मुम्बई (एजेन्सी)-, माघ २३ - जिरो फिगर नायिका करिना कपुरले सैफ अली खानसँगको लामो प्रेम सम्बन्धलाई केही अघि मात्रै बिहेमा परिणत गरेकी हुन् । बिहेपछि अपेक्षित बढेको पेट र मोटाएको शरीरलाई पहिलो पटक क्यामेरामा कैद गर्न आतुर पापाराजीलाई उनका बारेमा पछिल्लो समय आएको समाचारले हैरान पारेको छ । कारण, उनी करन जौहरको आगामी फिल्म 'गोरी तेरे प्यार में' का लागि झन् स्लिम बन्ने भएकी छन् । इमरान खानको अपोजिटमा देखिन लागेकी करिनालाई 'स्टुडेन्ट अफ द इयर' निर्देशक जौहरले बिहेपछि पनि पत्याएका हुन् ।
प्रायः बलिउड नायिकाहरू बिहेपछि फिल्म नपाएको इतिहासलाई करिनाले भने दोहोर्‍याएकी छैनन् । इमरानसँगको उनको जोडी यसअघि 'एक मे और एक तू' मा पनि देखिइसकेको छ । मार्चदेखि फ्लोरमा जाने तरखरमा रहेको फिल्ममा करिनाले पाँच गीतमा जमेर नाच्नुपर्ने छ । 'त्यस्तो चरित्रमा म अलि फजुल लाग्न सक्छु होला तर म आफ्नो उपस्थितीलाई विल्कुलै फरक पार्नेछु,' फिल्मको पात्रका बारेमा करिनाले भनिन्, 'किनकि मेरो डान्स नम्बरका लागि पनि त्यस्तो लुक्स हुनु जरुरी छ ।' यसका लागि इमरान-करिनाले फिल्म सुरु हुनुभन्दा १८/२० अगावै डान्सको रिहर्सल गर्नेछन् ।
'यति बेला मैले विभिन्न योगासन पनि सिकिरहेकी छु । दुईटा त सकें पनि । एकदमै अनौठो महसुस भइरहेको छ,' उनले भनिन् । जिरो फिगर मेन्टेन गर्ने नायिकामा गनेचुने पनि करिनालाई सलमान खानको पछिल्लो फिल्म 'दबंग २' को 'फेबिकोल' आइटम डान्समा भने केही मोटी देखिएकोमा आलोचना समेत भएको थियो । 'त्यो गीतलाई त्यस्तै चाहिन्थ्यो,' करिनाको तर्क आफ्नै छ, 'त्यसमा 'हिरोइन' को जस्तो 'हल्कट जवानी' चाहिन्थेन किनकि 'फेभिकोल' देशी नम्बर हो । पातली देखिएर कामै थिएन ।'

