै लैजाँदै थिए । उनले पनि त्यसैमा लिफ्ट लिएर जाने बिचार गरे । तर, त्यसमा बस्दाबस्दै चलिरहेको फोकलिप ब्याक भयो र उनका दुबै खुट्टा च्यापिए । ‘म जोडले चिच्याएँ, साथीहरु दौडिँदै आउनुभयो । बोसलाई खबर गरेपछि मलाई अस्पताल लगिएछ’ गणेशले घटनाक्रम सुनाए-’ जतिबेला म होसमा आएँ, त्यतिबेला मेरा दुबै खुट्टा घुँडाबाटै काटिसकिएका रहेछन् ।’

उपचारका लागि कम्पनीले राम्रै सहयोग गरेको भए पनि सधैं उनलाई परिवारको चिन्ताले सताउन थालेको छ । ‘कम्पनीले तिमीलाई सहयोग गर्छ, चिन्ता नलेउ भनेको छ ।’ गणेशले भने-’तर मन त कहाँ मान्दोरहेछ र ।’ अस्पतालको शैय्यामा बसेर तीन छोरी, एक छोरा, श्रीमती र घरपरिवारलाई सम्झँदै उनले भने ।

सपाङग र सकुशल शीरर लिएर विदेशिएका गणेश अब अपाङ्ग शरीर लिएर नेपाल र्फकनेछन् । राज्यले विदेशमा अपाङ भएकाहरुलाई स्वदेश फर्किएपछि केही उद्यम गर्नका लागि विनाधितो सहयोग गर्नुपर्ने उनको धारणा छ । सधैं साथीभाइहरुको भलो चिताउने सहयोगी गणेश अहिले अस्पतालबाटै यस्तो सहयोगको अपेक्षा गरिरहेका छन् ।

१२ माघ, काठमाण्डौ । एकीकृत माओवादीका अध्यक्ष पुष्पकमल दाहाल प्रचण्डले एमाओवादीप्रति जनताको लहर देखेर विपक्षी काँग्रेस-एमाले लगायतका दलहरु तर्सिएको वताउनु भएको छ । मेचीदेखि महाकालीसम्म एकीकृत माओवादीप्रति रहेको जनताको लहर देखेर विपक्ष दलहरू आतंकित भएको प्रचण्डको भनार्इ छ ।

पहिलो चरणको समाप्तीमा ७ अंकको अग्रता
१२ माघ, काठमाडौं । सहिद स्मारक ए डिभिजन लिग फुटबलको पहिलो चरणको अन्तिम खेलमा थ्रीस्टारले चिरप्रतिद्वन्द्वी मनाङ मर्स्याङ्दी क्लबलाई पराजित गरेको छ ।

त्रिपुरेश्वरस्थित दशरथ रंगशालामा शुक्रबार भएको खेलमा थ्रीस्टारले मनाङलाई १-० ले पराजित गरेको हो । जितसँगै पहिलो चरणको समाप्तीमा ३५ अंक जोडेको थ्रीस्टारलाई ७ अंकको अग्रता लिएको छ र उपाधी दावेदारी बलियो बनाएको छ । दोस्रो स्थानमा रहेको आर्मीको २८, तेस्रो स्थानमा रहेको मच्छिन्द्रको २७ र चौथो स्थानमा रहेको मनाङको २६ अंक छ ।

त्रिपुरेश्वरस्थित दशरथ रंगशालामा भएको निकै प्रतिस्पर्धात्मक खेलको सुरुमा नै शिव श्रेष्ठको प्रहार वारमा लागेर फर्किँदा मनाङ अभागी सावित भयो । १४ औं मिनेटमा शिवको प्रहार थ्रीस्टारका गोलरक्षक किरण चेम्जोङले बताए । ३५ औं मिनेटमा निरजन मल्लले डि बक्स एरियाबाट हानेको एक्रोबेटिक सर्ट किरणले सहजै रुपमा बचाए । पहिलो हापमा थ्रीस्टारलाई दबावमा राखेको मनाङका शिवले ४३ औं मिनेटमा विजय गुरुङलाई डि बक्स एरियामा गलत ट्राकल गरेपछि थ्रीस्टारले पेनाल्टी पायो । जुन, थ्रीस्टारको जितका लागि पर्याप्य भयो । पेनाल्टीमा सन्तोष साहुखलले आफ्नो पूर्व क्लबविरुद्ध गोल गरेका हुन् ।

खेलको दोस्रो हालमा थ्रीस्टार हावी भयो । उसले केही राम्रा मौका पाएपनि अग्रता दोब्बर पार्न सकेन भने केही राम्रा अबसर गुमाउँदा मनाङ खेलमा र्फकन सकेन र थ्रीस्टार १-० ले विजयी भयो । खेल हेर्न सिजनकै लिगमा सबैभन्दा बढी दशर्क उपस्थित भएका थिए ।

