नेपाल प्रेस युनियन दाङले बुधवार घोराहीमा आयोजना गरेको पत्रकार भेटघाट कार्यक्रममा उहाँले भन्नुभयो,’एमाओबादीले तानाशाही प्रवृति देखाइरहेको छ । पञ्चायती र राज संस्थालाई त हटाईयो । माओबादीहरु को हुन र ? यिनीहरुलाई पनि हटाउन गाह्रो छैन ।’ कोइरालाले एमाओवादीमारहेको हतियारको दम्भ र सैन्य मानसिकता नहटेको वताउनुभयो । आगामि जेठ १५ सम्ममा संबिधानसभाको चुनाबमा बिपक्षीहरुलाई लौरो लगाएर पनि ल्याउछु भन्ने प्रधानमन्त्री बाबुरामको भनाई्प्रति इंकित गर्दै कोइरालाले भन्नुभयो,’ माओबादीमा हतियारको दम्भ छ । उसलाई न कानुन चाहिन्छ न बिधी नै । ‘

कोइरालाले आफू सिंहदरबारमा फोटो झुण्डाउन मात्रै प्रधानमन्त्री नबन्ने स्पष्ट पार्नुभयो । अब संबिधान सभाको पुनःस्थापना हुन नसक्ने भन्दै कोइरालाले जसरी भएपनि नयाँ चुनाब हुनुपर्ने र त्यसका लागि पहिले सहमतीय सरकार गठन हुनु पर्ने वताउनुभयो । कोइरालाले सरकारविरुद्ध विपक्षी दलहरुले गरिरहेको आन्दोलन सत्ता प्राप्तीका लागि नभएर राष्ट्रिय सहमति र नयाँ निर्बाचनका लागि भएको दाबी गर्नुभयो ।