मंगलवार विहान नेपाल प्रेस युनियन म्याग्दीले बेनीमा आयोजना गरेको पत्रकार भेटघाट कार्यक्रममा पौडेलले काँग्रेस नेतृत्वमा सहमतीय सरकार गठन भएपछिमात्र निर्वाचनको सुनिश्चितता हुने बताउनुभयो । पौडेलले भन्नुभयो,’काँग्रेस नेतृत्वमा भएका निर्वाचन निष्पक्ष र सफल भएको छन् । त्यसैले अन्य दलको नेतृत्वमा निर्वाचन हुनै सक्दैन ।’ पौडेलले एकीकृत माओवादीका कारण दलहरुवीच सहमति हुन नसकेको वताउनुभयो । उहाँले एमाओवादीसहित सत्तारुढ अन्इ दलका कारण निर्वाचन नहुने सम्भावना वढेकाले आन्दोलनवाटै सरकार र निर्वाचनको टुंगो लगाउने वताउनुभयो । पौडेलले एमाओवादी र मधेसी मोर्चा आफू अनुकुल परिणाम नआउने डरले निर्वाचनमा जान डराएको वताउनुभयो ।

पौडेले भन्नुभयो,’दश वर्षसम्म पनि सत्ता छोड्दैनौँ भन्ने प्रचण्डको अभिव्यक्तिले नै के प्रष्ट हुन्छ भने उनीहरु निर्वाचनमा जान चाहदैनन् । बरु यही सरकारलाई दश वर्षसम्म निरन्तरता दिन चाहन्छन् ।’ पौडेलले संबैधानिक निकाय खाली हुँदै गएको समयमा राष्ट्रपति लचिलो भएकाले निरङ्कुशता र सर्वसत्तावादको खतरा बढेर गएको पौडेलको भनाई छ ।