जाडो महिना सुरु हुँदा नेपालको सौन्दर्य बजारमा एक प्रकारको परिवर्तन देखिन थाल्छ । बढ्दो जाडोसँगै छालालाई नरम बनाउने क्रिम, मोस्चराइजर, बडिलोसन तथा विविध प्याकको बजार आकासिन्छ । गर्मी महिनामा जसरी सनस्त्रिmम तीव्र रूपमा बिक्री हुन्छ त्यही दाँजोमा जाडो महिनामा कोल्ड क्रिमको व्यापार तीव्र हुन्छ । जाडो महिना सुरु हुनेबित्तिकै अनुहार फुट्ने, चाउरी देखिने समस्या जोकोहीलाई हुन्छ । त्यसका लागि अनुहार चिल्लो बनाउने क्रिम आवश्यक हुन्छ । कोल्ड क्रिम तथा मोस्चराइजरले अनुहारको नरमपन यथावत् राखी अनुहार चाउरिन तथा फुट्नबाट बचाउँछन् ।

आजभन्दा १५ वर्षअघिको परिदृश्यलाई हेर्ने हो भने जाडो महिनाका लागि केन्दि्रत गरेर अहिले जस्तो व्यापक प्रसाधन पाइँदैनथ्यो । जाडो महिनाका लागि अनुहार नरम बनाउन तर, घिउ तथा ग्लिसिरिन प्रयोगमा ल्याइन्थ्यो । बजारमा केवल बटरफ्लाई र बोरोलिन पाइन्थे र त्यो पनि उपल्लो वर्गले मात्र प्रयोगमा ल्याउँथे । बजारमा यसबाहेक कुनै विकल्प पनि थिएन । कोल्ड क्रिम लगाएर हिँड्दा अनुहार कालो हुन्थ्यो । त्यसबेला अहिले जस्तो उपभोक्ताहरूलाई छालासम्बन्धी कुनै ज्ञान पनि थिएन । त्यसैले उनीहरू बजारमा पाइने सीमित उत्पादनमा केन्दि्रत थिए तर आजको परिदृश्य निकै परिवर्तित छ । अहिले बजारमा बहुराष्ट्रिय तथा राष्ट्रिय ब्रान्डमा विविध प्रकारका जाडो लक्षित क्रिमहरू उपलब्ध छन् । जाडो केन्दि्रत मात्र होइन छालाको प्रकृति हेरी आफूलाई उपयुक्त हुने क्रिम लिन सकिन्छ । चिल्लो, खस्रो तथा सामान्य तीनै प्रकृतिका क्रिम तथा मोस्चराइजर छानेर बजारमा खरिद गर्न सकिन्छ । त्यसैगरी जाडोलाई नै लक्षित गरेर अहिले बडी क्रिम, बडिलोसन तथा स्याम्पुहरू बजारमा देखिएका छन् । लोटसका तुफन भट्टाचार्यका अनुसार जाडो महिना पनि आफ्नो उत्पादन बिक्री हुने राम्रो महिना भएको बताउँछन् ।

न्यूट्रनाइट लोटसको जाडोकालागि आएको

राम्रो उत्पादन हो । जाडो महिनामा विशेष गरी लोसन तथा कोल्ड क्रिम बढी बिक्री हुने उनी बताउँछन् ।

विशेष गरी कोल्ड क्रिम तथा मोस्चराइजर राति सुत्ने बेलामा प्रयोग गरिन्छ । राति यस्ता क्रिमहरू प्रयोग गर्दा अझ प्रभावकारी परिणाम देखिन्छ । म्याकलिभेराका घनश्याम गौतम आफ्नो ब्रान्डले जाडो महिनाका लागि सबै रेन्ज बजारमा उतारेको बताउँछन् । विशेष गरी जाडो महिनामा म्याकलिभेराको मोस्चराइजर तथा पपया कोल्ड क्रिम बढी बिक्ने गौतमको दाबी छ । राम्रो गुणस्तर तथा सन्तुलित मूल्यले गर्दा म्याकलिभेरा छोटो समयमै लोकपि्रय भएको र जाडो महिनाका लागि कोल्ड क्रिम निकै आवश्यक रहेको उनी बताउँछन् । गौतमका अनुसार कोल्ड क्रिमको नियमित प्रयोगले जाडो जस्तो सुख्खा मौससमा पनि कान्तिमय छाला, मुहार प्राप्त गर्न सकिन्छ । अहिले बजारमा ५० रुपैयाँदेखि माथिका रेन्जमा कोल्ड क्रिम खरिद गर्न सकिन्छ । त्यसैगरी विविध एमएलमा स-साना बट्टामा मोस्चराइजर क्रिम खरिद गर्न सकिन्छ । ग्राहकहरूको सुविधाका लागि अहिले पाउँचमा पनि क्रिम उपलब्ध हुन थालेका छन् ।

आस्ताबेरी तथा प|mेसियाका हेमन्त निरौलाका अनुसार नेपालमा बनेको होस् वा विदेशमा बनेको जाडो महिनामा कोल्ड क्रिमको महत्व निकै छ । ग्राहकहरूको यो पहिलो प्राथमिकतामा पर्छ । त्यसैले धेरैले सौन्दर्य प्रसाधन खरिद गर्न जाँदा कोल्ड क्रिम पनि खरिद गर्छन् । यसलाई जाडो महिनाको रुटिन भन्न सकिन्छ । हामीले पनि आस्ताबेरी तथा प|mेसिया ब्रान्डका कोल्ड क्रिम तथा मोस्चराइजर बजारमा उतारिसकेका छौं । आस्ताबेरी तथा प|mेसिया ब्रान्डका क्रिमहरू सबै प्रकृतिका छालाका लागि उपयुक्त छन् । हामीले विविध फ्लेवरका क्रिम उत्पादन गरेका छौं । यी दुवै ब्रान्डका क्रिमहरूको कुनै नकारात्मक प्रभाव छैन । जोकोहीले आफ्नो बजेटअनुसार यी क्रिम खरिद गर्न सक्छन् । जाडोका लागि एलोभेरा फेसियल प्याक, केशर प्याक उपयुक्त छन् । आस्थाबेरी तथा प|mेसियाका क्रिमहरू बट्टा तथा ट्युबमा खरिद गर्न सकिन्छ ।

नेपाली बजारमा नक्कली कस्मेटिकको बिगबिगी  छ । अझ चलेका कोल्ड क्रिमहरूको त के कुरा ? बजारमा यस्ता नक्कली क्रिम बग्रेल्ती भेटिन्छन् । यसका लागि ग्राहक आफै सजग रहनुपर्ने जोय कस्मेटिकका मणिरत्न बताउँछन् । उनका अनुहार तथा ओठका लागि कोल्ड क्रिम एवं लिप गाड उपलब्ध छ । जोयको हनी एण्ड अल्मोड क्रिममा बदामको एउटा विशेष प्रकृति हुन्छ जसले अनुहारलाई मुलायम बनाउँछ । त्यसैगरी स्त्रिmन प|mुट मोस्चराइजरले फलको सुवास प्रदान गर्दै अनुहारलाई दूषित पदार्थबाट रक्षा गर्छ । जोयका क्रिमहरू ५ सय एमएल तथा लोसन पनि ५ सय एमएलसम्ममा उपलब्ध छन् । त्यसैगरी जोयका लिप गार्डहरू भिटामिन ईयुक्त छन् जसले ओठलाई नरम बनाउँछन् ।

जाडो महिनामा अनुहारको छाला मात्र होइन ओठ तथा केशको स्काल्प पनि सुख्खा हुन्छ । त्यसैले यस्ता अङ्गहरूको विशेष रेखदेख गर्नुपर्छ । पानामा हर्बलका अनुज अग्रवाल गर्मीमा भन्दा जाडोमा छालाको हेरचाह बढी गर्नुपर्ने बताउँछन् । सुख्खा वातावरणले गर्दा अनुहारमा चाउरी देखा पर्छ अनि हाम्रो व्यक्तित्व नै खल्लो देखिन सक्छ । हामीहरूमध्ये धेरैले जाडो महिनामा छालाको त्यति स्याहार गर्दैनौं । यो एकदमै गलत हो । जाडोमा सकेसम्म आफ्नो अनुहारलाई प्याम्पर गरिराख्नुपर्छ । पानामा हर्बलले त्यही कुरालाई मध्यनजर गरी  ड्राइ प|mुट फेसियल कीट, मिक्स प|mुट लोसन, मिक्स प|mुट बडी लोसन, हेयर आयल बजारमा भित्राएको छ । यी प्रसाधनहरू जाडोका लागि निकै उपयुक्त छन् । हाम्रा उत्पादनमा नेपाली ग्राहकहरूको बजेट तथा उनीहरूको आयलाई ध्यानमा दिई मूल्य निर्धारण गरिएको छ ।

तर तथा नौनी प्रयोग गर्दा अनुहार नरम हुने, जाडोमा अनुहार कान्तिमय देखिने कुरालाई पछ्याउँदै जाडोका क्रिम तथा मोस्चराइजर उत्पादन गरिएको हो । यस्ता क्रिमहरू तथा मोस्चराइजरहरू जन्मिएका बालकदेखि वृद्धसम्मले प्रयोग गर्न सक्छन् । के पुरुष के महिला जाडोका लागि यस्ता क्रिम तथा मोस्चराइजर उपयोगी मानिन्छन् । जाडोमा स्कुटर चढ्ने तथा बाहिर बढी हिँडडुल गर्नेहरूका लागि यस्ता क्रिमहरू सञ्जीवनी साबित हुन्छन् । सबै रेन्ज उत्पादन गर्ने भीएलसीसीले जाडोमा लिक्वोरिस कोल्ड क्रिम तथा मोस्चराइजर बजारमा ल्याएको छ । यी दुवै क्रिमले सूर्यबाट निस्कने असरबाट बचाउन कवचको काम गर्छन् । सुख्खा छालालाई नरम बनाउँछन् । यसका उत्पादनमा ग्रप सिड, कोबरा स्याफ्रोन, रोज पेटल, एलोभेरा, जोजोबा भिटामिन आदि छन् । यसका साथै जाडो महिनामा ओठको सुरक्षाका लागि लिप बाल्म पनि उपलब्ध छ ।

