२४ वर्षीया सोफिया सुन्दर छिन्, उनको आँखामा प्रेमीको हैन, कलेजको सपना छ । जसका लागि उनी ५ डलरमा एक हप्तासम्म समाजिक सञ्जाल फेसबुकमा तपाईको प्रेमिका बन्न तयार छिन् ।

यो काम उनका लागि न अप्ठेरो न र संचोक नै छ । ‘यो कुनै ठूलो कुरा हैन, गर्नु नै के छ र ?, सोफिया भन्छिन-’बस फेसबुकमा लेखिदिइयो ‘इन अ रिलेशनशिप’ वीथ भनेर ।’ फेसबुकमा सोफिया जस्ता थुप्रै महिला र केही पुरुष छन्, जसले यसलाई व्यवसाय नै बनाएका छन् ।

यो प्रसंग नयाँ नभएपनि फेसबुकमा भने नौलो प्रयोग हो । अरुलाई डाह होस भन्ने चाहना भएका पुरुषहरुका लागि आफ्नो व्यवसाय उपयुक्त हुने उनी बताउँछिन् ।

५ डलर तिरेपछि उनी एक हप्तासम्म फेसबुकमा तपाईको प्रेमिका बन्छिन । उनको फेसबुकको प्रोफाइलमा तपाईंसँग प्रेम रहेको जानकारी दिन इन अ रिलेसनसीप वीथ भनेर तपाईको नाम अंकित गर्नेछिन । तपाईको तस्वीरमा एक सच्चा प्रेमिकाको रुपमा मायालु शब्दमा कमेन्ट लेख्छिन र लाइक पनि ठोक्छिन । यति गर्दा तपाईमाथि डाह गर्नेहरु राम्रैसित छटपटाउनेछन, तपाईको प्रस्ताव अस्वीकार गर्ने केटीहरुलाई तपाई अर्को रिलेसनमा रहेको भन्दै फूर्ति लाउन सक्नुहुनेछ ।

उनले फेसबुकमा राखिएको आफ्नो तस्वीर सहि भएको तर नाम भने नक्कली भएको स्वीकार गरेकी छिन् । फेसबुकले भने यस्ता फर्जी प्रयोगकर्ताहरुमाथि कारबाहीको प्रक्रिया थालेको छ । रिलेशनशिपबारे कुनै लिनुदिनु नभएको भन्दै फेसबुकले पैसाको लेनदेन आफूबाट हुन नहुने र नाम फर्जी हुन नहुने बताएको छ ।