वालिकामाथि बलात्कार भएको खुलासा

लमजुङ,माघ १५ । लमजुङको तार्कुघाट गाविसकी एक वालिकामाथि बलात्कार भएको खुलासा भएको छ । भोटेओडारको एक विद्यालयमा पढ्ने अन्दाजी १३ बर्षिया वालिकाले आफूलाई स्थानीय केदारबहादुर थापाले वलात्कार गरेको छिमेकीहरुलाई बताएपछि उक्त कुरा खुलेको हो । लमजुङ उद्योग बाणिज्य संघ भोटेओडार इकाईका पूर्व अध्यक्ष समेत रहेका थापाले पटक पटक वलात्कार गरेको  पिडित बालिकाले छिमेकीहरुलाई बताएकी हुन् । वालिकाको लमजुङ जिल्ला सामुदायिक अस्पतालमा स्वास्थ्य परीक्षण गर्दा वलात्कार भएको पुष्टी भएको श्रोतले बताएको छ । जिप्रका लमजुङका निमित्त प्रमुख प्रहरी निरीक्षक भक्तबहादुर विष्टले भने वालिकामाथिको बलात्कार भए नभएको पुष्टि भइनसकेको वताउनुभएको छ । आरोपीको खोजी कार्य तीब्र पारिएको र पक्राउ गरेपछि मात्रै सवै कुराको खुलासा हुने उहाँले बताउनुभयो । घटनाको विरोध गर्दै तार्कुघाट र भोटेओडारका वालवालिकाले दोषीमाथि कारबाहीको माग गरेका छन् ।