वैशाख १३ गतेबाट प्रदर्शनमा आउने तयारीमा रहेको चलचित्र ‘रिङरोड’ को प्रोमो हेरेपछि धेरैको मनमा विभिन्न कुरा उत्पन्न हुन सक्छ । काठमाण्डौको रिङरोड भित्र हुने विभिन्न खालका गतिविधीलाई उठान गरेको यो चलचित्रको प्रोमोमा केही नयाँ खालका प्रयोग भएको देखिन्छ ।विजय गोपाल दलीको निर्माणमा तयार भएको चलचित्रलाई सन्तोष ढकाल र समुन्द्र भट्टले संयुक्त रुपमा निर्देशन गरेका हुन् । चलचित्रमा राम केसीको नृत्य, प्रकाश महत्तको छायांकन, रमन गायकको संवाद तथा संगीत, शकुन्तला रसाइलीको कथा समावेश छ ।

चलचित्रमा अधिकांश नयाँ कलाकारको अभिनय छ । चलचित्रमा नायक सुरज आरडीलाई देख्न सकिन्छ । यस्तै नायिका जिया केसीले एक गीतमा आइटम नृत्य गरेकी छिन् । चलचित्रको प्रोमो हेर्दा सिनेमा केही भिन्न रहेको वुझ्न सकिन्छ ।