साढे पाँच करोड बैंक ठगी गर्ने पक्राउ..
प्रहरीले काठमाडौँ जिल्ला गोतामथोक ३ बस्ने पुरुषोत्तम दाहाललाई हिमालयन बैंक शाखा कार्यालय पाटनमा कार्यरत रहँदा अन्तरबैंक कारोबार खाताबाट रू पाँच करोड ५१ लाख ७ हजार ६७८ रकम हिनामिना गरेको आरोपमा पक्राउ गरेको हो । बैंक ठगीमा संलग्न भएको भन्दै पुनरावेदन अदालत पाटनले गत साल माघ २ गते नै फैसला गरी हिनामिना गरिएको रकमबराबर जरिवाना र सोहीबमोजिम बिगो असुल गर्न र चार वर्षकैदको फैसला गरेको थियो ।
घरायसी व्यवहार चलाउँदा तथा व्यापार गर्दा लागेको ऋण तिर्न नसकेपछि हिमालयन बैकको अन्तरबैंक कारोबार खाताबाट प्रतिकारोबारमा रू पाँच लाखको दरमा नगद झिकी अधिकारको दुरूपयोग गरेको अनुसन्धानबाट खुल्न आएको थियो । दाहाललाई थप अनुसन्धानका लागि महानगरीय प्रहरी प्रभाग हनुमानढोका बुझाइएको छ ।
0 comments
Write Down Your Responses