प्रचण्ड मानसिक रोगी, तुरुन्त राँची लैजानुपर्छ : नेपाल

सर्लाही, वैशाख ११ - एमाले बरिष्ठ नेता एवं पूर्व प्रधानमन्त्री माधवकुमार  नेपालले एमाओवादी अध्यक्ष पुष्पकमल दाहालको मानसिक अबस्था ठिक नभएकाले उपचारार्थ राँची लैजानुपर्ने बताएका छन् ।
एमाले समाप्त भइसककेको दाहालको भनाइबाट आक्रोसित नेपालले लोकतन्त्र दिवसको अवसरमा सर्लाहीको घुर्कौलीस्थित  द्वन्द्व पीडित बालगृहमा बुधवार आयोजित कार्यक्रममा शाही शासनका बेला ज्ञानेन्द्रले पनि जनताको शक्ति नदेख्दा विनास ब्यहोर्नुपरेको स्मरण गराए । 'एमाले कहाँ छ भन्ने सम्मका मानसिक रोगका शिकार नेता यहाँ छन,' उनले दाहालको नाम उल्लेख नगरि भने, 'तिनलाई तुरुन्त राँचीमा भर्ना गर्नुपर्छ ।'
एमालेलाई अन्धाले नदेख्ने, बहिराले नसुन्ने र बौलाहाले बुझ्न नसक्ने नेपालले वताए अर्को प्रसंगमा नेता नेपालले दाहाल विदेश जाँदैमा देशको प्रतिनिधित्व गरेको मान्न नसकिने बताए ।
लोकतन्त्र दिवसको अवसर पारेर चेतना सन्देश नेपालले घुर्कौलीमा संचालन गरेको बालगृहमा अभिभावक गुमाएका रौतहटका १८ महिने एक बालक जिम्मा लगाउन नेपाल आएका थिए ।