कोल्ड क्रिममा भिटामिन ई, विभिन्न फलको एक्सट्रायक्ट, जैविक तेल, भिटामिन सी, रोज वाटर, ड्राइ प|mुट, मिल्क इन्जाइम, कोको बटर, केशर आदिका फ्लेवर मिश्रति गरिएको हुन्छ । बडी केयरका नारायण सिग्देलका अनुसार बडी केयरको कोल्ड क्रिम, वाइल्ड प|mेसिया बडिलोसन, वइन्टर चेरी मोस्चराइजिङ आदि क्रिम तथा लोसन बजारमा उपलब्ध छन् । वइन्टर चेरी मोस्चराइजरमा भिटामिन सी प्रयोग गरिएको छ । यसले स्किनलाई हाइडेट हुनबाट जोगाउँछ । यसलाई दिनहुँ बिहान-बेलुकी प्रयोग गर्दा राम्रो परिणाम प्राप्त हुन्छ । त्यसैगरी यसको कोल्ड क्रिमले अनुहारको छालालाई नरम तथा जवान देखाउँछ । यसमा भएको रोज वाटर तथा एलोभेराले अनुहारको छालालाई फेलेक्जिबल बनाउँछ । कुनै केमिकल प्रयोग नगरी बनाइएको यो ब्रान्डका क्रिमहरू लगाएर जाडो मौसमलाई आनन्ददायक बनाउन सकिन्छ ।

कोरियाको लोकपि्रय ब्रान्ड स्किन लबरका विविध ब्रान्ड बजारमा उपलब्ध छन् । नेपालीहरूको टेक्चरसँग मिल्दाजुल्दा कोरियन कस्मेटिकहरू नेपाली छालाका लागि उपयुक्त भएको डी. बी. गुरुङ बताउँछन् । यसैगरी स्किन लवरका एन्टी रिङ्कल इसेन्स तथा स्किन एन्टी रिङ्कल आई क्रिम जाडोका लागि निकै उपयोगी छन् । यसले जाडोमा अनुहारमा देखिने चाउरी कम गर्छ । अनुहारको मोस्चरलाई कायम गर्दै गोरोपनलाई यथावत् राख्छ । एन्टी रिङ्कल आई क्रिमले स-साना चाउरीलाई कम गर्छ । जाडोका लागि रिङ्कल क्रिम मात्र होइन कोल्ड क्रिम पनि निकै उपयोगी छन् । त्यसैगरी चेज कस्मेटिकका मृत्युञ्जय जैसवालका अनुसार मध्यम वर्गीय समूहलाई लक्षित गरिएको चेज कस्मेटिकका कोल्ड क्रिम बजारमा भित्र्याइएको छ । गुणस्तरीय तथा नेपाली छालाका लागि उपयुक्त यसको मिसावट छालाको जीवन्ततालाई यथावत् राख्न सहयोगी छ । यसको कोल्ड क्रिम तथा मोस्चराइजरमा भिटामिन ई मिश्रण गरिएको छ । पूर्ण हर्बल चेजका उत्पादनमा विभिन्न जैविक तत्वहरूको तेल प्रयोग गरिएको छ ।

त्यसैगरी हालै नेपाली बजारमा आएको केरलोनका कस्मेटिक पनि नेपाली छालाका लागि उपयुक्त छन् । जर्मनीमा बनेका यी प्रोडक्ट विदेशमा लोकपि्रय छन् । यसले अब नेपाली बजार पनि तताउने आशा राखिएको छ । यसका कस्मेटिक उच्च गुणस्तरीय, छालाका लागि लाभदायक तथा छालालाई कोमल बनाउन सहयोगी साबित हुनेमा यसका बिक्रेताहरू ढुक्क छन् । यहाँ कलर कस्मेटिक तथा छालाका लागि विविध खालका मोस्चराइजर उपलब्ध छन् ।

प्रतिस्पर्धी नेपाली बजारमा १ सयदेखिका लोसनहरू बढी बिक्री हुने गरेका छन्  । ब्रान्डेड कस्मेटिक कम्पनीहरूका सबै रेन्जका स्टल ठूला-ठूला मल तथा सुपर सपहरूमा राखिएका छन् । नेपाली बजारमा निभिया, जोनसोन, लोटस, हिमालय, पञ्चवटी, केयर एण्ड कियोर, म्याकलिभेरा, लोलेन, बोरोलिन, बटरफ्लाई, भीएलसीसी, जोय, आस्ताबेरी, प|mेसिया, रेभलोन, ओले आदि ब्रान्डका मोस्चराइजर तथा कोल्ड क्रिमबीच निकै प्रतिस्पर्धा छ ।

अफिसमा अति आवश्यक मिटिङ छ, तर भनेको बेला तयार हुने समय हुँदैन । बेलुकी पार्टी छ तर कामको व्यस्तताले पार्लर जाने समय हुँदैन । आइब्रो पनि सेपमा छैन, नङमा पनि कमजोरी देखिएको छ । यस्तो अवस्थामा स्थायी रूपमै अनुहारको मेकअप कायम रहोस् भन्ने चाहना हुनसक्छ । यो चाहना अहिले सम्भव भएको छ । एकपटक लाइनर वा गाजल लगाएपछि लामो समयसम्म त्यसमा टाउको दुखाउनुपर्दैन । एकपटक आइब्रोलाई सेपमा ल्याएपछि बारम्बार पार्लर गैरहनुपर्दैन । यो सबै स्थायी मेकअपका कारण सम्भव भएको छ ।

स्थायी मकेअप के हो ?

सौन्दर्यविद्हरूका अनुसार स्थायी मेकअप आजको आवश्यकता हो । यो सौन्दर्यसम्बन्धी धेरै समस्याको समाधान पनि हो । यो मेकअपलाई स्थायी मेकअप भनिन्छ । यो विधिमा एउटा मसिनो सियोको माध्यमबाट छालाको पहिलो झिल्लीमा विशेष किसिमको सूक्ष्म कलर पिगमेन्ट प्रत्यारोपित गरिन्छ । यसले छालाको रंग परिवर्तन हुन्छ । यो रंग वषार्ंैसम्म विशेष हेरचाहबिना पनि कायमै रहन्छ । यसबाट समय मात्र नभएर पैसा पनि बचत हुने दाबी विज्ञहरूको छ ।

साइडइफेक्ट छैन

कतिपय व्यक्तिमा स्थायी मेकअपले छाला खराब हुने वा अन्य साइडइफेक्ट देखिने भ्रम छ । विज्ञहरूले स्थायी मेकअपले गलत प्रभाव नपार्ने दाबी गरेका छन् । यसबाट एलर्जी हुन्छ भन्ने कुरा पनि गलत भएको उनीहरूको भनाइ छ । छालालाई पनि यसले कुनै असर गर्दैन । संवेदनशील छाला भएका महिलाका लागि यो राम्रो विकल्प हो । सौन्दर्य प्रसाधनबाट एलर्जीको सम्भावना बढी हुन्छ । स्थायी मेकअपबाट कुनै असर पर्दैन । अस्थायी गाजल, मस्कारा, लाइनर, लिपकलर पसिनाबाट बग्छ । लेन्स लगाउने महिलाका लागि स्थायी आइमेक वरदान नै हो । स्थायी मेकअप गरिसकेपछि आइमेकका लागि बारम्बार लेन्स निकाल्ने तथा राख्ने झन्झट बेहोर्नुपर्दैन ।

स्थायी मेकअपपूर्व

एकपटक स्थायी मेकअप गरेपछि त्यसलाई समयपूर्व हटाउन भने सहज हुँदैन । त्यसैले मेकअप गराउनुपूर्व आफ्नो लुकका बारेमा राम्रोसँग निक्र्यौर्ल गर्नुपर्छ । यसका लागि एकसातापूर्व अस्थायी मेकअप गरेर त्यो लुकलाई आफूलाई विश्वास नभएसम्म प्रयोग गर्नुपर्छ । आफ्नो लुक सुहाउँदो भएको कुरामा विश्वस्त भएपछि मात्र त्यसलाई स्थायी रूपमा परिणत गर्नु राम्रो हुन्छ । ओठको आकार, आइब्रो सेप, गाजलका साथै अन्य प्रसाधन लगाउन १५ मिनेटदेखि एक घन्टासम्म लाग्छ र त्यसका लागि एकदेखि दुई सिटिङ लिनुपर्ने हुनसक्छ । पहिलो १० दिनमा कलर पिगमेन्टको माथिल्लो परत र्झन सक्छ, तर त्यसलाई रिटचिङबाट ठीक गर्न सकिन्छ ।

यदि नेल कल्चर गराउँदै हुनुहुन्छ भने यो प्रक्रिया अलिक फरक छ । यसमा विशेष किसिमको पाउडर र जेल मिलाएर नक्कली नङ बनाइन्छ । यसलाई आफ्नो नङसित जोडिन्छ । आर्टिफिसियल नङ प्राकृतिक नङकै रूपमा बढ्छ । त्यसैले हरेक दुई महिनामा रिटचिङ गर्नुपर्ने हुन्छ ।

कसका लागि स्थायी मेकअप

स्थायी मेकअप १८ वर्षभन्दा माथिका जोकसैले गर्न सक्छन् तर गर्भवती महिला, डायविटिज एवं उच्च रक्तचापका बिरामीका लागि भने यो रिस्की हुन्छ । ल्युकोडर्माका रोगीका लागि पनि यो उपयुक्त मानिँदैन ।



मेकअप अवधि

स्थायी आइब्रो -    १५ वर्ष

स्थायी लाइनर, गाजल-    १५ वर्ष

सेमी स्थायी, आइलेन्स पर्मिङ-    २ महिना

सेमी स्थायी मस्कारा-    १०-१५ दिन

स्थायी ब्युटी स्पट-     १५ वर्ष

स्थायी लिपलाइनर-     १५ वर्ष

स्थायी लिपिस्टिक-     २ वर्ष

स्थायी कलरिङ-     १०-१५ वर्ष

स्थायी नेल कल्चर-    २ महिना

सेमी स्थायी नेल आर्ट-    ३ महिना

स्थायी ब्लसर -     १५ वर्ष

सधैजसो बिबादमा आइरहने नायक भुवन केसी पछिल्लो समय आफुभन्दा आधा उमेरकी नायिका जिया केसीसागको सम्बन्धका कारण चर्चामा छन् । त्यसअघि एक अधवैंसे महिलासागको सम्बन्धका कारण सडकमै कुटाई खाने अबस्थामा पुगेका भुवनले बैधानिकरुपमै दुई महिलासाग बिबाह गरे । अहिले दुवै जनासाग उनको सम्बन्ध टुटिसकेको छ । फिल्म नगरीमा भुवन केसीलाई धेरैले प्लेबाईका रुपमा लिन्छन् । त्यस्तो चर्चाबाट भुवन केसी पनि खासै बेखुसी रहेनछन । बिहीवार प्रकाशित शुक्रबार साप्ताहिकसागको कुराकानीमा भुवनले भने-मेरा महिला फ्यान धेरै भएकाले कसैले मलाई प्लेबाई भन्छ भने केही भन्नुछैन् । त्यही कारणले मलाई प्लेब्याई भनेको भए म खुसी छु ।’ संसारका हरेक हिरोलाई आफ्ना केटी फ्यान धेरै होउन भन्ने चाहना हुने भन्दै भुवनले आफुले आफुले कसैलाई दुब्र्यबहार नगरेको र महिलाको सम्मान गरेको बताए ।

