बाउले आफ्नी २२ बर्षीय छोरीको टाउको काटेर गाउँभरि डुलाए।

स्टालिनजस्तो हुँदा के-के गरे प्रचण्डले ?

लन्डन, माघ २३ - मानवीय चिन्तन र सोचको सीमा हुन्न । संसारको एक कुनामा गलत मानिएको विचारलाई अर्को मुलुकमा सम्मान प्राप्त भइरहेको हुन्छ । साउथ वेस्ट इंग्ल्यान्डको विल्टसर काउन्टीकी लियेन मायर्सले एक राम्रो कामका लागि फेसबुकमा एक नग्न पृष्ठ बनाएर तस्बिर पठाउने गरेको अपिलले सोचेभन्दा बढी महत्त्व पाएको छ ।
उनले उक्त पृष्ठका लागि नग्न हुन गरेको आग्रहलाई स्वीकार्नेको ताँती लाग्यो । कठयांगि्रँदो जाडोमा निर्वस्त्र उभिएर खिचाइएको तस्बिरले उक्त पृष्ठ भरिएको छ । इजरायल, अमेरिका, अस्टे्रलिया, जर्मनी, ब्राजिल, इटाली, जापान लगायत संसारभरिबाट पाएको असीम सहयोगबाट मायर्स चकित छन् ।
 हुन त यो पृष्ठमा डाउनलोड गरिएका सबै तस्बिरहरू पूर्णतः नग्न छैनन् । तर, आफ्नो संस्कृति र परम्पराअनुरूप सकेजति सबैले लुगा फुकालेका छन् । मायर्सले यीमध्ये केही तस्बिरहरू छानेर आफ्नी छोरी जन्मेको अस्पतालका लागि आर्थिक सहयोग जुटाउन क्यालेन्डर निर्माण गरेर बेच्ने छिन् । 

वासिङटन, माघ २२ - अमेरिकाले आफूमाथि प्रमुख डिजिटल आक्रमण हुने विश्वसनीय प्रमाण फेला पारेमा यस्तो आक्रमण हुननदिन आफैँले आक्रमण गर्नसक्ने र यस्तो आक्रमणको आदेश दिने अधिकार अमेरिकी राष्ट्रपतिलाई भएको निष्कर्ष एक गोप्य कानुनी पुनरावलोकनमा निकालिएको समाचार न्यु योर्क टाइम्सले सोमबार दिएको छ ।
यस कानुनी पुनरावलोकनमा संलग्न अधिकारीले यस्तो सम्भावित आक्रमणको सङ्केत देखिएमा गुप्तचर संस्थाहरूले विदेशमा रहेका कम्प्युटर सञ्जालहरूमा अनुसन्धान गर्न सक्ने र राष्ट्रपतिले आदेश दिएमा त्यस्ता कम्प्युटरलाई नष्ट बनाउन कोडहरू प्रयोग गर्नसक्ने अवस्था रहेको जानकारी दिए भनी पत्रिकामा उल्लेख गरिएको छ ।
अमेरिकी प्रतिरक्षा मन्त्रालयले आफ्नो साइबर सुुरक्षा बलमा आउँदा वर्ष पाँच गुणाले वृद्धि गर्ने योजनालाई स्वीकृति प्रदान गरेको छ । यसले अमेरिकी महत्वपूर्ण कम्प्युटर सञ्जालको सुरक्षाको व्यवस्था विस्तार गर्ने बताइएको छ ।
वासिङ्टन पोस्टले हाल साइबर कमान्डमा ९०० कर्मचारी रहेकोमा आउँदा दिनमा चार हजार ९०० सैनिक तथा कर्मचारी रहने उल्लेख गरेको छ । गत नोभेम्बर महिनामा प्रतिरक्षामन्त्री लेओन पेनेटाले अमेरिकी साइबर सुरक्षामा थप वित्तीय सहयोग तथा मानवीय संसाधन आवश्यक भएको बताउनुभएको थियो ।
गत गृष्ममा साउदी अरेबियाको सरकारद्वारा सञ्चालित तेल कम्पनीका ३० हजार कम्प्युटरका तथ्याङ्क मेट्ने गरी भाइसर पठाइ आक्रमण भएको देखिएको थियो ।
साइबर युद्धकला विकासका लागि केन्द्रीय गुप्तचर संस्था हेर्नका लागि मनोनयन हुनुभएका जोन ब्रेनानले मुख्य भूमिका खेल्नुभएको द टाइम्सले उल्लेख गरेको छ । राष्ट्रपति ओबामाले इरानको पारमाणविक संयन्त्रमा यस प्रकारको कारवाही गर्न आदेश दिनुभएको पनि पत्रिकाले उल्लेख गरेको छ ।
पूर्व राष्ट्रपति जर्ज डब्लु बुसको कार्यकालमै पेन्टागनमा ओलम्पिक गेम्स नाम दिइएको यस्तो कारवाही भएको र यसबाट अन्य मुलुकमा बम आक्रमण नगरिकनै तथा आक्रमणकारी नपठाइकनै त्यहाँको संरचनालाई नष्ट बनाउन सकिने देखिएको पत्रिकाले उल्लेख गरेको छ ।
पुनरावलोकनमा भाग लिएका अमेरिकी वरिष्ठ अधिकारीहरूले साइबर हतियार पनि पारमाणविक हतियार जस्तै शक्तिशाली हुने र यसलाई सेनाप्रमुखको प्रत्यक्ष आदेशमा मात्र उपयोग गर्न सकिने ठानेको उक्त पत्रिकाले उल्लेख गरेको छ ।
अन्तर्राष्ट्रिय कानुनअनुसार कनै पनि मुलुकले आफूलाई चुनौतीबाट जोगाउनसक्ने देखिन्छ र अमेरिकाले यो सिद्धान्त अवलम्बन गरेको बताइएको छ ।
नयाँ निर्देशिकाअनुसार पेन्टागनले अमेरिकी कम्पनी तथा व्यक्तिको कम्प्युटरमा सामान्य साइबर आक्रमण हुँदा पेन्टागन संलग्न नहुने र यसका लागि गृहसुरक्षा विभागले जिम्मेवारी लिने बताइएको छ । यसो भए पनि अमेरिकाभित्रै प्रमुख साइबर आक्रमणमा सेना संलग्न रहने पनि उक्त पत्रिकाले उल्लेख गरेको छ ।

