(बीबीसी), गाजा । महुन्नद जिबेन जन्मिएको केही सेकेण्ड मात्र भएको छ, तर एक शिशुका रुपमा उनको आवाज बुलन्द छ । त्यसबीचमा एक झड्कामा उनको नाल काटियो र अस्पतालको कोठामा सुशियालीको माहोल बन्यो ।

जिबेनको जन्म पछिल्लो अगष्टमा नब्लूस अल-अरेयिबा अस्पतालमा भएको हो । जन्मको केही घण्टापछि आफ्नो आमा दल्लालको हातमा पुगेपछि जिबेनको अवस्था स्थिर भयो । तर, उनको बाबुको कुनै पत्तो छैन ।

जिबेनका बाबु अम्मर जिबेन हुन् र सन् १९९७ मा जेरुसेलममा भएको बम विस्फोटको आरोपमा इजरायली जेलमा ३२ वर्षे सजाय भोगिरहेका छन् । दल्लाल भन्छिन्, जेलबाट श्रीमानको शुक्रकिट चोरर ल्याएकै कारण गर्भवति हुन पाएँ ।

शुक्रकिट चोर्ने बाध्यता

बीबीसीसँगको कुराकानीमा उनले भनिन्-’मुहन्नद ईश्वरको उपहार हो । तर, यो सत्य हो कि मेरो श्रीमान जबसम्म मसँग हुँदैनन, तवसम्म खुशी अधुरो नै रहनेछ ।

गांजा पट्टीमा रहेको दुई गर्भाधान केन्द्रका अनुसार अहिलेसम्म १० भन्दा बढी प्यालेस्टाइनी महिलाले तस्करीको माध्यमबाट आएको जेलमा रहेका श्रीमान्को शुक्रकिटले गर्भवती भएका छन् । डा. सालेम अबु भन्छन्-’सत्य भन्नुपर्दा मानिसहरु कसरी यस्तो तस्करी गर्छन थाहा छैन र जान्न पनि चाहँन्न । म यो सबै मानवताका नाताले गरिरहेको छु । कैदीहरुमाथि सबैको नजर रहन्छ र यी महिलाहरुको दुःखबारे कसैले सोच्दैनन् ।’

डाक्टरहरुका अनुसार महिलाहरु प्लास्टिक र शिशाको बोतलदेखि काँचको कपमा आफ्नो पतिको वीर्य लिएर जाने गर्छन् । डाक्टर अबुका अनुसार आईवीएफ प्रविधिको माध्यमबाट गर्भाधानका लागि वीर्य २८ घण्टासम्म सुरक्षित राख्न सकिन्छ । त्यसपछि जमाएर सुरक्षित राख्न सकिन्छ ।

थुप्रै पटक यस्तो पनि हुन्छ कि वीर्य डाक्टरको क्लीनिकमा पुग्नु अगावै विगि्रसकेको हुन्छ र महिलाहरु फेरि वीर्य ल्याउन कोशिश गर्नु पर्ने हुन्छ । आमरुपमा यसअघि नै दुई वा सो भन्दा बढी बच्चा भएका महिलाहरुलाई क्लीनिकमा प्राथमिकता दिइदैन । उसो त आईवीएफभन्दा पहिले महिलाले केही यस्तो प्रमाण जुटाउनुपर्छ, जसले उक्त वीर्य उनकै श्रीमानको हो भन्ने पुष्टी गरोस् ।

पेट बढ्दै जाँदा श्रीमान निकै बर्षदेखि जेलमा रहेपनि श्रीमती कसरी गर्भवती भइ भनेर छिमेकीहरु झस्किन सक्छन । त्यसैले डाक्टरहरु नै बीर्य चोरेर गर्भवती हुन लागेको खवर सुरुमै आफन्तहरुलाई जानकारी गराउन सिकाइरहेका हुन्छन ।