रिपोटर्स क्लब दाङ शाखाले शनिवार तुलसीपुरमा गरेको साक्षात्कार कार्यक्रममा पोख्रेलले एमाओवादीले निर्वाचनको कुरा गरेर जनतालाई झुक्याईरहेको बताउनु भयो । उहाँले भन्नु भयो, ‘उसले निर्वाचन चाहेको होईन निर्वाचनको कुरा गरेर सत्ता लम्बाउन चाहेको हो ‘ । माओवादीले सत्तामा टिकि रहेर सत्ता कव्जा गर्न चाहेको पोख्रेलको आरोप थियो ।

पोख्रेलले प्रचण्डको बोलीमा कुनै बिश्वास नभएको आरोप लगाउनु भयो । प्रचण्डको बोलीमा विश्वास भएको भए सुशील कोइरालाको नेतृत्वमा राष्ट्रपतिले दिएको पहिलो समयसीमामै सहमतीय सरकार गठन भइसक्ने पोख्रेलको भनाई थियो ।