चर्चित चलचित्रकर्मीहरु आफुले काम गरेको पारिश्रमिक चर्को लिन्छन् । तर संगीतकार शम्भुजित बास्कोटाले भने आफ्नो जुंगाको मुल्य पनि तोेकेका छन् । आफुले अहिलेसम्म जुंगा नकाटेको भन्दै उनले मुल्य तोकेका हुन् ।शम्भुजितले भने, ‘म सिनेमा नगरीको एउटा ब्रान्ड हो साथमा प्रोफेशनल मान्छे पनि । यसैले मेरो जुंगा काट्नको लागि पनि पैसा तिर्नुपर्दछ ।’ शम्भुजितका अनुसार, उनले आजसम्म जुंगा काटेका छैनन् । यदि कसैले उनको जुंगा काटेबापत्त राम्रै रकम तिर्छ भने मात्र उनी काट्न तयार छन् । तपाइको जुंगाको मुल्य कति त भन्ने प्रश्नमा शम्भुजितले अहिलेसम्म नतोकेको बताए । ‘तर कसैले जुंगाको मुल्य तिर्छ भने काट्न तयार छु’, उनले अनलाइनखबरसँग भने ।

जुंगालाई पुरुषको शान पनि भनिन्छ । जुंगा काटेको पैसा लाग्ने बताएर चर्चित संगीतकार शम्भुजित बास्कोटाले आफ्नो जुंगा लिलामीमा राखेका छन् । हेरौ, उनको जुंगाको लागि राम्रै रकम खर्च गर्ने कोहि व्यक्ति निस्कन्छन् कि ? बिदेशमा कलाकारहरुले आफुले प्रयोग गरेका बस्तु र आफ्ना मुल्यंकान चिजहरुलाई लिलामीमा राख्ने गरेको उदाहरण भने प्रशस्तै छ ।