‘होस्टेल’को रहस्यः भुवन, शोभित र टिकाको पनि अभिनय

चलचित्र ‘होस्टेल’ को छायांकन अन्तिम चरणमा पुगेको छ । चलचित्रमा नेपाली सिनेमाका चर्चित हस्तिका छोरा तथा छोरीहरुले अभिनय गरिरहेका छन् । चलचित्रमा नायक भुवन केसीका छोरा अनमोल केसी, टिका पहाडीका छोरा गौरब पहाडी र निर्देशक शोभित बस्नेतका छोरा सलोन बस्नेतको अभिनय छ । चलचित्रको मुर्हुत कार्यक्रममा पनि होस्टेलमा यिनै कलाकारहरुको नाम सार्वजनिक गरिएको थियो ।
तर चलचित्रमा नेपाली सिनेमाका तिन हस्तिहरुको पनि अभिनय रहेको थाहा भएको छ । चलचित्रमा नायक भुवन केसी, कलाकार टिका पहाडी र निर्देशक शोभित बस्नेतले पनि अभिनय गरेका छन् । श्रोतका अनुसार, यि तिन कलाकारले वास्तविक जिवनमा जस्तै युवा तिन नायकको पिताको भुमिका निर्वाहा गरिरहेका छन् ।
चलचित्रमा अनमोलको वुवाको भूमिकामा भुवन केसी, सलोलनको वुवाको भूमिकामा शोभित बस्नेत र गौरबको वुवाको भूमिकामा टिका पहाडीले अभिनय गरेका छन् । यस्तै यो चलचित्रमा संचारकर्मी शिशिर भण्डारी, रिस्ता बस्नेत लगायतका कलाकारले अभिनय गरेका छन् । निर्माता सुनिल रावलले, भुवन केसी, शोभित बस्नेत र टिका पहाडीको दृश्य छायांकन गर्न बाँकी रहेको बताए ।
‘होस्टेल’ को परिवेशलाई मुख्य बिषयबस्तु बनाइएको यो चलचित्रलाई सुनिल रावलले निर्माण गरेका हुन् । चलचित्रमा हेमराज क्षेत्रीको निर्देशन छ ।