पोथी होइन, बास्न लागेको भाले चाहियो’
५ युवतीको समुह एक रेष्टुरेण्डमा जान्छन् र यही संवाद बोल्छन् । उनीहरुले खोजेको भाले भर्खरैको पुरुष हो । प्रदर्शनको तयारीमा रहेको चलचित्र ‘ब्ल्याक नाइट’ मा युवकलाई पैसा तिरेर सम्वन्ध राख्ने युवतीको कथा देखाउन खोजिएको छ । हिराजबाबु गोर्खालीको लगानीमा तयार भएको यो सिनेमालाई मधुकर भट्टराइले निर्देशन गरेका हुन् । वल्र्ड टच एक्सप्रेसको प्रस्तुतीमा तयार भएको सिनेमामा सुरज सिलवाल, निशा रिसाल, अनुपा कार्की, श्रीयस, युनिका खड्का लगायतका कलाकारको अभिनय छ ।२१ औ शताब्दिमा पुरुषले मात्र होइन महिलाले पनि पुरुषलाई बलात्कार गर्न सक्छन् भन्ने बिषयलाई सिनेमाले उठान गरेको छ । सिनेमा भित्र समाजले घृणा गरेको व्यक्तिलाई माया नदिने हो भने उ कसरी विग्रन्छ भन्ने बिषयलाई समेत उठान गरिएको छ ।नेपाली सिनेमाका लागि यो बिषय नौलो भए पनि दर्शकले यसलाई कसरी स्विकार गर्ने हुन् त्यो भने हेर्न बाकी छ । चलचित्रमा बिकास चौधरीले संगीत भरेका छन् ।

१७ माघ, दाङ । नेपाली काँग्रेसका सभापति सुशील कोइरालाले एकीकृत माओवादी समयमै नसच्चिए राजसंस्था विलय भएर गएको नहरबाट बगेर जाने बताउनुभएको छ । कोइरालाले प्रजातन्त्रको मूलधारमा नआए पञ्चायती र राज संस्थाहरु बिलय भएको नहरबाटै माओबादी पनि बग्ने चेतावनी दिनुभयो ।

अर्जुन सुवेदी, काठमाडौं, माघ १६ (नागरिक)- प्रजातन्त्र स्थापनामा बलिदान दिने शहीदको सम्झनामा जारी शहीद सप्ताह मंगलबार सकिँदैछ तर त्यस्ता शहीद कति छन् भन्ने राज्यसँग तथ्यांक छैन। शहीद घोषणा गर्ने राजनीतिक होडले संख्या बढे पनि त्यसको तथ्यांक राख्ने निकायबीच समन्वय नहुँदा राज्यले अहिलेसम्म कतिजनालाई शहीद घोषणा गर्यो भन्नेसम्म यकिन छैन।
जहानियाँ राणाशासनविरुद्ध आवाज उठाउँदा ज्यान गुमाएका गंगालाल श्रेष्ठ, दशरथ चन्द, धर्मभक्त माथेमा र शुक्रराज शास्त्रीलाई सबैले गर्वसाथ शहीदको संज्ञा दिन्छन् तर दस वर्षयता सरकारले दसौं हजारलाई शहीद घोषणा गरे पनि उनीहरुको उचित सम्मानसमेत हुन सकेको छैन। शहीदका नाममा अर्बौँ रुपैयाँ खर्च गरिए पनि को कस्ता शहीद हुन्, कसको योगदान के हो भन्ने विवरण पनि राज्यसँग छैन।
गृह मन्त्रालयसँग १ सय १ जनाको मात्र सूची छ। 'गृहको प्रस्तावमा सरकारले घोषणा गरेका शहीद यिनै हुन्,' गृह प्रवक्ता शंकर कोइरालाले नागरिकसँग भने, 'यसबाहेक अरू शहीदबारे हामीलाई जानकारी छैन।' उनका अनुसार गृह र शान्ति मन्त्रालयमार्फत मन्त्रिपरिषदमा शहीद घोषणाको प्रस्ताव लगिए भए पनि हालसम्म शहीदकै लागि काम गर्ने भनेर कुनै निकाय नरहेकाले समस्या भएको कोइराला बताउँछन्। पुराना शहीदबारे त गृह नै बेखबर रहेको कोइराला स्विकार्छन्।