मन मिलेको खण्डमा रिलेसन बेडसम्म पुग्नुलाई आफुले अनौठो नमान्ने भुवनले बताए । ‘९५ प्रतिशत पुरुषलाई भुवन केसीलाई झैं आफुलाई पनि केटीहरुले मन पराइदिउन भन्ने चाहना हुन्छ, त्यसमा मैले धेरै किन टाउको दुखाउनु ?’ भुवनले भने । संसारका सवै मान्छे र भगवानलाई पनि सुरा, सुन्दरी र द्युतक्रिडा राम्रो हैन भन्ने थाहा हुादाहुादै पनि सफलता हात लागेपछि सवैलाई यही चिज चाहिने भुवनले दावी गरे ।

१८ माघ, काठमाण्डौं । गौतमबुद्ध जन्मनुभन्दा करीब पाँच सय बर्ष अघिदेखि नै लुम्बिनीग्राममा मानव बासोबास रहेको तथ्य फेला परेको दाबी गरिएको छ ।
नेपाल सरकार र युनेस्को नेपालको संयुक्त प्रयासमा तीन बर्ष अघिदेखि गरिएको लुम्बिनी क्षेत्रको अध्ययन एवं उत्खननबाट उक्त कुरा पत्ता लागेको परातत्व विभागका सूचना अधिकृत एवं उत्खनन टोलीका सदस्य रामबहादुर कुँवरले जानकारी दिनुभएको खबर गोरखापत्र दैनिकले छापेको छ ।
अध्ययन अनुसन्धानको क्रममा गौतम बुद्ध जन्मनुभन्दा पहिल्यै मानिसले प्रयोग गरेका कोइला, इँटा, तथा ती चिजमाथि परेको प्रकाशको किरणलगायतका आधारमा गरिएको अध्ययनबाट इशापूर्व १३०० मा नै त्यस क्षेत्रमा मानवीय क्रियाकलाप रहेकेा अनुसन्धानदाताको दाबी छ ।
संयुक्त राज्य अमेरिकाको दुर्हाम विश्वविद्यालयका उपकुलपति प्रोफेसर रोविन कनिङ्गमको नेतृत्वमा खटेको टोलीले तीन बर्षको अध्ययन अनुसन्धानबाट उक्त तथ्य पत्ता लगाएको बुधबार पुरातत्व विभागमा आयोजित ‘लुम्बिनी क्षेत्रको अनुसन्धानमा फेला परेका तथ्यको प्रस्तुती रकण’ कार्यक्रममा जानकारी दिइएको छ ।

१८ माघ, काठमाडौ । भारतको देहरादूनको नजिकको जिल्लामा डिफेन्स कॉलोनीमा २१ जना सेक्स गर्दा गर्दै पक्राउ परेका छन् । उनीहरूले उक्त घर भाडामा लिएर यौन धन्दा चलाईरहेको बताईएको छ ।

पक्राउ पर्नेमा देहरादून, सहारनपुर, पश्चिम बंगाल, नेपाल, दिल्ली, पंजाबका युवतीहरू रहेको प्रहरीले जनाएको छ । उनीहरूसँग एक लाख २० हजार नगद, २० वटा मोबाइल सेट, आईपड र ल्यापटप फेला परेको थियो ।

प्रहरीले दिएको जानकारी अनुसार उनीहरू डिफेन्स कॉलोनीमा सामान्य परिवार जस्ता बस्दै आएका थिए । छिमेकीहरूको उजुरीपछि प्रहरीले छापा मार्दा उनीहरूलाई आपत्तिजनक अवस्थामा भेटेको थियो ।

अष्ट्रेलियामा नेपाली युवती यौनव्यवसायमा लागेको आशंकामा नेपाली राजदूतावासले गम्भीरता देखाएको छ। अन्नपूर्णपोष्टका अनुसार अष्ट्रेलियाका लागि नेपाली राजदूत योगेन्द्र ढकालले परराष्ट्र्मन्त्रालयलाई पत्र लेखी त्यसबारे जानकारी गराएका छन्। उल्लेख्य संख्यामा अष्ट्रेलिया छिरेका नेपाली युवतीहरु पैसाको अभावमा यौनव्यवसायमा होमिएको पत्रमा उल्लेख गरिएको बुझिएको छ । अध्ययनका लागि भनेर गएका युवतीहरु आर्थिकमन्दीसंगै रोजगार गुमाउन थालेपछि वाध्य भएर यौनव्यवसायमा लाग्न पुगेको समाचारहरु बेला- बेलामा आइरहदा पछिल्लो समयमा राजदूतबाटै गम्भीर पत्र आएको हो ।

काठमाडौ, माघ १८ - थाईल्याण्डमा भएको एसीसी महिला क्रिकेट च्याम्पियनसिपमा हङकङलाई ८ विकेटले पराजित गरी नेपाल तेस्रो स्थानमा रहन सफल भएको छ । समूह बिजेता बनेर सेमिफाइनमा पुगेको नेपाल मंगलबार थाइल्याण्डसँग पराजित भएपछि फाइनल यात्रामा पूर्णबिराम लागेको थियो ।
समूह चरणको तीनै खेल जितेको नेपालले थाइल्याण्डसँग राम्रो प्रदर्शन गर्न सकने ।
तेस्रो स्थानका लागि भएको प्रतिस्पर्धामा नेपालसामू हङकङले ३२ रनको लक्ष्य दिएको थियो । तर, नेपाली खेलाडीले ७ ओभर खेल्दै २ विकेटको क्षतिमै लक्ष्य भेट्टाए । 
आजै भएको फाइनलमा आयोजक थाइल्याण्डले चीनलाई हराउादै उपाधि जितेको छ ।

कतार /लुकेर भारतीय भूमि हुँदै वैदेशिक रोजगारीमा आइपुगेकी २७ वर्षीया संजना (नाउँ परिवर्तन) महिला यौन दुराचारीको फन्दामा परी दैनिक सात पटक बलात्कृत हुँदै आएकी छिन् ।

यौटा फैक्ट्रीमा काम गर्न आएकी ती महिलालाई लेवर मेटकीले पैmक्ट्रीमा काम गराउनुको सट्टा गोदाममा राखी दिउँसै बलात्कार गर्दै आएको कुरा थाहा भएको छ ।

उनी अब विदेशमा नबस्ने भन्दै आए पनि तीन वर्ष बस्नै पर्ने र यौनदासी भई कार्य गर्नु पर्ने दवाव सहित दिनहुँ बलात्कृत हुँदै आएको उनलाई देख्ने अर्का लेवरले बताएका छन् ।
तीन दिन अघि रंजना बलात्कारको विरोध गर्दा चुरोटको ठूठ्ठाले तीघ्रामा पोलेको र स्तन दाँतले टोकेर घाउ बनाई दिएको पीडा सुन्दा विदेशमा लुकेर जाने नेपाली चेलीहरु बरु स्वदेशमा रुखोसुखो खाएर कार्य गर्नु पर्ने पीडित महिलाहरुले सुझाव दिएका छन् ।

महेश्वर चामलिङ राई, उदयपुर, माघ १८ - कक्षाकी सहपाठी किशोरीलाई प्रेम प्रस्ताव राखेको आरोपमा यहाँका एक किशोरलाई सिस्नुपानी लगाइङ्कए छ । जिल्लाको पहाडी गाविस ताम्लिछा- ३ का १५ वर्षीय रामचन्द्र कार्कीलाई छोरीलाई प्रेम प्रस्ताव राखेको भन्दै किशोरीका बाबु सोही ठाउँका कृष्ण निरौला खत्रीले सिस्नोपानीले कुटेको पीडितका आफन्तले बताएका छन्।

पीडितका दाजु राजन कार्कीका अनुसार स्थानीय महेन्द्र उच्च मावि ताम्लीछामा कक्षा १० का विद्यार्थी कार्कीले आफ्नै कक्षाकी सहपाठी १४ वर्षीया सिर्जना (नाम परिवर्तन) लाई पत्र लेखेर प्रेम प्रस्ताव राखेको भन्दै खत्रीले भाइमाथि सिस्नुपानीले कुटपिट गरेको बताए। 'खत्रीले रामचन्द्रलाई घर नजिकै बोलाएर लगाएको लुगा च्यातच्युत पारी सिस्नुपानीले झ्याम कि झ्याम हाने' कार्कीले भने, 'गाउँले र हामीले केही गर्न सकेनौं।'


अर्का स्थानीय रमण लुईटेलका अनुसार रामचन्द्रले सिर्जनालाई 'म तिमीलाई मन पराउँछु, तिमीले मलाई मन पराउछ्यौ कि पराउदिनौ ?,' पत्रमा उनले लेखेका थिए 'मन पराए पराउँछु भन, नपराए पराउँदिन भन।' किशोरीले सो पत्र बाबुलाई लगेर देखाएपछि खत्रीले कार्कीलाई बोलाएर सिस्नुपानीले छ्याप्दै कुटपिट गरेको उनले बताए। लुइटेलका अनुसार किशोर बाबुविहीन र गरिव भएकाले खत्रीले हेपेर कुटपिट गरेका हुन्।


गत १२ गतेको घट्नाको विषयमा जिल्ला प्रहरीमा हिजो साँझ उजुरी परेको छ। तर, प्रहरीले निवेदन नै लिन नमानेर फिर्ता पठाएको आफन्त भुपेन्द्र थापाले बताए। प्रहरीले भने १६ वर्ष नपुगेका किशोर-किशोरीबीचको घट्ना भएकाले कारबाही अघि नबढाएको जनाएको छ। दुवै किशोर किशोरी नाबालक परेकाले कारबाही गर्न नमिल्ने हुदा गाउँमै मिलापत्र गराउन स्थानीयलाई नै जिम्मा दिएर पठाएको प्रहरी निरीक्षक श्रीकृष्ण पौडेलले बताएका छन्।