कुवेत, माघ २३ - राहदानीमा आफ्नो हस्ताक्षर गर्न समेत नजान्ने सिन्धुपाल्चोककी निमा डोल्मो तामाङको भर्खरै बनेको एमआरपी कपी अल-जहारास्थित जेनाव हसन अफिसमा आइपुगेको छ । ४६ वर्षीया निमा कुनै एजेन्टमार्फत हाउसमेड कामका निम्ति कुवेत भित्रिने सुरसारमा छिन् । त्यसैले कुवेती मालिकको घरमा काम गर्न छनोटमा परिएला कि भन्ने आसमा उनले पासपोर्टको कपी पठाएकी हुन् ।
अल-जहाराको एउटै बिल्डिङमा रहेका दर्जनभन्दा बढी हाउसमेड अफिसमा निमाजस्तै सयौं नेपाली महिलाको पासपोर्ट कपी वेटिङमा छ । कुवेती घर मालिकले त्यो पासपोर्ट हेरेर आफूले खोजे अनुसारको खद्दामा (घरेलु कामदार) को उमेर, अनुभव र अरू विवरणमा चित्त बुझाए मात्रै मालिकबाट भिसाको काम सुरु हुन्छ ।
मन परेकी केटीको मोलतोलसँगै थोरै 'बैना रकम' पनि अफिसमा बुझाइएको हुन्छ । र, केही महिनामा केटी आएपछि हुने छिनोफानोमा स्पोन्सर -अरबी मालिक)ले त्यो कामदार महिलाको अन्तिम मूल्य तोक्ने गर्दछ । 'नेपाली केटीका लागि हामीले औसतमा ५५० कुवेती दिनार (केडी) मूल्य पाउने गरेका छौं,' हाउसमेड अफिस सञ्चालन गरेर बसेका म्यानपावर व्यवसायी बमबहादुर पुलामीले सुनाए, 'दुई वर्षका लागि हामीलाई स्पोन्सरले तिर्ने यो मूल्यबाहेक त्यो केटीलाई पहिलोपटक खाडी आएको भए मासिक ६० केडी र अनुभवी भए ७० केडी तलब दिइन्छ ।'
हाउसमेडको मूल्य कति भन्ने कुरा पासपोर्टमा केटी छनोट भएपछि भिसा-प्रोसेस गर्दा नै छिनोफानो हुन्छ । कसैले भने केही बैनासमेत दिएका हुन्छन् । तर कसैले केटी नेपाल वा सम्बद्ध अन्य मुलुकबाट आएपछि र 'नापजाँचपछि मात्र मोल दिने' भन्ने गरेका छन् । कुवेतभूमीमा एउटी नेपाली युवतीको 'भाउ' यही ५५० केडी (१ लाख ६५ हजार रुपैयाँ) हुन्छ । औसतको कुरा गर्ने हो भने कुवेतमा पुगेका झन्डै ३५ हजार नेपाली महिला यही 'दुई वर्षे मूल्य'मा काममा खटाइएका छन् । यो लागत-रकम उठाउनैका लागि भए पनि घर मालिकले सक्दो काममा खटाउने गर्छन् ।
हाउसमेड अफिसकी अर्की कारिन्दा तारा पौडेलका अनुसार ४६ वर्षीया निमा जस्ता महिलाका लागि काम गर्ने घर पाउनै मुस्किल हुन्छ । एउटी महिलाले सहजै घरको काम पाउनुमा उसको दक्षता, भाषामा पकड, रूप र उमेर पनि प्रमुख आधार बन्छ । प्रति नेपाली युवतीबापत पाइने ५५० केडीमध्ये ४ सय केडी (१ लाख २० हजार रुपैयाँ) जति नेपालबाट केटी पठाउने एजेन्टलाई दिइन्छ ।
झन्डै ५० केडी (१५ हजार रुपैयाँ) कुवेतस्थित दूतावासमा कामदार माग स्वीकृति, बिमासहितमा खर्च हुन्छ भने बचेको एक सय केडी (३० हजार रुपैयाँ) कुवेतस्थित एजेन्टले लिन्छ ।
'हाम्रो हाउसमेड अफिसबाट पछिल्लो तीन वर्षमा ६ सय जति नेपाली महिला यता आए होलान्,' अल जहारास्थित एक अफिसकी सेक्रेटरी कमला खत्री भन्छिन्, 'यसका लागि नेपालमा हाम्रा ७ जना एजेन्ट र एजेन्सी छन् । सबै कागजी प्रक्रिया पूरा गरेर मात्रै हाउसमेड ल्याउँछौं ।' उनका अनुसार जनशक्ति इन्टरनेसनल -बसुन्धरा), युनाइटेड इन्टरनेसनल, मेरिगोल्ड इन्टरनेसल र तिनका एजेन्टमार्फत स्वीकृतिमा हाउसमेड ल्याइने गरेको छ ।
जेनब हसन अफिसमा काम गर्ने झापाकी सेक्रेटरी ऋतु घिमिरेका अनुसार कुवेतमा अहिले बंगलादेशी र इन्डोनेसियाली महिला कामदारमाथि प्रतिबन्ध छ । इथियोपियाली पनि रोजाइमा सबैभन्दा पछाडि नै छन् ।
'हाम्रोबाट महिनाको ४० जना जति नेपाली महिला यहाँ काममा आउँछन्,' उनले भनिन् । ऋतुका अनुसार कुवेतमा घरेलु काममा नेपाली महिलाको माग निराशाजनक भने होइन । कुवेती मालिकले दुईवर्षे कार्यअवधिको सर्तमा नेपालीलाई ५५० केडी औसतमा तिरेजस्तै श्रीलंकाली लाई ६८० र इथियोपियालीलाई २५० केडी तिर्ने गरेका छन् । काम, रूप र उमेरमा योग्य भएका फिलिपिनो कामदारका लागि भने बढीमा ९ सय केडीसम्म तिर्ने गरेका छन् । फिलिपिनो हाउसमेडले औसतमा मासिक १२० केडी -३६ हजार रुपैयाँ) तलब पाउने गरेका छन् ।
एजेन्टको चक्कर
नेपाल-कुवेत म्यानपावर एसोसिएसन संस्थापक अध्यक्ष बमबहादुर पुलामीका अनुसार अहिले निश्चित प्रावधान र सर्तमा बाँधिएर ६० वटा एजेन्सी नेपाली दूतावासमा दर्ता छन् । नियममा एउटा एजेन्सी/एजेन्टले सातामा १० जनासम्म मात्र हाउसमेड ल्याउन पाउँछन् । यो हिसाबमा महिनामा २४ सय नेपाली महिला कामदार कुवेतमा भित्रने अवस्था छ । तर सेवासर्तको कडाइ र हालै वैदेशिक रोजगार विभागले अपनाएको ३० वर्षे उमेर हदबन्दीका कारण गत जनवरीमा ८ सय ६० महिला कामदार मात्र कुवेत भित्रिएका छन् ।
पुलामीका अनुसार दर्ता नभएका एजेन्सी र एजेन्ट पनि उत्तिकै हुन सक्छन् । 'हामीलाई नेपालका झोले एजेन्टहरूले बदनाम गराएका छन् । हामीले यता गल्ती गर्‍यौं भने दूतावासले समातिहाल्छ तर नेपालका झोले एजेन्टलाई समात्ने कोही छैन,' पुलामीको गुनासो एजेन्टहरूमाथि नै छ । भारत घर र नेपाल सुसुराली भएका अर्का एजेन्ट अब्दुल सत्तार पनि सन् २००४ देखि हाउसमेड बिजिनेसमै छन् । अहिलेसम्ममा ४ हजारभन्दा बढी नेपाली महिला कुवेत ल्याइसकेका अब्दुलका नेपालस्थित एजेन्ट पनि थुप्रै छन् । तीमध्ये राजु शर्मा, तुलबहादुर र श्यामको नाम उनी सम्भिmन्छन् । उनका अनुसार सबै एजेन्टको नाम सम्झीसाध्य पनि छैन । कुवेतस्थित एजेन्ट अब्दुललाई नेपालस्थित एजेन्टको सक्कली र सही नाम पनि उति थाहा छैन । र, यो थाहा पाइराख्नु त्यति जरुरी पनि छैन ।
फरवानियास्थित अल-जहारा मुहम्मद म्यानपावर रिक्रुटमेन्टकी सेक्रेटरी रसुवाकी दावा डिक्की पनि आफ्नो 'एजेन्ट' कामबाट सन्तुष्ट छिन् । आफ्नो गोरो अनुहार मात्रै देखिने गरि बुर्कामा सजिने गरेकी डिक्कीका अनुसार उनको अफिसले नेपालीसहित फिलिपिनो, इथियोपियाली, श्रीलंकाली हाउसमेडको माग ल्याउने गरेको रहेछ । उनका अनुसार काठमाडौंको अग्नि ओभरसिजमा काम गर्ने काका बारकेप तामाङले गाउँघरमा हाउसमेड खोज्ने एजेन्टको काम गर्ने रहेछन् ।
जेनाव हसन अफिसकी सेक्रेटरी ऋतु घिमिरे र सीता दाहाल आफूलाई अरूहरूले 'एजेन्ट' भनेर चिन्ने गरेकामा चित्त नबुझेको बताउँछन् । 'नेपाली समाजमा एजेन्ट, दलाल, दले भनेर हेप्दा त झनै दुःख लाग्छ । हामी कुवेत सरकारले दिएको अधिकारबमोजिम नेपाली दूतावासमा दर्ता भएर यो व्यवसाय चलाइरहेका छौं,' उनीहरूको गुनासो छ, 'तैपनि हामीलाई कनि दले भनिने गरिएको हो ।'
फरवानिया, अल-जहारामा जस्तै हवाली, जलिवमा पनि दर्जनौं हाउसमेड अफिस र तिनका एजेन्टहरू दिनहुँ विभिन्न देशका चेलीबेटी प्रदर्शन, मोलमोलाइ र रोजगारी गन्तव्यको घर पहिल्याउने काममा खटिएका भेटिन्छन् ।
भिसा- २० हाउस-बोइ, हाउसमेडमा काम गर्नेहरूको सूची 'भिसा-२०' मा पर्छ । भिसा-१८ भने कम्पनी र थोरै व्यवस्थित/मर्यादित रोजगारीमा दरिएको छ । भिसा-२० लाई सुरक्षित र व्यवस्थित बनाउन फिलिपिन्स, श्रीलंकासहितले दुई देशबीचमा एजेन्सी एगि्रमेन्ट गरेको भए पनि नेपाल भने पुरानै शैलीमा चलिरहेको छ ।
त्यसमाथि नेपालबाट खाडीमा महिला पठाउने एजेन्टहरू अधिकांश नातागोताका आफन्त छन् जसबारे पीडक र पीडित दुवैले खुलेर भन्न चाहँदैनन् । दूतावासको सेल्टरमा १० महिनादेखि आश्रति सिन्धुपाल्चोककी तारा नेपालीलाई उनका माइला बुवा भीमबहादुरले कुवेत पठाएका हुन् भने बुटवलकी ममता मानन्धरलाई आफ्नै बुवाका साथी मीनबहादुरले ।
चितवनकी मनु सापकोटालाई कुवेतमा रहेका उनका सानोबुवाको सिफारिसमा एक एजेन्टले खाडी पठाएका हुन् भने रसुवाकी निमा डिक्की घलेलाई उनकै काकाको छोरा छेचु घलेले । सिन्धुपाल्चोककी पेम्बी तामाङलाई उनकै फुपू ठूली कान्छीले र सेल्टरमा शरणागत नीता धिमाललाई उनकै ठूलोबाबुकी छोरी सुनीता धिमालले खाडी धकेलेकी हुन् । यी सबै धकेलिएका महिलाहरू यतिखेर घर र्फकने दिनको प्रतीक्षामा नेपाली दूतावासको आश्रयमा छन् ।
खाडीमा प्रचलित अर्को पद्धति 'काफला' -स्पोन्सरसिप कानुन)ले पनि रोजगारीको स्थिति निकै भिन्न छ । घरेलु काममा गएकी महिलालाई एजेन्सी वा एजेन्टले १ सय दिन (काफला अवधि) को मात्रै ग्यारेन्टी लिन सक्छ । त्यो अवधिमा केटी मेडिकल फेल भएमा, गर्भवती देखिएमा वा काम गर्न नसक्ने पाइए हाउसमेड अफिसमा फिर्ता लैजानुपर्ने हुन्छ । र, त्यो पुरानो मालिकले केटीबापत बेहोरेको रकम (५५० केडी) फिर्ता दिनुपर्ने हुन्छ ।
त्यसपछि त्यो केटी अर्को मालिकको घरमा काममा त्यसरी नै पठाइन्छ । कुवेती कानुनमा 'भिसा-२०' लाई कुवेती श्रम अदालतले समेत सम्बोधन नगर्ने भएकाले आन्तरिक मामला मन्त्रालयअन्तर्गतको 'ओमला मन्जलिया' (अदालतजस्तै) मा सुनुवाइमा लैजानुपर्ने हुन्छ । यो प्रक्रिया आफैंमा झन्झटिलो छ ।  के-कति घन्टा काम गर्ने भनेर हदबन्दी नतोकिएको र साप्ताहिक छुट्टी समेत नपाइने घरेलु कामदार मालिकको बुहार्तन खेप्न नसकेर औसतमा दैनिक तीन जना दूतावासको शरणमा आउने गरेका छन् । अहिले दूतावासको आश्रयमा रहेका १४० महिलामध्ये धेरैले शारीरिक र मानसिक सास्ती बेहोरेका छन् । केही वर्षौंदेखि तलब-सुविधाबिनै काम गर्दै जिउज्यानको मायाले भगौडा बनेकाहरू समेत छन् ।
'घरेलु काममा नानाभाँतीका बिचल्ली बेहोर्दै दूतावास आएका महिलाहरूको स्थिति हेर्दा अविवाहितहरू रहरले र विवाहितहरू बाध्यताले खाडी आएका देखिन्छन्,' सेल्टर व्यवस्थापनमा जुटेका दूतावासका कर्मचारी मित्र सिंजाली भन्छन्, 'यी महिलामध्ये अधिकांश आफ्नो गाउँघरदेखि पारिवारिक, सामाजिक र जातीय हिंसामा परेर यता आएका छन् । तर दुर्भाग्य, यता आएपछिको स्थिति झन् तावाबाट उम्केर भुङ्ग्रोमा परेजस्तो छ ।'