जनआन्दोलनपछि शान्ति तथा पुनर्निर्माण मन्त्रालयको प्रस्तावमा पनि केही शहीद घोषणा भएका छन् जसको विवरण न गृहसँग छ न शान्तिसँग। 'द्वन्द्वको समयमा मारिएका शहीदमात्रै हाम्रो तथ्यांकमा छन्,' प्रवक्ता भरतप्रसाद पौडेलले भने, 'हालसम्मका सबै शहीद र तिनले पुर्यारएका योगदानबारे एकीकृत तथ्यांक हुनुपर्ने हो, तर अहिलेसम्म छैन।' सात सालयताकै शहीदको संख्या एकीकृत गर्न गृहसँग छलफल भइरहे पनि काम नभएको पौडेल बताउँछन्।

स्रोतका अनुसार लेनदेन झगडामा मारिएका समेत पछिल्लो समय दलीय दबाबमा शहीद घोषणा गरिएको छ। 'सबै शहीदलाई एउटै ठाउँमा राखेर तुलना गर्ने हो भने वास्तविक शहीद त्यसभित्र पनि शहीद नै हुन्छन्,' एक सचिवले भने 'त्यसो नगर्दा शहीदको संख्या नै कति छ भन्ने थाहा पाउन गाह्रो भो।'

लेनदेन, गुन्डागर्दीमा ज्यान गुमाउने, राजमार्ग दुर्घटनामा पर्नेलगायत शहीद घोषणा भएपछि शहीद शब्द नै महत्त्वहीन बन्दै गएको उनको तर्क छ। 'योगदानभन्दा पनि १० लाख रुपैयाँ पाउन शहीद घोषणा गर्ने होडबाजी देखियो,' उनले भने।

वास्तविक शहीदको वर्गीकरण गर्ने भन्दै सरकारले विभिन्न कार्यदल बनाएर सरकारलाई प्रतिवेदन बुझाइसकेको छ तर हालसम्म त्यो कार्यान्वयन हुन सकेको छैन। यसअघि जनयुद्धमा मारिएका माओवादी कार्यकर्तालाई माओवादीले शहीद घोषणा गरेपछि जनआन्दोलन ०६२/६३ शहीद परिवारका १२ सदस्यले आत्मदाहको चेतावनी दिएका थिए। चार वर्षपहिले माओवादी सरकारले द्वन्द्वमा मारिएका आफ्ना साढे ८ हजार कार्यकर्तालाई शहीद घोषणा गरेपछि त्यसले सर्वत्र विरोध खेप्नुपरेको थियो। तीमध्ये करिब २ हजारको नामथर स्पष्ट नभएकाले झन्डै ६ हजारलाई विभिन्न चरणमा गरेर १० लाखका दरले राहत दिने घोषणा गरेको थियो। पछि कांग्रेस समर्थनको माधवकुमार नेपाल सरकारले सत्तासाझेदार २२ दलको समर्थनमा युद्ध र अन्य बेला मारिएका सुरक्षाकर्मी, राजनीतिक कार्यकर्ता र सर्वसाधारण गरी करिब ४ हजार व्यक्तिलाई शहीद घोषणा गरेको थियो।

माओवादीको शहीद तथा बेपत्ता प्रतिष्ठानसँग पनि सशस्त्र युद्धमा मारिएका ८ हजार ६ सय शहीदको मात्र तथ्यांक छ। संविधानसभा निर्वाचनअघि मधेस आन्दोलनका क्रममा ज्यान गुमाएका ५३ जनालाई मधेसवादी दलको दबाबमा शहीद घोषणा गरिएको थियो। त्यसबाहेक कार्यक्षेत्रमा खटिएर मारिएका निजामती कर्मचारीलाई निजामति शहीद घोषणा गरेको छ भने मस्जिदमा ज्यान गुमाउनेलाई समेत सरकारले धार्मिक शहीद घोषणा गरेको छ। त्यसबाहेक विद्यार्थी झडपमा मारिनेलाई विद्यार्थी शहीद, लुटेराको आक्रमणमा मारिने वित्तीय संस्थाका कर्मचारील्ाई वित्तीय संस्था कर्मचारी शहीद घोषणा गरिएको छ। गत वर्षमात्रै चितवन जेलभित्र दुईपक्षीय झडपमा मारिएका आफ्ना कार्यकर्ता शिव पौडेललाई शहीद घोषणा माग गर्दै कांग्रेसले बन्द आयोजना गरेको थियो।

