न्युयोर्क, फागुन २३ (एजेन्सी) - अमेरिकाको फोर्ब्स पत्रिकाले सन् २०१३ का लागि तयार पारेको विश्वका अर्बपतिहरूको सूचीको पहिलो स्थानमा मेक्सिकोका कोर्लोस स्लिम हेलु परेका छन्। उनको सम्पत्ति ७३ अर्ब अमेरिकी डलरबराबर रहेको सूचीमा उल्लेख छ।

फोर्ब्सले २७ वर्षदेखि अर्बपतिहरूको सूची तयार पार्दै आएको छ। २०१३ का लागि फोर्ब्सले तयार पारेको उक्त सूचीको पहिलो नम्बरमा परेका कार्लोस टेलिकम व्यवसायी हुन्। उनी गत वर्ष पनि पहिलो नम्बरमै परेका थिए।

दोस्रो स्थानमा अमेरिकाका सूचना प्रविधि व्यवसायी बिल गेट्स परेका छन्। माइक्रोसफ्ट कम्पनीका मालिक उनको सम्पत्ति ६७ अर्ब डलरबराबर छ।

त्यसै गरी ५७ अर्ब डलर सम्पत्तिसहित स्पेनका अमान्सियो ओर्टेगा तेस्रो नम्बरमा आएका छन्। उनी जारा कम्पनीका सञ्चालक हुन्। उनी एकै वर्षमा सबैभन्दा धेरै आम्दानी गर्नेमा दरिएका छन्। उनले एकै वर्ष १९ अर्ब ५० करोड डलर आम्दानी गरेका थिए।

अमेरिकाको बर्कसायर हाथवेका मालिक वारेन बफेट ५३ अर्ब ५० करोड डलर सम्पत्तिसहित चौथो स्थानमा परेका छन्। उनले एक वर्षमा ९ अर्ब ५० करोड डलरबराबर सम्पत्ति कमाएका थिए। सन् २००० यता उनी पहिलो पटक तेस्रो स्थानमा नपरेका हुन्।

सूचीको पाँचौं नम्बरमा अमेरिकाको ओराकल कम्पनीका सञ्चालक ल्यारी एलिसन आएका छन्। उनको सम्पत्ति ४३ अर्ब डलरबराबर रहेको फोर्ब्सले उल्लेख गरेको छ। त्यसै गरी अमेरिकाकै चार्ल्स कोच ३४ अर्ब डलर तथा त्यहीँकै डेभिड कोच पनि ३४ अर्ब डलर सम्पत्तिसहित क्रमशः छैठौं र सातौं स्थानमा परेका छन्।

फोर्ब्सले यो वर्षका लागि तयार पारेको अर्बपतिहरूको सूचीमा विश्वका १ हजार ४ सय २६ जना परेका छन्। उनीहरूसँग कूल ५४ खर्ब अमेरिकी डलरबराबर सम्पत्ति छ। यो परिमाण गत वर्ष ४६ खर्ब डलरमा अडेको थियो।

फोर्ब्सले यो वर्ष २ सय १० जना नयाँ अर्बपति पत्ता लगाएको छ। सूचीमा परेकामध्ये सबैभन्दा धेरै अमेरिकाका ४ सय ४२ जना छन्। एसिया प्रशान्त क्षेत्रका ३ सय ८६, युरोपबाट ३ सय ६६, अन्य अमेरिकी देशका १ सय २९ तथा मध्यपूर्व र अफ्रिकाका १ सय ३ जना अर्बपति यसपालिको सूचीमा परेका छन्।

फोर्ब्सका अनुसार यो वर्ष सबैभन्दा धेरै गुमाउनेमा ब्राजिलका एइके बाटिस्टा परेका छन्। गत वर्ष सातौं स्थानमा परेका उनले यो वर्ष १९ अर्ब ४० करोड डलर गुमाएर १ सयऔं स्थानमा झरेका छन्। उनले प्रतिदिन ५ करोड डलरका दरले गुमाएका थिए।

यो वर्षको सूचीमा आठौ स्थान हङकङका लिका-सिङले ओगटेका छन्। उनको कूल सम्पत्ति ३१ अर्ब डलरबराबर छ। फ्रान्सको लोरियल कम्पनीकी मालिक लिलियान बेट्टेनकोर्ट ३० अर्ब डलर सम्पत्तिसहित नवौं स्थानमा आएकी छिन् भने फ्रान्सकै एलभिएमएच कम्पनीका सञ्चालक बर्नार्ड आर्नल्ट दसौं नम्बरमा परेका छन्। उनको सम्पत्ति २९ अर्ब डलरबराबर छ।

त्यसै गरी ११ देखि २० स्थानसम्म क्रमशः क्रिस्टी वाल्टन (अमेरिका २८.२ अर्ब), स्टेफन पर्सन (स्वीडेन २८ अर्ब), माइकल ब्लुमबर्ग (अमेरिका २७ अर्ब), जिम वाल्टन (अमेरिका २६.७ अर्ब), सेल्डन एडेल्सन (अमेरिका २६.५ अर्ब), एलिस वाल्टन (अमेरिका २६.३ अर्ब), एस रोब्सन वाल्टन (अमेरिका २६.१ अर्ब), कार्ल अल्ब्रेच्ट (जर्मनी ६ अर्ब), जेफ बेजोस (अमेरिका २५.२ अर्ब) र ल्यारी पेज (अमेरिका २३ अर्ब) परेका छन्।

यही सूचीकौ १ हजार ३ सय ४२ औं स्थानमा नेपालका उद्योगपति विनोद चौधरी पनि परेका छन्। चौधरीको सम्पत्ति १ अर्ब डलरबराबर रहेको फोर्ब्सले जनाएको छ।


१. कार्लोस स्लिम हेलु
७३ अर्ब डलर

२. बिल गेट्स
६७ अर्ब डलर

३. एमान्सियो ओर्टगा
५७ अर्ब डलर

४. वारेन बफेट
५३.५ अर्ब डलर

५. ल्यारी एलिसन
४३ अर्ब डलर

६. चार्ल्स कोच
३४ अर्ब डलर

७. डेभिड कोच
३४ अर्ब डलर

८. लिका-सिङ
३१ अर्ब डलर

९. लिलियान बेट्टेनकोर्ट
३० अर्ब डलर
१०. बर्नार्ड आर्नल्ट
२९ अर्ब डलर
प्रतिक्रियाह

सुरेन्द्र पौडेल, काठमाडौं, फागुन २३ - इजरायलले केयर गिभर (सुसारे) का रूपमा नेपाली कामदार लैजान सरकारसमक्ष सर्त अघि सारेको छ। कामदार लैजादा दुई देशका एजेन्टबीच पैसाको लेनदेनमा प्रयोग हुने अवैधानिक बाटो बन्द गरेमात्र नेपालीलाई रोजगारको ढोका खुला गर्ने सर्त इजरायलले अघि सारेको हो। करिब तीन वर्षदेखि नेपाली कामदार इजरायल जाने क्रम झन्डै बन्दैजस्तो अवस्थामा छ।

