भाउजुको हत्या गर्नेलाई सर्वस्वसहित जन्मकैद

झापा, फागुन २१ - झापाको पाँचगाछीमा नौ महिनाअघि भाउजुको हत्या गरेको अभियोगमा जिल्ला अदालत झापाले राजकुमार श्रेष्ठलाई सर्वस्वसहित जन्मकैदको फैसला सुनाएको छ ।

अभियुक्त श्रेष्ठले पाँचगाछी–७ की आफ्नै भाउजु ३२ वर्षीया हेमकुमारी श्रेष्ठलाई गत असार १४ गते बिहान खेतमा गाई सार्न गएको बेला कोदालोले टाउको र शरीरका विभिन्न भागमा काटेर हत्या गरेका थिए ।

टनामा संलग्न भएको आरोपमा त्यसबेला देवर राजकुमार श्रेष्ठ, जेठानी निर्मला श्रेष्ठ र जेठाजु डिल्ली श्रेष्ठलाई प्रहरीले पक्राउ गरी पुर्पक्षको लागि झापा कारागारमा थुनामा राखेको थियो ।

जिल्ला न्यायाधीश गोपालप्रसाद भट्टराईको इजलासले श्रेष्ठलाई सर्वस्वसहित जन्मकैदको फैसला सुनाएको छ भने जेठानी निर्मला र जेठाजु डिल्लीलाई सफाइ दिएको छ ।