त्यस्तै ०६२/६३ को जनआन्दोलनमा घाइते भई त्यसपछि मृत्यु भएका २५ जनालाई राज्यले शहीद घोषणा गरेर उनका परिवारलाई १० लाख रुपैयाँ राहत दिइसकेको छ।
२०४६ सालको जनआन्दोलनमा ४५ र २००७ सालको आन्दोलनमा चार व्यक्ति शहीद भएका थिए।

नायिका निशा अधिकारी यूवा उडान नामको संस्था खोलेर समाज सेवामा होमिएकी छिन् । मंगलबार रिपोर्टर्स क्लब नेपालमा पत्रकार सम्मेलन गरेर उनले नेपालीहरुकै सहयोगमा नेपालीलाई सहयोग गर्ने उद्देश्यले राहतको लागि उडान भन्ने नारा सहितको यूवा उडान नामक संस्था गठन गरिएको जानकारी दिईन ।शितलहरबाट मृत्यू भएको समाचार आए पछि पाँच जना साथीहरुसँगको सहकार्यमा लुगा संकलन गरेर वितरण गरेर पछि समाजसेवाको चाहना बढेको उल्लेख गर्दै ब्यक्तिगत प्रयासलाई संस्थागत गरेर समाजसेवामा होमिएको बताईन ।
उनले आफ्नो संस्थाले अन्तर्राष्ट्रिय र राष्ट्रिय एनजीओ, आइएनजीओबाट कुनै सहयोग नलिई यूवाहरुको समय, शक्ति, साधन र ईच्छाशक्तिको प्रयोगबाट समाजिक सेवा गर्ने स्पष्ट पारिन ।
निशा र उनको समूहले यसअघि रौतहटको जोगौलिया, देबीपुर माझी र मुसहर टोलमा शितलहर पिडीतकालागी न्यानो लुगा वितरण गरेको थियो । यसपछि उनको संस्थाले सरस्वती पुजाको दिन गरिब विद्यार्थीहरुलाई कापी कलम वितरण गर्ने योजना समेत बनाएको पत्रकार सम्मेलनमा निशाले सुनाईन ।
पत्रकार सम्मेलनमा आफ्नो पेशाबाट समय निकालेर समाजसेवा गर्ने जानकारी दिदै तत्काल राजनीतिमा जाने आफ्नो कुनै सोच नरहेको तर सगरमाथा चढ्ने सपना भने अधुरै रहेको सुनाईन ।

१६ माघ, काठमाण्डौ । एकीकृत माओवादीका अध्यक्ष पुष्पकमल दाहाल प्रचण्डले एमाओवादीलाई जनताले अझै १० वर्ष सत्ता चलाउन दिने वताउनु भएको छ । एमाओवादी ललितपुरको ७ औँ जिल्ला सम्मेलनको मंगलवार उद्घाटन गर्दै प्रचण्डले जनताको विश्वास अझैपनि एमाओवादीमै रहेको वताउनुभएको हो ।

डाउनलोड

एक समय थियो इंग्ल्यान्डका पल मेसनलाई ओछ्यानमा पल्टिरहनुको कुनै विकल्प थिएन। किनभने ४ सय ४४ किलोको भारी शरीरले  उनलाई हिँडडुल गर्न दिँदैनथ्यो। पललाई विश्वको सबैभन्दा मोटो व्यक्ति हुनुमा गर्व त थियो तर, त्यो गर्व कामलाग्दो थिएन। मोटोपनले तनाव  बढेपछि पलले वजन घटाउने दृढता लिए। 

दृढ इच्छाशक्ति भए केही कुरा पनि असम्भव छैन भन्ने कुरा उनले पनि पुष्टि गरिदिए। पलले आफ्नो तौल मात्र घटाएनन् २ सय ८६ केजी  तौलको गरेर रेकर्ड नै बनाएका छन्। पल अब मात्र १ सय ५८ किलोका छन् र उनी आम सर्वसाधारणहरूजस्तै जीवन बिताइरहेका छन्।  उनले गहनाको कारोबारसमेत सुरु गरेका छन्।