केयर गिभर कामदार सुचारु गर्ने सम्बन्धमा इजरायल पुगी गत साता फर्केको नेपाली उच्चस्तरीय भ्रमण टोलीसँग त्यहाँका प्रतिनिधिले लेनदेनको अवैधानिक बाटो बन्द गर्न आग्रह गरेका हुन्।
श्रम तथा रोजगार मन्त्रालयका सचिव सुरेशमान श्रेष्ठको नेतृत्वमा गएको नेपाली टोलीमा मन्त्रालयकै सहसचिव विनोद केसी, वैदेशिक रोजगार विभागका महानिर्देशक पूर्णचन्द्र भट्टराई, मन्त्रिपरिषद कार्यालयका शाखा अधिकृत जगदीश नेपाली थिए। कामदार पठाउने कार्य सुचारु गर्न छलफल गर्न गएको टोलीमा इजरायलका लागि नेपाली राजदूत प्रह्लाद प्रसार्इं र उपनियोग प्रमुख रमेशप्रसाद खनाल पनि सहभागी भएका थिए।
'उनीहरूले एउटै कुरामा जोड दिए- कामदार पठाउँदा नेपाल र इजरायलका एजेन्टबीच हुने लेनदेनको अवैधानिक बाटो बन्द नगरेसम्म कामदार ल्याउने कार्यलाई सुचारु गर्न सकिँदैन,' छलफलमा इजरायली पक्षले राखेको भनाइ सहभागी एक सदस्यले बताए, 'यो अवैधानिक बाटो बन्द नभएसम्म कामदार ल्याउन सकिँदैन।'
आर्थिक वर्ष २०५७/५८ बाट वैधानिक रूपमा नेपाली कामदार केयर गिभरका रूपमा इजरायल जान थालेका हुन्। वैदेशिक रोजगार विभागबाट श्रम स्वीकृति लिई आर्थिक वर्ष २०६८/६९ सम्म ७ हजार २ सय ६१ जना इजरायल गइसकेका छन्। यो आर्थिक वर्ष सुरु भएयता श्रम स्वीकृति लिई इजरायल जानेको संख्या मात्र एक छ।
अन्य देशको तुलनामा इजरायलले नेपाली कामदारलाई राम्रो सेवा सुविधा दिँदै आएको थियो। सेवासुविधाकै कारण
इजरायल जाने नेपाली कामदारको संख्या ह्वात्तै बढेको थियो। तर सन् २००९ को अन्ततिर मुख्य तीन कारण देखाउँदै केयर गिभरको रूपमा नेपाली कामदारलाई इजरायलले रोजगारको ढोका बन्द गरेको थियो। सन् २०११ को मध्यमा बन्द ढोका पुनः खोले पनि इजरायलले यो अवधिमा एक सय भिसा मात्र पठाएको छ। भिसा नपठाउनुको कारण पुरानै हुन्।
दुई देशका एजेन्टबीचको अवैधानिक आर्थिक लेनदेनलाई इजरायलले भिसा नपठाउनुको पहिलो कारण बताउँदै आएको छ। नेपाल सरकारले इजरायल पठाउँदा एउटा कामदारबाट म्यानपावरले बढीमा ७० हजारसम्म उठाउन पाउने नियम बनाए पनि उनीहरूले १० हजार अमेरिकी डलर (करिब ८ लाख ७० हजार रुपैयाँ) उठाउने गरेको भनाइ इजरायलको छ। तोकिएभन्दा बढी उठाइएको रकम दुई देशका एजेन्टले बाँडेर लिने गरेको बुझाइ इजरायलको छ। एजेन्टबीच आर्थिक लेनदेन हुन्डीमार्फत् अवैधानिक तरिकाले हुने उसले जनाउँदै आएको छ।
नेपालका म्यानपावर कम्पनीले अदक्ष कामदार केयर गिभरको रूपमा पठाएको इजरायलको दोस्रो आरोप छ। केयर गिभरको रूपमा आउने कामदारले इजरायलमा बोलिने हिब्रु भाषाको सामान्य ज्ञान र त्यहाँको सामाजिक जीवन बुझेको हुनुपर्ने भनाइ उनीहरूको छ। तर, नेपालबाट जाने केयर गिभरलाई यसबारे कुनै प्रशिक्षण नदिइने इजरायलले बताउँदै आएको छ।
तेस्रो समस्या ओभर स्टे (भिसा सकिएपछि पनि बस्ने) गर्ने र इजरायललाई ट्रान्जिटको रूपमा प्रयोग गर्नेलाई लिएको छ। एक पटक गएका केयर गिभर भिसा सकिएपछि पनि स्वदेश नफर्की त्यहीं लुकिछिपी काम गर्दा समस्या देखिएको हो। अझ केयर गिभरका रूपमा इजरायल पुगेकाहरू मौका छोपी त्यहाँबाट अमेरिका, क्यानडा गइदिँदा नचाहिँदो उल्झन व्यहोर्नुपरेको भनाइ इजरायली पक्षको छ।
'मुख्य तीन कारण देखाई इजरायलले केयर गिभरको लागि दिँदै आएको भिसा रोकेको छ,' छलफलमा सहभागी ती सदस्यले भने, 'इजरायलले सबैभन्दा ठूलो समस्या एजेन्टबीच हुने अवैधानिक आर्थिक कारोबारलाई लिँदै आएको छ। यो अवैध कारोबार नरोकिएसम्म केयर गिभरका लागि नेपालमा भिसा पठाउन नसकिने अडान लिएको छ।'
इजरायलले अडान नछाडेपछि छलफल गर्न गएको नेपाली उच्चस्तरीय टोलीले केयर गिभर पठाउने कार्य सुचारु गर्न सबै विकल्प खुला राखेको जनाएको थियो। संस्थागत रूपमा केयर गिभर पठाउँदा एजेन्टबीच अवैध आर्थिक कारोबार हुने सम्भावना रहने हुँदा सरकारी स्तरमा कामदार पठाउन सकिने विकल्प नेपाली पक्षले राखेको थियो। इपिएसमार्फत् कोरिया कामदार पठाएझैं नेपाली पक्षले दुई देशको सरकारस्तरबाट कामदार पठाउन सकिने विकल्प इजरायलसमक्ष राखेको थियो। 'इजरायली पक्ष हाम्रो प्रस्तावमा सकारात्मक छन्,' ती सदस्यले भने।
इजरायली पक्षसँग छलफल गर्नुअघि त्यहाँ रहेका नेपाली कामदार तथा समुदायसँग उच्चस्तरीय टोलीले सुझाव लिने काम गरेको थियो। उनीहरूले कामदार लैजाने कार्य शीघ्र सुचारु गर्न सरकारले उच्च पहल गर्नुपर्ने र न्युन लागतमा कामदारलाई इजरायलमा रोजगारको अवसर उपलब्ध गराउन आग्रह गरेका थिए। अन्तर सरकारी प्रक्रियाबाट भए पनि कामदार पठाउने कार्य सुचारु गर्न नेपाली समुदायले सुझाव दिएको थियो। 