अबोटाबाद । अमेरिकालाई हायलकायल पारेर अन्तिममा अमेरिकी सैनिककै हातबाट ज्यान गुमाउन पुगेका अल कायदा संस्थापक ओसामा बिन लादेन मारिएको स्थानमा मनोरञ्जन पार्क बनाइने भएको छ ।
पाकिस्तानको अबोटाबाद शहरमा रहेको एक घरमा अमेरिकी सेनाले उनलाई सन् २०११ मे २ तारिख सवेरै गोली हानी हत्या गरेको थियो ।
त्यसयता बिश्वले अवोटाबाद शहरलाई लादेनसँग जोडेर चिन्दै आएको छ । त्यही छाप बदल्न त्यहाँ मनोरञ्जन थिम पार्क बनाउन लागिएको अन्तराष्ट्रिय संचारमाध्यमहरुले जनाएका छन् ।
समाचार संस्था एएफपीका अनुसार अवोटाबादमा ३ करोड अमेरिकी डलरको लगानीमा बनाउन लागिएको पार्कमा गल्फ कोर्स, झरना, प्याराग्लाईडिङ, रक क्लाइम्बिङ, जगिङ ट्रयाक र चिडियाखानासमेत हुनेछ । सुरुमा ५० एकड जमिनमा बनाइने यो पार्क पछि ५ सय एकडसम्म फैलनसक्ने र करिव ५ करोड अमेरिकी डलरसम्म खर्च हुनसक्ने खैवर पख्तुनख्वहा प्रान्तका उपपर्यटनमन्त्री जैमलुद्दिन खानले बताए । यो परियोजना सक्न ५ बर्षसम्म लाग्नेछ ।
अबोटाबादमा बनाउन लागिएको यो पर्यटकीय मनोरञ्जन पार्कको ओसामा बिन लादेनसँग कुनै साइनो सम्बन्ध नभएको सो प्रान्तका पर्यटनमन्त्री साइदा क्वील खानले दावी गरे । समुद्र सतहबाट करिव ४ हजार फिटको उचाईमा रहेको र चिसो हावापानी भएकाले पर्यटकीय दृष्टिले उत्तम मानिने अबोटाबाद प्रर्बद्धनका लागि पार्क बनाउन लागिएको अधिकारीहरुको दावी छ ।
लादने मारिएकै घरलाई समेटेर पार्क बनाउन लागिएको भने हैन् । उनी मारिएको घरमा सरकारी आवास बनाउन लागिएको बीबीसीले जनाएको छ ।