कुनै समय पलको एक दिनको खुराक २१ हजार क्यालोरी हुन्थ्यो, जुन आमरूपमा मानिसले खाने भन्दा ११ गुणा बढी हो। पल हाल आफ्नो  आनुभव समेटेर एउटा पुस्तक तयार पार्दैछन्, जसले खानपानको गलत आदतका सम्बन्धमा सर्वसाधारणलाई जानकारी दिनेछ। अविश्वसनीय  रूपमा तौल घटाएपछि पल जीवनसाथीको खोजीमा समेत जुटेका छन्।

१६ माघ, म्याग्दी । नेपाली काँग्रेसका उपसभापति रामचन्द्र पौडेलले नेपाली काँग्रेसबाहेक कुनै पनि दलको नेतृत्व बनेको सरकारले नयाँ निर्वाचन गराउन नसक्ने दावी गनुभएको छ । उहाँले काँग्रेस नेतृत्वको सरकारले यसअघि गराएका निर्वाचन निष्पक्ष भएको पुष्टि भएकाले काँग्रेसकै नेतृत्वमा सरकार गठन गरी निर्वाचनमा जानु पर्ने वताउनुभयो ।

दिउँसो २ बजेपछि पोखरा रंगशालामा सुरुहुने खेलमा आयोजक साहारा फुटबल क्लबले मनाङ मस्र्याङदीको सामाना गर्नेछ । आयोजक साहाराले राजधानीको मच्छिन्द्र क्लबलाई पराजित गर्दै क्वाटर फाइनलमा पुग्दा मनाङ भने सिधै वाइ पाएर अन्तिम आठमा पुगेको हो

बुटवल बसपार्कमा रोकिराखेको बसभित्रै किशोरी बलात्कृत भएकी छन् । रोल्पा नुवागाउँ गाविस–४ घर भई कामका लागि बुटवल आएकी १५ वर्षीया किशोरी सामूहिक बलात्कारको सिकार भएकी हुन् ।  तीन जनाबाट बलात्कृत भएकी उनको पाठेघर च्यातिएको छ भने उनी कहिले अचेत हुन्छिन त कहिले डराउने र चिच्याउने गरेको सौर्य सहितका आजका पत्रकपत्रिकामा खबर छ । ८ पुसमा बेलुका भएको घटना एक महिनापछि मात्र सार्वजनिक भएको हो ।

किशोरीलाई सामूहिक बलात्कार गरेको अभियोगमा बुटवल–९, दीपनगरका १७ वर्षीय भीमबहादुर सुनार, सोही ठाउँका २३ वर्षीय रमेश थापा र स्याङ्जाको वालिङ–१ का १९ वर्षीय हरि पाठकलाई पक्राउ गरिएको इलाका प्रहरी कार्यालय बुटवलका एसपी राजकुमार बैदवारले बताए ।

सौतेनी आमाको दुव्र्यवहार सहन नसकी गाउँकै एक युवाको सहयोगमा कामका लागि बुटवल आएकी किशोरीलाई बुटवल बसपार्कमा रोकी राखेको लु १ ख ३६०८ नम्बरको बसमा लगेर तीनजनाले सामूहिक बलात्कार गरेका थिए ।

मुख थुनेर हातखुट्टा बाँधेर नियन्त्रणमा लिएर बलात्कार गरिएको पीडित किशोरीले प्रहरीसामु बताएकी छन् । घटनाको एक महिनापछि तीनै अभियुक्तलाई इलाका प्रहरी कार्यालय बुटवलले सार्वजनिक गरेको हो । अभियुक्तमध्ये सुनारलाई ८ पुसमा उसकै बयानका आधारमा, अर्का अभियुक्त थापालाई ९ पुसमा घरैबाट पक्राउ गरेको थियो । उनीहरू पुर्पक्षका लागि थुनामा छन् । एक महिनाको खोजतलासपछि ८ माघमा पाठकलाई पक्राउ गरिएको प्रहरीले बताएको छ ।

किशोरी बलात्कारपछि दाङ जाने गाडी चढाइदिन्छु भन्दै लैजाँदै गर्दा ८ पुसमा सुनारलाई गस्तीमा रहेको वडा प्रहरी कार्यालय बुटवलको प्रहरी टोलीले पक्राउ गरेको थियो । प्रहरीको गस्ती टोली देख्नासाथ पीडित युवती चिच्याएर बलात्कारमा परेको भन्दै गुहार मागेकी थिइन् ।