प्रमात्रपत्र देखाउँदै रोशनले भने ‘हामीले प्रवासमा पाएको यो प्रमाणपत्रले नेपालीहरुको ईमान्दारको छविलाई अझ उचाइमा पुर्याएको छ ।’  इमान्दारिताको यो पहिचानलाई कहिले पनि चुक्न नदिने र जहाँ गएपनि बचाइराख्ने रोशनले बताए । उनले भने-  ‘राम्रो काम र चरित्रको सम्मान जाहा पनि हुँदो रहेछ ।’
कोरियिाली सरकारले बिदेशि कामदार हरुलाई त्यस देशको नियमलाई पुर्णरुपमा पालन गरि सबै समय बिताएको अवस्थामा उक्तप्रमाण पत्र दिने गरेको छनान बिदेशि सहयोग केन्द्रकी गीता राईले बताउनुभयो । हालसम्म यस केन्द्रबाट आठ जाना नेपालीले उक्त प्रमाणपत्र पाईसकेका छन । उक्त प्रमा पत्रले पुनः कोरिया प्रवेश र नेपालस्थित कोरियन कंम्पनिमा काम गर्न प्रथमिकता पाउने राईले बताउनुभयो ।  कोरियामा बिदेशि कामदारहरुलाई राम्रो काम गरे बापत कोरियन कंम्पनिले र गैरकानुनी काम नगरि बसे कोरियाली प्रहरीले यस्ता प्रमाण पत्र दिने गरेका छन ।

इथियोपिया, इन्डियन सेक्स, कम्बोडिया, ट्युब सेक्स, नेपाल, पपुवा न्युगिनी, पाकिस्तान, पोर्न, पोर्नो, फ्रि सेक्स, बंगलादेश, भारत, भियतनाम, श्रीलंका, सेक्स, सेक्स पोर्न, सेक्स भिडियो, सेक्स भिडियोज, सेक्स स्टोरिज, सेक्स हट, सोमालिया,
सेक्स ? हे यो विषयमा कुरै नगरौं, अधिकाशंले दिने रेडिमेड उत्तर हो यो। सेक्सका बारेमा कसैले कुरा गरिहाले पनि कुरा गर्ने व्यक्तिहरू आलोचनाको पात्र बन्ने निश्चित छ। हाम्रो समाज सेक्स वा यससँग सम्बन्धित विषयमा कति ढोंगी छ भन्ने कुरा यो विषयमा कुरा गर्नु पनि अपराध मान्ने मनोवृत्तिले प्रस्ट पार्छ।

यो त अप्रमाणित कुराकानीको विषय मात्र भयो, अब लागौं, प्रमाणित तथ्य खोज्न्, विश्वको नम्बर एक अनलाइन सर्च इञ्जिन गुगलले नेपाल र नेपालीको सेक्स प्रवृत्तिसम्बन्धी ऐना देखाइदिएको छ। चाहेर पनि ढाँट्न नसकिने यो यथार्थले सेक्सप्रतिको ढोंगी नेपाली धारणालाई वास्तवमै उदांगो बनाएको हो। गुगल इनसाइट फर सर्चमा सेक्स राखेर खोजी गर्दा यो यथार्थ छर्लंग हुन्छ।

विश्वास गर्न गाह्रो पर्ला, इन्टरनेट युजरहरूको गुगल सर्चका आधारमा सेक्ससम्बन्धी सामग्री खोजी गर्ने राष्ट्रहरूको सूचीमा विश्व मै नेपाल दसौं स्थानमा छ। यो सन् २०११ मा गुगलमा नेपालीहरूले सेक्सका बारेमा गरेको खोजीको आधारमा तय भएको स्थान हो। श्रीलंका, भारत, पपुवा न्युगिनी, इथियोपिया, पाकिस्तान, बंगलादेश, भियतनाम, कम्बोडिया, सोमालियापछि नेपालले उक्त स्थान बनाएको हो। गुगलका अनुसार इन्टरनेट प्रयोगकर्तामध्ये ६४ प्रतिशत नेपालीले सेक्स रिलेटेड कन्टेन्ट (सामग्री) सर्च गरेका थिए। सेक्स रिलेटेड कन्टेन्ट खोज्ने क्रममा सन् २००९ र सन् २०१० मा नेपाल विश्वभरमै सातौं स्थानमा रहेको गुगलले देखाउँछ।

इन्टरनेट वास्तवमै बेइमान छ, यसले अन्ततः सारा रहस्य खोलिदिन्छ। उसको सहारा लिएर गुम्सिएको यौन इच्छा पूरा गर्ने प्रयास त गरिएको हो तर यसले यो कुरा खोज्यो, त्यसले त्यो कुरा खोज्यो भनेर सबै सत्य बताइ हाल्छ। गुगल त झनै बेइमान रहेछ, सेक्सकै मामीलामा पनि कसले के कुरा धेरै खोजे पनि बताउँछ। फ्रि सेक्स, सेक्स भिडियो, सेक्स भिडियोज, सेक्स पोर्न, पोर्न, ट्युब सेक्स, इन्डियन सेक्स, सेक्स हट, सेक्स स्टोरिज, पोर्नो क्रमश धेरै टाइप गरिएका शब्द हुन् भनेर गुगल जानकारी दिन्छ। नेपालीहरू पनि यी शब्द टाइप गर्न माहिर छन् भन्ने कुरा पनि गुगलले स्पष्ट पारिसकेको छ । सन् २०१२को पहिलो १५ दिनमा नेपाल सेक्स सर्च गर्ने क्रममा चौथो स्थानमा रहेको गुगलले देखाउँछ ।

अब कुरा गरौं काठमाडौंको जीवनशैलीको, अहिलेको काठमाडौं वास्तवमै यौनसम्बन्धी छुट्टै मानक खडा गरेर बसेको सहर हो। धार्मिक, सांस्कृतिक एवं ऐतिहासिक महत्वका हिसाबले विशेष महत्व राख्ने यो सहरको आफ्नै इतिहास छ। यो सहरमा सेक्स अर्थात् यौनका विषयमा खुला रूपमा कुरा गर्न बर्जित छ, तर रति क्रियामा लिप्त रहेको देखाउने टुँडाललाई प्राकृतिक सम्पदाका रूपमा संरक्षण गर्नुपर्छ भन्छ। सेक्सका बारेमा देखिएको दोहोरो चरित्र कतिसम्म छ भन्ने कुरा मानिसहरूको व्यक्तिगत जीवनशैली हेरे अझ प्रस्ट हुन्छ।

सहरका पुरुषहरू बिहान घरबाट निस्कँदा इज्जत, प्रतिष्ठा र सम्मान बोकेर काममा जान्छन्। घरमा बस्ने हुन् वा कामकाजी नै, महिलाहरू आफ्ना छोरीलाई सधैं भर्जिनिटीको महत्व सम्झाइरहेका हुन्छन्। महिलाको इज्जत नै कौमार्य भएकाले यो गुमे सर्वस्व गुम्ने पाठ सिकाउनु आमाको दायित्व नै मानिन्छ। छोराहरू एकदमै आज्ञाकारी छोराको चरित्रमा अभिनय गरिरहेका हुन्छन् भने छोरीहरू ज्ञानी तथा शिल स्वभावयुक्त नारीको छवि निर्माणको प्रयासमा हुन्छन्। पति-पत्नीव्रता र पत्नी-पतिव्रता भएर एक अर्कामा समर्पित छौं भन्ने देखाउन चाहन्छन्। प्रत्येक दम्पती यही सोच्न चाहन्छन् कि- उनीहरूको छोरोले सेक्सका बारेमा कुनै सोच नै राख्दैन्, त्यस्तै छोरी आफ्नो भर्जिनिटी अर्थात् कुमारित्वको खुबै ख्याल गर्छे र त्यसलाई आफ्नो सम्पत्ति मान्छे।

