42 Dead At A Myanmar Refugee Camp Fire In Thailand

११ चैत, एजेन्सी । थाईल्याण्डको एक शरणार्थी क्याम्पमा भएको आगलागीमा कम्तिमा ६२ जनाको मृत्यु भएको छ भने २ सय भन्दा बढी मानिस घाइते भएका छन् । उक्त घटनामा मर्नेमा बढी महिला तथा बालबालिका रहेको बताइएको छ । थाइल्याण्ड र वर्माको सिमा नजिकै रहेको माए सुरिन शिवरिमा आगलागी हुँदा त्यहाँ स्थित ४ भन्दा बढी झुपडी जलेका छन् । त्यहाँ रहेका सबै शरणार्थी म्यानमारको रहेको बताइएको छ । उक्त क्षेत्रमा करिब ३ हजार शरणार्थी बस्ने गर्थे । शरणार्थी क्याम्प दुर्गम पहाडि क्षेत्रमा रहेकाले उद्धार कार्यमा समेत कठिन भएको बताइएको छ । सुरक्षाकर्मीहरूले आज बिहानसम्म पनि शव निकाल्ने कार्य गरिरहेको सञ्चारमाध्यमहरुले जनाएका छन् । त्यहाँ रहेका अधिकारीहरूका अनुसार जलेका शवहरू मान्छे चिन्नै नसक्ने अवस्थामा रहेका छन् । खाना पकाउन आगो बालिएको अवस्थामा आगलागी भएको र कडा हावा चल्दा गरम मौसम र बाँसले बनेका झुपडिहरूमा सहजै आगो लाग्न गएको त्यहाँ स्थित अधिकारीहरुले जनाएका छन् ।