प्रहरीले लगत्तै सुनारलाई पक्राउ गरी पीडितलाई बुटवलस्थित लुम्बिनी अञ्चल अस्पतालमा उपचारार्थ लगिएको थियो । मुख्य अभियुक्त पक्राउ नगर्दासम्म घटनालाई प्रहरीले गोप्य राखेको बताएको छ । घटनामा संलग्न सबै पक्राउ भएपछि मात्रै प्रहरीले पत्रकार सम्मेलन गरी सार्वजनिक गरेको हो ।

माघ १५  प्रायजसो मानिसहरू आफ्नो छुट्टीको दिन विभिन्न कामका लागी छुट्याउने गर्दछन् । आफ्ना बाँकी रहेका कामहरू गर्नुका साथै सपिङहरू गर्न मानिसहरू आइतबार कुरेर बस्ने गर्दछन् । 
तर के तपाइँलाइ थाहा छ, एउटा वर्ग यस्तो पनि छ जुन बर्गका मानिसहरू यस दिन पोर्न फिल्महरू हेर्न मन पराउँदछन् । यस कुराको खुलासा हालै गरिएको एक सर्भेमा देखिएको हो । मानिसहरू फ्रि भएको समयमा पोर्न साइट्स तथा पोर्न फिल्महरू हेर्न धेरै मन पराउने गरेको यस सर्भेबाट देखिएको छ ।
बास्तबमा, यस सर्भेबाट मानिसहरूले पोर्न साइट्स र पोर्न फिल्महरू आइतबारका दिन हेर्नु सबैभन्दा उपयुक्त दिन भएको बताएका छन । यस दिनमा पोर्न हेर्नेहरूमध्ये पुरूष वर्ग सबैभन्दा धेरै भएको कुरा समेत सर्भेबाट खुलासा भएको छ ।