लामो आन्दोलनका बीच सरकारले मैथिली, भोजपुरी फिल्म, टेलिफिल्मका कलाकार, निर्माता धर्मेन्द्र मरवैता 'पप्पु' लाई चलचित्र विकास बोर्ड अध्यक्षमा नियुक्त गरेको छ । आन्दोलनरत फिल्मकर्मीले भने पप्पुलाई बहिष्कार गर्दै रिले अनशनलगायतका विरोध कार्यक्रम जारी राखेका छन् । उनी के भन्छन् ? योजना के छन् ?
२०६४ मा मात्रै नेपाली नागरिकता लिएको आरोप लागेको छ नि ?
मेरो जन्म सिरहाको माडरमा भएको हो । हामी बाजेको पालादेखि त्यहीँका हौं । हजुरबुबाले त्यहाँ कलेज बनाएकै २० वर्ष भइसक्यो । मैले एस मुभी दर्ता गरेर फिल्म बनाउन थालेकै दस वर्ष भइसक्यो । निर्माता संघको निर्वाचनमा भाग लिइसकेको छु । यी सबै ०६४ मा आएकाले वा नागरिकताबिना गर्न सम्भव छ ?
आन्दोलन चलिरहँदा तपाईंलाई चाहिँ अध्यक्ष बन्ने भाग्य कसरी जुर्‍यो ?
यसलाई भाग्य भनौं वा चुनौती ? यस्तो परिस्थितिमा राम्रो र ठोस कदम चाल्ने चुनौती हुन्छ । अप्ठ्यारो अवस्थामा साहसिक काम गर्ने अवसर पाइरहेको छु, यो भाग्य पनि हो ।  सञ्चारमन्त्रीले प्रधानमन्त्रीलाई चुनौती दिँदै तपाईंलाई ल्याउने साहस कसरी गर्नुभयो होला ?
चलचित्रकर्मी नै अध्यक्ष हुनुपर्ने आन्दोलनकारीको मागमा प्रधानमन्त्री र मन्त्री पनि सकारात्मक हुनुहुन्थ्यो । त्यसैले मलाई पठाउनुभएको ।
कसरी काम गर्ने रणनीति बनाउनुभएको छ ?
अहिलेसम्म फिल्म उद्योगका लागि केही कामै भएको छैन । गर्ने ठाउँ धेरै थियो तर बोर्डको पैसा फ्रिज भएर गयो । थाहा नै छ, फिल्मको स्थिति डामाडोल छ । यसलाई कसरी बचाउने हो ? राम्रो फिल्म बनाउने निर्मातालाई कसरी पुरस्कृत गर्न सक्छौं ? सोच्दै छु । त्योबाहेक फिल्मसिटी बनाउने कुरा छ । कलाकार पब्लिक फेस हुन् । उनीहरूलाई पेन्सनको व्यवस्था गर्ने लगायत थुप्रै डिजाइन छन् ।
गर्नुपर्ने काम त थुप्रै छन् । प्राथमिकताचाहिँ ?
मन्त्रीजीले आन्दोलनकारीसँग प्रतिबद्धता जनाएका दुई-चार माग अविलम्ब पूरा गर्नुपर्ने स्थिति छ । जानेबित्तिकै गर्ने त्यही हो । यसैका लागि यत्रो आन्दोलन भइसक्यो । अब त्यसलाई पूरा गरेपछि फिल्मसिटी निर्माणमा लाग्छु ।
फिल्मसिटी कहाँ र के गर्ने सोच छ ?
नेपालबाटै फिल्मसिटी बन्ने अवस्था छैन । हामीले त जग्गा उपलब्ध गरिदिने मात्रै हो । पैसा बाहिरबाट आउने हो । पहिले पैसा भित्र्याउनुपर्‍यो, नर्वे, भारत कहाँबाट आउँछ । त्यसपछि ठाउँ तोकिदिने हो ।
योजना पहिला कि पैसा ?
योजना त छँदै छ नि । अफिसमा गएर पूरै प्रपोजल हेर्नुपर्छ, हेरेको छैन । अघिल्लो बोर्डले केही गरेको छ जस्तो लाग्दैन । केवल फाइलमा सीमित छ । न जग्गा, न पैसा । दोलखामा पनि जग्गा पाइसकेको छैन । हेरेको मात्रै हो । यही नै जग्गामा हुन्छ भन्ने छैन । सजिलोसँग जहाँ पाउँछौं र राम्रो हुन्छ ।
तपाईंविरुद्ध आन्दोलन भइरहेकाले गाह्रो होला नि ?
म चलचित्रकर्मी होइन भनेर आन्दोलन भएको हो । अब धेरैले बुझिसक्नुभयो, म पनि कलाकार नै हुँ । खालि दुई-चार जना अध्यक्षको लाइनमा हुनेले मात्रै यताउति गरिरहेका छन् । अरू साथीहरूले त बधाई दिन थालिसके । हाम्रो समर्थन छ भनिसकेपछि वातावरण सजिलो हुँदैछ ।
नेपाली फिल्मको जड समस्या के लाग्छ ?
राज्यबाट पनि सहयोग नभएको देखिन्छ । राम्रो फिल्म बनाए पनि एउटै व्यवहार गरिन्छ । बरु ग्रेडिङ गरेर राम्रोलाई पुरस्कृत गर्दा फरक र राम्रो फिल्म बन्थे । एउटाले भल्गर फिल्म बनाएर चल्दियो भने सबै त्यतै दौडिन्छन् । फरक विषयको बनाउनेलाई वास्तै गरिँदैन । विशेष फिल्म घोषणा गरेर मात्रै हुँदैन । राष्ट्रियता, देशका हकहित समेटिएको फिल्म छ भने पचास प्रतिशत कर छुट नै गर्ने हो कि ? अध्ययन गरेर सबैलाई समेट्दै लान्छु ।
आन्दोलनकारीले उठाएका नौबुँदे माग कति समयसम्ममा पुरा गरिसक्नुहुन्छ ?
दुई महिनाभित्रै । काम गर्ने वातावरण भयो भने समय लाग्दैन । माग सबै सम्बोधन हुने भइसकेपछि आन्दोलन किन ? म पदका लागि भन्दा पनि काम गर्न आएको छु । दुई महिनामा पूरा गर्न सकिनँ भने पद छोडेर म पनि आन्दोलनमा उत्रन्छु । म पनि त कलाकार हुँ । कामै  नहेरी केका लागि विरोध ? भाषागत फिल्म खेल्नेचाहिँ के कलाकार नै नहुने ?
थारू, मैथिली, लिम्बू, किराँती फिल्मलाई कहाँको भन्ने ? जहाँको भए पनि हामी स्वदेशी हौं । म त कुनै राजनीतिक कारण वा क्षेत्रीय हिसाबले भन्दा पनि कलाकारको नाताले आएको हुँ ।
 

लन्डन (एजेन्सी), माघ १८ - बेलायतमा एक अनलाइन सेवाले महिला ग्राहकका लागि पुरुषको बिक्री सुरु गरेको छ । आधुनिक महिलाले लग अन गरेर उक्त अनलाइनमा पुरुषको खरिद गर्न सक्छन् । यो वेबसाइट विवादमा आए पनि आनलाइन आफ्नो रुचिसँग मेल खाने पुरुष किन्न आउने महिलाको कमी छैन । सपिङको क्रममा ह्यान्ड ब्याग छाने झैं महिलाले यो सेवामा डेटिङका लागि एक पुरुष छान्न पाउँछन् । महिलाले यसका लागि थप कुनै प्याकेज किन्नु पर्दैन । यो अनलाइन सेवालाई स्वतन्त्र महिलालाई यसका लागि प्रोत्साहित गरिरहेको छ । डेली मेलका प्रवक्ता म्यारी एनिओर्टले यो पुरुष शो रूपमा कुण्ठित भावनालाई प्रकट गर्नुका साथै प्रेममाथि प्रयोग गर्ने अवसर पाइरहेको बताइन् ।

मान्छेको रुची पनि अचम्म अचम्मका हुन्छन् । कसैलाई के मन पर्ने, कसैले कस्तो चाहाने । यसै बिषयमा एउटा अनौठो र नयाँ सर्वेक्षण भएको छ । बेलायतका मानिसहरूको यौन चाहाना बारेमा समय समयमा बिभिन्न सर्वेक्षणहरू भइरहन्छन । अहिले भर्खरै भएको एक सर्वेक्षणमा बेलायतका ५५ प्रतिशत भन्दा बढी महिलाहरू यौनका समय पुरा नग्न हुन चाहाँदैनन । यस सर्वेक्षणमाबाट ५५ प्रतिशत भन्दा बढी महिलाहरूलाई यौनका समय कुनै न कुनै कपडा लगाउनु नै पर्ने तथ्य फेला परेको छ ।
अझ ४४ प्रतिशत महिलाहरूका अनुसार कुनै कपडाले उनीहरूको शरिर लुक्ने भएबाट उनीहरूमा रहेको आत्मविश्वास बढ्ने गर्दछ । उता ३६ प्रतिशत पुरूषहरूले मात्र महिलाहरूले यौनका समय केही लगाएको मन पराउने गर्दछ । महिलाहरूका अनुसार उनीहरूले यौनका समय केही बेर्ने कपडा वा ब्रा लगाएर यौन गर्ने गर्दछन् । यस सर्वेक्षणमा ६१ प्रतिशत महिलाहरू अध्यारोमा यौन गर्न मनपराउने तथा ३७ प्रतिशत उज्यालोमा यौन गर्न मन पराउने तथ्य फेला परेको छ । यसबाट जती बिकसित भएपनि बेलायती महिलाहरू यौनका बारेमा भने कतै न कतै रूढीबाढी नै देखिएको छ ।

दैलेख, माघ १८ - पत्रकार डेकेन्द्रराज थापा हत्याका अभियुक्तको अदालती बयान सुरु भएको छ । जिल्ला अदालतले बुधबार पाँचै अभियुक्तको बयान सकेको जनाएको छ । जिल्ला सरकारी वकिल कार्यालयले सोमबार हत्या अभियोगमा ९ जनाविरुद्ध कर्तव्यज्यानसम्बन्धी मुद्दा दायर गरेको थियो ।
'दुवै पक्षका वकिलको बहस सुनेर बिहीबार न्यायाधीशले थुनछेक आदेश दिनुहुनेछ,' जिल्ला अदालतका स्रेस्तेदार आनन्दराज पन्तले भने, 'फरारका हकमा वारेन्ट तथा म्यादी पुर्जीसमेत आदेश हुन सक्छ ।' अभियुक्तहरू लक्षीराम घर्तीमगर, हरिलाल पुन, वीरबहादुर केसी, निरकबहादुर घर्तीमगर र जयबहादुर शाहीको बयान सकिएको छ । यसैबीच दुवै पक्षका वकिलले वकालतनामा गरेका छन् । वादीका तर्फबाट अधिवक्ताहरू कृष्णबहादुर हमाल, सुरेन्द्र अधिकारी, ललित मल्ल र प्रतिवादीका तर्फबाट गोपाल शिवाकोटी चिन्तन र केदार गुरागाईंले वकालतनामा दर्ता गरेका छन् । प्रतिवादीका वकिल दुवै जिल्लाबाहिरका हुन् ।

