१५ माघ, बैतडी । चारवटा हात र एकभन्दा बढी टाउका भएका देवताको कथा हामीले धर्मशास्त्रमा मात्रै पढेका थियौं । तर, सोमबार डोटीमा सबैलाई अचम्ममा पार्दै चार हात र दुईवटा शीर भएको  अनौठो शिशुको जन्म भएको छ ।

 डोटीको लामिखाल ४ घर भएकी १९ बर्षीया पार्वती भाटका कोखबाट  २ ओटा टाउको र ४ ओटा हात भएकी एक शिशुको जन्म भएको  हो  । सुत्केरीको अवस्था जटिल भएपछि अपरान्ह ४ बजेर २० मिनेटमा जिल्ला अस्पतालमा अप्रेशन गरी साढे ७ हफ्ताको  शिशुको जन्म गराइएको जिल्ला अस्पताल डोटीले जानकारी दिएको छ ।

नवजात शिशुले कुनै बेला एउटा टाउको र कुनै बेला अर्को टाउकोको माध्यमबाट श्वास फेर्ने गरेको र उनको बाँच्ने सम्भावना कम भएको अस्पतालका डक्टर सन्दिप श्रेष्ठले जानकारी दिनुभयो ।