सम्भोग पश्चात् हुने वीर्य स्खलनमा शुक्राणुको मात्रा करिव ५० प्रतिशत हुने अनुमान गरिएको छ । वीर्यमा शुक्राणुको मात्रा प्रति मिलिमिटर साढे सात करोडसम्म हुनु पर्दछ । कसैको करोडप्रति मिलिमिटर पनि हुन सक्छ । यसमा केही करोड तल–माथि परिरहेकै हुन्छ । वीर्य उत्पादन हुने मुख्य स्थान भनेको वीर्य ग्रन्थी नै हो भने शुक्राणु उत्पादन हुने स्थान अण्डकोष हो । अण्डकोषमा शुक्राणुहरु उत्पादन भएर शुक्रकिट नली हुँदै वीर्य ग्रन्थीमा मिसिन आइपुग्दछ । यस प्रकार वीर्य ग्रन्थीमा आइपुगेका शुक्रकिटहरु सम्भोग पश्चात् वीर्य स्खलन हुँदा सँगै स्खलित हुन्छन् । यसमा सम्झिनु पर्ने कुरा के छ भने वीर्य एक किसिमको चिल्लो पदार्थ मात्र हो भने शुक्राणु आँखाले देख्न नसकिने शुक्रकिट हो । स्खलन हुँदा शुक्राणु वीर्यसँगै मिसिएर आउन पायो भने मात्र महिलाले गर्भधारण गर्न सकिन्छ शुक्रकिट चाहिं आएन, केवल वीर्य मात्र स्खलन भयो भने गर्भको सम्भावना नै हुँदैन ।
शुक्राणु हुँदाहुँदै गर्भधारण हुन सक्छ भन्ने छैन । यसको क्षमता र गतिशीलताको पनि उत्तिकै प्रभाव परेको हुन्छ । यसमा शुक्राणु उत्पादन हुँदा कसरी प्रभाव परिरहेको हुन्छ भन्ने विषयमा उल्लेख गर्न लागिएको छ । अण्डकोषमा शुक्राणु उत्पादन हुने क्रमलाई प्रभाव पार्ने केही फरक तत्वहरु छन् । सर्वप्रथम अण्डकोषमा विकिरणको प्रभाव प¥यो भने शुक्राणु उत्पादनमा ¥हास आउन सक्छ । जस्तो अनावश्यक रुपमा धेरै एक्सरे गर्नु, क्यान्सरका लागि प्रयोग गरिने केमोथेरापी तथा किटनाशक औषधिको अत्यधिक प्रयोगबाट पनि अण्डकोषमा हुने शुक्राणु उत्पादनमा प्रभाव पर्न सक्छ । त्यस्तै, नशालु औषधिको सेवन मद्यपान तथा धुम्रपानले पनि शुक्राणुको उत्पादनमा असर पार्दछ ।
किटनाशक औषधिले पार्ने असर अस्थायी मात्र हुन्छ । यसको संसर्गमा नआएपछि स्वतः असर कम हुँदै जान्छ । तर नशालु पदार्थ तथा धुम्रपान, मद्यपानको सेवनबाट पार्ने असर भने दीर्घकालीन रुपमा हुन सक्छ । यसबाट बच्नका लागि सबै चेतनशील वर्गले समयमै सोच्नु पर्दछ । जो मानिसले यस्ता व्यवहारिक कुराहरु बुझेका छैनन् भने बुझेका मानिसले नबुझेका मानिसलाई परामर्श दिनु पनि कर्तव्य हो । हेरोइन, मरफिन जस्ता नशालु औषधिको प्रयोगले पुरुष हारमोन टेस्टोस्टेरोनको स्तरलाई घटाउँछ । रेस्टोस्टेरोनको स्तर घट्नुको अर्थ भनेको प्रत्यक्ष मात्रामा शुक्राणु उत्पादन घट्नु हो । मादक पदार्थ सेवनको लत बसिसकेपछि पनि यो समस्या उत्पन्न हुन सक्छ । यसको ठीक विपरीत धुम्रपान गर्नेहरुमा भने वीर्यमा शुक्राणु धेरै कठिनपूर्वक मात्र तैरन सक्छ नत्र कत्रेर त्यतिकै बस्दछ । यस कारणले गर्दा शुक्राणुको गतिशीलतामा भारी कमी आउँछ । यस्तो अवस्थामा धेरै कम शुक्राणु मात्र उर्वरक हुन्छन् । धेरै ज्वरो आएको अवस्थामा सन्तान जन्माउने उद्देश्यले यौन सम्पर्क गर्नु पनि ठीक हुँदैन । शुक्राणुको संख्या घटाउने क्रममा मानसिक तनाव र असुरक्षाका भावनाले पनि निकै असर पु¥याइरहेको हुन्छ । शुक्राणुको उत्पादनमा असर पु¥याउने खालका अन्य अवस्थाका बारेमा कुरा गर्र्नु पर्दा प्रथमतः अण्डकोष ग्रन्थी जसको शुक्राणु उत्पादन गर्ने क्षमता नहुनु हो भने दोस्रोमा शुक्रकिट नलीमा अवरोध आउन सक्नु हो ।
परिवार नियोजन गरेको पुरुषहरुलाई गरिने स्थायी उपाय भ्यासेक्टोमी गर्दा पनि केवल शुक्राणु आउने शुक्रकिट नलीलाई मात्र काटेर बाँध्ने काम गरिन्छ । अण्डकोषको दुवै ठाउँबाट दुई वटा शुक्रकिट नलीहरु वीर्य ग्रन्थीसम्म पुगेका हुन्छन् । यी शुक्रकिट नलीको मुख्य काम शुक्राणुहरुलाई यसको बाटो हुँदै वीर्य ग्रन्थीसम्म पु¥याउनु हो । भ्याक्सेटोमी गर्दा यही शुक्रकिट नलीको बाटो भएर शुक्राणु जाने–आउने क्रमलाई बन्द गरिन्छ । शुक्रकिट नलीलाई बीचमा यसरी बन्द गरेपछि वीर्य ग्रन्थीमा शुक्राणु पुग्ने कार्य बन्द हुन्छ । अब सम्भोग गर्दा केवल वीर्य (तरल पदार्थ मात्र) सदाझैं स्खलन हुने काम हुन्छ र वीर्यसँगै शुक्रकिट भने हुँदैन । यसले गर्दा गर्भधारण हुन सक्दैन ।

अमिताभ बच्चनलाइ शताब्दीको स्टार तथा वैजयन्तीमालाले प्राइड अफ दी इन्डस्ट्रीको पुरस्कार प्राप्त गरेकी छन् ।  शाहरुख खान र अक्षय कुमारले संयुक्त रूपमा स्टार अफ दी ईयर पुरस्कारको पुरस्कार पाएका छन् । महिला श्रेणीमा भने प्रियंका चोपडाले यो पुरस्कार पाइन् ।
‘बर्फी’ लाइ बर्षकै सर्वश्रेष्ठ फिल्मको पुरस्कार

