अतृप्त पाण्डेय
शून्य, चिहानजस्तै छ कोठा । कोठामा कोही
छैन । म छु । मौनता छ मेरो साथ । तर पनि सुन्दैछु सडकमा अझै कोही
गुगुनाइरहेको छ…..नसक्ता पनि म तिमीमा नि फुल्न । नसक्ने भए छु तिमीलाई
भुल्न ……….. यस्तै-यस्तै सस्ता भावुक शब्दहरुकै साथ लागेर झ्यालको बाटो
गरेर कोठाभित्र पस्छ बतास, एउटा चिसो बतास ……. फलस्वरुप चलमलाउँछन्
क्यालेण्डरका मौन छायाँहरु । लौ, आज पनि अरु थोक केही नपाएको झोकमा मलाई
मात्र भएपनि छोएर मदेखि चिप्लिदै जान बिर्सेन, साँच्चै बिर्सिँदै बिर्सिएन
चिसो बतासले …………..साँच्चै, मदेखि प्रतिदिन चिप्लिदै गएको, चिप्लिदै जाने
गरेको त्यो बतासझैँ भएर आफूलाई बिर्सिदै आफूहुनुको पनदेखि, चिसो क्षणदेखि म
पनि बतासिँदै भाग्न सके ? तर अहँ, म कहिले पनि त्यसरी भाग्न सक्तिनँ ।
साँच्चै, वास्तविकतादेखि भागेर आजसम्म ख्वै, को कहाँ पुगेका छन् र मैले
सक्नु, मैले खोज्नु ? यसरी सम्झिदै जाँदा दुःख लाग्छ । साँच्चै, यो कस्तो
वास्वविकता हो मेरो ? अप्रिय पनि कसैको वास्तविकता हुन सक्छ र यसरी ? तर
हेर्नोस् न मेरो भने यही नै वास्तविकता भैरहेछ , बनिरहेछ । साँच्चै, अप्रिय
भएर पनि मसँगै, मैले सोचेको भन्दा ठीक उल्टो भएर, बलेर खरानी हुन नसकेको
अगुल्टोझैँ भएर मभरि-भरि धूवँ लिएर उभिएको छ वास्तविकता ! साँच्चै, यो
कस्तो अप्रिय वास्तविकता हो मेरो ? प्रश्नको जवाफ पाउने आशामा कोठामा
झुन्ड्याइएको ठूलो ऐनामा प्रतिबिम्बित आफ्नै छायाँलाई हेर्छु । तर सधैँको
झैँ आज पनि जवाफ पाउन नसक्ता म यहाँनिर आइपुगेर झन् भासिन्छु , झन्
चर्किन्छु । मेरो मानसिकता फेरि पनि बलात्कृत भैदिन्छ । तब लाग्छ, साँच्चै
आजभोलि मलाई मेरो आफ्नै छायाँले पनि जिस्क्याइरहेछ , खिज्याइरहेछ ।
साँच्चै, आफैँलाई आफ्नै छायाँले पनि यसरी जिस्क्याइरहँदा, खिज्याइरहँदा
सोच्नुको अर्थ के पो हुन सक्ला र मसँग ? त्यसैले त चेतनामा शून्य हुन
खोज्दै आँखा चिम्लिन्छु, चिम्लिरहन्छु ……………………………..
‘केही
दिन अघिकी गुलाफ आज थलकमल भैछ्यौ तिमी ! हो, थलकमल ! टाउको दुखाउने बास्ना
बोकेको थलकमल ! आजपनि आमा भन्दै हुनुहुन्थ्यो…थलकमलको बास्ना सुँघ्ने
मान्छेलाई क्षयरोग हुन सक्छ रे ! त्यसैले थलकमलको बास्ना सुँघेर अब म आफू
क्षयरोगग्रस्त हुन चाहन्न । त्यसैले बुझ्यौ केशरी, मलाई भने मेरो जीवनमा
केवल गुलाफ, मात्र गुलाफ चाहिन्छ । तर तिमी त थलकमल, मात्र थलकमल ! हो,
साँच्चै अब जो मैले चाहेर पनि गुलाफ बन्न सक्तैन यहाँ । त्यसैले केशरी अब म
तिमीलाई घुणा गर्छ ………घृणा, मात्र घृणा मेरो मनले, हृदयले उपयुक्त
ठानिसकेको छ तिम्रो लागि केशरी !’ झस्कlदै आँखा खोल्छु । कोठामा यतिखेर पनि
कोही छैन । म छु र मौनता छ मेरो साथ । कानमा फेरि पनि कमल गुनगुनाउन
आइपुग्छ : केशरी, मलाई मेरो जीवनमा गुलाफ मात्र गुलाफ चाहिन्छ तर तिमी त
थलकमल, टाउको दुखाउने बास्ना बोकेको थलकमल । हो, आजभन्दा केही महिनाअघि
मलाई यसरी नै नङ्ग्याइदिएको थियो कमलले ! हो, यही नै हो मेरो जीवनको
वास्तविकता । कमलद्वारा मभरि मेरो विनाइच्छा सिर्जना गरिदिएको एउटा अप्रिय
वास्तविकता । अनि साँच्चै म पनि यता केही दिनदेखि यसलाई बिर्सिन खोजिरहेछु ।
तर यो भने झन्-झन् बिर्सिन नसक्ने गरी झ्याम्मिरहेछ मेरो जीवनमा, मेरो
यौवनमा । उफ् ! यो कस्तो कटु सत्य हो मेरो जीवनको, मेरो यौवनको ? साँच्चै
कटु भएर पनि मजस्तै कति सत्य छ यो क्षण ? गुलाफ हुनुको अनुभवमा
रमाउँदै-रमाउँदै प्रेमको प्रारम्भिक चरणमा नै गुलाफभन्दा थलकमलमा परिवर्तित
हुन जानुको आकस्मिकतालाई अब बिर्सिएर बाँच्नु, बाँच्छु भनेर सोच्नु के
मेरो मूर्खता होइन र यो ? ऐनाको सामुन्ने उभ्भिएर म कति एक्लै चिच्याइरहुँ
यसरी, आफैँलाई आफैँले जवाफ दिन नसक्ने प्रश्नले कति कोपरिरहुँ यसरी ः
साँच्चै म के हुँ ? गुलाफ या थलकमल ?? गुलाफै हुँ भने कमलले किन मलाई थलकमल
भनेर घृणा गरेको Û फेरि थलकमल नै भैसकेको छु भने मैले म आफैँलाई किन घृणा
गर्न नसकिरहेको ? कमलद्वारा घृणा गरिसकेको वास्तविकतालाई किन स्वीकार गर्न
नसकिरहेको ?? साँच्चै यो के कटु सत्य होइन त मेरो जीवनको, यौवनको ? साँच्चै
कटु भइकन पनि कति सत्य छ यो क्षण ? वास्तवमा म पनि सधैंँ कमलकै भएर
बाँच्न, हाँस्न चाहन्थेँ जीवनमा, यौवनमा । साँच्चै म आफूहुनुको हरेक क्षणमा
कमल, मात्र कमललाई खोजिरहेकी हुन्थेँ, सोचिरहेकी हुन्थेँ । साँच्चै जब-जब म
आफूभित्र कमललाई खोज्न थाल्थेँ, सोच्न थाल्थेँ, तब-तब म आफूसित कमललाई
पाउँथेँ, पाइरहन्थेँ । आँखामा खोज्दा आँखामा नै म कमललाई पाउँथेँ ।
त्यतिखेर बतासले मलाई स्पर्श गर्दा पनि म आफूलाई कमलको अँगालोमा बाँधिएको
अनुभव गर्न पुग्थेँ । अनि कमललाई म आफ्नो नजिक पाउँदा लाग्थ्यो, कमल केवल
मेरो हो र म बाहेक अब अरु कसैको हुन सक्तैन ! भावुक भएर मैले उसको कपाल
सुम्सुम्याउँदा त्यतिखेर कमल पनि आफ्नो हावभावमा यसो भनिरहेको हुन्थ्यो,
साँच्चै ऊ पनि अब मलाई मात्र चाहन्छ । पूर्णतः कमल अब मलाई मात्र
चाहन्छ आफ्नो जीवनमा, आफ्नो यौवनमा ! अनि म पनि त्यतिखेरका आफ्नो समस्त
आकाङ्क्षाहरुमा, आशा र सपनाका सगरहरुमा कमलकै मात्र प्रतिबिम्ब पाउने
गर्थेँ । हुन पनि एकान्तको प्राप्त त्यस क्षणमा एक अर्कालाई, एक अर्काको
आँखामा पढ्दा, खोज्दा र भेट्दा, शब्दहरुमा कानेखुसी गर्दा, अधरमा स्पर्श
गर्दा र मुटुको ढुकढुकीलाई आफ्नो कानले समेट्दा, लाग्थ्यो संसार भन्नु नै म
हुँ, कमल हो ! हो, कैयौंचोटि कमलको आँखालाइै पढ्दै, अधरलाई स्पर्श गर्दै
मैले मुख खोलेको थिएँ ‘कमल, तिमीले नै भनेको हैन हिजो भन्नु एक सपना हो, जो
भुल्दै जानुपर्छ आज भन्नुको अर्थमा प्राप्त विपनामा, अनि भोलि भन्नु मात्र
एक कथ्य कल्पना मात्र जो आफूले खोजेजस्तो र आफूले सोचेजस्तो नहुन पनि सक्छ
शायद ! त्यसैले हेर त उः त्यहाँ पर वृन्तमा अभयसित झुलिरहेको त्यो रातो
गुलाफको कसम ! म तिमीलाई प्रेम गर्छु, कमल म तिमीलाई प्रेम गर्छु,
गरिरहन्छु कमल !!’ अनि त्यसबखत मेरो यही अनुहारलाई आफ्नो अँजुलीमा सोहोर्दै
कमलले पनि यसो भनेथ्यो मसँग ‘केशरी, साँचो हो, यथार्थ हो, यस संसारमा माया
मात्र सदाबहार छ । मायालाई यस संसारबाट रित्याईदिने हो भने यो संसार एउटा
ढुङ्गो र माटो बाहेक अरु केही होइन, अरु केही हुनै सक्तैन । र म भन्दछु,
माया मात्र सदाबहार छ यो संसारमा । अनि म पनि तिमीले अघिनै भनेजस्तै
तिमीलाई माया गर्छु ! तर यो सत्य हो, म भने मेरो मायामा मादकताभन्दा
स्निग्धताको आवश्यकता ठान्छु । मादकता माया होइन, हार्दिकता होइन ।’
साँच्चै यतिखेर यी सब सम्झिदा पनि हाँसो उठ्छ, मादकता माया होइन, हार्दिकता
होइन ! म मायामा मादकता होइन, स्निग्धता चाहन्छु ! साँच्चै त्यतिखेर मलाई
फकाउन, मलाई फसाउन कति असत्य बोलेको रै’छ कमलले ! साँच्चै असत्य भएर पनि
कति सत्य ? सत्य भएर पनि कति असत्य ?? साँच्चै मान्छे भन्नुको आधारस्तम्भ
नै यही हो….साँच्चै असत्य भइकन पनि कति सत्य ? हो साँच्चै आजको आफूलाई यसरी
हेरेर हिजोको आफूलाई हिसाब गर्दै लैजाने हो भने मैले भन्नुपर्छ, कमलद्वारा
आफूलाई जोड्न खोजेकी म आफैँलाई , म आफैँद्वारा घटाउँदै लैजाने हो भने मैले
भन्नुपर्छ, साँच्चै हिजोको म हुनुको अर्थलाई कमल नाम रहेको एउटा रङ्गीन
भ्रमले मात्र रङ्ग्याएकी रहेकी रै’छु मैले ! साँच्चै हिजो केवल एउटा रङ्गीन
भ्रम मात्र पो रै’छु म ! वास्तविकताले आफूलाई यसरी क्रमशः नङ्ग्याउँदै