जिल्ला अदालत बैतडीले एक किशोरीको सामुहिक बलत्कारको अभियोगमा पक्राउ परेका २ जनालाई १३ वर्ष कैदको फैसला सुनाएको छ । अदालतका न्यायाधीश हिमालय राज पाठकको एकल इजलाशले एक किशोरीलाई सामुहिक बलत्कारको आरोपमा पक्राउ परेको एक वर्षपछि गुजर-३, का २८ बर्षीय अमरराज अवस्थी र भुमेश्वर-२, का सागर भट्टलाई १३ बर्षको जेल सजाय सहित जनहि ५० हजार रुपैयाँ जरिवानाको फैसला सुनाएको अदालतका श्रेस्तेदार खेम नारायण लामिछाने जानकारी दिनुभयो । जिल्लाको पाटन गाबिसमा गत चैत्र ९ गते कैलपाल-२, कि एक किशोरीलाई फोटो स्टुडियो भित्र उनिहरुले सामुहिक बलात्कार गरेका थिए । फैसलासंगै अभियुक्तहरुलाई मंगलवार नै जिल्ला कारागार बैतडी चलान गरिएको छ ।

हाल नेपाल सरकारबाट संस्थागत रूपमा वैदेशिक रोजगारीका लागि करिब ४२ वटा देश खुल्ला गरिएको छ । यसै सन्दर्भमा रोजगारीको खोजीमा नेपालबाट बर्सेनि हजारौं महिला विभिन्न मुलुक पुग्ने गरेका छन् । त्यसमा पनि खाडी मुलुक जाने नेपाली दिदीबहिनीहरूको संख्या धेरै छ । रोजागारीको सिलसिलामा विदेश जाने नेपाली महिलाहरूका समस्या र वेदना भनिसाध्य छैनन् । पहिलो कुरा त उनीहरू विदेश जाने क्रममा स्वदेशमै विभिन्न दलालमार्फत ठगिइसकेका हुन्छन् । विदेश जाँदा पनि बाटोमै ठगिएर  दुःख पाउनुपर्छ । चाहिने भन्दा बढी पैसा र कमिसन दिएर विदेश पुगिसकेपछि पनि उनीहरूले भनेजस्तो काम पाउँदैनन् । प्रायः यहाँका महिलाहरू घरेलु कामदारकै रूपमा खरिद गरिन्छन् ।

त्यसमाथि पनि कतिपयले विभिन्न शारीरिक तथा मानसिक शोषण सहनुपर्ने हुन्छ । उनीहरूले पहिले सर्त गरेअनुरूप तलब तथा सुविधा पाउनु त कहाँ हो कहाँ उल्टै काम गरेको थोरै पैसाका लागि महिनौं पर्खिनुपर्ने बाध्यता सुनिन्छ । खाडी मुलुक प्रवेशमा नेपाली महिलाहरूलाई नेपाल सरकारले रोक लगाए पनि नेपाली महिलाहरू निजी प्रयासमा भारत हुँदै साउदी अरबलगायत अन्य खाडी मुलुक पुग्छन् । काम गर्ने कम्पनी वा घरको साहूबाट पाउने मानसिक यातना र यौन शोषण बारम्बार सुनिने घटना हुन् । दलालको सहयोगमा राहदानी बनाएर वा अरूको राहदानी प्रयोग गरेर भारतीय एजेन्टमार्फत खाडी पुगेका सयौं नेपाली महिला दूतावासको शरणमा बस्नुपरेको छ । साउदी अरबमा धेरै नेपाली गैरकानुनी रूपमा कार्यरत छन् ।

वैदेशिक रोजगारीको आकारमा धेरै वृद्धि भए पनि यसको व्यवस्थापन सही रूपमा हुन सकिरहेको छैन । कूटनीतिक नियोगहरू पर्याप्त छैनन् । सबै गन्तव्यमा नेपाली दूतावास नहुँदा पनि अनेकौं समस्या सिर्जना भएका छन् । नेपाल सरकारले सुरक्षित वैदेशिक रोजगारीका लागि द्विपक्षीय श्रम सम्झौतालाई ध्यान दिँदै आएको भए पनि यसमा सरलता र सहजता भने आउन सकेको देखिँदैन ।

रोजगारीका क्रममा विदेश जाने धेरैजसो महिला श्रीमान् वा परिवारबाट अपहेलित, अशिक्षित, बहिष्कारमा परेका, श्रीमान् गुमाएका आदि छन् । त्यस्ता महिलाहरूलाई कानुनी प्रक्रिया तथा प्रावधानहरूका बारेमा थाहै नहुने भएकाले उनीहरूलाई एजेन्टहरूले सजिलै ठग्छन् । ठगीमा परिसकेपछि  पनि कानुनी उपचार खोज्न उनीहरू असफल प्रायः देखिन्छन् । यसका लागि अन्य दोस्रो वा तेस्रो पक्षको सहायता खोज्नुपर्ने भएकाले उनीहरू त्यसै रुमलिएर बसेका हुन्छन् । यसरी रोजगारीले गर्दा सम्पूर्ण जीवन नै अन्धकारमय भएका उदाहरण धेरै छन् ।

वैदेशिक रोजगारलाई व्यवस्थित बनाउन माथिल्लो निकायबाट पहल थालिनुपर्छ । रोजगारी र सेवा-सर्तका बारेमा ग्यारेन्टी भएपछि मात्र उनीहरूलाई वैदेशिक रोजगारीमा पठाउनु उत्तम हुन्छ । विदेश गैसकेपछि पनि उनीहरूको अवस्था, दुःख एवं पीडालाई नियमित रूपमा बुझिदिने व्यवस्था हुनुपर्छ । हाल कति नेपाली महिला विदेशी मुलुकमा कार्यरत छन् र उनीहरूको अवस्था कस्तो छ आधिकारिक तथ्यांक राज्यसँग पनि छैन । एकातिर आवश्यक ऐन, कानुन बन्न नसक्नु र अर्कातिर भएका कानुनको पनि कार्यान्वयन नहुनुले थप समस्या सिर्जना भएका छन् । अतः सरकारले वैदेशिक रोजगारीको प्रक्रियालाई सरल र सहज बनाइदिनुपर्छ ।