'फोर जी' को वाइम्याक्स सेवा सबै गाविसमा पुर्याईने

एक दम्पतीले महिनामा कतिपटक यौनसम्पर्क राख्लान् ? यसको उत्तर निक्र्योल गर्न कठिन छ । सबैका हकमा एउटै उत्तर आउँछ भन्ने छैन । अमेरिकामा हालै गरिएको एक अध्ययनले भने दम्पतीबीच बाँडफाँड गरिएको घरायसी कामको परिमाणमा यसको उत्तर भर पर्ने उल्लेख गरेको छ ।
अमेरिकी सोसियोलोजिकल रिब्यु जर्नलमा छापिएको उक्त शोधले कामका आधारमा दम्पतीले महिनाभरि गर्ने यौनसम्बन्ध निर्धारित हुने उल्लेख गरेको हो । शोधमा उल्लेख गरिएअनुसार स्त्री र पुरुषबीच पारम्परिक तरिकाले काम भाग लगाइएको छ भने त्यो थप सकारात्मक हो । शोधले घरका पारम्परिक काममा लाग्ने दम्पतीबीच बढी सेक्स हुने उल्लेख गरेको छ । यो शोध ४ हजार ५ सय दम्पतीबीच गरिएको हो । अध्ययनले के पनि प्रस्ट्याएको छ भने जुन घरमा पत्नी खाना पकाउने र घरायसी सरसफाइ अनि पुरुष कार बनाउने र घरमा आवश्यक अन्य सामग्री जोरजाम गर्नेजस्ता परम्परागत काममा लागेका हुन्छन्, उनीहरूबीच महिनामा औसत १ दशमलव ६ गुना बढी यौनसम्पर्क हुने
गरेको छ ।
त्यसो त अध्येताहरूले यो अध्ययनकै आधारमा पुरुषहरूलाई चेतावनी पनि दिएका छन् । उनीहरूको भनाइ छ, ‘पुरुषहरूले घरायसी कामबाट उम्कन अध्ययनजस्ता कुराहरूको बहाना नबनाउँदा हुन्छ । र, अध्ययनमा मात्र लागेर घरलाई बेवास्ता पनि नगर्दा हुन्छ । किनकि यसले दम्पतीबीच आपसी लडाइँ पनि बढ्न सक्ने देखिएको छ । उनीहरूबीच अन्तरंग पलहरू कम हुन थाल्छन् ।’ (एजेन्सी)

बाँके माघ २३- बाँके जिल्लाको महादेवपुरी गाविसका किशोरीहरु विद्यालय शिक्षकहरुबाट कक्षा कोठामै यौन दुर्व्यवहार सहन बाध्य रहेको पाइएको छ। शिक्षकले गृहकार्य नगरेको वा सोधेको प्रश्नको उत्तर दिन नसकेको निहुँमा उनीहरुमाथि यौन दुर्व्यवहारसमेत गर्ने गरेको छात्राहरुको गुनासो छ।
शिक्षकबाट पीडित महादेवपुरी गाविस-५ ढकेरीकी कक्षा-८ की १७ वर्षीया एक छात्राले शिक्षा हासिल गर्न विद्यालय पुगेका कक्षा ६ देखि १० सम्मका किशोरी विद्यार्थीहरु सबैभन्दा बढी यौन दुर्व्यवहारमा पर्ने गरेको बताउँदै शिक्षकले माया गरेको जस्तो गरेर शरीर सुम्सुम्याउने, अश्लील शब्दहरु प्रयोग गर्ने, भित्रl कपडाहरु तान्न खोज्ने प्रवृत्तिले कतिपय किशोरीले बीचमै पढाइ छाड्ने गरेको जनाइन्।
आफूलाई शिक्षा दिने शिक्षकबाट नै किशोरी छात्राहरु यसरी यौन दुर्व्यवहारको सिकार भइरहेका छन् भने अर्कोतर्फ महिनावारीको समयमा उनीहरुले पढाइ नै छाड्नुपर्ने अवस्था छ। महिनावारी हुँदाको समयमा विद्यालयमा आफूहरुले अनेकौँ समस्या र असहजस्थिति भोग्न बाध्य हुने गरेको किशोरी विद्यार्र्थी टीका डाँगी र दुर्गा विक बताउँछन्।
किशोरीहरुको क्षेत्रमा काम गर्दै आएको सिविनले एक सर्वेक्षण गरेर किशोरीहरु शिक्षकबाटै दुर्व्यवहारको सिकार भएको तथ्याङ्क सार्वजनिक गरेको छ। सो संस्थाका रमा अर्यालका अनुसार यौन शिक्षाको अभावमा कतिपय किशोरीलाई आफूमाथि हुने गरेको व्यवहार यौन दुर्व्यवहार हो भन्ने नै ज्ञान नरहेको पनि पाइएको छ। रासस

नायिका रेखा थापा हाल अमेरिका भ्रमणमा छिन् । अमेरिकाका बिभिन्न स्थानमा भएका कार्यक्रममा सहभागीता जनाउँदै
आएकी रेखाले मलेशियामा हुन लागेको एक कार्यक्रमलाई भने बेवास्ता गरेको आयोजकले बताएको छ । यहि फेब्रुअरी १० तारिख देखि १३ तारिखसम्म मलेशियाका बिभिन्न स्थानमा हुन गईरहेको ‘रिमिक्स धमाका ५’ नामक साँगितिक कार्यक्रममा रेखाले पेश्की रकम लिएर पनि अन्तिम समयमा आएर उक्त कार्यक्रममा सहभागी हुन नसक्ने बताए पछि आयोजक तनावमा छ । आयोजक भन्छ- ‘उहाँकै लागि हामीले लाखौं रकम खर्चिसकेका छौं तर उहाँ हामीलाई नसोधि अमेरिका हिड्नु भएछ । अहिले हामीले सम्पर्क गर्दा आउन नसक्ने जानकारी दिनुभयो । rekha thapa latest filmउहाँको यो कस्तो प्रोफेसन हो ?’ यता नायिका थापाले भने फिल्मीखबरसँगको सम्पर्कमा आयोजकको व्यवहारले गर्दा कार्यक्रममा उपस्थित हुन नसकेको बताईन् । उनले भनिन्,’म कार्यक्रममा भाग लिन जान्छु भनिरहेको थिएँ तर आयोजकको तर्फबाट मलाई गाली सहितको धम्की आयो अनि मैले पेश्की रकम फिर्ता गर्छु भन्दै नजाने निर्णय गरेकी हुँ ।’ उनले बारम्बार थरीथरीका मान्छेलाई फोन गर्न लगाउँदै असभ्य भाषा प्रयोग गरेको भन्दै कार्यक्रममा सहभागी हुने आफ्नो तयारीलाई रोक्न परेको बताईन् । यता आयोजकले कलाकारले यसरी धोक दिंदा दर्शकमा नराम्रो छाप पर्न जाने भन्दै आगामी दिनमा यस किसिमको कार्यक्रम गर्ने उत्साह पनि नरहेको बताएको छ । आयोजकले रेखासँग २ लाख २० हजार रूपैंयामा एग्रिमेन्ट गरेर २० प्रतिशत रकम पेश्की स्वरूप दिएको बताएको छ । यता रेखा अमेरिकाबाट फेब्रुअरी २५ तारिखका दिन नेपाल आउने भएकी छिन् ।