जाँदा झन् दुःख लागेर आउँछ । तर अब यसरी दुःख मानेर मात्र के गर्नु, दुःख
सम्झेर मात्र के गर्नु ? विगतद्वारा बिग्रेको, बिगारिएको यो वर्तमानलाई अब म
आफैँले, आफ्नै बुताले मात्र सपार्ने प्रयास गर्नुपर्छ । उफ् ! इच्छा
नहुँदा नहुँदै पनि स्वीकार गरी हाल्नुपर्ने यो कस्तो विवशता हो मेरो जीवनको
? आजसम्म ख्वै कसले हालेको छ स्वार्थत्यागको कथा त्यो ?? उफ् ! चलचित्रको
प्लटजस्तै कति छोटो यो संसार ? एकैक्षणमा सुख, एकैक्षणमा दुःख ! फेरि पनि
मैले बिर्सिन खोजेको वास्तविकता झन्-झन् छरिँदै पो छ मभरि, कोठाभरि । र त म
फेरि यसैलाई बिर्सिने नाममा झ्यालतिर लाग्दैछु ।
झ्यालबाट बाहिर आँखा दगुराउँदा परको
राममानको घरनिरको डबलीमा राममानको दुई वर्षे छोरोलाई म्वाइँ खाइरहेकी
सानुमायालाई देख्छु । सानुमाया …………हिसाब गर्छु । साँच्चै पाएकी भए मेरी
दिदी निर्मलाले फटाएको धोतीचोली जत्तिकै धोतीचोली फटाउँदी हो उसले पनि । तर
पाइन र पो ! साँच्चै मेरो दिदीकै छोरो पनि डिप्लोमामा पढ्दै छ आज । तर
सानुमाया, बिचरी सानुमाया भने डबलीको डबलीमै छे आजभोलि पनि ! साँच्चै, सपना
कस्ती देख्दी हो बिचरी ! हो यै प्रश्न अस्ति भर्खरै पनि उसलाई मैले सोधेकी
थिएँ । तर त्यतिखेर उसले जवाफ केही दिइन, चुपचाप क्वारक्वारती मतिर मात्र
हेरेर बसिरही पो ! उसले साँच्चै आजभोलि बिहानको छाक हामीकहाँ र बेलुकीको
छाक राममानकहाँ टार्ने गरेकी छे । सानुमायालाई यसरी पढ्दै जाँदा, यसरी
सम्भिmदै जाँदा उसप्रति सहानुभूति राख्न मन लाग्छ । साँच्चै यसपालाको
निर्वाचनमा मत खसाल्न मोटर चढाएर लानेहरुको सत्ता प्राप्तिले पनि केही गर्न
सकेन सानुमायालाई ! साँच्चै, एउटा स्वरभन्दा बढी अरु केही हुन सकेनन् कोही
पनि । मुकुटको मात्र साँटफेर हुँदा यस्तो हुने गर्छ भन्ने पढेको थिएँ मैले
। साँच्चै त्यस्तो मात्र भैदियो । बिचरी सानुमाया मत खसालेर आएपछि कति
उत्सुक थिई त्यसबखत । मैले त आकर्षक नारा भट्टयाउनेहरुको पछि लागेर मत
खसाल्न नजाऊ भनेकै थिएँ । तर मैले भनेको मानिन, मेरो कुरामा विश्वासै गरिन र
पो । समयानुसार मुकुट फेर्नेहरुलाई, भाका फेर्नेहरुलाई समयमै नबुझेपछि
पछुताउनु मात्र आफ्नो भएर रहिरहन्छ जिन्दगीमा ! हो सानुमायाले पनि आज
पछुताऊ मानेकी छे । साँच्चै, आफ्नो भन्ने त्यो डबली बाहेक अरु के नै छ र
उसको ? डबली र ऊ । ऊ र डबली । बाँच्नुको एउटा बाध्यता । यसरी सोच्दा सोच्दै
म फेरि एकाएक सानुमायालाई नियाल्न पुग्छु । लौ हेर, अझै पनि राममानको
छोरोलाई म्वाइँ, मात्र म्वाइँ खानमा नै पो व्यस्त छे बिचरी । लौ राममानको
दुलहीले भर्खरै मात्र पो देखिछ कि क्या ! र त हतपत सानुमायाको छातीबाट
खोस्तै आफ्नो छातीमा टाँसेर सुम्सुम्याई आफ्नो छोरोलाई । आमाको छातीमा
त्यसरी टाँस्सिन पाउँदा पनि किन सानुमायापट्टी नै आफ्नो हात बढाइरहेको होला
राममानको छोराले ? लौ, मुख बिगारेर रुन पो थाल्यो । सानुमायाले केही गरिन,
केवल थपडी मारी र खित्तखित्त गरी हाँस्दैरही । साँच्चै यतिखेर
हाँस्नुभन्दा अरु बढी, थपडी बजाएर खित्तखित्ताउनुभन्दा अरु बढी के नै पो
गर्न सक्थी त सानुमाया ?
शायद “उ… उ…. मेरो पोइ !” भन्दै आफ्नो
सपनाको पोइलाई खोज्दै दगुरेकी हुनुपर्छ सानुमाया । र त ऊसँगसँगै दगुर्यो
ऊनिर आइपुगेको ठिटो पनि । साँच्चै पुग्यो पर धेरै प……… र । म चुपचाप आफ्ना
एक जोडी आँखाले यी सब दृश्यलाई टिपिरहेछु । लौ, आज पनि सानुमायाले उसको
सपनाको पोइलाई भेट्न सकिन, आफूमा समेट्न सकिन । साँच्चै आज पनि घाटामा नै
परी सानुमाया ! साँच्चै सानुमायादेखि किन डराएर भागेको होला त्यो ठिटो ?
आखिर सानुमाया पनि एउटा आइमाई न हो ! तर ऊ त एउटा लोग्नेमान्छे, देशलाई
आवश्यक परेमा, देशको लागि आवश्यक भएमा सङ्गीन समाएर शत्रुसंग धावा
बोल्नुपर्ने उमेर बोकेको एउटा लोग्नेमान्छे भएर पनि एउटी आइमाईसंग डराएर
भाग्ने नपुंसक काँ को ! छि: छि: यसरी सम्झिदै जाँदा त्यो ठिटोले केही
बेरअघि मात्र देखाएको कायरतादेखि मलाई पनि हाँसो उठेर आउँछ । साँच्चै
सानुमायाले आखिर उसलाई समातिहालेकी भए पनि के पो नै गर्न सक्थी र ? साँच्चै
हेर त एकचोटि पनि फरक्क र्फकेर हेर्ने साहससमेत गरेन त्यो ठिटोले ! शायद
सकेन कि ? तर र्फकेर हेरिहालेको भएपनि, जिस्क्याइहालेको भएपनि सानुमायाले
के पो गर्न सक्थी र ? छोरीभन्दा आमा तरुनी भनेर राष्ट्रिय सञ्चार माध्यमले
जिस्क्याइरहने यो देशमा आखिर उत्ताउला भाका नै हालेर सानुमायालाई
जिस्क्याइहालेको भएपनि उसले के गर्थी र ? आखिर सानुमाया पनि हिजोसम्म
नराम्रोसँग शोषण गरिएकी, आज नराम्रोसँग तर्साइएकी, उपेक्षा गरिएकी एउटी
आइमाई न हो ! साँच्चै कृषिप्रधान सरह पुरुषप्रधान यो देशमा आखिर आइमाईहरु
जाँतोद्वारा पिस्सिएका, चपाइएका अबलाहरु न हुन् ! हुन पनि पैसा र ताकतको
भरमा आइमाईलाई केसम्म गरिएको र भनिएको छैन र यहाँ ? यसरी सम्झिदै जाने हो
भने लोग्नेमान्छेको अनुहार देख्दैमा उसप्रति घृणा लाग्नुपर्ने हो ! हुन पनि
लोग्नेमान्छेलाई सहिष्णु हुनु भनी उसकी आमाले सिकाउँछे, सघाउँछे । आमाकै
स्नेहमा हुर्किदै जब ऊ एक्लै उभ्भिन सक्ने
हुन्छ, तब ऊ आइमाईलाई एउटा वासनाको पुत्ला
बनाएर आफूखुसी गर्न चाहन्छ, फसाउन चाहन्छ । यसरी सम्झिदै जाँदा झ्यालमा
बसिरहन पनि मन मरेर आउँछ मलाई । तब म फेरि एकपटक झ्याललाई ढ्याप्प
ढप्काउँदै ओछ्यानतिर लम्किन्छु । मानौँ अब उत्सुकतापूर्वक मैले प्रतिदिन
खोल्ने गरेको त्यो झ्यालबाट पनि कुनै दृश्य नै देख्न सक्तिनँ म । हो,
वास्तवमा हुन पनि आजभोलि त्यो झ्यालबाट अब म केही देख्न सक्तिनँ । साँच्चै
मुर्कट्टाहरुलाई मान्छे भनेर कतिन्जेल यसरी हेर्नु, हेरिरहनु ? साँच्चै
भोलि नै भ्याएँ भने एउटा पर्दा सिएर हालिदिन्छु । अनि त त्यो झ्यालमा केही छ
भनेर सोच्नु पनि सिर्फ पर्दा मात्र देख्ने छु र यसै गरी हरेक दिन त्यो
झ्यालमा पर्दा, मात्र पर्दा देख्दा सबका धोखा खाएका आँखाहरु पनि तर्सेर
किनारा लाग्नेछन् । तर त्यो पर्दा सारेर फेरि एकपटक मलाई हेर्ने साहस, मलाई
बुझ्ने साहस कसैमा हुने छैन । कोठामा अँध्यारो बढ्दै गएकोले नजिकैको
वेडस्विच थिच्छु कोठा अघिको भन्दा केहि उज्यालिन्छ । टीभी खोल्छु । फेरि
एकपटक छर्केको अत्तरझै उही पुराना अनुहारहरु आएर मलाई कोर्पन थाल्छन् ।
साँच्चै फेरि यसपटक पनि धनको उन्मादमा बौद्धिकतालाई किन्छु भनेर भेला
भैरहेका उही निर्लज्ज अनुहारलाई टीभीको पर्दामा देख्नुपर्दा झन् उराठ लाग्छ
र टीभी बन्द गर्दै ओछ्यानमा आएर पल्टिन्छु । आँखा चिम्लिदै केही सोच्दै म
आफैँलाई पनि बिर्सिने बहानामा रुमल्लिन पुग्छु । साँच्चै के आइमाई भनेका
रुप मात्र हुन् र ? यौवन र बैँसबाहेक आइमाईमा अरु केही छैन ? साँच्चै प्रेम
भनेको के वासनाको पर्खाइ मात्र हो ? प्रेम गर्नुको क्रममा हालिएका बाचाहरु
के क्यालेण्डरका मौन छाँयाँ मात्र हुन् ? हैन, यो प्रश्नको जवाफ मैले
कसबाट कैल्हे कसरी र कहाँ पाउने ? समयसित सोधेर जवाफ लिऊँ भने पनि लाटो र
लङ्गडो छ यो समय ! साँच्चै मेरो भानिजदाइको छोरो सुन्दरजस्तै लाटो र लङ्गडो
छ यो समय ! यहाँनिर आएर पनि टुट्टा खान्छु म । समाल्न खोज्दाखोज्दै पनि
आँखा एकाएक पग्लन थाल्छ । म आफ्नै आँसुमा बग्न थाल्छु-बरबरी ।
‘केशरी, आज तँ एक्लै ?’ मेरो कोठाको ढोकैबाट प्रश्न बग्छ म भएतिर ।
‘जोडी पाउनु त समय र संयोगको कुरा न हो !’ सरलातिर एउटा नमीठो हाँसो पोख्तै म भन्छु ।
‘हेर न मलाई खिस्याएकी !’
‘त्यो त तेरै सोचाइको गल्ती हो सरला !’
