धराने युवायुवतीलाई पार्टीमा रमाउनका लागि कुनै त्यस्तो चाड या पर्व कुरिराख्नु पर्दैन । हप्तै पिच्छे आयोजना हुने पार्टीमा युवायुवती रमाइरहेका हुन्छन् । यसैबिच भ्यालेन्टाइनको तयारीमा रहेका धरानका तन्नेरीहरुले यसैको तयारी भन्दै पार्टीर्को आयोजना गरेका छन् ।‘भ्यालेन्टाइन डे’ मा भब्य डान्सपार्टीमा रमाउने योजना बनाएका उनिहरु त्यसको तयारीका लागि अहिले देखि नै पार्टी आयोजना गरेर जमघट बढाईरहेका छन् ।

भ्यालेन्टाईनमा पार्टी आयोजना गर्ने योजनामा रहेका धरानका विमल राईले शुक्रबार राती धरानमा भ्यालेन्टाइन तयारी नाम दिदै डान्सपार्टी आयोजना गरे । विभिन्न यस्ता खालका कार्यक्रममा निरन्तर सहभागीता जनाउने सहभागीहरुलाई निमन्त्रणा गरि आयोजना गरिएको डान्सपार्टीमा मिस पुर्वाञ्चल २०१२ विजेता अस्मिता गुरुङ लगायत धरानका युवायुवतिले मध्यरातसम्म अंग्रेजी र हिन्दी गितमा नाँचेर मनोरञ्जन लिए ।