३३ बषिर्य सुन्दर मोडल केली फरक फरक रंगका विकिनीमा निक्कै आकर्षक देखिएकी छिन् । मियामीमा गरिएको फोटोसुटका क्रममा केलीेले आफ्नो गुलाब जस्तो शरिरलाई प्रस्तुत गरेकी थिइन् ।क्यामेराको अघि विभिन्न खालका पोज दिदै केलीले आफ्नो आकर्षक शरिरलाई प्रस्तुत गरेकी हुन् ।

'भ्रष्ट' ठहरिएका कमान्डरसमेत बन्दशत्रमा

‘भ्रष्ट’ ठहरिएका कमान्डरसमेत बन्दशत्रमा
सागर आफ्नै विरोधमा बोले

राम्रो निन्द्राको लागि केही उपयोगी टिप्सहरु =तपाईं औषधी बिना राम्रो निन्द्रा सुत्न सक्नु हुन्छ । तल दिईएका केही कुराहरुलाई ध्यान दिनु भयो भने तपाईंलाई अबस्य फाईदा हुनेछ । १ सुत्नु अगाडि relax हुने कोशीस गर्नुस् । हल्का walk गर्नुस् अथवा newspaper पढ्नुस् । सके सम्म यस्तो काम गर्नुस् जसले तपाईंलाई तनाब दिदैन । २ आफ्नो कागजी काम वा आफ्नो काम सँग सम्बन्धित कार्यहरु सके सम्म साँझ तिरै सक्याउनुहोस् । ३ यो कुराको ध्यान राख्नुस् कि तपाईंको सुत्ने कोठामा धेरै हल्ला नहोस् , नसुनियोस । ४ यदी तपाईंको कोठामा धेरै हल्ला हुन्छ भने सके सम्म त्यसलाई हटाउने कोशीस गर्नुस् तर नसक्ने हो भने कानमा earplugs लगाउनुहोस् । ५ तपाईंलाई राम्रो निन्द्रा लाग्ने ठाउको बारेमा सोच्नुस् र आफु त्यही भएको कल्पना गर्नुस् । सकिन्छ भने आफ्नो कोठामा त्यो ठाउको माहोल बनाउने कोसिस गर्नुहोस् । ६ तपाईंले खाने गरेको औषधीलाई चेक गराउनुहोस् कही त्यो औषधिले तपाईंमानर्भस हुने तत्वको साईड effect त गराइराखेको छैन । ७ आफ्नो कोठाको ventilation खुल्ला राख्नुहोस् तर यो याद राख्नुहोस् कि कोठा धेरै चिसो नहोस् । ८ धेरै blankets को प्रयोग नगर्नुहोस् , धेरै कम पनि होइन । ९ आफ्नो खुट्टाहरुलाई Blanket ले धेरै टाइट हुने गरेर नछोप्नुहोस् , सके सम्म खुट्टाहरुलाई स्वतन्त्र छाडिदिनुहोस् । १० तपाईंको ओछ्यान धेरै नरम तथा लचिलो नहोस् । ११ तपाईंको उचाइ अनुसार तपाईंलाई बेडमा स्वतन्त्र सँग सुत्ने ठाउँ होस् यदी तपाईंको उचाइ ६ फीट छ भने सिङगल बेडमा नसुत्नुहोस् । १२ तपाईंको पाइजामा वा नाइट ड्रेस धेरै टाइट नहोस् लुज होस् , तपाईंलाई कन्फर्टेबल महसुस होस् । १३ आफु सुत्ने तकिया तपाईंलाई कस्तो मन पर्छ नरम वा कडा जुन तपाईंलाई सजिलो र राम्रो लाग्छ त्यही प्रयोग गर्नुहोस् । १४ तपाईंलाई सुत्दा खेरी हल्का लाईट मन पर्छ कि अध्यारो त्यो सुनिस्चित गर्नुहोस् । १५ एउटै समयमा ७ दिन सम्म उठ्ने कोशीस गर्नुहोस् । १६ आफ्नो निन्द्रा खुली सके पछि पनि ओछ्यानमै अल्छि गरी बसी नराख्नुहोस्। निन्द्रा खुली सके पछि आफ्नो नित्यकर्मा शुरु गर्ने थालनी गरी हाल्नुहोस् । १७ हरेक दिन हल्का शारिरिक ब्यायाम गर्नुहोस् आफुलाई हल्का थकाई महसुस नभईन्जेल सम्म । १८ चुरोट र रक्सी बन्द गर्नुहोस् आफुसुत्ने टाईम भन्दा २ घण्टा अगाडि देखी । १९ डिनर गरी सके पछि कफी वा सफ्ट ड्रिन्क नपिउनुहोस् । २० यदी तपाईंलाई सुत्नु अगाडि TV हेर्ने बानी छ भने कोठामा हल्का प्रकाश दिने बत्ती बलेको होस् र TV प्रोग्राम सके सम्म कमेडी खालको वा तपाईंको दिमागलाई तनाब नदिने खालको होस् । २१ तपाईंलाई सुत्नु अगाडि किताब पढ्ने बानी छ भने पनि कोठामा हल्का प्रकाश होस् र अली तार्किक बिषय भएकोकिताब पढ्ने गर्नुहोस् । २२ आफ्नो साथीहरु सँग साँझ तिर सके सम्म बहस नहोस् भन्ने तिर सतर्क हुनुहोस् , नत्र तपाईंलाई त्यो निन्द्राको लागि बिष जस्तै हुनेछ । २३ आफ्नो सुत्ने समय एउटै पार्ने कोशीस गर्नुहोस् । २४ डिनर गर्ने बेलामा धेरै नुनिलो खाना नखाने गर्नुहोस् । २५ सुत्नु भन्दा अगाडि एक गिलास मन तातो दुध पिउन नबिर्सिनुहोस् । यसले तपाईंलाई निन्द्रा लाग्नमा मद्घत गर्छ । २६ आफ्नो पति वा पत्नी लाई सोध्नुहोस् कि तपाईं कुन position मा गहिरो निन्द्रामा सुतेको थियो र सुत्दा खेरी त्यै position मा सुत्ने कोशीस गर्नुहोस् । २७ तपाईं ४ या ६ घण्टा मात्र सुत्ने गर्नुहोस् न कि ८ या त्यो भन्दा धेरै । २८ ३ मिनेट भन्दा धेरै समय खर्च नगर्नुहोस् तपाईंको दिनको प्रोब्लमको बारेमा सोच्न । २९ यदी तपाईं लाई एक्लै सुत्दा राम्रो निन्द्रा लाग्छ भने एक्लै नै सुत्ने ब्यबस्था मिलाउनुहोस् । ३० बेडमा जानु भन्दा अगाडि मन तातो पानीले नुहाउने गर्नुहोस् । ३१ नुहाउने पानीमा एक चम्चा baking Soda वा mustard powder हाल्दा राम्रो हुन्छ । ३२ सुत्नु भन्दा अगाडि खुट्टा राम्रो सँग धुने गर्नुहोस् । ३३ सुत्नु भन्दा अगाडि मधुर संगीत सुन्ने गर्नुहोस् । ३४ जब तपाईं बेडमा पल्तिनु हुन्छ आफ्नो जीवनको रमाइलो रमाईलो क्षणको कल्पना गर्नुहोस् । ३५ बेडमा पल्टि सके पछि आफ्नो शरिरकोहरेक मसलहरुलाई हल्का छाडी दिनुस् कतै कही अप्थ्यारो नहोस् । ३६ आफ्नो शरीर Relax भएको कल्पना गर्नुहोस् । ३७ गहिरो सास लिएर आफ्नो मन लाई concentrate गर्ने कोशीस गर्नुहोस्। ३८ यदी यि सबै प्रयास असफल भयो भने भेडाको बथानको कल्पना गरेर भेडा गन्ने कोशीस गर्नुस् । यो पनि एउटा राम्रो निन्द्राको औषधी प्रमाणित भएको छ ।तपाईं औषधी बिना राम्रो निन्द्रा सुत्न सक्नु हुन्छ । तल दिईएका केही कुराहरुलाई ध्यान दिनु भयो भने तपाईंलाई अबस्य फाईदा हुनेछ ।