‘भो ! भो ! छोड्दे यो कुरा, बरु हिँड्न आज न्यूरोडतिर जाऔँ न अलिकति मेरो बजार पनि गर्नुथ्यो ।’ आफ्नै सुरमा भन्दै गई सरलाले ।
सरलाको कुरा सुन्दा एसिडले रङ्ग
बदलाइदिएको लिटमसपेपरझैँ भैदिन्छ मेरो अनुहार । जिस्क्याउन थाल्छ मलाई नै
फेरि पनि यो क्षण । सोच्छु, साँच्चै अब मेरो लागि न्यूरोड भन्ने शब्द नै
नपच्ने भैसकेको छ । अब पनि न्यूरोड जानु त आलोघाउमा नुनचुक छर्नु र आफैँले
आफैँलाई उपहास गरिरहेका जीवनीहरुलाई हेरिरहनु सिवाय अरु केही हुन सक्तैन
मेरो लागि ! फेरि कमल मजस्तै थलकमल हुनुभन्दा अगाडिका कुनै सौम्य र रम्य
गुलाफसँग भेटियो वा देखियो भने ?….. मस्तिष्कले भरखरै जोडेको पछिल्लो यस
हिसाबदेखि झन् दुःख, डर लागेर आउँछ र हतार-हतारमा भन्छु ‘सरला आज मलाई अलि
सन्चो पनि छैन्, त्यसैले म जान्न नरिसा ल ?’
‘हामी कमल होइनौँ, अनि किन जान्थिस् त हामीसँग ?’
‘सरला, कमलको कुरा नगर !’ नचाहँदानचाहँदै पनि त्यसै-त्यसै आवेगमा आएर चिप्लिन्छन् यिनै शब्दहरु ।
‘मैले केही पनि बुझ्न सकिन नि केशरी !’
‘हो आज यही त भैदिएको छ हामीमा । कारण हामी आफैँलाई बुझ्नसक्ने हामी पनि छैनैा नि सरला ! र त आज….’
सरलाले केही बोली न । शायद चाहिन कि !
एकाएक वातावरणमा फेरि मौनता । एक अर्कासँग एक अर्काको अनौठो साक्षात्कार ।
यती मात्रै हैन, बलात्कार पनि ! तब फेरि केही सोचिरहनुको अर्थ पनि हुँदैन
मसगँ । शायद सरलासँग पनि । फलस्वरुप ऊ र म एक अर्कालाई आ-आफ्नै पाराले
हेर्छौँ, हेरिरहन्छौँ मात्र । मानौँ केही क्षण अघिनै पहिरो गैसकेको छ
हाम्रो सोचाइमा, हाम्रो वर्तमानमा, गुलाफमा, थलकमलमा र अनि पत्थरमा खनाइएका
अत्तरका सुवासहरुमा……
विवेक सिर्जनशील प्रकाशन प्रा.लिबाट २०६९
मा प्रकाशित कथाकार अतृप्त पाण्डेयको ‘हुरी नचलेको भए……’ कथा सङ्ग्रहबाट
साभार गरिएको शीर्षस्थ कथा ।
नायक आर्यन सिग्देल यतिबेला हेटौडामा
चलचित्र ‘दबाब’ को छायांकनमा व्यस्त छन् । यो चलचित्रमा समावेश एक आइटम
गीतमा आर्यनले नव कलाकार प्रमिला खनालसँग मस्ती गरेका छन् ।
‘मेरो
पावरफुल वैशको धक्काले’ बोलको आइटम गीतमा आर्यन र प्रमिलाले नृत्य गरेका
हुन् । गीतमा नायक आर्यन सिग्देललाई टाउकामा फेता बाधेर नाँच्दै गरेको
देख्न सकिनेछ । उनले गीतको अवस्था अनुसार आफुले फेता कसेर नृत्य गरेको बताए
।दयाराम दाहालको निर्देशनमा तयार भएको यो सिनेमाको छायांकन अन्तिम चरणमा
पुगेको छ । चलचित्रको २ गीत र क्लाइमेक्सको दृश्य छायांकन गर्न बाँकी रहेको
नायक सिग्देलले अनलाइनखबरलाई जानकारी गराएका छन् ।
‘मेरो
पावरफुल वैशको धक्काले’ बोलको आइटम गीतमा आर्यन र प्रमिलाले नृत्य गरेका
हुन् । गीतमा नायक आर्यन सिग्देललाई टाउकामा फेता बाधेर नाँच्दै गरेको
देख्न सकिनेछ । उनले गीतको अवस्था अनुसार आफुले फेता कसेर नृत्य गरेको बताए
।दयाराम दाहालको निर्देशनमा तयार भएको यो सिनेमाको छायांकन अन्तिम चरणमा
पुगेको छ । चलचित्रको २ गीत र क्लाइमेक्सको दृश्य छायांकन गर्न बाँकी रहेको
नायक सिग्देलले अनलाइनखबरलाई जानकारी गराएका छन् ।
चकलेटी नायक आर्यन सिग्देलका साथमा यो सिनेमामा नायिका निता ढुंगानाको अभिनय छ ।
काठमाडौं । एएफसी च्यालेन्ज कप छनौट फुबटलमा नेपालले भोलि शनिबार नौलो प्रतिद्वन्दी नर्दन मारिया आइल्याण्डसंग खेल्दैछ । त्रिपुरेश्वरस्थित
दशरथ रंगशालमा साँझ ५ बजे सुरु हुने खेलमा नेपाल जितको लक्ष्यका साथ
र्मैदान उत्रिने प्रमुख प्रशिक्षक र कप्तानले बताएका छन् ।
शुक्रवार भएको प्री म्याच
कन्फ्रेन्समा नेपालसहित प्यालेष्टाइन, बंगलादेश र नर्दन मारियाना
आइल्याण्डका प्रशिक्षकहरुले आफ्नो टोली सन् २०१४ मा हुने एएफसी च्यालेन्ज
कपका लागि छनौट हुने दाबी गरे ।
कुनै टोलीलाई कमजोर ठान्दौनौं स्टेफन्स्की
नेपालका प्रशिक्षक ज्याक स्टेफन्स्कीले
तीनवटै टोलीलाई कमजोर प्रतिद्वन्दीको रुपमा नलिएको बताउनुभयो । उहाँले तीन
टोली मध्ये तुलनात्मकरुपमा फिफा बरियतामा प्यालेष्टाइन सबैभन्दा माथि र
बलियो टोली भएकाले उसलाई कडा चुनौति दिने तयारीका साथ नेपाली खेलाडी मैदान
उतार्ने वताउनुभयो ।
आफूले नेपाली टोली समालेपछि केही नयाँ
रणनीतिका साथ खेलाडीलाई प्रशिक्षण दिएको र त्यही रणनीति अनुसार नै मैदान
उतार्ने उहाँले वताउनुभयो । उहाँले नेपाली टोलीले पाकिस्तानसंग केही दिनअघि
भएको दूई मैत्रिपूर्ण खेलमा ब्यहोेरेको हारवाट राम्रो पाठ सिकेकाले जित
आत्मसाथ गर्न खेलाडीले आफ्नो गल्ती कमजोरी सुधारेको वताउनुभयो । उहाँले
च्यालेन्ज कपका लागि छनौट हुने दाबी गर्नु भयो ।
यस्तै कप्तान सागर थापाले यसअघिका खेलमा
नेपाली खेलाडीले गरेका गल्ति नदोहोर्याउने वताउनुभयो । उहाँले
पाकिस्तानसंगको हारसंगै गतिलो पाठ सिकिसकेकाले अब डिफेन्स, मिडफिल्ड र
स्ट्राइकिङ लाइनमा त्यस्ता गल्ति नहुने दाबी गर्नु भयो ।
छनौटका लागि हामी क्वालिफाइ छौं: प्यालेष्टाइन
नेपालसंगै समूह डीमा रहेको सबैभन्दा बलियो
टोली प्यालेष्टाइनका प्रमुख प्रशिक्षक महमोद जामलले एएफसी च्यालेन्ज कप
२०१४ का लागि आफूहरु छनौट हुने दावी गर्नुभयो । उहाँले गत वर्ष नेपाललाई
२-०ले हराएकाले पनि आफूहरुलाई छनौटका लागि केही सजिलो हुने वताउनुभयो ।
उहाँले भन्नुभयो,’नेपाल बाहेक नर्दन मारियाना आइल्याण्ड र बंगलादेशसंग
हामीले खेलेका छैनौँ । यो नै पहिलो भेट हो । तर पनि हामी उनीहरुलाई हराउँदै
छनौट हुनेमा ढुक्क छौँ ।’
आफ्नो टोली ६ राम्रा खेलाडीविना नै मैदान
उत्रिने भएकाले केही अप्ठेरो हुने भएपनि उनीहरुको अभाव खड्कीन नदिने उहाँले
वताउनुभयो । प्यालेष्टाइनले गत महिना भारतसंग भएको मैत्रिपूण खेलमा
भारतलाई ४-२ गोल अन्तरले हराएको थियो ।
राम्रो खेल पस्कनेछौं: बंगलादेश
बंगलादेशका प्रशिक्षक डारिअस डी क्रिउफले
आफ्नो टोलीले आकर्षक खेल पस्कने वताउनुभयो । उहाँले नेपाल र बंगलादेशको
खेलको स्तर एउटै भएकाले खेल्न केही सजिलो हुने वताउनुभयो ।
उहाँले प्यालेष्टाइन भारत जस्तो टिमलाई
हराउने टोली भएकाले उसलाई बलियो प्रतिद्वन्दीको रुपमा लिएको वताउनुभयो ।
उहाँले राम्रो खेल पस्केर एएफसी च्यालेन्ज कप २०१४ का लागि छनौट भएर स्वदेश
र्फकने विश्वास व्यक्त गर्नु भयो ।
अनुभव बटुल्न आतुर छौं: नर्दन मारिया
फिफा बरियता समेत स्थान नपाएको नर्दन
मारियालाई सबैले नौलो टोलीका रुपमा लिएका छन् । तर, नर्दन मारिया
आइल्याण्डका प्रशिक्षक कोलुआम किनले भने आफ्नो टोलीले राम्रो खेल पस्कने
दावी गर्नु भयो । उहाँले आफ्नो टोली नयाँ भएकाले एक अर्कालाई राम्रोसंग
चिन्ने मौका नपाएपनि राम्रो खेलेर अनुभव बटुल्ने वताउनुभयो । उहाँले तीनवटै
टोली बलियो भएकाले पनि आफ्नो टोलीले राम्रो अनुभव संगाल्ने विश्वास व्यक्त
गर्नुभयो ।
१९ फागुन, काठमाण्डौं । युद्व अपराध अभियोगमा बेलायतमा पक्राउ परेको नेपाली सेनाका कर्णेल कुमार लामा धरौटीमा रिहा हुने भएका छन् ।
उनलाई १० हजार पाउण्ड धरौटीमा रिहा गर्न
अदालतले आदेश दिएको छ । दुई महिनादेखि लन्डनको बेलमार्स कारागारमा रहेका
उनलाई यसअघि भने धरौटीमा रिहा गर्न अदालतले अस्वीकार गरेको थियो ।
बेलायतको चल्म्स्फोर्ड क्राउन कोर्ट
ससेक्समा शुक्रबार भएको सुनुवाईमा लामालाई १० हजार पाउन्ड धरौटीमा रिहा
गर्ने आदेश दिइएको हो । धरौटीवापतको रकम नेपाल सरकारले तिर्ने बताइएको छ ।
उनलाई अदालतले खोजी गरेको बेलामा उपस्थित हुने गरी रिहा गर्न लागेको हो । कर्णेल लामा तत्काल नेपाल आउन भने पाउने छैनन् ।
सुडान मिसनमा कार्यरत लामा दुई महिनाअघि
श्रीमति भेटन बेलायत गएका बेला पक्राउ परेका थिए । कपिलवस्तुको गोरुसिंगे
ब्यारेकमा रहेका बेला दुई जनालाई पक्राउ गरि यातना दिएको अभियोगमा उनलाई
पक्राउ गरिएको थियो ।
अष्ट्रेलिया पुगेका नायक जिवन लुईटेल
चलचित्र ‘मालतिको भट्टी’ र ‘रिदम’ को पि्रमियर गर्नमा व्यस्त छन् । उनले
अभिनय गरेको पछिल्ला २ चलचित्र ‘रिदम’ र ‘नोटबुक’ को गीतले बजारमा राम्रो
चर्चा पाएपछि जिवनको खुशीको सिमा छैन ।
अष्ट्रेलियाबाट
अनलाइनखबरसँग कुरा गर्दै जीवनले भने, ‘म गीतलाई पनि महत्व दिएर सिनेमा
खेल्छु र हिट हुन्छ ।’ उनले अभिनय गरेका अधिकांश सिनेमाका गीतहरु हिट छन् ।
चलचित्र ‘नाइ नभन्नु ल’, ‘म तिम्रो भैसके’, ‘अन्दाज’, ‘मालतिको भट्टी’,
‘जब जब माया बस्छ’ का गीतले बजार तताइसकेका छन् । यस्तै प्रदर्शनको क्रममा
रहेको चलचित्र ‘रिदम’ को ‘पागल म बन्न सक्छु’ बोलको गीत बजारमा यतिबेला
चर्चित छ । जिवनले नै अभिनय गरेको चलचित्र ‘नोटबुक’ को ‘गाला रात्तै’ बोलको
गीत पनि चर्चामा आइरहेको छ ।
अष्ट्रेलियाबाट
अनलाइनखबरसँग कुरा गर्दै जीवनले भने, ‘म गीतलाई पनि महत्व दिएर सिनेमा
खेल्छु र हिट हुन्छ ।’ उनले अभिनय गरेका अधिकांश सिनेमाका गीतहरु हिट छन् ।
चलचित्र ‘नाइ नभन्नु ल’, ‘म तिम्रो भैसके’, ‘अन्दाज’, ‘मालतिको भट्टी’,
‘जब जब माया बस्छ’ का गीतले बजार तताइसकेका छन् । यस्तै प्रदर्शनको क्रममा
रहेको चलचित्र ‘रिदम’ को ‘पागल म बन्न सक्छु’ बोलको गीत बजारमा यतिबेला
चर्चित छ । जिवनले नै अभिनय गरेको चलचित्र ‘नोटबुक’ को ‘गाला रात्तै’ बोलको
गीत पनि चर्चामा आइरहेको छ ।
जीवनले भने, ‘मैले खेलेपछि एउटा गीत हिट हुनैपर्यो नि ?’