भक्तपुर, माघ २३ - छोरीको बिहेको कार्ड बाँड्न हिंडेका सिरुटार-७ का रामेश्वर राउतलाई जिउँदै जलाएको खुलासा भएको छ । उनको शवको पोस्टमार्टमबाट यस्तो देखिएको हो ।
महाराजगन्जस्थित शिक्षण अस्पतालका विशेषज्ञ चिकित्सक, घटनाको अनुसन्धान गरिरहेका प्रहरी अधिकारी र आफन्त राखेर आइतबार पोस्टमार्टम भएको थियो । राउतको शव शनिबार बिहान भक्तपुरको दधिकोट-६ स्थित चित्रपुर फाँटमा ढलको हिमपाइपमा आगो लगाएर पूर्णरूपमा जलेको अवस्थामा फेला परेको थियो । परीक्षणका क्रममा राउतको मृत्यु आगोले जलेर भएको पोस्टमार्टममा खटिएका चिकित्सक रिजेन श्रेष्ठले बताए । त्यस्तै जिउँदै आगो लगाएको परीक्षणबाट देखिएको उनले बताए । श्वास नलीमा धूवाँको कालो पदार्थ भेटिएकोले मर्नुअघि नै जलाएको पुष्टि भएको उनले बताए । 'मृत्युपछि आगो लगाएको भए श्वास नलीमा कालो पदार्थ हुँदैनथ्यो,' उनले भने, 'मर्नुअघि नै आगो लगाएको पोस्टमार्टममा देखियो ।'
खाना खाएको दुईदेखि चार घन्टाको अवधिमा उनको मृत्यु भएको देखिएको उनले बताए । राउतको कम्मरभन्दा तलको भाग छुट्टएिको थियो । उनको शव रहेको हिमपाइपमा देब्रे खुट्टा थिएन । शरीरको अन्य अंग पनि आधा जलेको थियो । पोस्टमार्टम गर्दा धारिलो हतियार प्रयोग भएको नदेखिएको श्रेष्ठले बताए । 'चोटपटक कतै देखिादैन, त्यसैले हतियार प्रयोग भएको होइन,' उनले भने, 'घटनास्थलमा नदेखिएको एउटा खुट्टा त्यही जलेको देखिन्छ ।' उनले शनिबार घटनास्थलमै पुगेर प्रहरीलाई अनुसन्धानमा सघाएका थिए ।
राउतको जेठी छोरी लक्ष्मीको सोमबार विवाहको मिति तय भएको थियो । त्यसअनुसार आफन्तलाई निम्तो कार्ड बाँड्न राउत शुक्रबार बिहानै घरबाट निस्केका थिए । घरदेखि करिब एक किलोमिटरको दूरीमा मृत अवस्थामा उनको शव भेटिएको थियो । उनको दाहसंस्कार आइतबार भएको छ ।
भक्तपुरका एसपी दिलीप चौधरीले राउतको हत्या हुनुको कारण के हो भन्ने छानबिन भइरहेको बताए । 'अहिलेसम्म केही पत्ता लागेको छैन, विभिन्न कोणबाट अनुसन्धान गरिरहेका छांै,' उनले भने, 'जटिल घटना भएकाले समय लाग्न सक्छ । तर ढिलो, चाँडो पत्ता लाग्छ ।' शंका लागेको व्यक्तिलाई नियन्त्रणमा लिएर सोधपुछ गर्ने, उनीहरूको भनाइबाट थप अनुसन्धान गर्ने, घटनास्थलमा भेटिएको ज्याकेट, मदिराको बोतल, मोबाइल फोन विवरणका आधारमा अनुसन्धान भइरहेको उनले बताए । अनुसन्धानमा प्रहरीको केन्द्रीय अनुसन्धान ब्युरो, महानगरीय प्रहरी अपराध अनुसन्धान महाशाखा, भक्तपुर प्रहरी परिसर, ठिमी वृत्त, दधिकोट प्रभाग लागिरहेको उनले बताए ।
 महाशाखाबाट अनुसन्धानमा खटिएका प्रहरी स्रोतका अनुसार मृतकको भिसेरा, ब्लड टेस्ट, घटनास्थलमा बरामद भएको मदिराको बोतललगायत अन्य सामान पनि परीक्षणका लागि पठाइएको छ । शवनजिकै भेटिएको राउतको कालो ज्याकेटमा एक लाख रुपैयाँको चेक, ६ हजार ८ सय ९० रुपैयाँ नगद, बिहेको निम्तो कार्ड, डायरी, नागरिकता, लाइसेन्स, मोटरसाइकलको बिलबुक, अन्ना क्यासिनोको बिजनेस प्रोमोटर दर्जा उल्लेख भएको कार्डलगायत एउटा प्लास्टिकमा भेटिएको थियो । उक्त प्लास्टिकमा सलाईको १२ वटा काँटी पनि प्रहरीले भेट्टाएको थियो । सलाईको बाहिरी दुईवटा खोल भने शव भेटिएको हिमपाइप बाहिर भेटिएको थियो । एउटा खोल आधा जलेको र अर्को पूर्णरूपमा जलेको अवस्थामा टाउको तर्फ थियो ।
प्रहरीले फोन सम्पर्क विच्छेद भएको ग्वार्कोतर्फ अनुसन्धान केन्दि्रत गरेको छ । त्यस क्षेत्रको गल्ली-गल्लीमा सादा पोसाकका प्रहरी परिचालन गरेको स्रोतले जनाएको छ । राउतले प्रयोग गरेको मोबाइलको कल डिटेलअनुसार शुक्रबार ५ बजेर १८ मिनेटमा कान्छी छोरी पूजासँग कुराकानी भएको देखाएको छ । फोन सम्पर्कमा आफू ग्वार्कोमा पैसा उठाउन आएको बताएको पूजाले बताइन् । 'म ग्वार्कोमा छु, आज पनि पैसा दिएन भने झगडा गरेर भए पनि ल्याउँछु भन्नुभएको थियो,' पूजाले सोमबार कान्तिपुरसित भनिन्, 'त्यसपछि कसैसँग कुराकानी भएन ।' लेनदेनको कुराकानी परिवारमा कहिल्यै खुलेर नभन्ने गरेको उनले बताइन् । 'कोसँग लिनु छ, कसलाई दिनु छ भन्ने कहिल्यै ममी र हामीलाई भन्नुहुन्नथ्यो,' उनले भनिन्, 'त्यस दिन पनि कसकोमा जानु भएको हो थाहा भएन ।' एक छोरा र दुई छोरी भएका राउत एक/डेढ वर्षअघि इराकमा रोगजारीबाट फर्केका हुन् ।

