प्रेस चौतारी नेपालले आइतवार वीरगञ्जमा आयोजना गरेको कार्यक्रममा उहाँले एमाओवादीको निरुङकुशता र सर्वसत्तावादी सोचका कारण मुलुकले निकास पाउन नसकेको वताउनुभयो । भण्डारीले प्रधानमन्त्री डा बाबुराम भट्टराई नेतृत्वको सरकारको बर्हिगमन नभएसम्म मुलुकले निकास पाउन नसक्ने वताउनुभयो । उहाँले वर्तमान सरकारले सबै दलहरुको विश्वास गुमाएसकेको समेत वताउनुभयो । भट्टराई सरकारले राजनीतिक संस्कार र चरित्रसमेत अङ्गाल्न नसकेका कारण दलहरुवीच सहमति जुट्न नसकेको उहाँको भनाई छ ।

भण्डारीले माओवादीको निरङ्कुशता र सर्वसत्तावादबिरुद्ध आम नेपाली नागरिक सडक सङ्घर्षको बाटोमा आउनुपर्नेमा जोड दिनुभयो । उहाँले एमाओवादीले पार्टीको महाधिवेशनमा सरकारी स्रोत र साधन चरम दुरुपयोग गरेर लोकतन्त्रकै उपहास गरेको वताउनुभयो ।