हाम्रो समाजमा यौनका बारेमा कुरा गर्नु अहिले पनि लाजसरमको विषय मानिन्छ । कतिपय त गर्भनिरोधक औषधि तथा अस्थायी साधन कन्डमको नाम लिनसमेत लाज मान्छन् । जसकारण पनि पहिलोपटक यौनसम्पर्क कसरी गर्ने भन्नेबारे सल्लाह लिन चाहने कतिपयले आफ्ना कुरा मनमै दबाएर राख्ने गरेका हुन्छन् । पहिलो यौनसम्पर्कको पल सबैका लागि यादगार हुन्छ । मानिस आफ्नो पहिलो यौन सम्र्पकलाई अविस्मरणीय बनाउन चाहन्छन् । तर, पर्याप्त सल्लाह र सीपको अभावका कारण कुरा बिग्रने गर्दछ । सानो गल्ती र कमजोरीले पनि जीवनभर पछुतो हुन सक्छ । त्यसकारण पहिलोपटक यौन सम्र्पक गर्दा ध्यान दिनुपर्ने अत्यावश्यक कुरा निम्न छन् ।
कन्डम प्रयोग गर्नु
विशेषगरी नवविवाहित दम्पती पहिलो यौनसम्पर्कलाई लिएर निकै उत्साहित हुने गर्छन्, जसकारण उनीहरूले धेरै कुरा ख्याल गर्दैनन् । अधिकांश जोडी जोसमा होस गुमाउने गर्छन् । कतिपयले कन्डम प्रयोग गर्न जरुरी मान्दैनन् । जसकारण बिहे गरेको केही दिनमै पत्नी गर्भवती हुन्छिन् । नचाहँदा नचाहँदै भएको गर्भधारणले उनीहरूलाई पश्चात्ताप हुन्छ । प्रायः नवविवाहित पहिलो यौनसम्पर्कको अनुभव अनौठो हुन्छ भन्ने ठान्ने गर्छन् । यो अनौठो त हुन्छ नै । तर, कहिलेकाहीँ एउटाको मीठो अनुभव अर्काका लागि पीडादायक पनि हुन सक्छ । त्यसकारण एक-अर्काको सल्लाह र रुचिअनुसार मात्र सम्पर्क गर्नुपर्छ ।
नक्कलदेखि सावधान
इन्टरनेटको जमाना, त्यसमाथि पोर्न फिल्म, फोटोग्राफी र साइटको बिगबिगी । अचेलका युवायुवतीले स्कुल-कलेज लाइफमै पोर्न फिल्म हेर्ने गरेको पाइन्छ । जसमा अप्राकृतिक यौनसम्पर्क पनि देखाइने गरिन्छ । पहिलो यौनसम्पर्कको वेलामा आफूले हेरेको पोर्न फिल्मको नक्कल गर्ने कोसिस कहिल्यै पनि गर्नुहँुदैन । त्यसले दाम्पत्य जीवनमै संकट पैदा गर्न सक्छ । यौन एउटा कला हो, त्यसकारण पहिलो यौनसम्पर्कलाई जतिसक्यो कलात्मक बनाउनुपर्छ । पछि, आफ्नो पार्टनर पनि अभ्यस्त भएपछि आपसी सहमतिमा जे पनि गर्न सकिन्छ । यसप्रति ध्यान दिनु जरुरी छ ।
हतार नगर्नु
अधिकांश युवक पहिलोपटक यौनसम्पर्क गर्दा हतार गर्छन् । हतार गर्ने बानी घातक हुन्छ । हतार गर्नाले कतिपय युवक सम्पर्क नगर्दै स्खलित हुन्छन् । जसले गर्दा पत्नी असन्तुष्ट हुन्छिन् । यसले पति र पत्नी दुवैलाई ग्लानिको आगोमा जलाउँछ । त्यसकारण हतार नगरी प्रेमपूर्वक सम्भोग गर्नुपर्छ । यौन विशेषज्ञहरू भन्छन् कि पुरुषको दाँजोमा उत्तेजनामा आउन महिलालाई धेरै समय लाग्छ । त्यसकारण सम्पर्क गर्नुअघि पुरुषले फोर-प्ले
(प्राक्क्रीडा) मा विशेष ध्यान दिनुपर्छ । पत्नीलाई उत्तेजनामा ल्याउन पतिले उनलाई चुम्बन गर्ने, उनको शरीरका संवेदनशील अंगमा स्पर्श गर्नेलगायत यौन क्रियाकलाप गर्नुपर्छ । पत्नीलाई उत्तेजनामा ल्याएपछि मात्रै यौनसम्पर्क सुरु गर्नु बेस हुन्छ ।
पत्नीको भावना बुझ्नु
कतिपय पत्नी पतिका अगाडि खुलेर कुरा गर्न सक्दैनन्, पतिलाई दुःखी बनाउन चाहँदैनन् । जसकारण उनीहरू आफू सन्तुष्ट भएको झुट बोल्छन् । तर, पतिले पत्नी यौनसम्पर्कबाट साँच्चै सन्तुष्ट छिन् कि छैनन्, विचार गर्नुपर्छ । पतिले आफ्नो मात्रै सन्तुष्टि हेर्नुहँुदैन । पत्नीसँग सल्लाह गरेर अघि बढ्नुपर्छ । पति-पत्नीमा असमझदारी पैदा हुने प्रमुख कसी यौन असन्तुष्टि हो, त्यही भएर पहिलो यौनसम्पर्कमै यी कुरा विचार गर्नु जरुरी हुन्छ ।
विश्वमा सेक्सका लागि सबैभन्दा कम समय
छुट्टाउने मानिस कुन देशका होलान् ? ठ्याक्कै यसै हो भन्न गाह्रो छ । तर एक
अध्ययनले भने भारतीयहरुले सेक्समा सबैभन्दा कम समय दिन्छन् । अर्थात्
भारतीयहरुको सम्भोगको समय सबैभन्दा छोटो छ ।
हालै एक कण्डम कम्पनीले गरेको एक अनलाइन
सर्भे अनुसार भारतीय दम्पतीहरुले एक पटकको सम्भोगमा औषतमा १५ मिनेट १०
सेकेण्ड समय खर्चिन्छन् । यसको अर्थ १५ मिनेटमा भारतीय दम्पतीहरुको
यौनक्रिडाको शुभकार्य सम्पन्न हुन्छ । विश्वका ३७ देशका ३० हजार मानिसमा
गरिएको अध्ययनले यी देशमध्ये भारतीयहरुको सम्भोग सबैभन्दा छोटो हुने
देखिएको हो ।
सर्भेक्षण अनुसार सेक्सका बेला कण्डम
प्रयोगको सन्दर्भमा भने भारतीयहरु निकै अगाडि छन् । ७१ प्रतिशत दम्पतीले
सम्भोगका बेला कण्डम प्रयोग गर्ने गरेका छ । कण्डम प्रयोगको सबालमा
चिनीयाहरु पहिलो स्थानमा छन् । सयमा ७७ चिनिया दम्पतीले सेक्सका बेला कण्डम
प्रयोग गर्छन् । ७३ प्रतिशतका साथ हंगकंगका दम्पतीहरु दोश्रो स्थानमा छन् ।
यस्तै पाकक्रिडामा भारतीयहरु पाँचौ स्थानमा छन् । सम्भोग पहिलेको पाकक्रिडामा भारतीय दम्पतीहरुले औषतमा १९ मिनेट बिताउँछन् ।
यस्तै सबैभन्दा बढि सेक्स गर्नेमा
कोलम्बियालीहरु पहिलो स्थानमा छन् । ८९ प्रतिशत कोलम्बियालीले हप्तामा
कम्तीमा एक पटक सेक्स गर्छन् । बढि सेक्स गर्ने सबालमा इण्डोनेसियाली र
रसियनहरु संयुक्त रुपमा दोश्रो स्थानमा छन् ।
यस्तै सम्भोगका बेला चरम आनन्द प्राप्त
गर्ने सबालमा भने हंगेरीयनहरु पहिलो स्थानमा छन् । गि्रकहरु दोश्रो र
स्पेनी दम्पतीहरु तेश्रो स्थानमा रहेका छन् ।
एक अध्ययनले सयमा दश जना मानिसले आफ्नो
कार्यालयमै सम्भोग गर्ने गरेको देखाएको छ । रोजगारी सम्बन्धी एक इन्टरनेट
साइट ग्लासडोरले गरेको सर्भेक्षणले यस्तो देखाएको हो ।
आफ्ना १ हजार जना प्रयोगकर्तामा गरिएको
अनलाइन सर्भेक्षणका क्रममा दश प्रतिशतले कार्यालयमै प्रेम र यौनलाई मूर्त
रुप दिने गरेको बताएका छन् ।
५१ प्रतिशत मानिसले कार्यालयभित्र आफ्नो
सहकर्मीसाग प्रेम गर्न तथा सेक्स गर्नु कुनै नराम्रो काम नभएको बताए । सयमा
३७ जनाले सहकर्मीसाग रोमान्टिक गफ तथा अन्य व्यवहार गर्ने गरेको बताए ।
यता २२ प्रतिशतले भने आफुले कार्यस्थलमा सहकर्मीसाग कुनै प्रेम तथा यौनजन्य
कार्य नगरेको स्पष्टीकरण दिएका छन् । कतिपय मानिसहरु आफुले कार्यालयमा
प्रेम तथा यौनजन्य काम नगरेपनि आफ्ना सहकर्मीको भने खुबै चियोचर्चो गर्दा
रहेछन् । सर्भेक्षणका क्रममा ४१ प्रतिशतले आफ्ना केही सहकर्मीले कार्यालयमा
यौनजन्य गतिविधि गर्ने गरेको सुइाको आफुले पाएको बताए ।
यद्यपि सर्भेक्षणको यो नतिजा सबै देशका
सबै कार्यालयको हकमा नमिल्न सक्छ । तथापि यसले कार्यस्थलमा हुने रोमान्स
तथा यौनजन्य गतिविधि बढिरहेको र समाजमा खुलापन बढिरहेको कुरालाई इंगित
गर्ने बताइएको छ ।
सहाना बोल्न नसक्ने अवस्थामा, बास्तोला दुई महिनादेखि बेहोस
१८ फागुन, काठमाडौं । १० दिनदेखि सिकिस्त
बिरामी भएका पूर्वयुवराज पारस शाहको स्वास्थ्य अवस्थाबारे धेरैले चासो राखे
पनि देशका तीनजना प्रभावशाली नेता ओछ्यान परेको चाहिँ कमैलाई थाहा छ ।
पारसभन्दा पनि धेरै पहिलेदेखि बिरामी भएका यी तीन नेताहरुको स्वास्थ्य
अवस्था उत्तिकै गम्भीर छ । तर पारसको बारेमा सोधीखोजी र जिज्ञासा व्यापक भए
पनि बिरामी नेताबारे पार्टी नेतृत्वले नै खास ध्यान दिएको छैन ।
दुई वर्षदेखि घरभित्रै
नेपालको
कम्युनिष्ट एवं महिला आन्दोलनकी अग्रणी व्यक्तित्व एमाले नेतृ सहाना
प्रधान थला परेको झण्डै दुई वर्ष भयो । उहाँ अहिले बोल्न सक्नुहुन्न । ८४
वर्ष उमेरकी सहानालाई ठूलो स्वास्थ्य समस्या छैन । ‘बुढ्यौलीले थला
पर्नुभएको हो, स्मरणशक्ति चाहिँ निकै बलियो छ’ एमाले नेता कृष्णगोपाल