कुवेत, माघ १८ - खाडी मुलुक कुवेतमा आयोजित हस्तकला सम्बन्धी अन्तर्राष्ट्रिय प्रदर्शनीमा नेपाली भेषभूषाको चिनारी लिएर सहभागी उपस्थित भए पनि र्‍याम्पमा उत्रने नेपाली मोडेलहरू थिएनन् ।
नेपाल हस्तकला महासंघले जनाएको सहभागितामा वल्र्ड क्राफ्ट काउन्सिलका उपाध्यक्ष पुष्करमान शाक्य र हिमालयन अल्लो सिल्क ह्यान्डी क्राफ्टका प्रबन्धक हरिगोपाल च्यासीले नेपाली भेषभूषामा कुवेती मोडेललाई र्‍याम्पमा उतारेर भिन्न प्रशंसा बटुलने काम गरे । २० मुलुकका कला शिल्पीमाझ नेपालबाट लुम -धागो) ल्याएर पस्मिना बनाउने तरिकाको प्रदर्शनीदेखि ज्यापू र भोटे भेषभूषामा कुवेती युवतीको 'फेसन सो' प्रयोग धेरै अर्थमा उदारणीय थियो । 'जसरी हुन्छ, हामीले नेपाली चिनारी बाँड्न खोजेका थियौं,' समारोहपछि आइतबार स्वदेश फिर्न लागेका सहभागी शाक्यले कान्तिपुरसँग भने, 'भेषभूषाको भिन्न प्रदर्शनीले धेरैको स्याबासी बटुल्न सफल भयौं ।'
प्रदशर्नीमा कुवेतस्थित राजदूत मधुवन पौडेलको उपस्थिति थियो । प्रदर्शनी क्रममा नेपालबाट पस्मिना सल र गलैंचा समेतको प्रवर्द्धन गरिएको शाक्यले बताए ।

बझाङ, माघ १८ - जिल्ला अस्पताल बझाङमा उपचारका लागि आउने बिरामीलाई केही दिनयता म्याद सकिएका औषधि वितरण भइरहेको खुलासा भएको छ । बिरामीलाई डाक्टरले चेकजाँच गरी बिरामी पुर्जामा औषधि लेखिदिएपछि औषधि वितरण फाँटका स्वास्थ्यकर्मीबाट म्याद सकिएका औषधि वितरण भइरहेको अस्पताल आएका बिरामीका आफन्तले बताएका छन् ।
मंगलबार चैनपुर ३ घर भएका रवीन्द्र कुँवरले बिरामी छोरालाई डाक्टरले जाँच गरेपछि अस्पतालले दिएको औषधि घरमा हेर्दा सबै म्याद सकिएको भेटिएको बताए । उनले भने, 'छोरालाई निमोनियाँ भएर अस्पताल लगेको थिएँ । अस्पतालले दिएको औषधि हेर्दा सबै म्याद सकिएको रहेछ ।' यसअघि पनि म्याद सकिएका औषधि अस्पतालले वितरण गरेको बिरामीका आफन्तले गुनासो गर्दै आएका थिए ।
अस्पतालबाट म्याद सकिएका औषधि वितरण भइरहेको प्रमुख जिल्ला अधिकारी उद्धवप्रसाद तिमिल्सेनाले जानकारी पाएपछि बुधबार जिल्ला प्रशासनका नायब सुब्बा राजेन्द्रबहादुर बोहरासहितको टोली औषधि जाँच गर्न अस्पताल पुगेको थियो । टोलीले जिल्ला स्वास्थ्यमा भएका दुई स्टोरमा रहेको औषधि चेकजाँच गरेका थिए ।
टोलीमा संलग्न बोहराले स्टोरमा औषधि जाँच गर्दा चार प्रकारका औषधि म्याद सकिएको अवस्थामा भेट्टाएको बताए ।

सरकारले माघ २० गतेदेखि हात्तीपाइले (फाइलेरिया) औषधि खुवाउने भएको छ । ९० प्रतिशत जनता अर्थात् दुई करोड ५० लाखलाई यो औषधि खुवाउन लागिएको हो ।
मुलुकका ६१ जिल्लामा हात्तीपाइले रोगको जोखिम रहेको भन्दै निवारणका लागि सरकारले चार वर्षदेखि औषधि खुवाउने अभियान थालेको हो । यो औषधि ६ सालसम्म वर्षको एकपटक खानुपर्छ । यसैका आधारमा सरकारले छ वर्षे अभियान चलाएको छ । यस वर्षको अभियानको पहिलो चरणअन्तर्गत माघ २० देखि २३ गतेसम्म उपत्यकालगायत ३७ जिल्लामा यो औषधि खुवाउने जिल्ला जनस्वास्थ्य कार्यालय काठमाडौंका प्रमुख श्रीकृष्ण भट्टले जानकारी दिए । दोस्रो चरणमा फागुन ५ देखि ७ सम्म १९ जिल्लामा खुवाउने भएको छ । हात्तीपाइले लामखुट्टेको  टोकाइबाट सर्ने सरुवा रोग हो । लामखुट्टे नियन्त्रण गर्न सके मात्र हात्तीपाइले रोग नियन्त्रण गर्न सकिने उनले जानकारी दिए ।
'रोग लाग्न नदिन यो औषधि प्रत्येक वर्ष खान जरुरी छ,' उनले भने, 'दुई वर्ष मुनिका बालबालिका, सात दिनसम्मका सुत्केरी, गर्भवती महिला, र सिकिस्त बिरामी व्यक्तिले औषधि सेवन नगर्नु होला ।'
औषधिले कुनै पनि किसिमको नकारात्मक असर नपार्ने जानकारी दिँदै उनले सबैलाई औषधि सेवन गर्न आग्रह गरे ।

PLAY बटनमा क्लिक गर्नुहोस
छोडी कहाँ गयौ यो पबित्र नाता हाम्रो तोडी कहाँ गयौ ,
मलाई आँशु दिएर तिमि टाढा भयौ
डाउनलोड गर्नुहोस

यूएई(आबुधाबी), माघ १७ - संयुक्त अरव एमिरेट्स यूएईबाट करीब डेढ सय नेपाली स्वदेश फर्किएका छन् । यूएई सरकारले दिएको आममाफीको अवसरलाई प्रयोग गर्दै ती नेपाली फर्किएका हुन् ।
यूएईमा अबैधानिक रुपमा कार्यरत कामदारका लागि दिएको आममाफी (एमनेस्टी) को समय सकिन ५ दिन मात्र बाँकी रहँदा अहिलेसम्म १ सय २० नेपाली नेपाल फर्किएका हुन् ।
नेपाली दुतावास आबुधाबीले अहिलेको आममाफी अबधीमा १ सय २० जनालाई "आउट पास" दिएको दुतावासका प्रथम सचिव लोक बहादुर थापा क्षेत्रीले बताए ।
'यसै अवसरमा अत्यधिक महिला कामदारले 'आउट पास' बनाएर फर्किएका छन्, घरेलु कामदारको रुपमा आएका अत्यधिक महिलाहरु काम छोडेर अबैधानिक रुपमा कार्यरत रहेको पाइयो' क्षेत्रीले भने । 'आफैसँग राहदानी राखेर भागेकाहरु समेत यसअवसरमा जान सक्ने भएकोले त्यो तथ्याकं दुतावासमा हुँदैन, राहदानी साथमै छ भने एम्नेष्टी केन्द्रले सिधै स्वदेश पठाउछ' उनले भने ।
आफ्नो देश फर्किन संयुक्त अरब इमिरेट्स (यूएई) को आन्तरिक मामला मन्त्रालयले स्थानीय भाषामा "खल्लीबल्ली" भनिने अन्य मुलुकका कामदारलाई एम्नेष्टी दिन फेब्रुवरी ३ (माघ २१) सम्मको अवसर प्रदान गरेको हो । अब ५ दिन म्याद रहेकोले दुतावासमा 'आउट पास'का लागि आउनेको सख्या बढेको छ । अझै पनि सँख्या थपिन सक्ने दुतावासका अधिकारिले बताए । ति अधिकारिका अनुसार आममाफीको समय थपिने कुनै सम्भावना देखिएको छैन ।
गत डिसेम्बर ४ (मंसिर १९) देखि लागु भएको यो एम्नेष्टी अवसरमा भिसाबिहीन वा आधिकारिक कागजातसहिन विदेशी नागरिकले सामान्य प्रकृया पुरा गरेर घर फिर्न पाउने व्यवस्था गरिएको छ । यूइएमा बैधानिक तवरले बस्न चाहनेले निश्चित जरिवाना शुल्क तिरेर पुन:कानूनी हैसियत लिन सक्नेछन् ।
आबुधावीस्थित नेपाली दुतावासका अनुसार यूएइका दुवइ, शारजाह, रस-अल-खेमा, उमअलक्वैन, अजमन, फुजैरा लगायतका सात इमिरेट्समा १० वटा एम्नेष्टी केन्द्र निर्धारित छन् ।
नियमानुसार पासपोर्ट वा ट्राभल डकुमेन्ट तथा फिर्ती हवाइ टिकट लिएर एम्नेष्टी केन्द्र जाने जोकोही व्यक्तिले जरिवाना तिर्नु नपर्ने र एम्नेष्टी पाएर घर फिरेको व्यक्ति कुनै कठिनाई बिना फेरि युएइ फर्कन सक्ने प्रावधान तय गरिएको छ ।
यसअघि सन् २००७ को अन्त्यतिर दिइएको तीन महिने एम्नेष्टी अवसरमा ३५ सय नेपाली घर फिरेका थिए । यूएइमा करिव ३ लाख नेपाली रहेको अनुमानित तथ्यांकमा ५० हजारभन्दा बढी गैरकानूनी हैसियतमा रहेको दावी स्थानीय संघसंस्थाले गर्दै आएका छन् ।
– उमाकान्त पाण्डे गाउँले

काठमाडौं, माघ १७ - थ्रीडी प्रविधिमा छायांकन, पोस्ट प्रोडक्सन गरिएको पहिलो स्वदेशी फिल्म 'भिजिलान्ते' ले मंगलबार थ्रीडी प्रोमो र पोस्टर सार्वजनिक गरेको छ । दीपेन्द्र के खनाल निर्देशित फिल्म स्टेरियोग्राफीको सहायताले लोकेसनमै थ्रीडी प्रविधिमा खिचिएको हो । यसको अन्तिम चरणको काम भने भारतमा गरिने जनाइएको छ । मंगलबार आयोजित पत्रकार सम्मेलनमा भने फिल्मको प्रोमोलाई पत्रकारले पोलराइज्ड चस्मा लगाएरै हेरेका थिए । चैत्र ९ मा प्रदर्शन मिति तोकेको फिल्मलाई हलमा भने दुई प्रविधिमा देखाइने बताइएको छ । राजधानीका क्यूएफएक्स र एफक्यूब फिल्म हलमा पोलराइज्ड चस्मा लगाएर हेर्न सकिने प्यासिभ थ्रीडीमा र अन्य सामान्य हलमा भने एनाग्लिफ प्रविधिमा रेड क्यान चस्मा लगाएर हेर्न मिल्नेछ । समाजमा विद्यमान कुरीति र दण्डहीनताको विषयलाई मनोवैज्ञानिक रूपमा पस्किएको भनिएको 'भिजिलान्ते' ले दर्शकमा विषयवस्तुको थि्रलर सहित दृश्यात्मक रोमाञ्चकता पनि दिने ठानिएको छ । पुरुषोत्तम प्रधानको थ्रीडी खिचाइरहेको फिल्मलाई सान बस्न्यातले सात महिना लगाएर लेखेका हुन् । फिल्ममा सूर्य थोकरले द्वन्द्वनिर्देशन गरेका छन् । राज घिमिरे, पि्रयंका कार्की, मेनुका प्रधान, शंकर आचार्य, सुवास थापा, शिखा शाही, ए. गुरुङ लगायतको अभिनय रहेको फिल्मको सम्पादन भने दीर्घ खड्काले गरेका हुन् । अश्लेषा इन्टरटेनमेन्टमा थ्रीडी प्रविधिमै पोस्ट प्रोडक्सन गरिएको फिल्ममा सुरेश राईको संगीत छ भने गीतहरू भूपेन्द्र खड्काका हुन् । पहिलो पटक थ्रीडी प्रविधि भित्र्याउने श्रेय पाएका निर्देशक खनालले भने सुरुमा अरूलाई विश्वास दिलाउनै गाह्रो परेको खुलाउँदै भने, 'त्यसका लागि पनि मैले बोलेरभन्दा पनि गरेरै देखाउनुपर्ने थियो, आज त्यो सम्भव पनि भयो ।' उनले प्रविधि र ज्ञानको अपर्याप्तताले गर्दा फिल्म बनाउँदा सोचेभन्दा गाह्रो भएको बताए ।