रोजगारीका क्रममा विदेश जाने नेपाली दिदीबहिनीहरूलाई स्वदेशमै बस्ने वातावरण सिर्जना गर्नु सबैभन्दा राम्रो उपाय हो । यसका लागि राज्यले नै गम्भीर भएर सोच्नुपर्छ । महिलाहरूको अवस्थामा सुधार आउन नसक्नुमा महिला र पुरुषलाई समान शिक्षा प्रदान गर्न नसक्नु एउटा प्रमुख कारक तत्व मान्न सकिन्छ । त्यसैगरी अशिक्षित वा अर्धशिक्षित महिला दिदीबहिनीहरूका लागि सीपमूलक तालिम तथा ज्ञान अभिवृद्धि गर्ने खालका कार्यक्रमहरू ल्याएर उनीहरूमा उद्यमशीलताको विकास गर्न सकिन्छ । विदेशमा रहेका महिला कामदारले दुःख पाउनुको प्रमुख कारण भनेको उनीहरूमा आवश्यक सीप नहुनु पनि हो ।

महिलाहरूलाई उद्यमशील बनाउन सके उनीहरूले स्वदेशमै बसेर धेरै काम गर्न सक्छन् । सिलाइ-कटाइ, तरकारी खेती, व्यवसाय आदि गरेर पनि सजिलै जीविकोपार्जन हुन सक्छ । यसबाहेक राज्यले विभिन्न उत्पादनमूलक उद्योगहरू स्थापना गरेर हजारौं महिलालाई रोजगारी प्रदान गर्न सक्छ । खाडी मुलुकको तातो घाममा काम गर्न तयार महिलाहरू आफ्नै देशमा काम गर्न पाए भने पक्कै उनीहरूमा खुसी छाउनेछ । स्वदेशमा अवसर र सम्भावनाहरू नभएका हुँदै होइनन् तर यस विषयमा गम्भीर भएर सोंच्ने निकाय एवं पक्षको खाँचो छ । सरकार आफैले त्यस्ता बेरोजगार महिलाहरूलाई स्वदेशमै व्यवस्थापन गर्न सके उनीहरूको आर्थिक अवस्थामा सुधार आउँछ र मुलुकको आर्थिक विकासमा पनि टेवा पुग्छ । खेर गैरहेको श्रमशक्तिको सदुपयोग गरेर राज्यले विकासको फड्को मार्न सक्छ । अहिले रोजगारीका क्षेत्रमा जे-जस्ता समस्या देखा परेका छन् त्यसको हल गर्न आर्थिक मुद्दाहरूमा ध्यान दिनुपर्छ । जबसम्म आर्थिक विकासको गति तीव्र हुन सक्दैन तबसम्म राष्ट्रमा बेरोजगारी बढ्दै जान्छ भने विदेशमा जाने र बेचिने क्रम पनि रोकिँदैन ।

महोत्तरी जिल्लाको बर्दिबासस्थित देउराली उच्च माविमा कक्षा ११ मा अध्ययन गर्ने १७ वर्षीय छात्र आज बर्दिबासकै नवक्षितीज उच्च माविको कक्षा कोठामा मृत फेला परेका छन् ।

    बर्दिबास–७ का निजर कार्की आज बिहान सो विद्यालयको कक्षा कोठामा झुण्डिएको अवस्थामा फेला परेको इलाका प्रहरी कार्यालय बर्दिबासले जनाएको छ ।

    आफ्नो हातको पाखुरामा ‘आइ लभ यु .......’ लेखेका कार्कीले असफल प्रेमको कारण आत्महत्या गरेका हुनसक्ने प्रारम्भिक अनुमान गरिएको प्रहरी निरीक्षक बाबुराजा खड्काले जानकारी दिनुभयो ।

    छात्रको शव परीक्षणका लागि जलेश्वर अस्पताल पठाइएको प्रहरीले जनाएको छ ।

    कार्कीले सोमबार राति आत्महत्या गरेको हुनसक्ने प्रनि खड्काले बताउनुभयो ।

    घटनाबारे थप अनुसन्धान भइरहेको प्रहरीले जनाएको छ ।

गर्भपतन गराउनेको सङ्ख्यामा वृद्धि
तुलसीपुर (दाङ), २१ फागुन । सरकारले गर्भपतनलाई कानुनी मान्यता दिएपछि राप्ती अञ्चल अस्पतालमा सुरक्षित गर्भपतनको सेवा लिनेको सङ्ख्यामा वृद्धि भएको छ ।
सो अस्पतालका प्र्रमुख डा केदारराज सेञ्चुरीका अनुसार अस्पतालमा गत साउन महिनादेखि हालसम्म १४५ जनाले गर्भपतनको सेवा लिइसकेका छन् ।
गर्भपतन गराउन आउनेमा २० देखि ४० वर्षसम्मका छन् । अस्पतालमा आएकामध्ये केही अविवाहिता पनि रहेका छन् ।
अस्पतालले सुरक्षित गर्भपतन गराएबापत रु एक हजार शुल्क लिने गरेको छ । आफूलाई चित्रे डरले गर्दा गर्भपतन गराउने महिलाले आफ्नो ठेगाना भने ढाट्ने गरेको अस्पतालले जनाएको छ ।
यसैबीच जिल्लाका तीनवटा स्वास्थ्य निकायहरूलाई सुरक्षित गर्भपतन गराउने कानुनी मान्यता केही वर्ष अघिदेखि पाए पनि राप्ती अञ्चल अस्पतालले भने यस वर्षदेखि मात्र पाएको हो ।

घटना संचारमाध्यममा सार्वजनिक भएलगत्तै एक कपडा स्टोरकी संचालिकाले दुई दिन अघिमात्र आफुले त्यो पहिरन एक युवकलाई बेचेको बताएकी छिन ।

चलचित्र वधशालाले शान्ति प्रक्रिया भाँड्ने भन्दै रक्षा मन्त्रालयले सञ्चार मन्त्रालयलाई दोस्रोपटक पत्राचार गरेको छ । रक्षाले महिना दिनअघि सञ्चारमन्त्रलायलाई पत्र लेखी वधशालाको सेन्सर नभएको भए सेन्सरमा रोक लगाउन सेनालाई उधृत गर्दै आग्रह गरेको थियो । रक्षाले पत्र काटेपछि सञ्चारमन्त्रलायले चलचित्र बिकास बोर्डमा पत्र काटी वधशालालाई रोक लगाउन भनेको थियो ।रक्षा मन्त्रालयले सिनेमा नै नहेरी वधशाला रोकेकोमा चौतर्फी विरोध भएको थियो । विरोधपछि रक्षाले सञ्चार मन्त्रलायको नाममा पुनः पत्र काटी वधशालाले शान्ती प्रक्रिया भाड्ने जनाउादै आफैं विचार गर्न मन्त्रालयलाई आग्रह गरेको हो । रक्षाको पत्र पश्चात सोमबार सञ्चार मन्त्रालयमा वधशालाको सेन्सरमा रोक लगाउने गरी टिप्पणी उठाइएको छ ।
सञ्चार मन्त्रालयले सेन्सरमा रोक लगाउने तयारी गरेपछि वधशाला युनिटले रक्षा मन्त्रायल समेतको जिम्मा सम्हालेका प्रधानमन्त्री डाक्टर बाबुराम भट्टराईलाई भेट्ने प्रयास गरेका छन् ।
निर्देशक समाजको आपत्ति
यसैवीच चलचित्र वधशालाको सेन्सरमा समेत रोक लगाएको प्रति नेपाल चलचित्र निर्देशक समाजले आपत्ति जनाएको छ । समाजका कायम मुकायम महासचिव एम.एस.अ्रगजले जारी गरेको विज्ञप्तिमा भनिएको छ, ‘मनोेज पण्डित निर्देशित चलचित्र ‘वधशाला’ लाई रक्षा मन्त्रालय र सञ्चार मन्त्रालयबाट सेन्सरमा अवरोध पुर्‍याउने काम भएको हुँदा निर्देशक समाज आपत्ति व्यक्त गर्दछ ।’

