अनुसन्धानका लागि ११ बाजीगरलाई पनि पक्राउ गरिएको दिल्ली पुलिसका कमिस्नर नीरज कुमारले बताएका छन्। उनले मिलेमतो आशंका गरिएका जारी इन्डियन प्रिमियर लिग (आइपिएल) का तीन खेलबारे विस्तृत विवरण पेश गरे। 
कुमारले अनुसन्धानक्रम अरु थुप्रै बाजीगर पक्राउ पर्नसक्ने जनाउ दिए। भारतीय क्रिकेट प्रशासनले आरोपित क्रिकेटरहरूलाई निलम्बन गरिसकेको छ। खेलको निश्चित भाग वा पक्षमा मिलेमतो गर्ने 'स्पट फिक्सिङ' क्रिकेटमा अवैधानिक छ। भारतका लागि २७ टेस्ट खेलेका श्रीशान्थले मे ९ मा राजस्थान रोयल्सबाट खेल्दा किंग्स इलेभन पन्जाबविरुद्ध सम्पन्न खेलको एकै ओभरमा १४ रन दिनका लागि ४० लाख भारतीय रुपैयाँ लिएको आरोप छ। उनका टिम सहयात्री अंकित चाभानले पनि त्यत्तिकै रन दिन सहमति जनाएको पुलिसको आरोप छ। उनले बुधबार मुम्बई इन्डियन्सविरुद्धको खेलमा १४ रन दिएवापत ६० लाख रुपैयाँ पाएको दाबी गरिएको छ। यसैगरी अजित चान्दिलाले राजस्थान रोयल्स र पुने वारियर्सबीचको खेलमा स्पट फिक्सिङवापत २० लाख रुपैयाँ पाएको आरोप छ।