क्वालालम्पुर । सडक दुर्घटनामा परेर मलेसियामा एक नेपाली श्रमिकको मृत्यु भएको छ । खोटाङ जिल्ला राजापानी-७, डेराखानी घर भई जोहोरबारुको पासिरगुडाङमा रहेको हृवाइटहर्स कम्पनीमा कार्यरत कमलकुमार राईको बिहीवार साँझ आठ वजेतिर समयमा ज्यान गएको सहकर्मी राजु शर्माले जानकारी दिए ।

विदाको दिन भएको कारण दिनभर होस्टलमै बसेका राई साँझपख तरकारी किन्न बजार गएका थिए । फर्कनेबेला  कामदार ओसारपसार गर्ने बसले ठक्कर दिँदा घटनास्थलमै ज्यान गएको हो । ठक्कर दिने वसलाई प्रहरीले नियन्त्रणामा लिएको छ । राई दुईवर्ष अगाडि मात्रै रोजगारीको सिलसिलामा मलेसिया आएका थिए ।