Our Banner

लमजुङ,फागुन २१ । लमजुङमा एक महिलाले जन्म दिने वित्तिकै आफ्नै छोरीलाई डोरीले घाँटीमा बाँधेर हत्या गरेकी छिन् । धादिङ जिल्ला रि गाउँ विकास समिति वडा नम्बर ९ किच्यन गाउँ घर भई बेसीशहर बस्ने अन्दाजी १९ बर्षिया वाङ्चीमाया तामाङले सोमवार विहान तन्ना च्यातेर बनाएको डोरीले भर्खरै जन्मिएकी छोरीको हत्या गरेकी प्रहरीले जनाएको छ । वेसीशहरको झिङ्गेखोलामा रहेको एउटा होटलमा डेढ महिनादेखि काम गर्दै आएकी तामाङले विहान आफ्नै कोठामा जन्माएकी नवजात शिशुको घाँटीमा डोरीले बाँधेर हत्या गरेको प्रहरीको भनाई छ । गत कार्तिक महिनादेखि लमजुङमा आएर मजदुरी गर्दै आएकी तामाङ अविवाहित रहेको प्रहरीले जनाएको छ । विहान काम गर्न नआएपछि होटलधनीले उठाउने जाने क्रममा तामाङले ढोका नखोलेपछि जवर्जस्ती ढोका खोल्दा कोठा रगताम्य भएको देखेपछि प्रहरीलाई खबर गरिएको थियो । प्रहरीले अस्पताल लाने भन्दै तामाङलाई उठाउने क्रममा महिलाले नवजात शिशुको घाँटीमा डोरीले बाँधेर मारेको भेटेका प्रहरीले जनाएको छ । शिशुको पोष्टमार्टमका लागि लमजुङ जिल्ला सामुदायिक अस्पतालमा राखिएको छ भने आमाको सोही अस्पतालमा उपचार भईरहेको छ ।

दूतावासमा गुनासोको ओइरो, श्रम मन्त्रायलसँग वार्ताको तयारी

२१ फागुन, काठमाडौं । एएफसी च्यालेन्ज कप छनोट फुटबलमा नेपाल बंगलादेशसँग पराजित भएको छ । सोमबार भएको आफ्नो दोस्रो खेलमा घरेलु टोली नेपाल बंगलादेशसँग २-० ले स्तभ्द भएको हो ।

हारसँग नेपालको अघिल्लो चरणको प्रवेश कठिन भएको छ । पहिलो खेलमा नदर्न मारियानालाई ६-० ले हराएको नेपालले अघिल्लो चरण प्रवेशको सम्भावना जिवितै राख्न प्यालेस्टानलाई हराउनै पर्छ भने बंगलादेश र नदर्न मारियानाबीचको खेलको नतिजा कुर्नुपर्छ ।

लगातार २ खेल जितेको प्यालेस्टाइन ६ अंकका साथ समूहको शीर्ष स्थानमा छ भने ३ अंक जोडेको नेपाल दोस्रो स्थानमा छ । समान अंक जोडेको बंगलादेश गोल अन्तरका आधारमा तेस्रो स्थानमा छ । पुछारमा रहेको दर्नद मारियानाले भने अंकको खाता नै खोल्न सकेको छैन ।

झापा, फागुन २१ - झापाको पाँचगाछीमा नौ महिनाअघि भाउजुको हत्या गरेको अभियोगमा जिल्ला अदालत झापाले राजकुमार श्रेष्ठलाई सर्वस्वसहित जन्मकैदको फैसला सुनाएको छ ।

अभियुक्त श्रेष्ठले पाँचगाछी–७ की आफ्नै भाउजु ३२ वर्षीया हेमकुमारी श्रेष्ठलाई गत असार १४ गते बिहान खेतमा गाई सार्न गएको बेला कोदालोले टाउको र शरीरका विभिन्न भागमा काटेर हत्या गरेका थिए ।

टनामा संलग्न भएको आरोपमा त्यसबेला देवर राजकुमार श्रेष्ठ, जेठानी निर्मला श्रेष्ठ र जेठाजु डिल्ली श्रेष्ठलाई प्रहरीले पक्राउ गरी पुर्पक्षको लागि झापा कारागारमा थुनामा राखेको थियो ।

जिल्ला न्यायाधीश गोपालप्रसाद भट्टराईको इजलासले श्रेष्ठलाई सर्वस्वसहित जन्मकैदको फैसला सुनाएको छ भने जेठानी निर्मला र जेठाजु डिल्लीलाई सफाइ दिएको छ ।

नयाँ कलाकार जोडी सुरभी विष्ट जैन र विक्की मल्ल आइतबार काठमाडौँको विश्वज्योति हलमा आफूद्वारा अभिनित पहिलो फिल्म 'समय' को प्रेस शोमा।
विक्कीकी आमा मौसमी मल्लद्वारा निर्मित र दयाराम दाहालद्वारा निर्देशित फिल्म शुक्रबारदेखि देशभर रिलिज भएको हो।

काठमाडौं, फागुन २१ (नागरिक)- अगाडि थिए विभिन्न नारा लेखिएका प्लेकार्ड - राष्ट्रियताको रक्षा गर, संविधान निर्माण गर, शान्ति सुरक्षा कायम गर, भ्रष्टाचारविरुद्धको हाम्रो अभियान। अनि त्यो जुलुसको अगुवाई गर्दै थिए नायक राजेश हमाल। नझुक्किनुस्, राजेश हमाल 'राजनीति'मा उत्रिसकेका छैनन्। यो 'राजनीति' नामको फिल्म सुटिङको दृश्य थियो।
फिल्म 'राजनीति'को सुटिङमा अभिनेता राजेश हमाललाई वीरगन्ज लैजाँदा निर्माण पक्ष चिन्तामा थिए, जुलुसको दृश्यमा भीड जुटाउने कसरी? जब प्ले कार्ड बोकेर राजेश सटको लागि तयार भए फेरि अर्को चिन्ता थपियो, भीडबाट उनलाई जोगाउने कसरी।
'राजेश दाइलाई देखेपछि यस्तो भीड लाग्यो कि उहाँलाई केही बताउनै सकिएन, इशाराको भरमा सुटिङ गर्नुपर्योग,' काठमाडौं फकिएपछि निर्देशक वसन्त निरौलाले भने, 'भीड अत्यधिक भए पनि लट्ठी देखाएर राजेश दाइलाई निकाल्नु परेको थियो।'
वीरगन्जमा अभिनेता हमाललाई हेर्न दर्शक झुत्तिएको देखेका निर्देशकले राजधानीको खुलामञ्चमा कोमल ओलीलाई हेर्न पनि दर्शक देखे। 'कोमल दिदीको म्युजिक भिडियोको सुटिङ भइरहेको सुनेर पसल बन्द गरेर आएको, मिल्यो भने सँगै बसेर फोटो पनि खिचाउँछु,' रत्नपार्कमा व्यापार गर्ने सुनमाया तामाङले भनिन्।
शनिबार भएको सुटिङ कोमलले गीत गाइनन्, भाषण गरिन् । गायिकाको रुपमा स्थापित भए पनि फिल्ममा भने उनले गीत नगएको ओलीले बताइन्। 'यस फिल्ममा मैले गीतहरु गाएको छैन। अभिनय मात्रैको अनुभव पनि रमाइलो छ,' उनले भनिन्। फिल्ममा अर्जुन पोखरेलले संगीत दिएका छन्।