काठमाडौं, माघ १७ - सरकारी उच्चपदस्थ हुन वा व्यवसायी 'ठूलाबडा' को उपस्थिति भएका ठाउँमा एप्पलको आइफोन मोबाइल सेट छ्याछ्याप्ती देखिन्छन् । तर मुलुकमा भित्रिएका अधिकांश आइफोन अवैध हुन् ।
मोबाइल भित्र्याउँदा आयातकर्ताले दूरसञ्चार प्राधिकरणबाट 'टाइप अप्रुभल' लिनुपर्छ । आयात गर्न खोजिएको मोबाइल सक्कली, अन्तर्राष्ट्रिय प्राविधिक र सुरक्षा मापदण्ड पूरा भएको विश्वस्त भए प्राधिकरणले टाइप अप्रुभल दिन्छ । तर मुलुकमा एप्पलको आधिकारिक बिक्रेता नभएका कारण टाइप अप्रुभल लिइएको छैन । विदेश -खासगरी अमेरिका) बाट फर्किंदा ल्याउने वा आफन्तले ल्याइदिएका मोबाइलको भरमा बजारमा छ्याछ्याप्ती आइफोन छन् । 'विमानस्थल भन्सार प्रमुख हुँदा व्यापारिक प्रयोजनका लागि आइफोन आयात भएको थाहा पाइएन,' भन्सार विभागका उपमहानिर्देशक तोयम राया भन्छन्, 'विदेशबाट फर्किंदा एकाध सेट ल्याइएको हुनपर्छ ।' विदेशबाट फर्किंदा एउटा मोबाइल भन्सार छुटमा ल्याउने सुविधा छ । तर बजारमा आइफोन किन्न पनि पाइन्छ । एकै जनाले दर्जनौं मोबाइल ल्याएर बजारमा बिक्रीसमेत गरेकाले नेपाली उपभोक्ताका लागि आइफोन अभाव नभएको हो । एप्पलले आधिकारिक बिक्रेता पनि नबनाएको र नेपालका लागि उपयुक्त मोबाइल उत्पादन पनि नगरेकाले आइफोन ल्याएपछि १ हजार रुपैयाँभन्दा बढी खर्च गरेर अनलक गर्नुपर्ने अवस्था छ ।
आममानिसको आवश्यकताको वस्तु बनिसकेको मोबाइलको अवैध कारोबार नियन्त्रण होस् भनेरै आयातमा भन्सार महसुल शून्य गर्नुका साथै तिरेको मूल्य अभिवृद्धि कर -भ्याट) ६० प्रतिशत फिर्ताको सुविधा दिइएको छ । बिलबिजक जारी गरी खरिदकर्ताबाट भ्याट असुल गरेपछि आयातकर्ताले भन्सारमा तिरेको भ्याटको ६० प्रतिशत रकम फिर्ता पाउँछन् । तैपनि मोबाइल बजारको उल्लेख्य हिस्सा अवैध रूपमा भित्रिएका मोबाइलले लिएका छन् । चिनियाँ मोबाइलको बजार अंश २० प्रतिशतभन्दा बढी रहेको अनुमान छ । तर तिनको ठूलो हिस्सा अवैध रूपमा भित्रिएका छन् । 'थोरै सस्तो छ भने सामान किन्न सीमापारि पुग्ने चलन सीमावर्ती क्षेत्रमा छ,' कलर्स मोबाइलका आधिकारिक बिक्रेता रोहित गुप्ता भन्छन्, 'भारत र चीनका सीमावर्ती बजारमा मोबाइल यहाँभन्दा सस्तो
छ ।' भारतमा मोबाइलमा ४ प्रतिशत मात्र भ्याट लगाइएको छ ।
टाइप अप्रुभल अनिवार्य गरेपछि चिनियाँ बजारबाट चोरी आयात गर्ने प्रवृत्ति ह्वात्तै बढेको तातोपानी भन्सारका प्रमुख निर्मलहरि अधिकारी बताउँछन् । उनका अनुसार बितेका दुई आर्थिक वर्षमा १८ करोड रुपैयाँ बराबरको चिनियाँ मोबाइल तातोपानी नाका हुँदै भित्रिएको थियो । तर चालू आर्थिक वर्षको ६ महिना पुग्न लाग्दा १ करोड रुपैयाँ जतिको मात्र मोबाइल भन्सारबाट आएको छ । 'तर बजारमा चिनियाँ मोबाइलको कमी छैन,' उनले भने । व्यवसायीले अरू सामान ढुवानी गर्न सीमापारि पुर्‍याइएका गाडीमा फल्स बटम बनाएर मोबाइल ल्याउने गरेका छन् । यस्तै चोरी बाटोबाट भरियालाई बोकाएर भित्र्याउने गरिएको छ । विद्यार्थी भरियाका रूपमा प्रयोग भइरहेको उनी सुनाउँछन् ।
अवैध रूपमा भित्र्याइएका मोबाइल सेट लुकाउन मिनी ट्रकमा बनाइएको फल्स बटमले राजस्व अनुसन्धान विभागका कर्मचारीलाई छक्क पार्‍यो । तातोपानीबाट अवैध तरिकाले भित्रिएका मोबाइलसमेत बोकेर आएको बा२ख ३८०० नम्बरको मिनी ट्रकलाई गत ७ गते काभ्रेको साँगामा प्रहरीले बरामद गरी राजस्व अनुसन्धानमा बुझाएको थियो । चिनियाँ बजारबाट अवैध रूपमा भित्रिएका ४ सय ६३ थान मोबाइल, ५ सय १८ थान ब्याट्री र ५ वटा कभर प्रहरीले काभ्रेको साँगामा बरामद गरेको थियो । 'गाडीका कुनाकाप्चामा मोबाइल लुकाउन फल्स बटम बनाइएको थियो,' राजस्व अनुसन्धान विभागका उपमहानिर्देशक दामोदर रेग्मी सुनाउँछन्, 'सुराकीबाट पक्का खबर नपाउने हो भने बरामद गर्न नसकिने रहेछ ।'
तर अवैध रूपमा भित्रिने कारण टाइप अप्रुभल मात्र होइन । गत वर्षको मंसिरमा तातोपानीमा राजस्व गस्ती प्रमुखको जिम्मेवारी पूरा गरी फर्किने क्रममा सशस्त्रका डीएसपी हर्क पन्तबाट ७ सय ६१ थान चोरीका मोबाइल बरामद भएको थियो ।
'टाइप अप्रुभल अनिवार्य गरे पनि बजार अनुगमन हुन नसक्ता अवैध कारोबार प्रोत्साहित भयो,' सामसङको आधिकारिक बिक्रेता इन्टरनेसनल मार्केटिङ सर्भिसेजका प्रेसिडेन्ट डिकेश मल्होत्रा भन्छन्, 'सम्बद्ध निकायले बजार अनुगमन गरी अवैध कारोबारलाई कारबाहीको दायरामा ल्याउनुपर्छ ।'
प्रमुख १० भन्सार नाका (त्रिभुवन अन्तर्राष्ट्रिय विमानस्थल, वीरगन्ज, सुख्खा बन्दरगाह, काँकडभिट्टा, तातोपानी, विराटनगर, भैरहवा, कृष्णनगर, नेपालगन्ज, कैलाली) बाट २०६८/६९ मा ५ अर्ब ६८ लाख रुपैयाँ बराबरको १९ लाख ३४ हजार मोबाइल सेट भित्रिएको थियो । आव २०६७/६८ मा ४ अर्ब ४३ करोड ५८ लाख रुपैयाँको १६ लाख ३८ हजार सेट भित्रिएको थियो । तर बजारको मागअनुसार भन्सारमा देखिएको संख्या निकै कम भएको व्यवसायी बताउँछन् । दूरसञ्चार प्राधिकरणका अनुसार जनसंख्याको ६१ प्रतिशत (१ करोड ६१ लाख) मोबाइल बोक्ने भइसकेको छ । एकाध वर्षमा नयाँ सेट किनिने र एकभन्दा बढी मोबाइल प्रयोग गर्नेको संख्या पनि बढ्दै गएकाले वर्षमा १९ लाख मोबाइल आयात हुनु भनेको अवैध बजार ठूलो भएको प्रमाण हो ।
 

नेकपा–माओवादी अध्यक्ष मोहन बैद्यले कुनै पनि पक्षमा नलागि फागुन १ बाट आन्दोलन गर्ने उद्घोष गरेका छन्।

वैद्यले सरकार र विपक्षीको  विवाद सत्ताका लागिमात्र भएको आरोप लगाउँदै आफूहरुले राष्ट्रियता, जनजिविकाको पक्षमा फागुन १ गतेदेखि आन्दोलन घोषण गर्ने बताएका छन्।

आज राजधानीमा नौ दिनसम्म चलेको केन्द्रीय कमिटीको बैठकका निर्णय सार्वजनिक गर्न आयोजना गरिएको पत्रकार सम्मेलन बोल्दै वैद्यले भने ‘एमाओवादी, कांग्रेस र एमाले एउटै हुन ।’

वैद्यले अन्य राजनीतिक दलले संविधान सभाको पुनस्थापनाको विषय उठाइरहेका बेला संविधानसभा पुनःस्थापनाको सम्भावना सकिएको र नयाँ चुनाव हुने सम्भावना पनि नभएका बताउँदै वर्तमान संकटको लागि गोलमेच सम्मलेन उत्तम विकल्प भएको समेत बताएका छन् ।

