‘प्राण भन्दा प्यारो’ नेपाली चलचित्रमा मलेसियन कलाकारहरु ..

नेपाली चलचित्रमा मलेसियन कलाकारले पनि अभिनय गरेका छन् । कमलकृष्णले निर्देशन गरिरहेको चलचित्र ‘प्राण भन्दा प्यारो’ मा मलेसियाका कलाकार देखिएका हुन् । यो चलचित्रमा पेरलिजा राज, अंकिता साहु, सुरेशकुमार, काशान्द्रातीको अभिनय छ । यस्तै चलचित्रको मुख्य भूमिकामा भने बासु पुडासैनी, अनामिका चौलागाई, आशा खड्का, बिष्णु सापकोटा, कमलकृष्ण लगायतका कलाकारको अभिनय छ । चलचित्रमा मलेसियन कलाकार राजा सेग्रानले खलनायकको भूमिकामा अभिनय गरेका छन् ।सस्पेन्स प्रेमकथामा आधारित यो चलचित्रमा आफ्नै श्रीमानबाट महिला कसरी बलात्कृत हुन्छन भन्ने बिषयलाई देखाउन खोजिएको छ । राजेश शाहको सम्पादनमा तयार भएको यो सिनेमामा चन्द्र पन्तको द्वन्द्व छ । चलचित्रको नेपाल छायांकन हरि हँुमागाई र मलेसिया छायांकन मुजिबुरहाले गरेका हुन् ।चलचित्रको प्रदर्शन नेपालसँगै मलेसियामा चाडै गरिने निर्माणपक्षले बताएको छ ।