टेकनारायण भट्टराई, पाल्पा, फागुन २१- सिद्धार्थ राजमार्ग अन्तर्गत पाल्पाको आर्यभञ्ज्याङ-राम्दी सडक खण्डमा जन्ती बोकेको बस दुर्घटना हुँदा कम्तिमा १५ जनाको मृत्यु भएको छ। पाल्पा खानीछाप-७ आमडाँडाबाट बेहुली लिएर पाल्पा चिदीपाननी गाविस बुढीकोट फर्केको लु १ ख २७९५ नम्बरको जन्तीबस चिदीपानी-२ धैरेनीमा आइतबार राति करिव साढे ९ बजे दुर्घटना भएको हो।
रातीको दुर्घटना भएकोले शव खोज्न कठिनाइ हुँदा संख्या अझ बढ्न सक्ने प्रहरी भनाई छ।
मृत्यु हुने सबै दुलाहाको गाउँको
जिल्ला सदरमुकाम तानसेनदेखि झन्डै २२ किलो मिटर टाढा भएको उक्त दुर्घटनामा १२ जनाको घटनास्थलमै र तीनजनाको प्रभासस्थित मेडिकल कलेजमा उपचारका क्रममा मृत्यु भएको जिल्ला प्रहरी कार्यालय पाल्पाले जनाएको छ। घाइतेमध्ये १६ जनाको प्रभास मेडिकल कलेजमा र ९ जनाको मिसन अस्पताल पाल्पामा उपचार भइरहेको छ। दुर्घटनामा मर्नेमा सबै दुलाहाको गाउँ चिदीपानी-७ का हुन्।
दुर्घटनामा परी घटनास्थलमै मृत्यु हुनेहरु
चिदीपानी-७ का १७ वर्षीय केशवकुमार बिरकट्टा,
२५ वर्षीय योगेन्द्र चति,
२५ वर्षीया केशरी पुन,
२५ वर्षीय विष्णुबहादुर चति,
१८ वर्षीय नविन सूर्यवंशी,
३० वर्षीया लुलिसरा सारु,
२६ वर्षीय रमेश विक,
६० वर्षीय वेदबहादुर बिरकट्टा,
७ वर्षीय कमल जर्घा,
२८ वर्षीय लोकबहादुर सारु,
१६ वर्षीया नविना सूर्यवंशी
पाल्पा हुमिनका ३० वर्षीय मिलन विक (चालक)
उपचारका क्रममा मृत्यु हुनेहरु
चिदीपानी-७ का २८ वर्षीय सुरज न्यौपाने,
६५ वर्षीय अमरबहादुर दर्घा
२५ वर्षीया रमादेवी सारु
चालक रक्सीले मातेका थिए
राम्दीमा जन्ती कुरेर बस्दा चालक मिलन विकले होटलमा छिरेर रक्सी सेवन गरेका थिए । मातेका चालक र सहयोगी सहित ४५ जना जन्ती सवार बस अघि बढ्यो। ‘बस ठाउँठाउँमा ढलपलाएको थियो ।' मिसन अस्पतालमा भर्ना भएका घाइते विशाल सारुले राति २ बजे नागरिकसंग कुरा गर्दै भने ‘चारजना हामी बसको छतमा थियौं, देब्रे साइड छाडेर दाहिने तर्फ (रङ साइड) को प्याराफिटमा बस ठोक्कियो ।' बस अनियन्त्रित हुँदै छेउका तीनचारवटा प्याराफिट भत्काउँदै अन्ततः सडकबाट तीनसय मिटर तल खस्यो ।

मृतक महिलाको आडैमा रहेको झोला
भीरमा अड्केकी बेहुलीले कान्छा भन्दै बेहुलालाई चिच्याइन्
बस दुई बल्ड्याङ खाएपछि झ्याल फुटेर बेहुली उछिट्टिइन् । बेहुला भित्रै रहे । ‘बस खस्नै लाग्दा मलाई वहाँ (बेहुला)ले अंगालो हालेर समात्नु भो, हामी चिच्यायौं ।' मिसन अस्पतालको १२६ नम्बर बेडमा भर्ना भएकी बेहुली बिष्णु चर्तीले भनिन् ‘म भिरमा अड्केपछि मैले कान्छा भन्दै बोलाएँ, वहाँले तलबाट बिष्णु भन्दै चिच्याउँदै आउनुभयो ।' दुबैजना भीरमै भेटेर अंगालो हालेर रोए।
‘मैले जेठान (बिष्णुका दाइ रुपबहादुर हिस्की)लाई फोन गरेँ र गाडी दुर्घटनामा पर्‍यो, छिट्टै आउनु भनेँ ।' मिसनमै ४१६ नम्बर वेडमा भर्ना भएका बेहुला रोशन चर्तीले भने ‘म हिँडेरै बाटोमा निस्केँ उनलाई बोकेर माथि ल्याइयो ।' स्थानीय र प्रहरीले घाइते बेहुलाबेहुलीलाई एकै गाडीमा चढाएर मिसन अस्पताल पठाए।
कक्षा ८ पढ्ने १७ वर्षीया विष्णुले भारतमा नोकरी गर्ने रोशनसँग प्रेम बसेपछि एक महिना पहिले माघ २० गते भागेर बिहे गरेकी थिइन्। ठ्याक्कै एक महिनापछि फागुन २० गते मगरी संस्कार अनुसार ‘ढोगभेट फर्काएर' घर आउँदा दुर्घटना भयो।
बेहुली बिष्णुका हातका सबै चुरा फुटेका थिए । रातो चुराले रंगिएका हात दुर्घटना पछि अस्पतालमा सेता पट्टीले घेरिए । सिंदुर हुनुपर्ने निधार रक्ताम्य बन्यो । कोरीबाटी गरेको केश भताभुंग थियो । कपालको डोरी फुस्किएर विस्तरामा छरपष्ट थियो । अर्कोतर्फ औंठी लगाएका बेहुलाको हातका औंला दुर्घटनामा भाँचिएपछि सेतो व्याण्डेज बाँधिएको थियो । दुबै खतरामुक्त रहेका मिसन अस्पतालले जनाएको छ ।