वैद्यले माओवादीको अबको जनआन्दोलन गोलमेच सम्मेलनका लागि हुने समेत प्रष्ट पारे। वैद्य माओवादीको नौ दिन लामु वैठकले फागुन १ गते जनयुद्ध दिवस, ८ मार्च अन्तराष्ट्रिय महिला दिवस, चैत्र ५ मा सांस्कृति प्रतिरोध दिवस र चैत्र २४ लाई जनआन्दालने दिवसको रुपमा मनाउँने निर्णय गरेको समेत आजै सार्वजनिक गरेको छ ।

`द लेरीनगोस्कोप` मा प्रकाशित एक समाचार अनुसार डेट्रायट स्थित `हेनरी फोर्ड हस्पीटल` का चिकित्सक राबर्ट डीबले भने, ” घुर्ने बानीले निद्राको समयमा अरूलाइ पर्ने प्रभाव भन्दा पनि यो कुरा अलि गम्भिर रहेको छ, यसलाइ वेवास्ता गर्नु हुँदैन । यसलाइ तुरून्तै उपचार गर्नुपर्ने हुन्छ । मानिसमा उच्च रक्तचाप र हृदयरोगको लक्षण उत्पन्न भएपछि मात्र उपचारका लागी जाने हैन, यस्तो अबस्थामानै तुरून्तै चिकित्सकलाइ देखाउनु पर्ने हुन्छ।”चिकित्सकहरूका अनुसार निद्रा सम्बन्धी एक अर्को रोग `अब्सट्रक्टिभ स्लीफ एपनिया` पनि हृदयरोगका लागी जिम्मेबार हुने गर्दछ, तर यस हृदयरोग सम्बन्धी रोगको पछाडी प्रमुख कारण घुर्ने बानी हुने गर्दछ ।
यस अध्ययन भन्दा अघि निकै कम मात्र जानकारीहरू प्राप्त भएका थिए । जसले घुर्ने बानी र हृदयरोगका बीचमा सम्बन्ध रहेको हुने गर्दछ । डीब र यस अध्ययनका वरिष्ठ लेखकले यस अनुसन्धानका लागी ९१३ जना रोगीहरूलाइ लिएर अध्ययन गरेका थिए ।

नेपाल पत्रकार महासंघ जनआन्दोलन २०६२/६३ को एक प्रमुख हिस्सेदार हो । गणतन्त्र, संघीयता, धर्मनिरपेक्षता जे जस्ता परिवर्तन भए ती सबैको अंशियार नेपालका पत्रकार पनि हुन् । विस्तृत शान्ति सम्झौताको पत्रकार महासंघले स्वागत गर्दै त्यसको पालना गर्न आठ हजार सदस्यलाई निर्देशन दिएकै हो । विस्तृत शान्ति सम्झौतालाई कागजको खोष्टो बनाउने काम नेपालका पत्रकारले होइन, सरकारको नेतृत्व गर्ने प्रमुख दलहरूले नै गरेका हुन् । बरु पत्रकारले त शान्ति सम्झौता पालना गराउन, शान्ति सम्झौता र अन्तरिम संविधानअनुरुप सत्य निरुपण तथा मेलमिलाप आयोग गठन गरी युद्ध अपराधीलाई कारबाही गर्न, अदालतबाट दोषी ठहर भएर सजाय तोकिएका बालकृष्ण ढुंगेलहरूलाई कानुनबमोजिम कारवाही गर्न, युद्धबन्दीलाई बेपत्ता पार्ने कर्णेल राजु बस्नेतदेखि पत्रकार कृष्ण सेनको हत्यामा संलग्न प्रहरी अधिकृत विक्रमसिंह थापालाई बढुवा नगर्न तथा कानुनी कारवाही गर्न पटक-पटक झक्झक्याएकै हुन् ।

सुरेन्द्र पौडेल, काठमाडौं, माघ १७ - नेपाल वैदेशिक रोजगार व्यवसायी संघले 'वैदेशिक रोजगार कल्याणकारी कोष' सञ्चालनमा ल्याउने तयारी गर्दै छ। अफ्ठेरो परेका बेला व्यवसायी तथा कामदार र तीनका परिवारका लागि कोष मार्फत संघले आर्थिक सहायता उपलब्ध गराउने छ।

 एक महिना भित्र कोष सञ्चालनमा आउने संघले जनाएको छ। वैदेशिक रोजगारका क्रममाः रोजगारदाता कम्पनीका कारण कामदार अलपत्र परे, दुर्घटनामा परी घाइते वा मृत्यु भए निज तथा तीनका परिवारलाई कोष मार्फत सहायता रकम उपलब्ध गराइने छ। कोष सञ्चालनका लागि तयार पारिएको निर्देशिकामा 'आर्थिक सहायता सम्बन्धी व्यवस्था' स्पष्ट गरिएको छ। आर्थिक सहायता सम्बन्धी व्यवस्थामा कामदारलाई मात्र होइन, तीनका परिवारलाई समेत समेटिएको छ।
'एक महिनाभित्र वैदेशिक रोजगार कल्याणकारी कोष सञ्चालनमा ल्याउने योजना छ,' नेपाल वैदेशिक रोजगार व्यवसायी संघका अध्यक्ष बलबहादुर तामाङले जानकारी दिए, 'कोष मार्फत पिडित व्यवसायी र कामदारलाई आर्थिक सहायता उपलब्ध गराने व्यवस्था गरिएको छ।'
तामाङका अनुसार संघका सदस्यता प्राप्त व्यवसायीले कामदारको अन्तिम स्विकृति लिंदा सेवा शुल्क वापत लिएको रकमबाट प्रतिव्यक्ति ५ सय रुपैयाँ कोषमा बुझाउनु पर्नेछ। एक व्यक्ति विदेश पठाए वापत व्यवसायीले कामदारबाट ५ हजार रुपैयाँ लिन पाउने कानूनी प्रावधान छ। 'कामदार र व्यवसायी दुवैलाई थप लागत नपर्ने गरी कोषमा रकम जम्मा गरिने छ,' उनले भने।
प्रत्येक बर्ष वैदेशिक रोजगारीमा जानेको संख्या बढ्दो छ। गत आर्थिक बर्ष ०६८/०६९ मा अन्तिम श्रम स्वीकृति लिई ३ लाख ८४ हजार ६ सय ६५ कामदार गएका थिए। आर्थिक बर्ष ०६९/०७० को पहिलो ६ महिनामा अन्तिम श्रम स्वीकृती लिनेको संख्या अघिल्लो बर्षभन्दा निकै बढि छ। आर्थिक बर्ष ०६८/०६९ को आँकडालाई आधार मान्ने हो भने पनि संघले प्रति व्यत्तिको पाँच सय उठाए कोषमा एकै बर्षमा १९ करोड २३ लाख ३२ हजार ५ सय रुपैयाँ जम्मा हुनेछ।
कोषमा गरिएको आर्थिक सहायता सम्बन्धी व्यवस्थामा तीनवटा अवस्थामा कामदार तथा तीनका परिवारलाई सहयोग गरिने उल्लेख छ। जस अर्न्तगत वैदेशिक रोजगार क्रममाः मृत्यु भएका कामदारको नाबालिक सन्तानलाई शैक्षिक सहायता, रोजगारदाता कम्पनी टाट पल्टेको कारण फर्केका र दुर्घटनामा परि अंगभंग वा मृत्यु भएमा तीनका परिवारलाई आर्थिक सहायता उपलब्ध गराइने छ।
संस्थागत श्रम स्वीकृती लिई गएका कामदारको मृत्यु भए कोषले तीनका नावालिक सन्तानलाई आर्थिक सहायता सम्बन्धी व्यवस्था अर्न्तगत शैक्षिक सहायता गर्नेछ। सामुदायिक र सरकारी विद्यालयमा अध्ययन गर्न बार्षिक शुल्क, शैक्षिक सामाग्री, ड्रेस र एकमुष्ट जिन्सी सामान उपलब्ध गराइने छ।
'शैक्षिक सहायता एकदेखि एसएलसीसम्म बढिमा १० बर्ष प्रदान गरिने छ,' अध्यक्ष तामाङले भने, 'कम्तीमा बार्षिक १० हजार रुपैयाँ उपलब्ध गराइने छ।'
रोजगारदाता कम्पनी टाट पल्टेका कारण संस्थागत रुपमा ग्ाएको कामदार एक बर्षभित्र फर्कनु परे निजलाई कोषले जाँदा लागेको खर्च समेत उपलब्ध गराउने छ। निःशुल्क भिसा र टिकटमा गएकाहरुका सम्बन्धमा भने यो लागू नहुने जनाइएको छ।
यस्तै, संस्थागत रुपमा गई दुर्घटनामा परी अंगभंग वा मृत्यु भए निज कामदार तथा उसको परिवारलाई आर्थिक सहयोग व्यवस्था पनि गरिएको छ। कोष सञ्चालनमा आएपछि अंगभंग भएकालाई बढिमा दुई लाख रुपैयाँ र मृत्यु भएकाको परिवारलाई कम्तीमा दुई लाख रुपैयाँ सहयोग स्वरुप उपलब्ध गरिने उनले बताए।
सरकारबाट इजाजतपत्र लिई नेपाल वैदेशिक रोजगार व्यवसायी संघको सदस्य संस्थाका सम्पूर्ण प्रमाणित शेयर हेल्डर व्यवसाय सञ्चालन गरिरहेको अवस्थामा कारणवस दुर्घटनामा परि अंगभंग वा मृत्यु भएमा पनि कोषबाट आर्थिक सहयोग पाउने व्यवस्था गरिएको छ। यसैगरी वैदेशिक रोजगार विभागबाट इजाजतपत्र लिई संघको सदस्यता प्राप्त गरी संचालनमा रहेको व्यवसायीको कार्यालय बिभिन्न कारण (प्राकृतिक प्रकोप, भैपरी आउने बिपत्ति) बाट क्षति भएमा समेत आर्थिक सहयोग पाउने छन्।

जुम्ला, माघ १७-चार वर्षअघि बोतामालिका-८ जुम्लाका गोविन्द रावतसँग बाध्यकारी विवाह गर्न पुगेकी दीपा रावतको जीवन घरेलु हिंसाका कारण अहिले कहालीलाग्दो मोडमा पुगेको छ। डाँडाखाली-५ सुर्खेत जन्मघर भएकी दीपाको घरमा बाबुको मृत्यु र आमाको मानसिक अवस्था बिग्रिएपछि पारिवारिक वातावरणमा ग्रहण लागेको थियो।

