आफ्नो सन्तान हरेक आमा-बाबुका लागि आफू भन्दा पनि प्यारो लाग्छ । तर, पाकिस्तानमा यस्ता आमा-बाबु भेटिएका छन्, जसले केटाको अनुहार हेरेको अरोपमा अनुहारमा तेजाब छ्यापेर आफ्नो छोरीको हत्या गरेका छन् ।

कश्मीरको दक्षिण जिल्ला कोटलीको एक गाउँमा बस्दै आएका मोहम्द जफर र उनकी श्रीमतीले हालै मात्र १५ वर्षीया छोरीको हत्या गरेका हुन् ।

छोरीले केटाको अनुहार हर्दा पूरै परिवार कलंकित हुनु परेको उनीहरुको भनाई छ । जफरले बीबीसीसँग भनेका छन्-’एक केटा मोटरसाइकलमा आउँदै थियो । अनुषाले २ पटक उतिर फर्किरु हेरिन् । मैले उनलाई यसो नगर्न भने । मानिसहरु हाम्राबारेमा कुरा काट्छन् किनकी हाम्रो ठूलो छोरी पनि यस्तै गर्थिन ।’

प्रहरीका अनुसार अनुषाको शव ६० प्रतिशतभन्दा बढी जलेको अवस्थामा भेटिएको छ । घटना लगतै आफ्नै छोरीको हत्या गर्ने आमा-बाबुलाई प्रहरीले पक्राउ गरेको छ ।

पाकिस्तानको मानवअधिकार आयोगका अनुसार सन् २०११ मा मात्र इज्जतको नाममा ९ सय ४३ महिलाको हत्या भएको छ ।