श्रेष्ठले अनलाइनखबरसित भन्नुभयो ।
बोल्न नसके पनि भेट्न जाने प्रायः सबैलाई
सहानाले चिन्नुहुन्छ । ‘हातको भाउ र इशाराले कुरा गर्ने गर्नुहुन्छ’
श्रेष्ठले भन्नुभयो ।ऊबेला राष्ट्रपति उम्मेद्वारको रुपमा समेत चर्चा
बटुलेकी सहानालाई अहिले अरुले मात्र होइन, उहाँको पार्टी एमालेले समेत
बिर्सन लागेको छ । सधैं उस्तै बिरामी त हो नि भनेर हिजोआज उहाँलाई भेट्न
कोही पनि जाँदैनन् ।
मुलुकमा सहमतीय प्रधानमन्त्री र महिला
अधिकारको आवाज चर्को रुपमा उठिरहेको बेला यी दुवै ठाउँमा उत्तिकै भूमिका
खेल्ने सहाना चाहिँ गुमनाम जस्तै हुनुहुन्छ ।
अप्रेशनको समय पर्खंदै
नाताले
सहाना प्रधानका सोल्टी पर्ने अर्का एमाले नेता भरतमोहन अधिकारी केही
महिनाअघिसम्म दलहरुको बैठकमा सकृयतापुर्वक सहभागी हुनुहुन्थ्यो । दमका
दीर्घरोगी अधिकारी गोजीमा सुंघ्ने औषधि बोकेर हरेक छलफल र बैठकमा
जानुहुन्थ्यो । तर, अहिले उहाँ कुनै पनि छलफल र बैठकमा सहभागी हुनुहुन्न ।
‘दमसँगै मुटुमा समेत समस्या देखिएपछि उहाँ
उपचारको लागि एक महिनादेखि भारतमा हुनुहुन्छ’ एमाले नेता श्रेष्ठले
बताउनुभयो । बुटवलको एक कार्यक्रममा सहभागी हुन जाँदा त्यहीँ बेहोस भएपछि
उहाँलाई भरतपुर अस्पतालमा सामान्य उपचार गराएर नयाँ दिल्ली लगिएको हो ।
नयाँ दिल्लीस्थित मेदान्त अस्पतालमा उहाँको मुटुको शल्यक्रिया गर्ने तयारी छ
।
७६ वर्षीय अधिकारी केही महिनाअघि मुटुको
उपचारको लागि मेदान्त अस्पताल पुग्नुभएको थियो । अस्पतालले जाडोमा
शल्यक्रिया गर्दा समस्या हुने भएकाले गर्मीमा गर्नुपर्ने सल्लाह दिएको थियो
। त्यसपछि उहाँ नेपाल र्फकनुभयो । तर, फेरि समस्या भएपछि उहाँ त्यही
अस्पताल पुग्नुभएको हो । अस्पतालले शल्यक्रियाका लागि अझै केही महिना
पर्खनुपर्ने बताएपछि अधिकारी सिक्किमस्थित छोरी ज्वाईंको घरमा आराम गरेर
बसिरहनुभएको छ ।
बास्तोला दुई महिनादेखि बेहोस
एमाले
नेता अधिकारीले उपचार गराउँदै आएको मेदान्त अस्पतालमा यतिबेला कांग्रेस
नेता चक्रप्रसाद बास्तोलाको उपचार भैरहेको छ । मस्तिष्कघात भएपछि उहाँलाई
दुई महिनाअघि अस्पताल भर्ना गरिएको हो । उहाँको अवस्थामा केही सुधार भए पनि
अझै होस खुल्न सकेको छैन ।
‘आइसीयूबाट वार्डमा त सारिएको छ, तर होस
खुलेको छैन’ नेपाली कांग्रेस झापाका सदस्य केशवराज पाण्डेले अनलाइनखबरसित
भन्नुभयो -’डाक्टरहरुले अब क्रमिक सुधार हुन्छ भनेका छन् ।’बास्तोलाको छिटै
होस खुल्ने चिकित्सकले बताएका छन् । अहिले शरीररहको अंगहरु चल्न थालेको
चिकित्सकको भनाई उद्धृत गर्दै पाण्डेले भन्नुभयो । उहाँलाई प्रत्येक
घण्टामा पाइपको माध्यमबाट दुईसय ग्राम तरल खानेकुरा खुवाइने गरिएको छ ।
यस्तै फिजियोथेरापीको माध्यमबाट अंगहरुलाई
क्रियाशील गराउने प्रयास पनि भैरहेको छ । यसैवीच एमाओवादी अध्यक्ष
प्रचण्डका भतिज समीर दाहाल पनि दिल्लीको मेदान्त अस्पतालमा १५ दिन उपचार
गरेर बिहीबार काठमाडौं र्फकनुभएको छ ।
धेरैको दुर्घटनामा मृत्यु, केहीद्वारा आत्महत्या
१८
फागुन, क्वालालम्पुर । मलेसियामा नेपाली कामदारको मृत्युको समाचार नयाँ र
अनौठो होइन । हरेक दिनजसो कम्तिमा एक नेपालीको ज्यान जाने गरेको मलेसियामा
गत हप्तामात्रै पाँचजनाले ज्यान गुमाएका छन् । तथ्यांक अनुसार विगत १०
वर्षयता मलेसियामा २ हजार ४५ जना नेपालीले ज्यान गुमाइसकेका छन् । मृत्यु
हुने सबैको कथा-व्यथा उस्तै छ, कोही कम्पनीमा काम गर्दागर्दै त कसैको
अस्पतालमा उपचारका क्रममा मृत्यु हुने गरेको छ । केही नेपालीले आत्महत्या
समेत गरेका छन् । मलेसियाबाट प्रकाशित हुने द सन दैनिक पत्रिकाले नेपाली
दुतावासलाई उद्धृत गर्दै जनाएअनुसार सन् २००३ देखि गत वर्ष सम्म २ हजार ४५
जना नेपालीको मृत्युभएको उल्लेख गरेको छ ।
क्वालालम्पुरवाट नजिकै रहेको केलाङको एक
कम्पनीमा कार्यरत खोटाङका २३ वर्षीय सिगराज राईको यसैसाता केलाङ अस्पतालमा
उपचारका क्रममा ज्यान गएको छ । अवैधानिक रहेर काम गरिरहेका उनी विरामी
परेपछि साथीहरुको सहयोगमा अस्पताल भर्ना भएका थिए । एक वर्ष अगाडि मलेसिया
आएका उनी अवैधानिक रुपमा काम गरिरहेका थिए । हाल उनको शव पोसमार्टका लागि
केलाङ अस्पतालमै राखिएको छ । अवैधानिक रहेका कारण शव नेपाल पठाउन समस्या
परेकेा युवक तामाङले अनलाइनखवरलाई जानकारी गराए ।
त्यस्तै पेनाङमा रेलको पटरीमा अर्का एक
नेपालीले आत्महत्या गरेका छन् । फेवु्रवरी २४ तारिखका दिन उनले आत्महत्या
गरेको मलेसियाको सञ्चार माध्यमहरुले जनाएका छन । जोड गतिले आइरहेको रेलको
लिकमा उनी जादा रेलले किचेको बताइएको छ । मृतकको सनाखत हुन नसके पनि उनका
साथमा नेपाली भाषामा लेखिएको कागज भेटिएकाले उनी नेपाली रहेको खुलेको हो ।
उनको टाउको किचिएकाले भएकाले पहिचान हुन नसकेको स्रोतहरुले जनाएका छन् ।
केही नेपालीहरु आफ्ना कोही साथी पो परे कि भनेर खोजिनीति गरिरहेका छन् ।
हाल उनको शव पोसमार्टमका लागि पेनाङ अस्पतालमा राखिएको छ ।
यसैगरी पुलाउ पेनाङको सुगाइवेकापमा रहेको
सिङ सोग कम्पनीमा कार्यरत नवलपरासी अन्दाजी १८ वर्षका प्रदीप कुर्मीले
झुण्डिएर आत्महत्या गरेका छन् । आफुलाई कम्पनीमा काममा लगाउने वंगलादेशी
सुपरभाइजरले निकै नै दुख दिने गरेका कारण उनले आत्महत्या गरेको अनुमान
गरिएको छ । त्यस्तै क्वालालम्पुर भन्दा करीव चारघण्टा टाढा पर्ने टाइपिनमा
पनि एक नेपालीको ज्यान गएको छ । पर्सा जिल्ला सुनवास वैरिया गाविस वडा न ७
घर भएका २१ व्ाषर्ीय सुरज माझीको उपचारका क्रममा ज्यान गएको हो । पाचँ
महिना अगाडि मात्रै रोजगारीका लागि मलेसियाको टाईपिन सिम्पाङमा रहेको
कम्र्फोट रबर ग्लोव कम्पनीमा कार्यरत सुरेश केसीले घटनाबारे अनलाइनखबरलाई
जानकारी गराएका छन् ।
क्वालालम्पुरमा मंगलवार अर्का एक नेपालीको
ज्यान गएको छ । सानेपा घर भई मलेसियाको एक रेमिटान्स कम्पनीमा कार्यरत
रोशन श्रेष्ठको उपचारका क्रममा ज्यान गएको हो । सामान्य विरामी भएका
श्रेष्ठ उपचारका लागि आफैं अस्पताल पुगेका थिए । अस्पतालमा उपचार भैरहेको
अवस्थामा उनको ज्यान गएको हो ।
सूचना प्रविधिको विस्तारसँगै समाजमा विकृति पनि बढेका छन्।
बालबालिकाहरूसमेत साइबरमा झुम्मिने र अश्लील साइटहरू हेर्ने दर बढेको
विभिन्न अध्ययनले देखाएको छ। विभिन्न संचारमाध्यम तथा समाचारहरूले पनि
उनीहरूको मस्तिष्कमा यौनका विषयमा कौतूहलता उत्पन्न गरिदिने र त्यस्ता
साइटमा प्रवेश गर्न प्रोत्साहित गर्ने गरेको पाइएको छ। यस्ता अश्लील
सामग्री हेर्दा बाल मस्तिष्कमा दीर्घकालीन असर पुग्ने एक अध्ययनले देखाएको
छ। अक्सफोर्ड विश्वविद्यालयका शोधकर्ताहरूका अनुसार बालबालिकाको मस्तिष्क
निकै संवेदनशील हुने भएकाले यस्ता अश्लील सामग्रीले पार्ने नकारात्मक
असरको जोखिम बढी हुन्छ। त्यसैले बालबालिकाहरूलाई यस्ता सामग्रीबाट
बचाउनुपर्ने उनीहरूको तर्क छ। विज्ञहरूले आफ्ना शिशुले इन्टरनेट साइट तथा
कम्प्युटरमा हेर्ने सामग्री, पुस्तक आदि कुरामा हरेक अभिभावकले ध्यान
दिनुपर्ने सुझाव पनि दिएका छन्। यस्ता अश्लील साइटबाट बालमस्तिष्कमा
कुविचार सिर्जना हुने तथा त्यसबाट कुलतमा फस्ने खतरा बढ्ने विज्ञह रूको
भनाइ छ।
यो रोग त होइन ?