अस्वस्थ यौन क्रियाकलापमा संलग्न हुनुहुन्छ भने बेग्लै कुरा, संसारमै सुखद् मानिने यो गतिविधिमा स्वस्थ रूपमा क्रियाशील हुनुहुन्छ र कुनै भ्रान्ति पाल्नुभएको छ भने आजैदेखि हटाउनुस् । विशेषज्ञहरूका अनुसार स्वस्थ यौनक्रिया सबैभन्दा राम्रो व्यायाम हो । यौनले शारीरिक मात्रै नभई मानसिक स्वास्थ्यमा पनि सकारात्मक परिवर्तन ल्याउँछ । ‘स्वस्थ सम्भोग पौडी खेल्नुभन्दा राम्रो व्यायाम हो,’ जोरपाटीस्थित नेपाल मेडिकल कलेजका चर्म तथा यौनरोग विभाग प्रमुख प्राडा अनिलकुमार झा भन्छन्, ‘पौडी खेल्दा शारीरिक व्यायाममात्र हुन्छ भने सम्भोगबाट मानसिक सन्तुष्टिसमेत पाइन्छ ।’ स्वस्थ यौनसम्बन्धबारेे समाजमा धेरै गलत धारणा भए पनि यो हरेक दृष्टिले फाइदाजनक रहेको उनी बताउँछन् ।
यौनक्रियाबारे वैज्ञानिक विश्लेषणको सुरुआत पूर्वीय समाजमै भएको उल्लेख गर्दै प्राडा झा समयसँगै पूर्वीय जोडीहरू नै यो अद्भुत सुखबारे गलत बुझाइमा रहेको सुनाउँछन् । ‘यौनक्रियासम्बद्ध पहिलो उत्कृष्ट विज्ञान कोकशास्त्र भारतीय उपमहाद्वीपमै आविष्कृत भएको हो,’ उनी भन्छन्, ‘यसमा जस्तो भरपर्दो वैज्ञानिक विश्लेषण अन्त कतै छैन । विदेशी विशेषज्ञले गर्ने धेरैजसो यौन अध्ययनसमेत कोकशास्त्रमै आधारित हुन्छन् ।’ उपत्यकाका मन्दिरका टुँडालहुँदी कुँदिएका आकृति र भारतको खजुराहो मन्दिरमा पाइने यौनक्रियासम्बद्ध प्रस्तर मूर्तिले मान्छेका यी गुप्त जिज्ञासालाई मेटाउन खोजेको झा सुनाउँछन् । ‘यौनक्रियाकलापले फाइदा नहुँदो त मन्दिरमा यस्ता चित्र किन कोरिन्थे ?’ उनी भन्छन्, ‘तर धेरै जनासँग सम्भोग सुख लिन खोज्दा फाइदा कम बेफाइदा बढी हुन्छ ।’ उनका अनुसार कोकशास्त्रमा विभिन्न आसनबारे वर्णन गरिनुको अर्थ ‘पार्टनर’ फेर्नु नभई एकै जनासँग भिन्नभिन्न तरिकाले आनन्द उठाउनु हो अर्थात् स्वस्थ यौन क्रियाकलापमा संलग्न हुनु हो । यौन गतिविधि स्वस्थ र नियमित रहे शरीरलाई धेरै फाइदा पुग्ने तथ्य विदेशमा गरिएका अध्ययनले समेत देखाएका छन् । नर्थ क्यारोलिना र पिटरबर्ग विश्वविश्वविद्यालयका अनुसन्धाताहरूका अनुसार यौनक्रियाले शरीरमा ‘आक्सिटोसिन’ हार्मोनको मात्रा बढाउँछ । यसबाट यौनसाथीको आपसी सम्बन्धमा प्रगाढ हुन थाल्छ, एकअर्काप्रति विश्वास बढ्छ । यही प्रकृतिका कारण आक्सिटोसिन हार्मोनलाई ‘लभ हार्मोन’ समेत भनिन्छ । यौनले रक्तचाप पनि नियन्त्रण गर्छ । स्कटल्यान्डमा २४ महिला र २२ पुरुषमा गरिएको अध्ययनमा के देखियो भने नियमित यौनक्रियामा संलग्नहरू तनावबाट पनि मुक्त हुन्छन् । स्वस्थ यौन गतिविधिको सीधा प्रभाव शारीरिक स्वास्थ्यमा समेत पर्छ ।
सातामा एक/दुईपटक सम्भोग गर्दा शरीरमा रोग प्रतिरोधी पदार्थ ‘इम्युनोग्लोबलिन’ वृद्घ िहुन्छ । विलकिस विश्वविद्यालयसम्बद्ध विशेषज्ञहरूले एक सय १२ विद्यार्थीमा गरेको अध्ययनअनुसार सम्भोगपछि उत्पन्न हुने ‘इम्युनोग्लोबलिन’ रुघालगायत संक्रमण रोक्न सहयोगी हुन्छ । हाम्रो समाजमा अलि वृद्ध अवस्थामा सम्भोग गर्दा हृदयाघातको जोखिम बढ्ने भ्रमसमेत व्याप्त छ । बेलायती विशेषज्ञहरूले भने यो कुरामा अलिकति पनि सत्यता नरहेको पुष्टि गरेका छन् । हृदयाघात भएका ९ सय १४ पाका पुरुषमा गरिएको अध्ययनअनुसार उनीहरूमा हृदयाघात हुनुमा यौनक्रियाकलापको कुनै सम्बन्ध नरहेको इपिडिमियोलजी एन्ड कम्युनिटी हेल्थको जर्नलमा उल्लेख छ । यौनले मोटोपना घटाउनसमेत सहयोग गर्छ । आधा घन्टाको यौनक्रियाले शरीरमा दुई सय क्यालोरी डढाउँछ । विशेषज्ञहरू के भन्छन् भने यौनले एन्डरोफिन हार्मोन बढाउनाले दुखाइमा कमी आउँछ । सम्भोगपछि टाउको वा जोर्नीको दुखाइ हराएको अनुभव त पक्कै गर्नुभएको होला । युरोलजी इन्टरनेसनलको बि्रटिस जर्नलमा छापिएको प्रतिवेदनअनुसार यौनले के युवा के वृद्ध सबै पुरुषमा प्रोस्टेट क्यान्सरको जोखिम घटाउँछ । यौनबाट फाइदा महिलालाई पनि कम छैन । चुलोचौकामा लाग्दालाग्दा उनीहरूमा कम्मर दुख्ने समस्या बढी देखिने गरेको छ । यसको कारण ‘पेल्भिक पmलोर’ मांसपेशी कमजोर हुनु हो । यो मांसपेशीलाई बलियो बनाउने भरपर्दो उपाय सम्भोग नै रहेको विशेषज्ञहरू बताउँछन् । सुखद यौनसम्बन्धले अनिद्रालाई भगाउँछ । मज्जाले निदाउने भएपछि तौल र रक्तचाप नियन्त्रित हुनु स्वाभाविकै भयो ।नियमित यौनले दुखाइ, मोटोपन, तनाव घटाउँछ रक्तचाप सामान्य राख्छ एकआपसमा विश्वास बढाउँछ राम्रो निद्रा लाग्छ आत्मसम्मान बढाउँछ संक्रमण रोकथाम गर्छ महिलामा कम्मर दुखाइ हटाउँछ पुरुषमा प्रोस्टेट क्यान्सरको जोखिम घटाउँछ

