मानिसको पिसावमा कुनै खरावी छ कि छैन भनेर जाँच्न अब प्रयोगशाला धाउन नपर्ने भएको छ । अमेरिकाको लस एन्जलसमामा जारी प्रविधी मेलामा मुत्र जाँच गरी विरामीको रोग पत्ता लगाउने स्मार्टफोन एप सार्वजनिक गरिएको छ ।

यूचेक नाम दिइएको यो एपले स्वास्थ्यसम्वन्धी २५ सदस्यसँग जोडिएको जाँच गर्नेछ । खासगरी यो एप विकासशील देशमा विरामीको रोग पत्ता लगाउन र उपचार गर्न महत्वपूर्ण हुने दावी गरिएको छ ।

यो एपले पिसावमा रहेको ग्लूकोज, प्रोटिन र नाइट्रेट समेत कुल १० तत्व जाँच्न सक्छ । यस्तै डाइबिटीज अर्थात मधुमेहदेखि पिसावको संक्रमण लगायतका रोग पनि पत्ता लगाउनेछ ।

यो परीक्षणका लागि स्मार्टफोन प्रयोगकर्ताहरुले आफ्नो विसावमा एक स्ट्याण्डर स्टि्रप डुवाउनु पर्छ । त्यसपछि उक्त स्टि्रपलाई यस एपसँग जोडिएको अर्को स्टि्रपमा राख्नु पर्छ । त्यसमा केही रंग देखिन्छ । त्यही रंगका आधारमा स्मार्टफोनमा रहेको एपले विश्लेषण गर्न सुरु गर्छ ।

यो एप मार्चको अन्त्यसम्ममा एपलको एप स्टोरमा उपलब्ध हुनेछ र यसको मूल्य २० डलर पर्ने डेभलपरहरुले बताएका छन । यो एपलाई भारत मुम्बईको किङ्ग एडवार्ड अस्पालमा पनि राखिनेछ ।