म २० वर्षीया विवाहित महिला हुँ। श्रीमान्सँग सम्पर्क गर्दा उहाँको वीर्य झरेपछि मेरो योनि एकदम पोल्छ। यस्तो भएको तीन महिनाजति भयो। के कारणले यस्तो भएको हो ? यो रोग त होइन ?किन पीडा भएको होला ?
हामीलाई थाहै छ, यौनसम्पर्क एक आनन्ददायक क्रियाकलाप हो। सम्भवतः यौन सम्पर्कबाट नै मानवले प्राप्त गर्न सक्नेमध्येको चरम आनन्द प्राप्त गर्छ। असीम आनन्द, चरमसुख, स्वर्गीय आनन्दजस्ता कतिपय नाम पनि यौनसम्पर्कको आनन्दसँग जोडिएका छन्, तर सबै यौनसम्पर्क सुखमय नहुन सक्छन्, त्यसैले यौनसम्पर्क किन पीडायुक्त हुन्छ भन्ने विषयमा केही कुरा गरौं।
योनि सुख्खा भएको स्थितिमा यौनसम्पर्क गर्दा पीडा हुन्छ र यौनसम्पर्कपछि पोल्ने हुन सक्छ। तपाईंको सन्देशमा पर्याप्त जानकारी नभएकाले यसै भन्न सकिने स्थिति भएन। पर्याप्त मात्रामा यौन उत्तेजना नभएको स्थितिमा योनि रस नै आएको हुँदैन। यस्तो स्थितिमा यौनसम्पर्कको घर्षणले पोल्ने समस्या हुन्छ। यौनसम्पर्कका दौरान त्यतातिर ध्यान नगएको हुन सक्छ, तर सम्पर्क सकिएपछि पोलेको अनुभव हुनसक्छ। योनिशो थका कारण यो समस्या थपिन सक्छ। अनावश्यक रूपमा धेरै डुस दिएर योनि सफा गर्ने बानी, केही हार्मोनयुक्त औषधीको प्रयोग, योनिमा चोटपटक (नङ, अन्य वस्तुवाट वा यौनसम्पर्ककै कारणले हुने) पनि यसको कारण हुन सक्छ।
तपाईंको आफ्नो यौन तथा यौनिकताप्रतिको धारणा स्पष्ट पार्नुभएको छैन। कतिपय स्थितिमा मानसिक कारणले यस्तो पीडा अनुभव हुने सम्भावना पनि छ। यौनसम्पर्कसम्बन्धी नकारात्मक धारणाले ग्रसित भएको स्थितिमा वा डर भएको स्थितिमा यस्तो हुन्छ। विशेष गरेर भयातुर वा डर भएका कारणले यौनसम्पर्क गर्न लाग्दा अकस्मात् योनिको मांसपेशीको संकुचित र कडा हुन्छ। यस्तो बेलामा यौनसम्पर्क राख्न खोज्दा पीडा हुनसक्छ। आशा गर्छु, त्यस्तो केही छैन।
यौनसम्पर्क राख्दा महिलाहरूमा पोल्ने कारणहरूमा योनिको संक्रमण प्रमुख हुनसक्छ। योनिको संक्रमण जीवाणु वा ढुसी जातिका सूक्ष्म जीवबाट हुन सक्छ। यसले गर्दा योनि शोथ गराउन सक्छ। यस्तो बेलामा अस्वाभाविक योनिश्राव हुन्छ र चिलाउँछ। त्यसबाहेक यौनरोग हुने सम्भावना पनि त्यत्तिकै छ। तपाईंले त्यस्तो लक्षणका बारेमा केही लेख्नुभएको छैन। शंका भए श्रीमान्-श्रीमती दुवैको परीक्षण तथा उपचार एकसाथ गर्नुपर्छ।
के तपाईंको समस्या वीर्यको एलर्जीले हो ?
कन्डम प्रयोग गर्दा यस्तो पोल्ने नहुने तर योनिमा वीर्य स्लखन हुँदा यस्तो समस्या हुन्छ भने त्यो 'वीर्यको एलर्जी' को कारणले हुन सक्छ।
यसरी वीर्य स्खलनपछि योनि पोल्ने समस्या विरलै (एक प्रतिशत) मात्र हुन्छ। त्यसो भए पनि यस्तो समस्या भएका महिलालाई निकै असहज हुनसक्छ, शारीरिक तथा मानसिक रूपमा। कसैकसैले त यौनसम्पर्कपछि केही घण्टासम्मै यस्तो असजिलो परिस्थति बेहोर्नुपर्छ। तपाईलाई थाहै होला, 'वीर्य' तपाईंको शरीरका लागि बाह्य वस्तु हो। बाह्य वस्तु शरीरमा प्रवेश गरेपछि त्यसले शरीरमा केही परिवर्तन ल्याउँछ नै। तपाईंको सन्दर्भमा तपाईंको योनिको वातावरणलाई केही नै भए पनि परिवर्तन गर्छ। यस्तो कुराले योनिशोथलाई बढावा दिन सक्छ।
तपाईंले तीन महिनादेखि समस्या भयो भन्नुभएको छ, जसको अर्थ पहिले हुँदैनथ्यो भन्ने बुझिन्छ। यस्तो परिस्थितिमा यौन क्रियाकलापमा केही परिवर्तन भएका छन् कि त्यो पनि विचार गर्नुहोला, जस्तै कि कन्डमको नियमित प्रयोग छोड्नुभएको वा पर्याप्त पाक्क्रीडा नगरी यौनसम्पर्क गर्ने गरेको वा कुनै हार्मोनयुक्त वा अन्य औषधीको सेवनले योनि बढी सुख्खा हुने स्थिति आएको छ कि ?
वीर्यको एलर्जीका लागि के गर्ने ?
समयावधि वा तीव्रता (severity) वीर्यको सम्पर्कमा आएको केही बेरपछि पोल्ने, चिलाउने, सुन्निने अनि रातो हुने हुनसक्छ। हुन त वीयर् मा भएको कुनै पनि प्रोटिनको एलर्जी हुन सक्छ। वीर्यको एलर्जी भन्नाले Human seminal plasm protein hypetsensitivity (SPH) बुझिन्छ। यो समस्या यस्तै एक प्रतिशतजति जोडीमा हुने देखिएको छ।
वीर्यको एलर्जी वीर्य योनिको सम्पर्कमा आउँदा मात्र होइन, अन्य अङ्गमा जस्तै कि मुख वा छालामा पर्दा पनि हुन सक्छ। श्रीमान्को वीर्य यसरी अन्य अङ्गमा पर्दा पनि त्यस एलर्जी हुने समस्या छ कि छैन, नलेख्नुभए पनि पक्कै तपाईंलाई थाह होला। त्यस्तो हो भने तपाईंको समस्या वीयर् को एलर्जीले सिर्जना गरेको हो भन्न सकिने बलियो आधार रहन्छ।
समाधानका लागि वीर्यको प्रत्यक्ष सम्पर्कमा आउने स्थितिलाई कम गर्नु हो। त्यसैले आवश्यकता नपरेसम्म वीर्य स्खलन पनि सीधै योनिमा पर्ने गरी नगरे समस्या कम गर्न सजिलो हुन्छ। यसका लागि सबैभन्दा राम्रो उपाय कन्डमको नियमित प्रयोग गर्नु नै हो। तपाईंलाई थाहै होला, कन्डमले यौनरोगका साथसाथै गर्भनिरोधको काम पनि गर्छ। सम्पर्कको समय कम गर्न त्यसबाहेक योनिको बाहिर, अनुहार, हात वा तिघ्रा जता वीर्य परेको भए पनि नरम हाते रुमाल वा सानो कपडाले त्यसलाई तुरुन्त पुछ्नु सहयोगी हुन्छ।
यौन मनोविज्ञान
म २४ वर्षीय अविवाहित पुरुष हुँ। मेरो काँधमा तीन जना भाइबैनीको जिम्मेवारी छ। आमा-बुवा पहाडमा खेती किसानी गर्नुहुन्छ। हामी चार जना काठमाडौंमा बसेर पढ्छौ। यही कारणले मैले कमाउनुपर्ने बाध्यता पनि छ। मेरो मुख्य समस्या भनेको म युवतीसँग संगत गर्न चाहन्छु। यद्यपि मसँगको संगत लामो समय कायम हुन सक्दैन। घरभित्र असल दाइको भूमिका निर्वाह गर्ने म बाहिर किन असल प्रेमी हुन नसकेको होला भन्ने पीरले भित्रभित्रै छट्पटिन्छु। मैले आफ्नो सबै पारिवारिक विवरण दिने भएकाले उनीहरू मसँग टाढिएका हुन् कि ? म तन्नेरी युवक भएकाले युवतीहरू मबाट प्रेम र यौनका केही क्रियाकलाप चाहने तर म त्यसो गर्न नचाहने किसिमको व्यक्ति भएकाले टाढिएका हुन् कि ? वा मैले युवतीको मनोविज्ञान बुझ्न नसकेकाले यसो भएको हो कि ? मेरो समस्यामा तपाईंको राय जान्न चाहन्छु।
एन.आर
सामान्यतः मानिसहरू आफ्नो स्वाभाव जस्तो छ, अरूबाट पनि त्यही किसिमको स्वाभावको इच्छा राख्छन्। आफूले सम्मान चाहन्छन् भने अरूलाई सम्मान दिन्छन् अर्थात् सम्मान चाहने मानिसले अरूलाई पनि सम्मान गर्न जानेको हुन्छ। यो मानिसहरूको प्राकृतिक स्वाभाव हो। यसका लागि महिलालाई अझ बढी उपयुक्त उदाहरण भन्दा हुन्छ। महिलाहरू भावनामा मात्र होइन, शब्दमा पनि आफ्नो श्रीमान्लाई सम्मान गरिरहेका हुन्छन। यस्तै व्यवहार उनीहरू आफ्नो श्रीमान्बाट पनि चाहिरहेका हुन्छन्, तर धेरैजसो श्रीमान् आफूले मनैदेखि माया गरिरहेको छु भने बढी पुलपुल्याउने काम किन गरूँ भन्ने स्वभावका हुन्छन् र यस्तो स्वाभावको आपसमा सञ्चार नहुँदा कहिलेकाहीं श्रीमान्-श्रीमतीबीच सामान्य खटपट हुन्छ। सम्बन्धका आयामहरूको अध्ययन गरिरहेका विज्ञहरूको पनि यसमा फरक राय नै छ। यससम्बन्धी अध्ययन गरिरहेका विज्ञ रवि आर्यका अनुसार महिलाहरूसँगको सम्बन्धमा तीनवटा पाटा छन्। उनीहरू माया, महत्व र प्रशंसा तीन चीजका भोका हुन्छन्। उनीहरू यी तीनै चीजका खानी पनि हुन्। तीनै चीज दिन चाहने र लिन पनि चाहने भएकाले प्रेमीहरू, श्रीमान्हरूले यसलाई बुझेर त्यसै अनुसारको व्यवहार गर्नु श्रेयष्कर हुन्छ। यहाँसम्म कि पुरानै प्रशंसा दोहोर्याए पनि उनीहरूलाई पर्याप्त हुन्छ। सधैं नयाँ र मौलिक प्रशंसा नै हुनुपर्छ भन्ने छैन।