१२ माघ, काठमाण्डौ । गैरआवासीय नेपाली संघ (एनआरएन)को अग्रसरतामा गठित एनआरएन इन्भेष्टमेन्ट कम्पनीले नेपालमा दुईवटा जलबिद्युत परियोजनामा लगानी गर्न भएको छ । बुधबार काठमाण्डौंमा बसेको कम्पनीको बोर्ड बैठकले दुईवटा परियोजनाका लागि सैद्धान्तिक सहमति दिएको छ ।

१२ माघ, काठमाडौं । ‘बाहुन डन’ उपनामले चर्चामा रहेका रमेश पौडेल नेकपा एमालेमा प्रवेश गरेका छन् । विभिन्न फौजदारी अभियोगमा खोजीको सूचिमा रहेका ‘बाहुन डन’लाई एमाले नेता केपी ओलीको उपस्थितिमा शुक्रबार रामेछापको सदरमुकाम मन्थलीबाट एमालेमा प्रवेश गराइएको हो ।

सदरमुकाम मन्थलीमा आयोजित एमालेको जिल्ला अधिवेशन उद्घाटन कार्यक्रममा पार्टी सचिव शान्तिप्रसाद पौडेलले ‘बाहुन डन’ एमालेका प्रवेश गरेको घोषणा गर्नुभयो । स्रोतअनुसार अधिवेशनमा ‘बाहुन’लाई प्रत्यक्ष उपस्थित गराइने प्रचार गरिए पनि प्रहरीले पक्राउ गर्ने संकेत पाएपछि नाममात्रै घोषणा गरिएको हो । ‘बाहुन’ रामेछापको सैपु गाविस निवासी हुन् । तर, उनको बसोबास काठमाडौंमै रहेको बताइन्छ ।

सेनाको रेन्जर तालिम लिएर भागेका उनी चन्दा आतंक अपहरणका नाइके भएको भन्दै प्रहरीले खोजी गरिरहेको छ । उनले ५० करोडभन्दा बढी रकम असुलेको प्रहरीको दावी छ ।

रामेछापमा बाहुन डानसँगै अन्य व्यक्ति एमालेमा प्रवेश गरेका छन् । सदरमुकाम मन्थलीबाट ५० व्यक्ति कांग्रेस र एमाओवादी छाडेर एमालेमा प्रवेश गरेका छन् भने अन्य गाविसबाट करिब ७० व्यक्ति एमालेमा प्रवेश गरेको सचिव पौडेलले घोषणा गर्नुभएको छ । काठमाडौंबाट करिब ५० को संख्यामा ‘बाहुन’का सयोगी युवाहरु मोटरसाइकल चढेर मन्थली पुगेका छन् । एमाले अधिवेशनमा अतिथिका रुपमा बरिष्ठ नेता ओलीका साथमा प्रदीप ज्ञवालीसमेत सहभागी हुनुहुन्छ ।

शुक्रबार उद्घाटन गरिएको अधिवेशनको बन्द शत्र शनिवार हुने जनाइएको छ भने नेता ओली र ज्ञवाली मन्थलीको कार्यक्रम सकेर दोलखा जाने कार्यक्रम रहेको एमालेले बताएको छ ।

बाल्यकालमा बाउआमाले सुनाएका कथा जिन्दगीभर नै सम्झनामा आइरहन्छन् । यस्ता उपदेशात्मक कथाहरु कहिलेकाहीँ मार्गदर्शन बन्छन् त कहिलेकाहीँ मनमा डर बनेर बसिरहन्छन् । सिँगापुरका एक जना मानिसले आफ्नी हजुरआमाले आफु सानो छँदा सुनाउने गरेको एक दन्तेकथाबाट प्रभावित भएर अनौठो भुत्ले कुर्सीको निर्माण गरेका छन् ।
हेरौँ यो भुत्ले कुर्सी :

स्थापित गायक राजेशपायल राई पछिल्ला दिनमा अभिनयतिर लागिरहेका छन् । केही फिल्ममा ‘हिरो’ बनेका राई यो हप्ता ‘भिलेन’ बनेर दर्शकमाझ आउँर्दैछन् ।

संयोग नै भन्नुपर्ला, गायकबाट नायक हुँदै भिलेन बनेका राजेशपायल राईको भिडन्त महानायक राजेश हमालसँग हुँदै छ ।

राईले अभिनय गरेको चलचित्र ‘सी माला’ र हमालले अभिनय गरेको चलचित्र ‘स्वाभिमान’ यसै साता काठमाण्डौका हलहरुमा एकसाथ रिलिज हुँदैछन् । चलचित्रकर्मीको आन्दोलनका कारण सेन्सर बोर्डले काम गर्न नपाउँदा हिन्दी फिल्म चल्न नसकेपछि दुवै फिल्मले यो साता काठमाण्डौंबाट रिलिज हुने पालो पाएका छन् ।