एमओवादीले ल्याउन नयाँ सूत्र जालझेलकै हुने वामदेवको दावी

कुकुर सबैभन्दा इमान्दार प्राणी भएकैले होला मान्छेको सबैभन्दा राम्रो जनावर साथी मानिन्छ । सायद यहीँ इमानको फलले होला कुकुरलाई मान्छेको पहिरन पनि खुबै सुहाउँदो रहेछ र टाइ शूटमा सजिँदा कुकुर पनि साँच्चीकै मालिक जस्तै देखिँदो रहेछ ।

आयरल्याण्डका एकजना फोटोग्राफरले राजधानी डब्लिनमा टाइशूटमा ठाँटिएका केही सुन्दर कुकुरहरुको तस्वीर क्यामरामा कैद गर्न भ्याएका छन् । फोटोग्राफ फ्रान भेलले खिचेका यी कुकुरका तस्वीर निकै रोचक लाग्छन् ।

नायिका दिपिका पादुकोण यो बर्ष सर्बाधिक व्यस्त छिन् । उनले अभिनय गरेका विभिन्न ५ सिनेमा प्रदर्शनका लागि तयार छन् । यसैले पनि अहिले दिपिकाको समय लिनका लागि ठुलै कसरत गर्नुपर्छ । यसैबिच नायिका पादुकोणले रणबिर कपुरलाई समय दिएपछि रणबिर सिंहलाई पर्नु चिन्ता परेको छ । चलचित्र ‘रामलिला’ को छायांकनका लागि दिपिका जोधपुरमा व्यस्त थिइन् । तर रणबिर कपुरसँग अभिनय गरेको ‘ए जवानी हे दिवानी’ मा समावेश एक गीतको छायांकनका लागि उनलाई काश्मिर जानुपरेको थियो । दिपिका रणबिर कपुरसँग गीतको छायांकनका लागि काश्मिर लागेपछि रणबिर एक्लै काम गरिरहेका छन् ।रणबिर कपुरसँग दिपिका काश्मिरमा रोमान्स गर्न थालेपछि रणबिर सिंहलाई हैरानी भएको छ । दिपिका काश्मिरको छायांकन सके लगतै पुन जोधपुर जाने तयारीमा छिन् ।

नेपाली सिनेमा क्षेत्रमा जोडी कलाकारको चर्चा लामो समयदेखि हँुदै आएको छ । नायक राजेश हमाल र नायिका करिश्मा मानन्धरको जोडीलाई अहिलेसम्मकै सफल जोडीको रुपमा चिनिन्छ । कुनै समय नायक हमाल र नायिका मानन्धरले साथमा अभिनय गरेका सिनेमा हेर्न दर्शक हलसम्म ओइरिन्थे । तर पछिल्लो समयमा भने हमाल र मानन्धरले खासै चलचित्रको पर्दामा देखिएका छैनन् ।यसपछि नायक श्रीकृष्ण श्रेष्ठ र सारंगा श्रेष्ठ तथा भुवन केसी र तृप्ति नाडकरको जोडी सफल मानिएको थियो । तर पछिल्ला समयमा आएका नायक तथा नायिकाको जोडी भने त्यति सफल भएको छैन ।
केही बर्षयता सबैभन्दा धेरै सिनेमा खेल्ने जोडीको रुपमा पर्छन् सुमन सिंह र झरना थापा । झरना र सुमनले दर्जन बढी चलचित्रमा अभिनय गरिसकेका छन् । तर यि दुईले अभिनय गरेको अधिकांश सिनेमा असफल भएका छन् । झरना र सुमन अभिनित चलचित्र ‘शान’ हाल काठमाडौंका हलमा प्रदर्शन भैरहेको छ । तर चलचित्र प्रदर्शनमा आए/नआएको जानकारी दर्शकलाई समेत छैन । यसअघि यि दुईले अभिनय गरेको ‘ओम’, ‘स्वाभिमान’, ‘राज्य’ लगायतका सिनेमा पनि असफल भएका थिए ।
काठमाडौं लगायतका देशभरका हलमा प्रदर्शनमा आएका अधिकांश सिनेमामा झरना र सुमनको जोडी झल्किएको छ । तर यि दुईले अभिनय गरेको अधिकांश सिनेमाले पानी पनि भन्न नसकेको अवस्था छ ।
नायक राजेश हमाल र करिश्मा मानन्धर पछिको कुनै पनि कलाकारको जोडी सफल सर्वाधिक मानिएको छैन । यसमा सबैभन्दा असफल जोडीको रुपमा झरना र सुमन रहेको पाइन्छ । तर पनि यो जोडीले सँगै काम गर्न छोडेको भने छैन ।

