२३ फागुन, सउल(दक्षिणकोरिया) । धरान सुनसरिका २९ बर्षय निशान श्रेष्ठ पांच बर्षको कोरिया बसाईपछि नेपाल फर्कदै छन । उनी कोरियामा पैसा  कमाएको खुशिमा त छँदै छन, त्यो भन्दा बढि उनी कोरियाली सरकारले उनलाई दिएको सम्मानबाट हर्षित छन । रगत पसिना बगाएर श्रम गरेका श्रेष्ठलाई कोरिया सरकारले “राम्रो चरित्र भएको बिदेशि”को प्रमाणपत्र दिएको छ ।

कोरियाको उन्याङ्ग उन्छनमा एक प्लास्टीक कम्पनीमा कार्यरत निसानले  छनान  प्रहरी कार्यलयबाट त्यस्तो प्रमाण पत्र पाएका हुन । ईटहरि ८ का ३२ बर्षिय रोसन श्रेष्ठले पनि यस्तै प्रमाणपत्र पाए छन । उनले कोरियाको फेन्तेकस्थित एक मेटल कम्पनीमा सात बर्ष बिताए ।
इपिएस कार्यक्रम अन्तर्गत ५ बर्षे रोजगारीका लागि दक्षिण कोरिया आउने नेपालीहरु अबैधानिकरुपमा तोकिएको समयभन्दा बढि बस्ने र भाग्ने क्रम बढिरहेका बेला कम्पनी परिवर्तन नगरी खुरुखुरु काम गर्ने र तोकिएको समयपछि नेपाल फर्किनेहरुलाई यहाँको प्रहरीले राम्रो चरित्र भएको प्रमाणपत्र दिन थालेको छ ।