पैसा पठाएकै दिन नेपाली चेलीले गरिन् आत्महत्या

क्वालालम्पुर । मलेसियामा एक नेपाली महिलाले घरमा पैसा पठाएकै दिन आत्महत्या गरेकी छिन् । मोरङ उर्लावारी-४, वरगाचि घर भई जोहोरको ताम्पोईमा रहेको आईटिजि इलेक्ट्रोनिक कम्पनीमा कार्यरत ३२ वर्षीय मन्जु न्यौपानले आत्महत्या गरेकी हुन् । दुई वर्ष अगाडिमात्रै एसिएम ओभरसिजवाट मलेसिया आएकी मन्जुले नेपालमा आफ्ना आफन्तहरुलाई मृत्यु हुनु भन्दा केहि समय अगाडि ३३ हजार रुपैयाँ पठाएकि थिईन ।

सवै साथीहरु सुतेको मौका छोपी केनाङगास्थित व्लक नम्बर ११ को पाँचौ तलामा फलामको गेटमा सलको प्रयोग गरी झुण्डिएर आत्महत्या गरेको उनी कार्यरत कम्नीका एक नेपालीले जानकारी दिए । विवाहित न्यौपानेको श्रीमान केहि समय अगाडिदेखि वेपत्ता छन् । उनी आफ्नो १३ वर्षको छोरासहित माईति घरमा वस्दै आएको वताइएको छ ।