गायिका किम्बरली सधै नै आधुनिक र सेक्सी पहिरनमा देखिन्छिन् । एक कार्यक्रममा रातो गाउनमा प्रस्तुत भएकी यि गायिकाको चर्तिकला हेर्नलायक नै थियो ।ब्रा नै नपहिरिकन कार्यक्रममा प्रस्तुत भएकी किम्बरलीले आफ्नो बक्षस्थल सबै सामु देखिएको पत्तो नै पाइनन् । राष्ट्रिय टेलिभिजन अवार्ड कार्यक्रममा ३१ बषिर्य यि गायिकाको प्रस्तुती भन्दा चर्चित उनको पहिरन बन्न पुग्यो ।

महाधिवेशनले उत्तराधिकारी जन्माउनुपर्छ : पौडेल

रमेशकुमरा पौडेल, हेटौंडा, माघ २२- एकीकृत माओवादीका अध्यक्ष पुष्पकमल दहालले महाधिवेशनको बन्दसत्रमा पेस गरेको राजनीतिक प्रतिवेदनमाथि तीन जनाले फरक मत दर्ता गराएका छन्। माओवादी नेता गोपाल किराती, लेखराज भट्ट र राम कार्कीले फरक मत दर्ता गराएका हुन्। शनिबारदेखि हेटौंडामा सुरु भएको महाधिवेशनको बन्दसत्र आइतबार साँझबाट मात्रै सुरु भएको थियो।

बन्द सत्रमा अध्यक्ष दाहालले नेपाली क्रान्तिको नयाँ शस्लेषण एक ऐतिहासिक आवश्यकता नामक राजनीतिक प्रतिवेदन पेस गरेका छन्। उनको सो प्रतिवेदनमाथि फरक मत राख्दै नेता गोपाल किरातीले 'राज्य कम्युनिष्ट पार्टी निर्माणको सांगठानिक कार्य दिशाबारे' प्रतिवेदन दर्ता गराएको माओवादी प्रवक्ता अग्नी सापकोटाले बताए।

त्यस्तै राम कार्कीले सशक्त जनआन्दोलनको आवश्यकतासहितको संक्षिप्त टिप्पणी दर्ता गराएका छन् भने लेखराज भट्टले खसान राज्य निर्माणको आवश्यकता औंलाउँदै छलफलका लागि मत दर्ता गराएका छन्। तर फरक मत राख्‍ने तीनजना नेताले अध्यक्ष दहालको प्रतिवेदनको मुख्य मर्ममाथि कुनै असहमति नराखेको प्रवक्ता सापकोटाले बताए।

बन्दसत्रमा सोमबार बिहान प्रतिनिधिहरुको समूह निर्माण गर्ने काम सकिएको छ र प्रस्तुत प्रतिवेदनमा छलफल सुरु हुने भएको छ। तीन हजार प्रतिनिधि र पाँच सय पर्यवेक्षकका ६१ वटा समूह निर्माण भएका छन्। समूहमा ५० देखि ६५ जनासम्म छन्। समूह छलफल सकेर मंगलबारबाट प्रस्तुती सुरु हुने छ। बुधबार विधान प्रतिवेदन पारित हुनेछ।

अधिवेशनमा स्वनाम साथीले विधान मस्यौदा पेस गरेका छन्। विधान प्रतिवेदन पारित भएलगत्तै निर्वाचन प्रकृया सुरु हुनेछ। माओवादीको महाधिवेशन माघ २५ गते सम्पन्न हुने कार्यक्रम छ।

