९ बैशाख, काठमाडौं (संज़ीप कार्की) ।

 नेपाल गुणस्तर तथा नापतौल विभागले उपत्यकाका सुनचाँदी पसलहरुमा अनुगमन सुरु गरेको छ । सुनको भाउ एक्कासी घटेपछि व्यवसायीहरुले सुन लुकाउन थालेपछि विभागले पसलहरुमा अनुगमन सुरु गरेको हो ।

विभागले आइतबारदेखि राजधानीका विभिन्न पसलहरुमा छड्क अनुगमन सुरु गरेको जनाएको छ । बजारमा सुन खरिद गर्न पाईएन भन्ने उपभोक्ताहरुको गुनासो आएपछि अनुगमन सुरु गरेको विभागको भनाई छ । बैशाख २ गते र ३ गते गरि दुई दिनमा तोलामा ६ हजार ३ सय रुपैयाँ घटेपछि व्यवसायीहरुले सुन लुकाउन थालेका हुन् । व्यवसायीहरुले सुन लुकाएपछि विवाह बन्धनमा बाँधिन लागेका दम्पत्तीहरुका लागि पनि गहना किन्न नपाएको उपभोक्ताको गुनासो छ ।