मोबाइल मुखमा झुण्ड्याएर उद्धारमा खटिएका प्रहरी।

मुखले ‘मोबाइल लाइट' टोकेर प्रहरीले मध्यरातसम्म उद्दार गरे
रुखका हाँगा नसमाई अडिन नसकिने डरलाग्दो भीरमा संघर्ष गर्दै प्रहरी जवानहरुले चार घण्टा लगाएर घाइतेको उद्दार गरे । अप्ठ्यारो भीरमा रातभर जुनकीरी जस्तो मात्रै उज्यालो भएको मोबाइल लाइट मुखमा टोकेर घाइते बोक्दै माथि निकाल्दै गरेका थकित प्रहरी जवानहरुलाई स्थानीयले ग्लुकोज पानी दिएका थिए । उनीहरुसँग चहकिलो लाइट थिएन । कतिपयले स्थानीयको लाइट मागेर चलाए ।
फुर्तिलो जिउ भएका जवानहरुलाई मोटो जिउ भएका इन्स्पेक्टर र असइले माथिबाट आदेश दिन्थे । पसिना काढ्दै रक्ताम्य जिउ बनाएर जवानहरुले घाइते ओसारे। साढे नौ बजे भएको दुर्घटनामा उद्दारका लागि नेपाली सेनाको टोली भने राति १ बजे मात्रै पुग्यो । घाइते सबैलाई प्रहरी र स्थानीयले निकाले भने शव निकाल्न आज बिहानसम्म नेपाली सेना खटिए ।

दाइजोको सोफा
यही ठाउँमा ३४ जनाको ज्यान गएको थियो
आइतबार दुर्घटना भएकै ठाउँमा करिब पाँच बर्ष पहिले भएको बस दुर्घटनामा ३४ जनाको मृत्यु भएको थियो । दुई बर्ष पहिले पनि ट्रक खस्दा दुईजनाको मृत्यु भएको स्थानीयले बताए ।



घाइतेको उद्धार गर्दै प्रहरी

घटनास्थलमा दाइजोका भाँडा

उद्धारमा प्रहरी।


अस्पतालमा बेहुली।

अस्पतालमा बेहुला। सबै तस्बिरहरुः टेकनारायण भट्टराई

मान्छेले वास्तविक जीवनमा पाउन नसकेका वा दबाएर राखिएका इच्छाहरू सपनामा प्राप्त गरेको कुरा देख्छन । यसै गरी दबेर रहेका यौनइच्छा पनि सपनामा छताछुल्ल हुन्छन् । विभिन्न अध्ययन अनुसार अधिकांश युवायुवती त्यस्तो सपना देख्न चाहन्छन् जहाँ उनीहरूको भेट आफ्ना प्रियजनसँग होस् र यौनक्रीडा गर्न पाइयोस् । त्यसैले सपनामा कसैसँग सम्भोग गरेको देख्नुलाई सामान्य रूपमा लिइन्छ।
हामीमध्ये धेरैले यसलाई हल्का रूपले लिन्छौँ र किन यस्तो सपना देखियो भन्ने विषयमा खासै चासो दिँदैनौँ, तर यौनविज्ञहरूले भने सपनामा सम्भोगको सम्बन्ध व्यक्तिको अरूसँगको यौनसम्बन्ध एवं उसको मनोविज्ञानमा निर्भर हुने बताएका छन् । कुनै महिलाले सपनामा कसैसँग सम्भोग गरेको देख्नुको कारण के हो भन्ने कुराको उत्तर दिँदै यौनविज्ञ डाक्टर केतन परमारले विभिन्न पाँचवटा अवस्थाको व्याख्या गरेका छन्।

१. पति वा प्रेमीसँग सम्भोग गरेको सपना देखे:यदि सपनामा आफ्नो पति वा प्रेमिका साथ सम्भोग गरेको देखियो भने त्यसका दुईवटा अर्थ हुन सक्छन्। या त सपना देख्ने महिलाको पति वा प्रेमीसँगको सम्बन्ध प्रगाढ छ, या त उनले पति वा प्रेमीबाट त्यो सन्तुष्टि पाइरहेकी छैनन्, जुन उनले चाहिरहेकी छिन्। यदि कसैले यस्तो सपना देखे आफ्नो प्रेमी वा पतिसँग बसेर कुराकानी गरी कारण पहिल्याएर समाधानतर्फ लाग्नुपर्छ।
२. पूर्वप्रेमीसँग सम्भोग गरेको देखे: यदि आफ्नो पूर्वप्रेमीसँग सम्भोग गरेको सपना देखियो भने त्यसको अर्थ हुनसक्छ, पुरानो ब्वाइफ्रेन्डसँगको सेक्सलाइफ निकै राम्रो थियो। देखावटी रूपमा अहिलेको प्रेमीलाई मन पराइए पनि अचेतन मनमा पुरानो प्रेमीले नै लोभ्याइरहेको छ भने ऊसँग सम्भोग गरेको सपना देखिन्छ। यस्ता सपनाबाट आफ्नो नयाँ प्रेमीसँग सन्तुष्टिका साथ सम्भोग गर्न पाइएन वा नयाँ प्रेमीसँग खटपट हुन थाल्यो भन्ने प्रस्ट हुन्छ।



३. कुनै चर्चित नायकसँग सम्भोग गरेको सपना देखे: यदि कुनै चर्चित नायकसँग सम्भोग गरेको सपना देखियो भने त्यसको अर्थ हो, आफ्नो प्रेमी वा पतिमा अरू केही कुरा खोजिएको छ। हिरोको सफलता र खुबीसँग आफ्नो प्रेमी वा पतिलाई दाँजिरहँदा पनि यस्ता सपना देखिन्छ।
४. कुनै महिलासँगै सम्भोग गरेको सपना देखे: यदि कुनै महिलासँगै सम्भोग गरिएको सपना देखियो भने त्यसले मनोविज्ञान एवं शारीरिक अवस्थाका बारेमा पनि गहिरो अर्थ राख्छ। यस्तो सपना देखियो भने के बुझ्नुपर्छ भने आफ्नो यौन पार्टनर पुरुष मात्र हो भन्ने सोच गलत हो। यस्तो सपना बारम्बार देखियो भने र वास्तविक जीवनमा पनि कुनै महिलासँगै यौन क्रियाकलापका लागि आकषिर्त भइयो भने आफ्नो यौनचरित्र वा प्राथमिकता तथा यौनिकताका सम्बन्धमा पुनर्विचार गर्नुपर्छ। कुनै महिलाले सपनामा अर्की महिलासँग सम्भोग गरेको देख्छिन् भने त्यसको अर्थ के पनि हुनसक्छ भने ती महिलाले आफ्नो प्रेमी वा पतिले आफ्नो बढी ख्याल गरोस् भन्ने चाहन्छिन् ।
५. प्रेमीसँग बिछोड भएको सपना देखे: प्रेमीसँग विछोड भएको सपना देखियो भने त्यसको अर्थ हो— आफ्नो प्रेमीसँग संवेगात्मक निकट सम्बन्ध र बढी समय चाहे पनि त्यो पाइएको छैन। सम्बन्धमा खटपट आएको वा निकट भविष्यमा आउने ठूलो परिवर्तन वा घटनाको व्यवस्थापन कसरी गर्ने भन्ने विषयमा चिन्तित रहेका बेला पनि प्रेमीसँग बिछोड भएको सपना देखिने यौनमनोविज्ञ परमार बताउँछन् ।