मनोज अधिकारी, पोखरा, माघ २२ - पर्यटकीय फेवातालबीचको तालबाराही मन्दिर ढल्ने अवस्थामा पुगेको छ। टापुको दक्षिण-पश्चिम कुनाको पर्खाल चर्किएर ढल्नै लागेपछि मन्दिर खतरामा परेको हो। मन्दिर संरक्षण समितिका उपाध्यक्ष मित्रलाल पहारीले तत्काल पर्खाल मर्मत नगरे जुनसुकै बेला मन्दिर ढल्ने अवस्था रहेको बताए। पर्खाल जोगाउन उपत्यका नगरविकास समितिको प्राविधिक सल्लाहबमोजिम समितिले जिल्ला प्रशासन कार्यालयमा दुई साताअघि मर्मतसम्बन्धी प्रस्ताव पेस गरेको छ। तालको पानी कम्तीमा ६ फिट (दुई मिटर) घटाई आरसिसी ढलान गरी पर्खाल जोगाएर मन्दिर ढल्नबाट बचाउन प्रस्ताव गरिएको ताल संरक्षण समितिका उपाध्यक्ष पहारीले बताए।
विश्व सम्पदा सूचीमा सूचीकृत गर्ने पहलसमेत गरिएको यो मन्दिर रहेको टापुको क्षेत्रफल तीन रोपनीभन्दा बढी छ। २०३९ सालमा मन्दिरको जिर्णोद्धारसँगै यसको क्षेत्रफल बढाउन तालमा पर्खाल लगाइएको थियो। त्यसयता मन्दिर र पर्खालको मर्मत गरिएको छैन।
तालबाराही मन्दिरको खतरापूर्ण अवस्थालाई लिएर आइतबार जिल्ला प्रशासन कार्यालय कास्कीमा सरोकारवालाको बैठक बसेको थियो। बैठकले मन्दिर संरक्षणका लागि उपाय खोजी गर्न तत्काल एक अध्ययन समिति गठन गरेको छ। क्षेत्रीय सिँचाइ डिभिजन कार्यालय स्याङ्जाका प्रमुख डिभिजन इन्जिनियर रामप्रसाद अर्यालको संयोजकत्वमा गठित ९ सदस्यीय समितिले तालको पानी नखोली मर्मत गर्न सकिने प्रविधिको खोजी गर्नेछ। मर्मत लागत अनुमान गर्ने जिम्मेवारी पनि सोही समितिले पाएको छ।
कास्कीका प्रमुख जिल्ला अधिकारी यादवप्रसाद कोइरालाले पानी खोल्ने विकल्प खोजी गर्न समिति गठन गर्दै १५ दिनभित्र सुझाव पेस गर्न निर्देशन दिएका छन्। समितिमा कास्कीका जिल्ला प्राविधिक, क्षेत्रीय सिँचाइ निर्देशनालयका अधिकृत, सहरी विकास तथा भवन डिभिजनका अधिकृत, पोखरा उपमहानगरपालिका र जिविसका अधिकृत, पर्यटन बोर्डका अधिकृत लगायत सदस्य छन्।
तालबाराही मन्दिर संरक्षण समितिले मन्दिर ढल्ने अवस्थामा पुगेकाले मर्मतका लागि प्रस्तावसहित प्रशासनमा माघ ७ गते निवेदन दिएको थियो। पोखरा उपत्यका नगर विकास समितिको रायबमोजिम जीर्ण पर्खाल मर्मत गर्न पिँधबाटै आरसिसी ढलान गर्नुपर्ने प्रस्ताव गरिएको र त्यसका लागि पानी खोल्नुपर्ने मन्दिर संरक्षण समितिका उपाध्यक्ष पहारीले बताए।
