बर्बाद’ भएपछि ‘दनक’ दिने तयारीमा जिया

चलचित्र ‘बर्बाद’ मा उत्तेजक दृश्य दिएर एकाएक चर्चामा आएकी नायिका जिया केसीले पुन यही ब्यानरमा नयाँ सिनेमामा अभिनय गर्ने भएकी छिन् । जिके शर्माले निर्माण गर्न लागेको ‘दनक’ मा जियाको मुख्य भुमिका रहने पक्का भएको छ ।चलचित्रलाई ‘बर्बाद’ का निर्देशक रिम विश्वकर्माले नै निर्देशन गर्ने भएका छन् । चलचित्रको सम्पुर्ण छायांकन भारतका विभिन्न शहरमा गरिनेछ । चलचित्रको लोकेशन पक्का गर्न निर्माता तथा नायक जिके शर्मा अहिले भारतमा छन् ।चलचित्रले ३ चोर र एक प्रहरीको कथालाई रमाइलो तबरबाट प्रस्तुत गर्ने बताइएको छ । चलचित्रका लागि एक नयाँ नायिकाको खोजी भइरहेको छ । फागुनको २७ गतेबाट छायांकन सुरु हुन लागेको यो चलचित्रको निर्माण युनिट चैत्र १ गते भारतको गोवा प्रस्थान गर्ने बताइएको छ । चलचित्र ‘बर्बाद’ मा जस्तै ‘दनक’ मा पनि ग्ल्यामर दृश्य समावेश हुने निर्माता शर्माको भनाई छ ।