१ सुत्नु अगाडि relax हुने कोशीस गर्नुस् । हल्का walk गर्नुस् अथवा newspaper पढ्नुस् । सके सम्म यस्तो काम गर्नुस् जसले तपाईंलाई तनाब दिदैन ।
२ आफ्नो कागजी काम वा आफ्नो काम सँग सम्बन्धित कार्यहरु सके सम्म साँझ तिरै सक्याउनुहोस् ।
३ यो कुराको ध्यान राख्नुस् कि तपाईंको सुत्ने कोठामा धेरै हल्ला नहोस् , नसुनियोस ।
४ यदी तपाईंको कोठामा धेरै हल्ला हुन्छ भने सके सम्म त्यसलाई हटाउने कोशीस गर्नुस् तर नसक्ने हो भने कानमा earplugs लगाउनुहोस् ।
५ तपाईंलाई राम्रो निन्द्रा लाग्ने ठाउको बारेमा सोच्नुस् र आफु त्यही भएको कल्पना गर्नुस् । सकिन्छ भने आफ्नो कोठामा त्यो ठाउको माहोल बनाउने कोसिस गर्नुहोस् ।
६ तपाईंले खाने गरेको औषधीलाई चेक गराउनुहोस् कही त्यो औषधिले तपाईंमानर्भस हुने तत्वको साईड effect त गराइराखेको छैन ।
७ आफ्नो कोठाको ventilation खुल्ला राख्नुहोस् तर यो याद राख्नुहोस् कि कोठा धेरै चिसो नहोस् ।
८ धेरै blankets को प्रयोग नगर्नुहोस् , धेरै कम पनि होइन ।
९ आफ्नो खुट्टाहरुलाई Blanket ले धेरै टाइट हुने गरेर नछोप्नुहोस् , सके सम्म खुट्टाहरुलाई स्वतन्त्र छाडिदिनुहोस् ।
१० तपाईंको ओछ्यान धेरै नरम तथा लचिलो नहोस् ।
११ तपाईंको उचाइ अनुसार तपाईंलाई बेडमा स्वतन्त्र सँग सुत्ने ठाउँ होस् यदी तपाईंको उचाइ ६ फीट छ भने सिङगल बेडमा नसुत्नुहोस् ।
१२ तपाईंको पाइजामा वा नाइट ड्रेस धेरै टाइट नहोस् लुज होस् , तपाईंलाई कन्फर्टेबल महसुस होस् ।
१३ आफु सुत्ने तकिया तपाईंलाई कस्तो मन पर्छ नरम वा कडा जुन तपाईंलाई सजिलो र राम्रो लाग्छ त्यही प्रयोग गर्नुहोस् ।
१४ तपाईंलाई सुत्दा खेरी हल्का लाईट मन पर्छ कि अध्यारो त्यो सुनिस्चित गर्नुहोस् ।
१५ एउटै समयमा ७ दिन सम्म उठ्ने कोशीस गर्नुहोस् ।
१६ आफ्नो निन्द्रा खुली सके पछि पनि ओछ्यानमै अल्छि गरी बसी नराख्नुहोस्। निन्द्रा खुली सके पछि आफ्नो नित्यकर्मा शुरु गर्ने थालनी गरी हाल्नुहोस् ।
१७ हरेक दिन हल्का शारिरिक ब्यायाम गर्नुहोस् आफुलाई हल्का थकाई महसुस नभईन्जेल सम्म ।
१८ चुरोट र रक्सी बन्द गर्नुहोस् आफुसुत्ने टाईम भन्दा २ घण्टा अगाडि देखी ।
१९ डिनर गरी सके पछि कफी वा सफ्ट ड्रिन्क नपिउनुहोस् ।
२० यदी तपाईंलाई सुत्नु अगाडि TV हेर्ने बानी छ भने कोठामा हल्का प्रकाश दिने बत्ती बलेको होस् र TV प्रोग्राम सके सम्म कमेडी खालको वा तपाईंको दिमागलाई तनाब नदिने खालको होस् ।
२१ तपाईंलाई सुत्नु अगाडि किताब पढ्ने बानी छ भने पनि कोठामा हल्का प्रकाश होस् र अली तार्किक बिषय भएकोकिताब पढ्ने गर्नुहोस् ।
२२ आफ्नो साथीहरु सँग साँझ तिर सके सम्म बहस नहोस् भन्ने तिर सतर्क हुनुहोस् , नत्र तपाईंलाई त्यो निन्द्राको लागि बिष जस्तै हुनेछ ।
२३ आफ्नो सुत्ने समय एउटै पार्ने कोशीस गर्नुहोस् ।
२४ डिनर गर्ने बेलामा धेरै नुनिलो खाना नखाने गर्नुहोस् ।
२५ सुत्नु भन्दा अगाडि एक गिलास मन तातो दुध पिउन नबिर्सिनुहोस् । यसले तपाईंलाई निन्द्रा लाग्नमा मद्घत गर्छ ।
२६ आफ्नो पति वा पत्नी लाई सोध्नुहोस् कि तपाईं कुन position मा गहिरो निन्द्रामा सुतेको थियो र सुत्दा खेरी त्यै position मा सुत्ने कोशीस गर्नुहोस् ।
२७ तपाईं ४ या ६ घण्टा मात्र सुत्ने गर्नुहोस् न कि ८ या त्यो भन्दा धेरै ।
२८ ३ मिनेट भन्दा धेरै समय खर्च नगर्नुहोस् तपाईंको दिनको प्रोब्लमको बारेमा सोच्न ।
२९ यदी तपाईं लाई एक्लै सुत्दा राम्रो निन्द्रा लाग्छ भने एक्लै नै सुत्ने ब्यबस्था मिलाउनुहोस् ।
३० बेडमा जानु भन्दा अगाडि मन तातो पानीले नुहाउने गर्नुहोस् ।
३१ नुहाउने पानीमा एक चम्चा baking Soda वा mustard powder हाल्दा राम्रो हुन्छ ।
३२ सुत्नु भन्दा अगाडि खुट्टा राम्रो सँग धुने गर्नुहोस् ।
३३ सुत्नु भन्दा अगाडि मधुर संगीत सुन्ने गर्नुहोस् ।
३४ जब तपाईं बेडमा पल्तिनु हुन्छ आफ्नो जीवनको रमाइलो रमाईलो क्षणको कल्पना गर्नुहोस् ।
३५ बेडमा पल्टि सके पछि आफ्नो शरिरकोहरेक मसलहरुलाई हल्का छाडी दिनुस् कतै कही अप्थ्यारो नहोस् ।
३६ आफ्नो शरीर Relax भएको कल्पना गर्नुहोस् ।
३७ गहिरो सास लिएर आफ्नो मन लाई concentrate गर्ने कोशीस गर्नुहोस्।
३८ यदी यि सबै प्रयास असफल भयो भने भेडाको बथानको कल्पना गरेर भेडा गन्ने कोशीस गर्नुस् । यो पनि एउटा राम्रो निन्द्राको औषधी प्रमाणित भएको छ ।