फेवातालबाट आश्रित विभिन्न निकायले भने पानी खोलेर मन्दिर क्षेत्रको मर्मत गर्ने प्रस्तावको विरोध गरेका छन्। उनीहरुले आधुनिक प्रविधिमार्फत तालमा आश्रित कुनै पक्षलाई असर नपर्ने गरी मर्मत गर्न सुझाव दिएका छन्। फेवातालमा सयौं ढुंगा व्यवसायी र स्थानीय माझी समुदाय आश्रित छन्। यसबाहेक बिरौटा फाँटको सिँचाइको स्रोत फेवातालको पानी हो। तालबाट लगिएको नहरको पानीबाट फेवा पावर हाउसमार्फत एक मेगावाट बिजुली उत्पादन हुँदै आएको छ।
सरोकारवालाले तालको पानी दुई मिटर घटाउँदा यसको सुन्दरता घट्ने, वातावरणीय प्रभाव देखिने, मत्स्य अनुसन्धान केन्द्र तथा व्यावसायिक मत्स्यपालनमा खतरा उत्पन्न हुने, बिरौटा फाँटको सिँचाइमा ठूलो असर पर्ने, पर्यटन व्यवसायमा नकारात्मक असर ल्याउने लगायत समस्या देखाएका छन्।
मन्दिरको अस्तित्व जोगाउन समितिले आन्तरिक स्रोतबाट करिब ४२ लाख रुपैयाँ खर्च गर्ने तयारी गरेको छ। यसको लागत त्योभन्दा बढी लाग्ने भए बाह्य स्रोतको खोजी गर्नुपर्ने उपाध्यक्ष पहारीले बताए। दैनिक सयौं स्वदेशी-विदेशी पर्यटकले अवलोकन तथा दर्शन गर्ने मन्दिरमा चढेको भेटी संरक्षण समितिको नभई पुजारीको हुन्छ। मन्दिर परिसरमा राखेको दानपत्रको रकममात्रै समितिको आम्दानी हुने पहारीले बताए। उनका अनुसार मन्दिरका दानपत्रमा संकलित हुने औसत मासिक आम्दानी ३० देखि ३५ हजार रुपैयाँमात्रै छ।
प्रजिअ कोइरालाले तालसँग सम्बन्धित सरोकारवाला सबैका कुरा सुनेपछि पहिलो प्राथमिकता उचित प्रविधिको खोजीका लागि दिएका हुन्। उनले पानीलाई घेरेर मर्मत गर्न सक्ने प्रविधि फेला नपरेमात्र बाँध खोलेरै भए पनि मन्दिर जोगाइने बताए।
'सकभर विकल्पका रुपमा प्रविधि प्रयोग गरी कसैलाई असर नपारी मन्दिर संरक्षण गर्न प्राविधिक अध्ययन समिति गठन गरेका हौं,' कोइरालाले नागरिकसँग भने, 'तालको पानी दुई मिटर खोल्दा धेरैलाई असर पर्ने रहेछ। उचित प्रविधि फेला परेन भने पानी खोल्नुको विकल्प पनि हुँदैन।'
तालको दुई मिटर पानी खोल्ने हो भने त्यति नै पानी भरिन ९० देखि १ सय ५ दिन लाग्ने प्राविधिकको अनुमान छ। उपत्यका नगरविकास समितिका इन्जिनियर भुवनेश्वर तिमल्सिनाले पानी नखोली मर्मत गर्ने प्रविधि रहे पनि यो खर्चिलो हुने बताए।
'ठूलो पाइप गाडेर त्यसभित्रको पानी निकाल्दै त्यसमा सिमेन्ट हालेर संरक्षणको काम गर्न सकिन्छ,' उनले भने, 'पानी घटाएर गर्ने कामभन्दा यो अलि खर्चिलो हुन्छ।'