मार्क न्याप र अनिता भ्याङलिस्टीजस्ता सम्बन्धका विज्ञहरूले पनि यसलाई स्वीकारेका छन् र भनेका छन, जोडीहरू प्रारम्भतिर आपसमा प्रशंसामा डुबुल्की मार्छन्। यो केही वर्षसम्म जारी रहन्छ र सम्बन्ध पनि प्रगाढ रहन्छ, तर बिस्तारै महत्व घट्ने, प्रशंसा र माया पनि घटे जस्तो महसुस हुन थालेपछि सम्बन्ध बिग्रन थाल्छ। यस्ता थुप्रै घटनाका उदाहरण दिन सकिन्छ।
तपाईंको समस्या सुन्दा तपाईं बाहिरजस्तै अथवा अरूसँग जस्तै प्रेमिकासँग पनि कसरी परिपक्व सम्बन्ध बनाऊँ भनेर चिन्तित हुनुभएको बुझ्न सकिन्छ। प्रेमिकासँगको सम्बन्धमा पनि तपाईं आफू निपूर्ण हुन चाहनुहुन्छ भन्ने स्पष्ट हुन्छ। बाहिरी अन्य सम्बन्ध र प्रेमिकासँगको सम्बन्ध फरक कुरा हुन्। त्यसैले यसमा फरक ढंगले व्यवहार गर्नुपर्ने हुन्छ। प्रेमिकासँगको यौनसम्बन्धको कुरा गर्न खोज्नुभएको हो भने यसका लागि आपसमा बसेर कुराकानी गर्नुपर्ने हुन्छ। प्रेमिका यौनसम्बन्धका बारेमा सकारात्मक छिन् भने खुलेर कुरा गर्न सक्नुहुन्छ। यहाँ त तपाईंको संगतमा आउनेहरू नै त्यस्तो चाहना राख्ने हुन् कि भनेर तपाईले शंका गर्नुभएको छ। त्यस्तो हुन पनि सक्छ र तपाईंको शंका मात्र पनि हुन सक्छ। तपाईंको र उनीहरूको स्वभाव मेल खान नसकेकाले यस्तो भएको हुनुपर्छ। अर्को कुरा, पारदर्शी रूपमा कुरा गर्नेलाई जसले पनि मन पराउँछ। यसमा पनि तपाईंको अनावश्यक शंका देखिन्छ।
प्रविधीविद्ले एक यस्तो पारदर्शी
कम्प्युटर बनाएका छन्, जो तपाईको सिस्टमको भित्रसम्म पुग्ने र डिजिटल
कन्टेन्टलाई छोएर तपाईको कल्पनालाई आफ्नो हिसावले ढाल्ने सुविधा दिन्छ ।
लस एन्जसलमा टीईडीको कन्फ्रेन्समा यस
कम्प्युटरको प्रारम्भिक स्वरुपबारे जानकारी दिइएको छ । बोष्टनको
मासाचुसेट्स इन्सटिच्यूट अफ टेक्नोलोजिबाट स्नातक तथा माइक्रोसफ्ट कम्पनीमा
इन्टर्नसीप गरेका जिन्हा लीले यस्तो पारदर्शी कम्पुटरको अबधारणा अघि
ल्याएका छन् ।
‘स्पेसटप थ्री डी डेस्कटप’ बनाउन जुटेका
लीले यो आबिस्कार पूर्ण हुन एक दशकसम्म लाग्न सक्ने बताएका छन् । यो
कम्प्युटरले प्रयोगकर्ताहरुलाई मेशिनसँग सम्वाद गर्ने मौका समेत दिनेछ । यो
सिस्टममा एक पारदर्शी एलईडी डिस्प्ले हुनेछ, जसमा इन बिल्ट क्यामेरा
लगाइएको हुन्छ । यो क्यामेराले प्रयोगकर्ताको हाउभाउ र आँखाको गति अनुसार
आफूलाई एडजस्ट गर्छ ।
यो सिस्टम मानिसको बस्तुसँग सम्बाद
स्थापित गर्ने आवश्यकतालाई लिएर डिजाइन गरिएको हो । यो आबिस्कारले मूर्तरुप
लिएमा आगामी दशकमा कम्प्युटरको क्षेत्रमा अर्को क्रान्ति हुने बीबीसीले
जनाएको छ ।
मोडल क्यान्डिस स्वानिपोल विश्वकै सेक्सी
महिलाको सुचिमा अग्रस्थानमा छिन् । १५ बर्षको उमेरबाट नै आफ्नो करिअर सुरु
गरेकी क्यान्डिस अहिले विश्वका करोडौ फ्यान माझ लोकप्रिय छिन् । उनलाई
फोव्र्स म्यागजिनले सर्वाधिक कमाई गर्ने मोडलहरुको सूचिको उत्कृष्ट १० मा
समावेश गरिसकेको छ ।
आकर्षक
शरिरका कारण पनि क्यान्डिसको चर्चा विश्व बजारमा चलेको हो । साउथ
अफि्रकाका जन्मिएकी यि मोडलले ५ हजार डलर दैनिक कमाउने बताइएको छ ।
आकर्षक
शरिरका कारण पनि क्यान्डिसको चर्चा विश्व बजारमा चलेको हो । साउथ
अफि्रकाका जन्मिएकी यि मोडलले ५ हजार डलर दैनिक कमाउने बताइएको छ ।
चलचित्र ‘समय’ मार्फत नेपाली सिने नगरीमा
प्रवेश गरेकी नवनायिका सुरबी जैन बिष्ट यतिबेला चर्चामा छिन् । फागुन १८
गतेबाट देशभरका हलमा यो सिनेमा प्रदर्शनमा आउन लागेकाले पनि सुरबी दौडधुपमा
व्यस्त छिन् । सिनेमा क्षेत्रमा लागेकासँग प्रेम र विवाह दुवै नगर्ने
बताएकी सुरबीले गोविन्द राईले निर्देशन गरेको चलचित्र नागबेलीमा पनि अभिनय
गरिरहेकी छिन् । उनै नायिका बिष्टसँग अनलाइनखबरका लागि विजय आवाजले गरेको कुराकानी :
· सिनेमा खेल्ने रहर कहाँबाट जाग्यो ?
मलाई पहिलेदेखि नै सिनेमा खेल्ने इच्छा
थियो । बेलायतमा पढाई सकेर नेपाल आएपछि केही म्युजिक भिडियोमा काम गर्छु
भन्ने थियो । तर एकाएक ‘समय’मा अफर आएपछि नाई भन्न सकिन र खेलें ।
· कस्तो पाउनु भयो त सिनेमा नगरी ?
यो क्षेत्रमा नआउँदा त मैले छ्या भन्थें ।
तर जब यो नगरीमा आएँ, साह्रै राम्रो लाग्यो । कम पैसा र सामान्य प्रविधिमा
पनि हामी धेरै सशक्त सिनेमा निर्माण गरिरहेका छौं ।
· सिनेमामा लाग्दा परिवारबाट कत्तिको अड्चन आएको थियो ?
मेरो परिवारले म यो क्षेत्रमा आउँछु भन्ने
सोचेको थिएन । तर मैले जब सिनेमा खेल्छु भने सबै अचम्ममा परें । कसैले पनि
खेल भनेनन् । तर पछि मैले कन्भिन्स गराएर काम गरें ।
· ‘समय’मा कस्तो भूमिका छ ?
म कलेजमा पढ्ने बोल्ड युवतीको भूमिकामा छु । केटा र केटीबीच कुनैपनि भिन्नता नदेख्ने युवतीको भूमिका मैले निर्वाह गरेको छु ।
· ‘समय’मा त थुप्रै उत्तेजक दृश्य दिनुभएको छ, हैन ?
प्रोमोमा देखिएको दृश्य मेरो नभएर अर्को एक नायिकाको हो । तर मैले बिक्कीसँग सामान्य सिन दिएको छु ।
· त्यस्तो दृश्य दिन गाह्रो भएन ?
२० जना मानिसको अघि हात समातेर किस खान त
गाह्रो हुन्छ नि । सुरुवातमा बिक्की र अर्की एक नायिकाले खुलेर टङ किस, बेड
सिन दिएकाले म डराएको थिएँ । मैले पनि यस्तै दृश्य दिनुपर्ने हो की भन्ने
डर मलाई थियो । तर पछि सबैले सम्झाएपयिछ अघि सरें ।
· सिनेमा हेरिसकेपछि कस्तो लाग्यो त ?
म अझै पनि मेरो क्यारेक्टरमा खुल्न सक्थें
जस्तो लागेको थियो । क्यामेराको एंगलका बारेमा नवुझेकाले पनि मैले ५०
प्रतिशत मात्र दिन सके जस्तो लाग्यो ।
· तपाईंको ‘समय’का नायक बिक्कीसग अफेयर भन्ने सुनिन्छ नि ?
त्यो एउटा हल्ला मात्र हो । किनकी सिनेमासँगै खेलेपछि, प्रमोशनमा हिँडेपछि कुरा त आइहाल्छ ।
· अफेयर चै छ कि छैन त कसैसँग ?
मेरो अहिले कसैसँग पनि अफेयर छैन । र म यो
क्षेत्रको मानिससँग सम्वन्ध राख्दिन । किनकी म एकदमै नौटंकी केटी हुँ । यो
क्षेत्रको मानिसले मलाई सम्हाल्न सक्दैन ।
· नौटंकी भनेको चाहिँ कस्तो हो त ?
मलाई साधारण मानिसले झेल्ने सक्छ जस्तो लाग्दैन । सिनेमा नगरीको मानिस त नौटंकी देखेर रमाइलो मान्छ । तर झेल्न सक्दैन ।
· अब कस्तो सिनेमा खेल्ने रहर हो त ?
चुलबुले भन्दा पनि सिरियस भूमिका गर्न सक्छु जस्तो लाग्छ मलाई । दिमागी रुपमा बिरामी मानिसको भूमिका गर्न मन छ ।
· आफूले आफूलाई कसरी मूल्याँकन गर्नुहुन्छ ?
म खुलेर शुरुवातमा कसैसग पनि बोल्न सक्दिन । तर जब म कसैसँग बोल्छु अरुलाई बोल्न नै दिन्न । म धेरैजसो रिजर्बमा बस्छु ।
· पहिलो प्रेम याद छ नि ?
फस्ट लभ त मेरो एसएलसी पढ्दा भयो । मेरो
कक्षाको फस्ट व्याइले मलाई लभलेटर लेखेको थियो । तर त्यो लभ सामान्य रुपमा
नै सकियो । केटाकेटी खेलेजस्तै भयो । एसएलसी सकिने अन्तिम दिनमा प्रपोज
गर्यो, रिजल्ट आउँदा सकिएको थियो ।
· त्यसपछि कसैसँग प्रेम गरिएन ?