जापानमा गरिएको एक ताजा अध्ययनले कठिन र धेरै काम गर्ने पुरुष सेक्सको मामिलामा कमजोर हुने निष्कर्ष निकालेको छ । धेरै दिमागी दबाबमा काम गर्ने पुरुषमा रातको समयमा इनर्जीको अभाव, डिप्रेसन हुने अध्ययनमा उल्लेख छ ।
युनिभर्सिटी अफ ओसाकाका वैज्ञानिकले ३४ वर्ष उमेर नाघेका एक सय ८३ व्यक्तिमा गरेको अध्ययनका आधारमा यो निष्कर्ष निकालेका हुन् । यस क्रममा उच्च दबाबमा काम गर्ने पुरुषको यौनेच्छामा नै व्यापक गिरावट आएको पाइएको थियो । अनुसन्धानको नतिजा युरोपियन साइन्स जनरलमा पनि प्रकाशित गरिएको छ । विशेषज्ञहरूले पुरुषलाई चर्को दबाबमा काम नगर्न चेतावनी दिएका छन् ।

सुरेन्द्र पौडेल,काठमाडौं, माघ २३- वैदेशिक रोजगारीमा जाने कामदारलाई अभिमुखीकरण गर्न खोलिएका अधिकांश संस्था मापदण्डविपरीत सञ्चालनमा रहेको पाइएको छ। उनीहरुले कामदारलाई बिनातालिम प्रमाणपत्र बेच्ने गरेको छड्केमा भेटिएको हो। वैदेशिक रोजगार विभागका अनुसार पछिल्ला दस दिनमा छड्के जाँच गरिएका २५ संस्थामध्ये एउटाले मात्र मापदण्ड पूरा गरेको भेटिएको छ। यस्तो कार्यका लागि ६४ संस्था दर्ता भई सञ्चालनमा छन्।
'अभिमुखीकरण (तालिम दिने) गर्ने अधिकांश संस्थाले मापदण्डविपरीत कार्य गरेको भेटियो,' वैदेशिक रोजगार विभागका महानिर्देशक पूर्णचन्द्र भट्टराईले नागरिकसँग भने, 'मापदण्ड पूरा नगरेका सबैलाई कारबाही गर्छौं।' अभिमुखीकरण तालिम दिने संस्थाले बिनातालिम वैदेशिक रोजगारीमा जाने कामदारलाई प्रमाणपत्र बेचेको उजुरी परेपछि विभागले माघ १२ बाट अनुगमन थालेको हो। विभागले बाँकी सबै संस्थाको छड्के जाँच गर्ने जनाएको छ।
छड्केमा एसएन्डएस ट्रेनिङ इन्स्टिच्युट प्रालिले मात्र मापदण्ड पूरा गरेको देखिएको छ। विभागका अनुसार अन्यले विभागमा उल्लिखित कामदारलाई तालिम नदिएको, तालिम दिने प्रशिक्षकसँग प्रशिक्षकको प्रमाणपत्र नभएको, भौतिक पूर्वाधार नभएको पाइएको महानिर्देशक भट्टराईले बताए। छड्केमा लुम्बिनी मल्टिपल ट्रेनिङ सेन्टर, विकीरण एसोसिएट्स प्रालि, टावर इन्फो फरेन जब ओरिन्टेसन, वेलकम ओरिन्टेसन सेन्टर, दोभाव टेक्निकल ट्रेनिङ सेन्टर, एचआर म्याटर्स एजुकेसन कन्सल्टेन्सी, सोलिड ओरिन्टेसन, रजनीश ट्रेनिङ कन्सल्टेन्ट र एलायन्स ओरिन्टेसन फेल भएका छन्।