सारा संसार भरि महिला हक र अधिकारका नारा, बहस र छलफल चलिरहेको बेला हाम्रै एशियाली मुलुक अफ्गानिस्तानमा यस्तो कानुन बनेको छ जसले महिलालाई पशु समान ठानेको छ । विश्वभरिका स्वाभिमानी मानिसहरुकालागि लज्जित बनाएको छ । आफ्नो लोग्ने सेक्सको मामिलामा श्रीमतीसित सन्तुष्ट नभए उसलाई भोकै राख्न पाइनेछ ।

बेलायतबाट प्रकाशित द गार्डियन दैनिकले एउटा रिपोर्ट सार्वजनिक गरेको छ । रिपोर्टमा अफ्गानिस्तानको संसदले त्यस्तो कानुन बनाएर संसदबाट पास गर्ने अन्तिम तयारिमा रहेको जनाएको छ । यो कानुन पहिलेपनि ल्याइएको रहेछ । तर सारा विश्वभरि त्यसको तिब्र बिरोध भएपछि राष्ट्रपती हमिद कारजाईले त्यो कानुन पास नगराउने बताएका रहेछन् । तर अन्ततस् उक्त कानुन फेरि पास गर्न अन्तिम तयारि भैरहेको गार्डियनको रिपोर्टमा उल्लेख छ ।

त्यति मात्रै काहाँ हो र अब बन्न लागेको नयाँ कानुनले वालवालिकाको अभिभावकत्वको अधिकार पनि बाबु र हजुरबाबुमा रहने तर आमामा नरहने बनाएको छ । आफ्नै वालवालिकाको अभिभावकत्वकोलागि पनि अब आमाहरुले लोग्नेसित अनुमती लिनुपर्ने छ ।

अमेरिकाको एउटा मानव अधिकार अनुगमन गर्ने सस्थाले त त्यो कानुनलाई ‘बलात्कारीहरुलाई उसले बलात्कार गर्दा बगेको रगतकै मूल्य मात्रै तिरेर उम्कन सजिलो बनाइदिएको’ भन्ने टिप्पणी गरेको छ । पहिलेपनि अफ्गानिस्तानमा विवाहित महिलामाथि बलात्कार गर्न पाइने कानुन बनाइएको थियो । त्यति बेला विश्वभरि चर्को बिरोध र प्रदर्शनी भएका थिए ।

त्यहि कानुनको बिरोध गर्न गत अप्रिल महिनामा आयोजित एक अन्तर्राष्ट्रिय र्‍यालीमा बेलायतका प्रधानमन्त्री गोर्डन ब्राउन र अमेरिकी राष्ट्रपती बाराक ओबामा समेत सामेल भएका थिए । तर उनीहरुको बिरोधकोपनि केहि लागेन ।

पहिले तिब्र बिरोध भएपनि भाषामा मात्रै केहि सुधार गरेर महिला बिरोधी अहिले फेरि पुरानै कानुन जस्ताको त्यस्तै ल्याइएको इस्लामिक महिला अधिकारवादी र राष्ट्रिय तथा अन्तर्राष्ट्रिय मानव अधिकारवादीहरुले बताएका छन् । अहिले पास गर्न लागेको कानुन कतिसम्म महिला बिरोधी छ भने त्यसमा स्पष्ठसँग लेखिएको छ “आफ्नो लोग्नेको उचित सेक्स सन्तुष्टिकालागि श्रीमती तयार हुनुपर्छ ।

विशेष परिस्थितिम बाहेक श्रीमतीलाई घर बाहिर निस्कने अधिकार हुने छैन लोग्नेको अनुमती बाहेक । माथिका कुरा पालना नगरिएमा श्रीमती लोग्नेप्रति अनाज्ञाकारी ठरिने छ”। अहिले यो कानुनका बिरुद्दमा निकै बहस र छलफल चलिरहेको छ । विश्वभरिका अधिकारवादीहरुले यो कानुन कुनैपनि हालतमा पास हुन दिन नहुने भन्दै चर्को बिरोध गरिरहेका छन् ।