कलेज पढ्दा एकजना केटासँग प्रेम गरंे । २
बर्ष साथी भएपछि उसले प्रपोज गर्यो । तर पछि म पढ्नका लागि बेलायत पुगें ।
उसले यहाँ अर्कै युवतीसँग लभ गरेको सुनें । अहिले उ मैले गल्ती गरें भन्दै
फोन गर्छ । तर म एकपटक धोका दिने मानिसलाई माफ गर्न सक्दिन ।
· खानेकुरा मिठो के पकाउनुहुन्छ ?
आलु परौठा, मिठो पकाउँछु ।
· कुन नायक साह्रै मन पर्छ ?
कर्मा मन पर्छ । उसको हाउभाउ, उसले
एक्सप्रेस गर्ने तरीका मन पर्छ । उसँग एउटा सिनेमामा काम गर्न मन छ । तर
मनैदेखि भन्दा मलाई आदित्यनारायण झासँग सिनेमामा रोमान्स गर्ने सपना छ ।
· मनपर्ने कुनै तीनजना नायक ?
सलमान खान, लिओनार्डो, जेम मलिक ।
· नेपालका तीनजना सेक्सी नायक ?
नेपालमा सेक्सी खालका नायक पनि छन् र । तर चपली हाइटका राज घिमिरे सेक्सी लाग्छ ।
· आफू चाहिँ कत्तिको सेक्सी छु जस्तो लाग्छ ?
म जति मेकअप गरेपनि, जति कपडा लगाएपनि सेक्सी देखिन्न । कसैले सेक्सी भनेनन् ।
· आफनो कुन अंग सेक्सी लाग्छ ?
आँखा चाहिँ एकदमै सेक्सी लाग्छ ।
बलिउड वादशाह साहरुख खान र नायिका दिपिका पादुकोण अहिले चलचित्र
‘चेन्नाई एक्सप्रेस’ को छायांकनमा व्यस्त छन् । तर साहरुखले दिपिकालाई एक
नायकसँग जोडेर जिस्काएपछि यि दुई कलाकार बिच शितयुद्ध सुरु भएको बताइएको छ ।
साहरुखले
नायक रणविर सिंह र दिपिकाको सम्बन्धलाई लिएर धेरै नै जोक्स गरेका थिए । तर
दिपिकाले यो कुरालाई गम्भिर रुपमा लिएकी छिन् । दिपिका साहरुखको कुरा
सुनेर दुखीत भएको बताइएको छ ।
तर साहरुखले भने आफ्नो मजाक गर्ने बानी छोडेका छैनन् । साहरुखको जोक्सलाई दिपिकाले गम्भिर रुपमा लिएपछि छायांकनस्थलमा तनाव उत्पन्न भएको छ ।
साहरुखले
नायक रणविर सिंह र दिपिकाको सम्बन्धलाई लिएर धेरै नै जोक्स गरेका थिए । तर
दिपिकाले यो कुरालाई गम्भिर रुपमा लिएकी छिन् । दिपिका साहरुखको कुरा
सुनेर दुखीत भएको बताइएको छ ।तर साहरुखले भने आफ्नो मजाक गर्ने बानी छोडेका छैनन् । साहरुखको जोक्सलाई दिपिकाले गम्भिर रुपमा लिएपछि छायांकनस्थलमा तनाव उत्पन्न भएको छ ।
चैत्र ९ गतेबाट प्रदर्शनमा आउन लागेको
लभस्टोरी चलचित्र ‘मञ्जरी’ ले दर्शकमाझ नौलो छाप छोड्दै चर्चा बटुलिरहेको छ
। नयाँ २ अनुहार र उनीहरुको लोभलाग्दो अभिनयका कारणले पनि चलचित्रले चर्चा
पाइरहेको हो ।
गणेशदेव
पाण्डेको कथा तथा निर्देशनमा तयार भएको यो चलचित्रमा गौरब पहाडी र सुजाता
कोइरालाको अभिनय छ । साधारण कथावस्तुलाई आकर्षक तबरले प्रस्तुत गरिएकाले
पनि ‘मञ्जरी’ ले चर्चा बटुलिरहेको हो ।
गणेशदेव
पाण्डेको कथा तथा निर्देशनमा तयार भएको यो चलचित्रमा गौरब पहाडी र सुजाता
कोइरालाको अभिनय छ । साधारण कथावस्तुलाई आकर्षक तबरले प्रस्तुत गरिएकाले
पनि ‘मञ्जरी’ ले चर्चा बटुलिरहेको हो ।
यसैबिच चलचित्रमा समावेश ‘जाडो’ बोलको
गीतलाई सार्वजनिक गरिएको छ । टुका इन्टरटेन्मेन्टको व्यानरमा नरेशदेव
पाण्डे, महेश चालिसे र प्रदिप उदयले निर्माण गरेको यो चलचित्रमा कालिप्रसाद
बास्कोटाको संगीत समावेश छ ।
निर्देशक पाण्डे चलचित्र ‘मञ्जरी’ ले
दर्शकलाई लैला मज्नु, रोमियो जुलियटको प्रेमलाई याद गराउने बताउँछन् ।
चलचित्रमा समावेश ‘जाडो’ बोलको गीतले पनि चर्चा पाउने विश्वास गरिएको छ ।
गर्मी
मौसममा अनुहारमा ताजापन ल्याउन दुइ चम्मा वेसन, वेसार र गुलाव जलको लेप
वनाएर लगाउनुहोस्। त्यसलाइ १० मिनेटपछि सफा पानीले धुनुहोस्। # आखाको जलन
वा कालो घेरा कम गर्न राती सुत्ने वेला आँखामा चिसो दुधमा भिजाएको कपास
राख्नुहोस्। # ओंठलाई सुन्दर एवं मुलायम वनाउन सुत्ने समय दुधमलाइ प्रयोग
गर्नुहोस् र विहान चिसो पानीले धुनुहोस्। # काचो दुधमा वेसार हालेर वनाइएको
पेष्ट कपडाले नछोप्ने शरीरका भागमा लगाउनुहोस र १० मिनेटपछि धुनुहोस्
त्यसले छालामा निखार ल्याउछ। # एक हप्ताको अन्तरमा अनुहारमा वाफ लिनुहोस्।
वाफ लिने पानीमा पुदिना, तुलसीको पात र निवुको रस रख्नुहोश
सायद
यो घटना विश्वमापहिलोपटक भएको हुनुपर्छ किकुनैपनिमहिलाले साढे ६ महिनाको
अन्तरालमा दुइवटा बच्चापाइन् । त्यो पनि सामान्यबच्चा । यो अनौठो घटना
बेलायतमा घटेको हो । बेलायतकी ३१ वर्षकीमहिला सेडी बुडेनले यस्तो चमत्कार
गरेकीहुन् ।बुडेनले छोरा जन्माएको तिनहप्तामै फेरी अर्को गर्भ बोकेपछि यस्तो सम्भवभएको हो । बिहे गरेपछिलामो समयसम्मबच्चानहुँदाचिन्तित सेडीले पहिले एउटा छोरा जन्माइन् । छोरा जन्मेपछिउनको परिवारमाखुसी छायो र उनीआफै पनिनिकै खुसीभइन् । तर यहीँ खुसीकाबिचमा एक दिनउनीझसंग भइन् । बच्चापाएको ३ हप्ता पछि नै उनको पाठेघरमाअर्को गर्भ रहे । उनले शंकालागि प्रेग्नेन्सी टेष्ट गरिन् । परिक्षणमा पोजेटिभ देखियो ।
उनलाईअझै विश्वास लागेन र डाक्टरकोमागइन् । डाक्टरले पनिउनीगर्भवतीभएको पुष्टि गरे । गर्भ रहेको २६ हप्तामाउनले छोरी साइनालाई जन्मदिइन् । यो अहिलेसम्मकै सबैभन्दाकम समयको गर्भ रहेको र छोटो समयमाजन्मिएको बच्चा रहेको बताइएको छ ।
सेडी र डेनिस ६ महिनामै दुइबच्चापाएकोमानिकै खुसी छन् । दाजु बहिनीआजभोलि स्वस्थ रुपमाहुर्किरहेका छन् । साढे ६ महिनामाजन्मिएकायीदुइबच्चाले गिनिजबुकमानाम लेखाउने तयारी गरिरहेका छन् ।
सरकारले गत कात्तिकमा जारी गरेको शासकीय तथा आर्थिक सुधारको तत्कालीन कार्ययोजना, २०६९ कार्यान्वयनका क्रममा प्रधानमन्त्रीले १० लाख स्वयम् सेवक परिचालन गरी देशको विकासमा उनीहरूलाई लगाउन विशेष कार्ययोजना ल्याउन निर्देशन दिएका हुन् ।
‘नयाँ नेपाल निर्माण कोषमा आम नेपाली जनता र गैर आवासीय नेपालीले कम्तिमा आफ्नो एकदिनको आम्दानी योगदान गर्न’ आग्रह गरेको प्रधानमन्त्री तथा मन्त्रिपरिषद्को कार्यालयका कायममुकायम सचिव ङइन्द्रप्रसाद उपाध्यायले राससलाई बताएका हुन् ।
निजी अस्पताललाई पनि बिरामी बडापत्र जारी गर्न लगाउने, स्वास्थ्य क्षेत्रमा अस्वस्थ विज्ञापनलाई नियन्त्रण गर्न र निःशुल्क वितरण गरिने औषधिमा अनिवार्यरूपमा ‘निःशुल्क’ को छाप लगाउन, सबै दुर्गम स्थानमा चिकित्सक सेवा सुनिश्चित गर्दै महामारी फैलिएका स्थानमा तत्काल औषधि र उपकरणसहितको चिकित्सक टोली पुग्नसक्ने गरी जनशक्तिलाई तयारी अवस्थामा राख्न प्रधानमन्त्रीले निर्देशन समेत दिएका छन् ।
निश्चित विषयहरूमा हालै स्नातक र स्नातकोत्तर उपाधि हासिल गरेकाहरूलाई कम्तिमा तीन महिना स्वयम् सेवकका काममा लगाउन निर्देशन दिनुका साथै प्रधानमन्त्रीले सार्वजनिक संस्थानहरूलाई जनमुखी तुल्याउँदै असिमित सरकारी दायित्व वृद्धि गर्ने कार्यलाई रोक लगाउन तथा मासु, चिया, अलैंची, अदुवा, कफी, दूध, जुनारजस्ता बस्तुको प्रशोधन गरिने औजारमा पुँजीगत अनुदानको व्यवस्था गर्न निर्देशन दिएका छन् ।
करको दायरामा नआउने तर ब्रतवन्ध, पास्नी, विवाहजस्ता कार्यमा ठूलो भोजभतेर आयोजना गर्नेलाई अनिवार्य करको दायरामा ल्याउन कार्ययोजना बनाएर तत्काल आवश्यक प्रयास थाल्न अर्थमन्त्रालयलाई प्रधानमन्त्रीले विशेष निर्देशन दिएका छन् ।
प्रधानमन्त्री तथा मन्त्रिपरिषद्को कार्यालयका अनुसार चालु आर्थिक वर्षभित्रै सुर्खेतमा जडीबुटी सङ्कलन तथा व्यवसाय केन्द्र स्थापना गर्ने, कृषि, दुग्धजन्य, माघा, पशुपंक्षी उद्यमीलाई व्यावसायिक कर्जामा नौ प्रतिशतमात्र व्याज लाग्ने र थप व्याजमा सरकारले अनुदान दिने निर्णय भएको छ ।
त्यसैगरी, सामाजिक सुरक्षा भत्ता पाउने हालको ७० वर्षको उमेरहदलाई ६५ मा झारिएको छ भने पाउने भत्तामा ५० प्रतिशत थप गरी वितरण गर्ने निर्णय सरकारले गरेको छ । राष्ट्रिय गौरवका आयोजनाहरूलाई कुनै पनि प्रकारको साधन–स्रोतको अभाव हुन नदिन र विद्युत् भार कटौती १२ घण्टाभन्दा बढ्न नदिन सम्बद्ध निकायलाई प्रधानमन्त्रीले पुनः निर्देशन दिएका छन् ।