यस्तै, युनाइटेड इन्स्टिच्युट, मल्लिका इन्स्टिच्युट अफ ट्रेनिङ एन्ड डेभलपमेन्ट, फार वेस्ट मल्टी स्किल प्रालि, चेतना ओरिन्टेसन प्रालि, एक्सेस करियर सोलुसन, टिएस ट्रेनिङ सेन्टर, टास्क टे्रनिङ एसोसोरिज, साइनिङ मुन ट्रेनिङ सेन्टर प्रालि, संगम म्यानेजमेन्ट सर्भिस, जुछी मल्टिपर्पज ट्रेनिङ सेन्टर र धनाड तालिम केन्द्रले पनि मापदण्ड नाघेको भेटिएको छ।
छड्के जाँचमा टि्रपल एस ओरिन्टेसन एन्ड ल्याङ्ग्वेज टे्रनिङ सेन्टर, सुकर्म इन्टरनेसनल ट्रेनिङ इन्स्टिच्युट प्रालि र साइनिङ मुन टे्रनिङ सेन्टर प्रालि पनि परेका छन्। मापदण्ड पूरा नगर्ने एलायन्स ओरिन्टेसन र युनाइटेड इन्स्टिच्युटलाई निलम्बन कारबाही अघि बढाइएको विभागले जनाएको छ।...मापदण्ड पूरा नगर्ने तालिम दिने संस्थालाई स्पष्टीकरणसहित विभागमा आउन भनेका छौं,' महानिर्देशक भट्टराईले भने, 'केहीलाई कारबाही गरिसकिएको छ। चित्तबुझ्दो स्पष्टीकरण नआए बाँकीलाई पनि थप कारबाही अघि बढाउँछौं।'

विक्रम एसोसिएट्स प्रालिले तालिम लिने कामदार संख्या विभागमा ९ जना बुझाए पनि अनुगमनका बेला कक्षामा १६ जना भेटिएका थिए। एचआर म्याटर्स एजुकेसन कन्सल्टेन्सीले २६ जनाको नाम विभाग बुझाएकोमा कक्षामा भने ११ जनामात्र थिए। यस्तै, २७ कामदार विद्यार्थीको नाम विभागमा पेस गर्ने सोलिड अरिन्टेसनको तालिम कक्षामा जम्मा ८ जनाको उपस्थिति थियो।

यसरी अधिकांश संस्थाले विभागमा पेस गरेका तालिमेको संख्या फरक पाइएको थियो।
'तालिम लिने कामदार विद्यार्थीको जुन नाम विभागमा पेस गरिएको थियो, कक्षामा कमै भेटिए। यसको अर्थ तालिम नै नदिई अभिमुखीकरण प्रमाणपत्र बाँडिएको छ,' महानिर्देशक भट्टराईको बुझाइ छ, 'यसो गर्दा तालिम दिने शिक्षकलाई पनि पैसा दिनुपरेन, तालिमका लागि भनेर उठाइएको रकम पूरै आफँैले पाउने भए।'
वैदेशिक रोजगार नियमावली २०६४ ले वैदेशिक रोजगारमा जाने प्रत्येक कामदारले अनिवार्य रुपमा अभिमुखीकरण तालिम लिनुपर्ने व्यवस्था गरेको छ। यसरी अभिमुखीकरण तालिम दिने प्रयोजनमा नियमावलीको नियम ६ ले अभिमुखीकरण संस्था दर्ता हुनुपर्ने, प्रशिक्षित प्र्रशिक्षकबाट तालिम दिनुपर्ने, तालिम पाठयक्रम वैदेशिक रोजगार प्रवर्द्धन बोर्डबाट स्वीकृत भएअनुसार सञ्चालन गर्नुपर्ने व्यवस्था गरेको छ।

'स-सानो जानकारी नहुँदा कामदारको जीवन तलमाथि हुनसक्छ। यति महत्वपूर्ण कुरामा पनि तालिम दिने संस्था लालची पाइयो,' महानिर्देशक भट्टराईले भने, 'तर अनुगमनमा परेका अधिकांश संस्थामा प्रशिक्षकसँग नै तालिमपत्र, नियुक्तिपत्र र करारपत्र भेटिएन। कतिमा हामी आएको थाहा पाएपछि नक्कली विद्यार्थी राखेको पाइयो। कतिमा भौतिक पूर्वाधार नै छैन, प्रमाणपत्र त्यसै बेचेको भेटियो।'

जिल्ला प्रहरी कार्यालय धादिङले सोमबार चार बर्षिया र सात बर्षिया दुई वालिका वलात्कार गरेको आरोप लागेका दुईजनालाई पक्राउ गरी सार्वजनिक गरेको छ । प्रहरीले गजुरी बस्ने ४५ बर्षिय सुव्वा मिजार र मैदी गाविस १ बस्ने ६० बर्षिय चन्द्रबहादुर बिकलाई प्रहरीले सार्वजनिक गरेको हो ।

सुव्वालाई माघ २० गते गजुरी गाविस ५ मा ४ बर्षिया वालिकालाई करणी गरेको आरोप लागेको छ भने चन्द्रवहादुरलाई माघ २१ गते ७ बर्षिया वालिका वलात्कार गरेको आरोप लागेको प्रहरीले जनाएको छ । स्थानीयवासी र प्रहरीको सक्रियतामा माघ २० गते पक्राउ परेका सुव्वालाई आईतवार र माघ २१ गते पक्राउ परेका चन्द्रवहादुरलाई सोमवार जिल्ला अदालत धादिङले अनुसन्धानका लागि सात दिनको म्याद दिएको धादिङका प्रहरी नायव उपरिक्षक विकास राज खनालले बताउनुभयो ।

गत पुस २० गते मैदीको छापथोकमा नातिनी नाता पर्ने आठ बर्षिया वालिकालाई वलात्कार गरेको अरोपमा पक्राउ परेका ६५ बर्षिय साने सार्की र पुस २१ गते जिल्लाकै नौविसेमा वर्ष ९ की एक बालिकालाई बलात्कार गरेको अभियोगमा पक्राउ परेका १६ बर्षिय दिपेश राई अहिले पुर्पक्षका लागि थुनामा छन् ।