'दलहरु असफल भए अर्को पुस्ताले बलिदानी गर्नुपर्ने'
१५ माघ काठमाडौं । पुराना कम्युनिष्ट नेता तथा नेकपा (मसाल) का महामन्त्री मोहनविक्रम सिंहले राजावादी र सेनासँग मिलेर एमाओवादी नेताहरुले लोकतन्त्र मास्न सक्ने सम्भावनालाई अस्वीकार गर्न नसकिने बताउनुभएको छ । आफ्नो स्वार्थका लागि जोसँग पनि मिल्ने भएकाले एमाओवादी नेताहरुले दरबारिया शक्ति र सेनासँग मिलेर सत्ता कब्जा नगर्लान् भन्न नसकिने सिंहको विश्लेषण छ । तर, यसो गर्दा उनीहरु सफल चाँहि हुन नसक्ने सिंहले अनलाइनखबरलाई बताउनुभयो ।

‘एमाओवादीको नेतृत्व ‘क्यारिरिस्ट’ भएकाले यिनीहरु जुनसुकै बेला जोसुकैसँग पनि मिल्न सक्छन् । अवसरवादीहरुको कुनै सिद्धान्त हुँदैन । विगतमा पनि यिनीहरुले राजावादीसँग मिलेर बहुदलीय व्यवस्था मास्ने प्रयत्न गरे ।’ नेता सिंहले सोमबार अनलाइनखबरसँगको विशेष कुराकानीमा भन्नुभयो-’उनीहरुले ‘रअ’ र इण्डियासँग मिलेर फाइदा उठाउने प्रयत्न गरे । अमेरिका गएका बेला नेपालमा दुईसय वर्ष समाजवाद आउँदैन भने । त्यसैले यिनीहरु कुनै पनि बेला कुनै पनि समूहसित मिल्ने सम्भावनालाई हामी अस्वीकार गर्दैनौं ।’

दलहरु असफल भए अर्को पुस्ताले बलिदानी गर्नुपर्ने

महामन्त्री सिंहले देशमा तत्काल राजनीतिक समाधान निस्किएन भने अहिलेको राजनीतिक नेतृत्वले जिम्मेवारी पूरा गर्न नसक्ने र भावी पुस्ताले लामो बलिदानी गर्नुपर्ने अवस्था आउन सक्ने बताउनुभएको छ । ‘देशमा यो स्थिति कायम रहिरह्यो र देश सही समाधानतिर जान सकेन भने अहिलेका सबै राजनीतिक पार्टीहरु असफल सावित भएपछि भावी पिँढीले शायद लामो बलिदान गर्नुपर्ने हुन सक्छ ।’-सिंहले भन्नुभयो, ‘अहिलेका राजनीतिक शक्तिहरुकै भूमिकाले गर्दा देशमा यस्तो हुन सक्छ । एकातिर माओवादीले देशलाई निकास नदिएर अघि बढ्न नदिने, अर्कातिर अन्य राजनीतिक शक्तिहरुले सशक्तरुपमा आन्दोलन बढाउनका लागि व्यापक जनसमर्थन प्राप्त नहुने स्थितिले देशलाई कठिन अवस्थामा पुर्‍याउन सक्छ ।’

नेता सिंहले मुलुकमा सहमति हुन नसक्नुको दुख्य दोषी एमाओवादी र यसले नेतृत्व गरेको सरकार नै भएको बताउनुभयो । एमाओवादीले मुलुकमा संविधान बन्न नदिएर देशलाई फासीवादतर्फ डोर्याउने प्रयास गरिरहेको तर, आन्दोलनकारी शक्तिहरु पनि कमजोर अवस्थामा रहेको उहाँको विश्लेषण छ । सत्तारुढ एमाओवादीले भारतसँग नजिकिएर सत्ता टिकाउने सोचाइ बनाएको र विभाजित नेकपा-माओवादीले आफूलाई क्रान्तिकारी बताए पनि राजावादी शक्तिसँग नजिक रहेको सिंहले आरोप लगाउनुभयो ।