आफ्नै घरमा दाजु भाउजू भए पनि बस्ने वातावरण सहज नभएपछि आफू सुर्खेत इत्राममा फुपू भीमकला थापासँग बस्दै आएको उनी बताउँछिन्। यही क्रममा सुर्खेतमा होटेल व्यवसाय गर्दै आएकी जुम्ला शनिगाउँ निवासी रुपक्यौडा थापासँग भेट हुँदा उनले आफूलाई जुम्लाका एक धनी र असल केटासँग विवाह गराईदिन्छु भनेपछि आफू आश्वस्त भएको उनको भनाइ छ।
पछि होटेल व्यावसायी थापाले जुम्लाबाट केटा मगाइ सो केटासँग कुनै परिचय नै नगराइ सुर्खेतबाट हवाइजहाजद्वारा सोझै जुम्ला भगाइ कोही कसैलाई नभन्नु भनी सल्लाह दिएको उनी बताउँछिन्। जुम्ला पुगेको धेरै समयपछि मात्र आफ्नो पति भनिएको व्यक्ति आंशिक दृष्टिविहीन रहेको थाहा पाएको बताउने दीपाको डेढ वर्ष पतिसँग टकरावमै बित्यो
जब दीपाको गर्भमा बच्चा रहेको पति गोविन्द रावतलाई थाहा भयो, त्यसपछि दीपाका दुःखका दिनहरु सुरु भए। केही समयपछि दीपाबाट एक छोरी जन्मिइन, तर रावतले 'यो छोरी मेरो होइन, जसको हो त्यसै कहाँ लग, म तँलाइ श्रीमती बनाएर राख्न सक्दिन' भन्दै गाली र कुटपिट गर्दा पनि दुई वर्षसम्म सहेर बसेको उनी बताउँछिन्।
घरमा सासु र समाजका अन्य भद्रभलाद्मीले आफूलाई धेरै सहयोग गर्दा पनि पतिबाटै पीडा सहन नसकेर दुई वर्षकी छोरी छोडी करिब एक महिना अगाडि घर छोडेर इलाका प्रहरी चौकी हाडसिंजाको सम्पर्कमा आएको दीपाले बनाइन्।
त्यसपछि हाडसिंजा प्रहरी चौकीमा पीडक पक्षका मान्छेहरु कसैले पनि पीडित दीपाको जिम्मा नलिएपछि प्रहरीले पुस २१ गते विराट-९ सिजामा रहेको सामुदायिक सेवा केन्द्रकी अध्यक्ष संजु उपाध्यायको जिम्मामा दीपालाई सुम्पेको थियो। उनको जीवनको रक्षा र भविष्यको सुनिश्चिताका लागि अध्यक्ष उपाध्यायले पीडित दीपालाई सदरमुकाम ल्याएपछि महिला तथा बालबालिका कार्यालयले कुनै वास्ता नगर्दा झन् पीडा थपिएको अध्यक्ष उपाध्यायले बताए। प्रहरीको महिला तथा बालबालिका निकायले पनि दीपालाई जिल्ला सेवा केन्द्र जान सिफारिस गर्योक। स्थानीय विकास अधिकारी अर्जुनकुमार थापाले पनि कुनै ठोस निर्णय दिन नसकेपछि जिल्ला सेवाकेन्द्रकी अध्यक्ष भगवती श्रेष्ठले आश्रयको सुनिश्चिता गर्न जिल्ला प्रशासन कार्यालय जुम्लामा लगे।
त्यहाँ प्रजिअ हरि प्याकुरेलले अल्पकालीन आश्रयका लागि सेवा केन्द्रकी अध्यक्ष श्रेष्ठलाई राख्न सल्लाह दिँदै पीडित दीपालाई न्याय दिलाउन यथाशीध्र कारबाही अगाडि बढाउन सरोकारवालाहरुसँग तत्काल छलफल गरिने बताउनुभएको छ। पीडित दीपालाई केही समयका लागि घरेलुहिंसा तथा यौनजन्य दुर्व्यावहारबाट प्रभावित महिलाका लागि आश्रयसहितको जिल्ला सेवा केन्द्रमा राखिएको छ। रासस

कञ्चनपुर, माघ १७- कञ्चनपुरको दोधाराकी १३ वर्षीय किशोरीमाथि सामूहिक बलात्कार भएको छ। दुई दिनअघि छिमेकीको विवाह समारोहमा गएका बेला किशोरीमाथि सामूहिक बलात्कार भएको हो।
सामूहिक बलात्कारमा संलग्न भएको आरोपमा सोही ठाउँका बबि राना र विकास थापालाई पक्राउ गरिएको जिल्ला प्रहरी कार्यालय कञ्चनपुरका प्रहरी निरीक्षक चतुर्भुज ओझाले बताए।

पीडित किशोरीका बुबाको जाहेरीका आधारमा इलाका प्रहरी कार्यालय दोधाराले दुवै जनालाई पक्राउ गरी जिल्ला प्रहरी कार्यालयमा बुझाएको उनले बताए। बलात्कार गराउने कार्यमा एक युवतीको समेत संलग्नता रहेको प्रहरी निरीक्षक ओझाले बताए।रासस

बलिउडमा प्रवेश गरेकी पोर्न स्टार सन्नी लियोनीले अझै पनि आफ्नो पुरानो छविलाई छोड्न सकेकी छैनन् । पोर्न सिनेमामा काम गर्दै आएकी सन्नी ‘जिस्म २’ मार्फत बलिउडमा प्रवेश गरेकी हुन् । उनै नायिका लियोनीले बाथरुममा हट फोटोसुट गरेकी छिन् ।बलिउडमा प्रवेश गरेपछि सामान्य पहिरनमा देखिन थालेकी सन्नीको बाथरुम फोटोसुटले धेरैलाई अचम्ममा परेको छ । लियोन हाल ‘रागिनी एमएमएस २’ मा अभिनय गर्नमा व्यस्त छिन् ।

१७ माघ, चितवन । एकीकृत नेकपा माओवादीका अध्यक्ष पुष्पकमल दाहाल प्रचण्डकी ठूलीआमा तथा एमाओवादीका नेता नारायण दाहालकी आमाको गएराती निधन भएको छ ।

लामो समयदेखि पेटको रोगी ८० बर्षकी देउरुपा दाहालको गएराती चितवन शिवनगरमा निधन भएको हो । उहाँको आजै चितवनको देवघाटमा दाहसंकार गरिनेछ । त्यसअघि श्रद्धान्जलीका लागि एकीकृत माओवादी, अध्यक्ष प्रचण्ड, प्रधानमन्त्री बाबुराम भट्टराई सहितका नेताहरु आज चितवन जाँदैहुनुहुन्छ ।

१७ माघ, एजेन्सी । २७ वर्षीय एक युवकले आफ्नो ५ महिनाको छोराको हल्लाएरै हत्या गरेका छन् । २७ वर्षीय लि क्लार्कले आफ्नो ५ महिने छोरालाई फकाउने सुरमा हल्लाउँदा छोराको ज्यान गएको बताइएको छ ।

न्युक्यासलमा बस्दै आएका उनले बालककी आमा लुगा किन्न पसल गएका बेला छोरालाई फकाउने क्रममा हल्लाएका थिए । उनले हल्लाउँदा सन्तुलन बिग्रँदा उनको ज्यान गएको बताइएको छ । उनले छोरालाई खुसी राख्न हल्लाएको र त्यसले छोरा हासेको कारण थप हौसला पाएका उनले छोरालाई थप हल्लाउने क्रममा सन्तुलन बिग्रँदा उनको मष्तिष्कमा समस्या देखिएको थियो । ती बालकलाई उनकी आमा आएपछी अस्पताल लगिएको थियो । उनलाई अस्पतालमा अक्सिजन लगाइएको थियो भने उनको मष्तिष्कको स्क्यान समेत गरिएको थियो । स्क्यानमा बच्चाको मष्तिष्कमा रगत देखिएको थियो ।

मष्तिष्कमा रगत देखिएको र आँखाको पछिल्लो भागमा पनि रगत पुगेका कारण उनको अवस्था निकै नाजुक भएको थियो । उनलाई आईसियूमा राखेर उनको उपचार थालिएपनि केही दिनपछी उनको ज्यान गयो ।

बच्चाको मृ्त्यु भएपछी उनका बाबु क्लार्कलाई प्रहरिले पक्राउ गरी आवश्यक कारबाही प्रक्रिया अगाडि बढाएको थियो । यसैक्रममा उक्त मुद्धाको कारबाहीका लागी अदालतमा उनलाई मंगलबार पुर्याईएको थियो । उनले अदालतसामू आफूले छोरालाई हल्लाएको स्विकार गरेका थिए ।

उदयपुर माघ १७ – धन कमाउन खोटाङ दोर्पा ९ का दिलबहादुर बुढाथोकीलाई न त विदेश जानु परेको छ, न त भारी नै बोक्नु परेको छ । उहाँका कतिपय दौँतरी लाहुरे भए । कोही खाडी मुलुकमा छन् त कोही खेतीपातीमा । 
रोजगारीका लागि दिलबहादुरले कहिल्यै परदेश सोच्नुभएन । कलिलो उमेरदेखि नै बाँसको चोयाबाट थुन्से, डोको, छाप्री, फिपी, खुगि, कुर्सी बनाउन पोख्त ५८ वर्षिय बुढाथोकीलाई घरमै गतिलो ‘जागिर’ मिलेको छ । दोर्पाको बन पाखामा गाई, बाख्रा चराउँदै डोको, थुन्से, छाप्रि बनाउन सिकेका बुढाथोकीले अन्ततः जीवन गुजारा गर्ने माध्ययम यसैलाई बनाउनुभयो ।

‘९ वर्षको छँदा देखि नै बाँसको चोयाबाट यस्ता सामान बनाउन थालेँ । अरु रोजगारी खोज्नतिर लागिएन’, उहाँले भन्नुभयो, ‘यसैबाट आयआर्जनको सम्भावना खोजेँ ।’ चोयाका सामान बेचेर उहाँले बार्षिक रुपमा दुईलाखसम्म कमाउने गर्नुहुन्छ ।

‘महिनामा कम्तीमा पनि १५ हजारसम्म आम्दानी हुन्छ’, उहाँले भन्नुभयो, ‘अर्डर आइरहन्छ । एक्लो ज्यानलाई भ्याइनभ्याइ छ ।’ उहाँले बुनेका मालसमान सदरमुकाममै बिक्री हुन्छन् ।

आवश्यक मेशीनरी औजार नहुँदा अर्डर बमोजिम भने जस्तो सामान अझै बनाउन नसकेको उहाँको भनाई छ । 

उहाँले बनाएका मान्द्रो प्रतिगोटा तीन सय देखि पाँच सय, धान राख्ने थुन्से, भकारी ५ सय देखि १३ सय रुपैयाँमा बिक्री हुँदै आएका छन् । बाबु बाजेको पालादेखि चल्दै आएको पुर्खौली पेशालाई अपनाएर बुढाथोकीले आफ्नो छोराछोरीलाई सुनसरीको धरानमा राखेर पढाउनुभएको छ ।

‘यही कामबाट छोराकोलागि लत्ताकपडा, पढाई खर्च र परिवार धानिरहेको छु’, बुढाथोकीले भन्नुभयो, ‘क्याम्पसको जाडो बिदामा आएका दुई छोरालाई अलिअलि काम सिकाएँ । सीप सिकेर घाटा हुँदैन । दुःखमा काम लाग्छ ।’