मदन घिमिरेको निर्देशनमा बनेको स्वाभिमानमा हमालसँगै झरना थापा, सुमन सिंह, सौजन्य सुब्बाा, रमेश बुढाथोकी लगायतले अभिनय गरेका छन् । रुद्र गुरुङको निर्माण र निर्देशनमा बनेको सी मालामा राईसँगै मनोज आरसी, दिप्ती गुरुङ लगायतको प्रमुख भूमिका छ । यसअघि सीमालाको रिलिज डेट माघ १९ का लागि तोकिएको थियो । राजधानी बाहिर भने पुरानै मितिमा रिलिज हुने छ ।

नेपाली संगीतप्रेमीहरुका लागि कुटुम्ब कुनै नौलो नौलो होइन । ‘कुटुम्ब व्याण्ड’ संगीतप्रेमीहरुको मन र मस्तिष्कमा झुण्डिएको छ । तर ‘कुटुम्ब’ नाममै एक चलचित्रको निर्माण भएको छ ।प्रतिमान रुम्बाको प्रस्तुतीमा तयार भएको यो चलचित्रलाई सुजन लामाले निर्देशन गरेका हुन् । चलचित्रमा सुष्मा कार्की, सागर घिसिङ, लत्ता योञ्जन, प्रकाश वाइवा, सुर्यमान घले, सिता थिङ, राजु ढकाल, सुजन लामा लगायतका कलाकारको अभिनय छ । चलचित्रले तामाङ संकृती र रीतिरिवाजलाई उठान गरेको छ ।

तामाङ संकृतीमा फुपु चेलीको छोराछोरीसँग बिहे गर्ने चलन छ । तर आफ्ना वुवाआमाले सानोमै नाता जोडीदिएपछि छोराछोरीलाई पर्ने अप्ठ्यारो ‘कुटुम्ब’ मा हेर्न पाइने निर्माणपक्षले बताएको छ । चलचित्रमा नायिका सुष्मा कार्की एक धनी परिवारको छोरीको भुमिकामा  देखिदैछिन् ।

रोशन वान्तवा र शोम घिसिङको संगीत रहेको चलचित्रमा चन्दा गोलेको कथा समावेश छ । चलचित्र नयाँ बर्षमा प्रदर्शनमा आउने निर्माणपक्षले बताएको छ ।

१२ माघ, दोलखा । नेकपा एमालेका प्रभावशाली नेता केपी शर्मा ओलीले माओवादीले विगतमा भएका सबै सहमति च्यातिसकेको आरोप लगाउनुभएको छ ।

दोलखाको चरिकोटमा भएको कार्यक्रममा नेता ओलीले १२ बुँदे लगायतका विभिन्न सम्झौता माओवादीले पालना नगरेकाले त्यो च्यातेभन्दा पनि घातक भएको बताउनुभयो । प्रेस चौतारीले गरेको कार्यक्रममा नेता ओलीले भन्नुभयो-’सहमति पालना नगर्नु भनेकै च्याते सरह हो, माओवादी नेताले सहमति च्यात्छौं भनेर दिएको धम्कीको कुनै तुक छैन, यसबाट हामी डराउँदैनौं ।’

अहिलेको सरकार शान्ति प्रक्रिया भाड्ने षडयन्त्रमा लागेको पनि आरोप लगाउनुभयो ।

हाँस्नु स्वास्थ्यका लागि फाइदाजनक मानिन्छ । हाँस्ने मान्छेको आयू बढ्छ भनिन्छ । हँसिलो मान्छे अरुका नजरमा पनि राम्रो गनिन्छ । तर हाँस्ने वा मुस्कुराउनका लागि समेत त केही विषय चाहियो ।
हामीले हाम्रा पाठकवृन्दको यहीँ भावनालाई ध्यानमा राख्दै यहाँ खोजबिन गरेर केही त्यस्ता तस्वीर पस्केका छौँ, जो हेर्दा यहाँलाई रोचक लाग्नेछ र हाँसो छुटाउनेछ ।

कसैकसैका रोग र पीडा पनि निकै दर्दनाक हुन्छन् । यस्तै दर्दनाक पीडा भोगिरहेकी छिन् बेलायतकी एक युवतीले लाउरेन हरी नामकी ती युवतील हरेक पटक हाच्छिउँ गर्दा ठूलो पीडा खप्नुपर्छ । कारण के भने हाच्छिउँ गर्दा उनको काँधको हाडको जोर्नी फुस्किहाल्छ ।डाक्टरका अनुसार २० वर्षे यी चेलीको काँधको हाडको जोर्नी यति कमजोर छ की हाच्छिउ गर्दा वा अरु कुनै बल पुग्ने काम गर्दा त्यो फुस्किहाल्छ ।